October 1, 2009

လျှောက်

အဲဒီညနေက
လျှောက်လာခဲ့တယ်....
ဧရာဝတီမြစ်နဒီရဲ့ ကမ်းပေါ်က သစ်ပင်တန်းကို ဖြတ်သန်းတိုးဝင်လာတဲ့လေပြေထဲမှာ တမာနံ့တွေ သင်းပျံ့ပါလာတာကို သတိထားမိပါတယ်၊ ပြီးတော့-

သူပြောတာကိုလည်း အမှတ်ရလာပါတယ်၊ သူက ကဗျာပညာရှင်ဆိုတော့ ပြောပုံက-----
' သူ----'
' လျှောက်လာခဲ့တယ်' ---တဲ့။

ကိုယ်ရောစိတ်ရော နွမ်းနွမ်းကြေကြေနဲ့
အကျွမ်းမဝင်တဲ့ ညနေရီမှာ
နေရောင်ကလည်း စိမ်းနေသလားလို့ ထင်ရတယ်၊
ရှေ့ကိုလှမ်းကြည့်တော့
ဖြူရော်ရော်လမ်းကလေး---
ဘယ်ကွေ့ရာက ညာကိုကောက်နဲ့----
ဪ ဘယ်ကိုများ ရောက်ပါလိမ့်၊ ရောက်မှာပါလိမ့်------- လို့တွေးရင်းတွေရင်း
' မရေမရာဇဝေဇဝါနဲ့ သွားရမည့်ခရီးရဲ့
မသေချာတဲ့ ဝေဒနာကို ရင်မှာခံစားလာရတယ်' တဲ့
အဲဒီတုန်းကလည်း သူကိုပြောဖူးပါတယ်၊
' ဘယ်ရောက်လဲသိအောင် ဆက်လျှောက်-' လို့
' ဆက်လျှောက် ကြည့်လိုက်ပါလား"၊........လို့

= = = = = = = = = = = = = = = ==

ဧရာဝတီရဲ့ သောင်စပ်ကို ဆင်းလျှောက်လာခဲ့တယ်-----

ကိုယ့်ကို အမြဲလိုလို စီးလိုက်နေတယ်လို့ ထင်ရတဲ့ဖိနပ်ကို ချွတ်ကိုင်ရင်း လှိုင်းတွေပြန်လှည့်ဆင်းသွားတဲ့ သဲသောင်စပ်အတိုင်းလျှောက်တယ်။
နင်းလျှောက်မိတဲ့ သဲကလေးတွေက နုညံ့ပါတယ်၊ ညက်ညောပါတယ်၊ ပြန်တက်လာတဲံ လှိုင်းကလေးတွေနဲ့ခြေအချနဲ့ ထိတွေ့တော့လည်းအေးမြပါတယ်။
လှိုင်းကလေးတွေလာပြီး ခတ်ပေမယ့် သဲသောင်ယံက ဘာမှဖြစ်ပုံမပေါ်ပါဘူး။ လှိုင်းကလေးတွေ လာခတ်တာက သိမ်မွေ့နေလို့ဖြစ်ပါလိမ့်မယ်။
' ဒါပင်မယ့်- သိတယ်ဟုတ်၊ ဘဝခရီးတစ်နေရာရာမှာ ရင်ထဲမှာသမုဒယလှိုင်းကလေးတွေ ထိခတ်လာပြီဆိုရင်-- အဲဒီသမုဒယလှိုင်းကလေးတွေက နုနုလှလှ၊ယုယုယယရှိတယ်လို့ ထင်ရပင်မယ့်--ဘဝတစ်ခုလုံး ပြိုဆင်းကြေမွသွားနိုင်တယ်---' ဆိုတဲ့ သူ့စကားကိုအမှတ်ရပြန်ပါတယ်။ သူ့ကိုခတ်တဲ့လှိုင်းက သမုဒယလှိုင်း-------
တခြားလူတွေကို ခတ်တဲ့လှိုင်းတွေကတော့ အလိုလောဘလှိုင်းတွေ၊ ဒေါသအာဃာတလှိုင်းတွေနဲ့ အမျိုးအမည်ခြားနားတဲ့လှိုင်းတွေ----- အထိအခတ်ပြင်းတဲ့ လှီုင်းမျိုးတွေ ဖြစ်မှာပေါ့၊ ဖြစ်ချင်ဖြစ်မှာပေါ့၊ ---

= = = = = = = = = = = = = = = = == = = = = ==

လျှောက်ရင်းလျှောက်ရင်း နောက်ကိုအမှတ်မထင် လှည့်ကြည့်လိုက်မိတယ်------။

' ထိတ် ' ခနဲဖြစ်သွားတယ်၊ ရင်ထဲမှာလှိုင်းတွေ တဖျတ်ဖျတ်ခတ်နေသလို ခံစားလိုက်ရတာတော့အမှန်ပဲ----

' လျှောက်နင်းခဲ့တဲ့ ငါ့ခြေရာတွေ တစ်ခုမှမရှိတော့ပါလား၊ လျှောက်ခဲ့တာအဝေးကြီး------- အဝေးကြီးလျှောက်လာခဲ့တာ-- ' ဆိုတဲ့အတွေးနဲ့ ' လျှောက်ခဲ့တဲ့ ငါ့ဘဝခရီးက အဝေးကြီး၊ ဒီဘဝခရီးရှည်ကြီးထဲမှာ အမှတ်ထင်ထင် မည်မည်ရရဆိုလို့ ဘာမှလဲမရှိပါလား ' ဆိုတဲ့ အတွေးတွေ ပေါင်းဆုံလိုက်လို့ အထိတ်တလန့် ဖြစ်သွာခဲ့တာ၊ ရင်ထဲမှာလှိုင်းတွေခတ်နေသလို ခံစားလိုက်ရတာ----- ဟုတ်ပါတယ်၊ ပြန်လှည့်ပြီး တက်လာတဲ့ရေလှိုင်းတွေက- လျှောက်နင်းခဲတဲ့ ကိုယ့်ခြေရာတွေကို ပျောက်ပျောက်ကုန်အောင် ဖျက်ဖျက်သွားခဲ့ကြတာကိုး။

ဒါပင်မယ့်---

ခြေရာတွေပျက်သွား၊ ပျောက်သွားပေမယ့် လျှောက်တဲ့အထိတော့ ရောက်တာပဲ၊ လျှောက်ရင်တော့ လျှောက်နိုင်သလောက် ရောက်တာပါပဲ၊ ဖိနပ်က အခုမှကိုယ့်ကို တကယ်ခိုစီးပြီး ပါလာတာကိုလည်း သတိထားမိတယ်။

ဒီတစ်ခါတော့ ကိုယ်ကိုယ်ကို ပြန်ပြီးပြောရတယ်၊ ခြေရာမထင်ခဲ့တာတွေကို ပြန်ကြည့်ပြီး လွမ်းမောရင်း ရပ်မနေနဲ့၊ တွေဝေမနေနဲ့၊ လျှောက်ရမည့်နေရာဆီကို " လျှောက်-- ဆက်လျှောက် " လို့။

ရှေ့ကိုလှမ်းကြည့်လိုက်တော့ စွေစောင်နေတဲ့ နေခြည်မှာ ရွှေရည်ဝင်းနေတဲ့ မြသလွန်စေတီကို မြစ်ကမ်းပေါ်မှာ နှစ်လိုဖွယ်ရာ ဖူးတွေ့နေရတာကို အမှတ်ရပါတယ်။

ရေးသားသူ - ဆရာနန္ဒာသိန်းဇံ

ကျနော် အရမ်းကိုစိတ်တွေညစ်နေတဲ့ အချိန်မှာ ဆရာရဲ့ ဒီ "လျှောက်" ဆိုတဲ့ စာလေးကို ဖတ်လိုက်ရတဲ့ အချိန်မှာ ကျနော်အရင်းက စဉ်းစားထားတဲ့ အကြောင်းအရာတွေအားလုံးဟား ပြောင်းပြန် ဖြစ်သွားရတယ်။ ဘလော့ဂ်မရေးတော့ဘူးလို့ တွေးထားတဲ့ ကျနော်ရဲ့ စိတ်တွေဟာ ကျနော်လျှောက်ခဲ့တဲ့ လမ်းခရီးဟာ အရာမထင်ကျန်ခဲ့ပေမယ့် လျှောက်နိုင်သလောက်တော့ ဆက်လျှောက်သွားရအုံးမှာပါလားလို့ ----------

လေးစားစွာဖြင့်
ရီနိုမာန်


5 comments:

kokomaung.uk said...

ဟုတ်ပါတယ် ကိုရီနို။
ခြေရာကျန်တာမကျန်တာက တစ်ပိုင်းပေါ့။ လျောက်ရမဲ့ခရီးကတော့ ဆက်လျောက်ရမှာပါဘဲလေ။

ပျော်ရွှင်ပါစေဗျာ။

တောင်ပေါ်သား said...

ဘလော့မှ မဟုတ်ပါဘူး အကိုရေ.. ဘ၀အတွက် လျှောက်နိုင်သလောက်တော့ ဆက်လျှောက်သွားရမှာပါပဲ။ ဒါမှလဲ လိုချင်တဲ့ ပန်းတိုင်ကို ရောက်မှာပါ။ ရပ်လိုက်လို့ကတော့ ကျန်ခဲ့မှာပဲ။ လျှောက်နိုင်သလောက်တော့ ဆက်လျှောက်သွားး)

လေးစားလျက်
တောင်ပေါ်သား

စိမ်း... said...

ဟဲ ဟဲ ကိုရီနိုရေ... စိမ်းက မနေ့ကမှ လတ်လတ်ဆတ်ဆတ် အဆဲခံထားရတာ... ခုတော့ ကိုရီနိုပို့စ်လေးဖတ်ပြီး ကီ ပြန်သွင်းထားတယ် ဟက် ဟက်
ကျေးဇူး...

ခင်တဲ့
စိမ်း

yangonthar said...

အစ်ကိုရေ လျှောက်နေရတုန်းပါပဲ .... ဆန္ဒ ကြောင့်လည်း ပါသလို ဘဝရဲ့  လိုအပ်ချက်တွေ ကြောင့်လည်း ပါတာပေါ့ဗျာ ..... ခြေရာတွေ ကတော့ ပျောက်တဲ့ အခါလည်း ပျောက် .... ကျန်တဲ့အခါလည်း ကျန် ..... နောက်ဆုံးတော့ လည်း ဆက်လျှောက်ဖို့ အားတစ်ခုပဲ မျှော်လင့်မိတယ် .....
ခင်တဲ့
ညီငယ် ရန်ကုန်သား :))

မိုးခါး said...

ဟုတ်တယ်နော်
ရှေ့ကို ဆက်လျှောက်ဖို့ပဲ အဓိကပါး))