November 18, 2012

ပန်းကြာဝတ်မှုန်ရုပ်ရှင်အား ပြန်ခံစားခြင်း

ဒီနေ့ စင်ကာပူမှာ ပြတဲ့ ပန်းကြာဝတ်မှုန်ရဲ့ နောက်ဆုံးပွဲကို သွားရောက်ကြည့်ရှုဖြစ်ခဲ့ပါတယ်။ လိုချင်တဲ့ နေရာမရပင်မဲ့ ရတဲ့နေရာကပဲ အားပေးကြည့်ဖြစ်ခဲ့ပါတယ်။ ဝတ္ထုကို အကြိမ်ကြိမ်ဖတ်ထားမိတဲ့ အတွက် ဝတ္ထုထဲကအတိုင်း အကုန်ပါအောင် မရိုက်ပြနိုင်ခဲ့ပင်မဲ့ ကြည့်လို့ကောင်းတဲ့ ဇာတ်လမ်း တစ်ပုဒ်လို့ မှတ်ချက်ပေးလိုက်မိပါတယ်။ 

ပန်းကြာဝတ်မှုန်ဝတ္ထုကို ဖတ်ထားတဲ့ သူတစ်ယောက်အနေနဲ့ ကြည့်မယ်ဆိုရင်တော့ ဝတ္ထုလောက် အရသာမရှိဘူးလို့ တွေးမိကြမယ်လို့ ထင်ပါတယ်။ ဝတ္ထုကို ရေးထားတဲ့ ဆရာမခင်ခင်ထူး ကိုယ်တိုင်က အားရမှုမရှိပင်မဲ့ ရုပ်ရှင်သရုပ်ဆောင် အဖွဲ့သူ၊သားတွေ ပင်ပန်းတာကိုကြည့်ပြီး ကျေနပ်ပါတယ်လို့ ပြောထားမှတော့ ကျနော်ကိုယ်တိုင်လည်း ကြည့်လို့ကောင်းတဲ့ ဇာတ်လမ်းတစ်ပုဒ်အဖြစ် လက်ခံထားမိလျှက်သားပါပဲ။

ဝတ္ထုကို ဖတ်ပြီးတဲ့ အချိန်မှာ ကျန်ခဲ့တဲ့ စိတ်ခံစားမှုမျိုးကို ဒါရိုက်တာ အနေနဲ့ ဘယ်လိုများ အဆုံးသတ်မလဲဆိုတဲ့ စိတ်ကြောင့် ဒီနေ့ ဒီပွဲကို သွားကြည့်ဖြစ်စေခဲ့တာပါ။ စိတ်ထဲမှာတော့ ဆရာမရဲ့ ဇာတ်သိမ်းအတိုင်း မသိမ်းပါစေနဲ့လို့ ဆုတောင်းမိခဲ့တာတော့ အမှန်ပါ။ တကယ်သွားကြည့်ဖြစ်လိုက်တဲ့ အချိန်မှာတော့ ကြည့်ရကျိုးနပ်တယ်လို့ပဲ ယူဆလိုက်မိပါတယ်။ ဝတ္ထုထဲမှာ ပါတဲ့ဇာတ်ဝင်ခန်း တော်တော်များများ ရုပ်ရှင်မှာ မပါဝင်တာကလွဲလို့ ဇာတ်လမ်းရဲ့ဇာတ်ကွက် အချိတ်အဆက်မိပါတယ်။ ဇာတ်သိမ်းမှာ မင်းသားနဲ့ မင်သမီးကိုပေးပေါင်းထားတဲ့ အတွက်လည်း ဇာတ်ရှိန်ကို အကောင်းဆုံးနဲ့ အဆုံးသတ်တယ်လို့ ယူဆမိပါတယ်။

အောင်နိုင်သူရဲ့ ဇာတ်ကောင်နေရာမှာ သရုပ်ဆောင်သွားတဲ့ နိုင်းနိုင်း အနေနဲ့ ဘာမှ ပြောစရာမရှိပင်မဲ့ သီရိမေနေရာမှာ သရုပ်ဆောင်တဲ့ သက်မွန်မြင့်ကိုတော့ ပြောစရာနည်းနည်းလေးရှိနေပါတယ်။ အကယ်ဒမီရပြီးသားသူ တစ်ယောက်မို့ သရုပ်ဆောင်မှုအပိုင်းမှာ ပြောစရာမရှိပင်မဲ့ လုပ်ငန်းရှင်တစ်ယောက် ဖြစ်တဲ့အချိန်မှာ ဝတ်ဆာဆင်ယင်မှုအနေနဲ့ မြန်မာဆန်သောလည်း သိပ်မလိုက်ဖက်ဘူးလို့ ကျနော့်အနေနဲ့ မြင်မိပါတယ်။ နောက်တစ်ခုက ထွေးထွေးသိန်းနဲ့ ပတ်သက်လို့ ဟာသတွေ အခန်းတော်တော်များများ ရှိနေပင်မဲ့ ရုပ်ရှင်မှာတော့ တစ်ခန်းစ၊ နှစ်ခန်းစလောက်ပဲ ပါတာကို တွေ့ရပြန်ပါတယ်။

ပန်းကြာဝတ်မှုန် ဇာတ်ကားမှာ ကြည့်ရတာ အတန်းဆုံးကတော့ ရှုခင်းတွေရဲ့ အလှပါပဲ။ ရိုက်ကွင်းရိုက်ကွက်တွေ အခန်းတိုင်းလိုလို လှတယ်လို့ ပြောရင် မှားမယ် မထင်ပါဘူး။ မူရင်းဝတ္ထုကို မဖတ်ထားပဲ ကြည့်မယ်ဆိုရင်တော့ တော်တော်လေး ကောင်းမဲ့ ဇာတ်လမ်းလို့ ပြောလို့ရပါတယ်။ ဝတ္ထုဖတ်ထားတဲ့ သူတစ်ယောက် အနေနဲ့ကတော့ ကောင်းတယ်လို့ ပြောလို့မရပင်မဲ့ နောက်ဆုံးဇာတ်သိမ်းကြောင့် ကျေနပ်မှု  ဖြစ်ခဲ့ရပါတယ်။

ဝတ္ထုကို ဖတ်ပြီးတဲ့ အချိန်မှာ စိတ်မှန်းနဲ့ အကယ်ဒမီ ပေးဖြစ်ခဲ့ပါတယ်။ 
ဇာတ်ကောင် သီရိမေ နေရာ အကယ်ဒမီရနိုင်တယ်လို့....ပြီးတော့
ဒါရိုက်တာ၊ ဇာတ်ညွန်း၊ ဇာတ်လမ်းလို့ စိတ်မှန်းနဲ့ ပေးထားခဲ့ပါတယ်။

ရုပ်ရှင် ကြည့်ပြီးတဲ့ အချိန်မှာတော့ ဓါတ်ပုံ၊ ဇာတ်ညွှန်း၊ ဒါရိုက်တာ လောက်သာရနိုင်တော့မယ်လို့ စိတ်ထဲ အလိုလို သိလာပါတယ်။ ဘယ်သူတွေ ဘာဆုရကြမလဲဆိုတာတော့ နောက်လ ( ဒီဇင်ဘာလ) ၃၀ရက်နေ့မှာ ကျင်းပမဲ့ အကယ်ဒမီပေးပွဲတွင် ကြည့်ရှုရမှာ ဖြစ်ပါတယ်။ ကျနော့်ကိုယ်ပိုင် အတွေးနဲ့ကတော့ အကယ်ဒမီဆု တစ်ခုလောက်တော့ ရကောင်းပါရဲ့...လို့တွေးရင်းးးးးး။


လေးစားစွာဖြင့်
ရီနိုမာန် 

မှတ်ချက် -
စာဖတ်ပရိသတ် တစ်ယောက်အနေနဲ့ ခံစားရေးဖွဲ့ခြင်း ဖြစ်ပါတယ်။ ဆရာမ၏ ဝတ္ထုအား တစ်စုံတစ်ရာ ဝေဖန်ခြင်း မဟုတ်ပါ။ 
ရုပ်ရှင်ကြည့် ပရိသတ်တစ်ယောက်အနေနဲ့ ခံစားမိသမျှ ရေးဖွဲ့ခြင်းသာ ဖြစ်ပါတယ်။ ဒါရိုက်တာ၏ ပညာအား တစိုးတစိမျှ စော်ကားလိုခြင်း မရှိပါကြောင်း လေးစားစွာ အသိပေးအပ်လိုက်ရပါတယ်။
 



November 17, 2012

အစားအသောက်များနှင့် ကျနော်

၂၀၀၄ မတိုင်ခင် ရန်ကုန်မှာ အလုပ်လုပ်တုန်းက ရုံးကအဖွဲ့နဲ့၊ ဒါမှမဟုတ် သူငယ်ချင်းတွေနဲ့ အမြဲတမ်းလိုလို သွားစားဖြစ်ခဲ့ပါတယ်။ ကိုယ်တိုင်က ကြိုက်နှစ်သက်တာဆိုတော့ မကြာခဏဆိုသလို သွားစားဖြစ်ခဲ့ပါတယ်။ ခုတစ်ခေါက် မြန်မာပြည်ပြန်တုန်းကလည်း မှတ်မှတ်ရရ သူငယ်ချင်းတစ်ယောက်နဲ့ အတူတူ သွားစားဖြစ်ခဲ့ပြန်ပါတယ်။ ပထမတော့ မစားခင် မှတ်မှတ်ရရ ဓါတ်ပုံ အရင်းရိုက်ယူလိုက်မယ်လို့ စိတ်ကူးထားခဲ့ပင်မဲ့ ကိုယ့်ရှေ့မှာ ရောက်လာတဲ့ ခေါက်ဆွဲပုဂံကို မြင်ပြီး ဓါတ်ပုံရိုက်ဖို့ မေ့သွားတဲ့ အထိပါပဲ။ ပထမ တစ်ပုဂံကုန်သွားမှပဲ ဓါတ်ပုံရိုက်ဖို့ သတိရသွားတယ်။ ဒီပုံလေးကတော့ ဒုတိယအခေါက် မစားခင်မှာ ရိုက်ယူထားလိုက်တဲ့ ပုံလေးပါ။ ပုံကို မြင်ရင်တော့ သိကြလိမ့်လို့ ထင်ပါတယ်။ ရွှေတောင်ခေါက်ဆွဲ... ပါ။ ပုဇွန်တောင်မြို့နယ် ရေကျော်ဖက်လို့ ပဲမှတ်မိပါတယ်။ လိပ်စာကတော့ သေသေချာချာ မမှတ်မိတော့ပါဘူး။ 

ရွှေရင်အေး... ပါ။ ကာလာစုံတဲ့ မြန်မာ့မုန့်လို့ ပြောရင်လည်း ရနိုင်မယ် ထင်ပါတယ်။ ဆိပ်ကမ်းသာလမ်း အလယ်ဘလောက်မှာ အဲဆိုင်လေး တည်ရှိပါတယ်။ မြင်ရရင်ကို စိတ်ထဲမှာ အလိုလို နှစ်သက်နေမိခဲ့တာပါ။ ဒါလည်း မြန်မာပြည်ပြန်တုန်း ဝင်စားရင် ရိုက်ခဲ့တဲ့ ပုံပါပဲ။ လမ်းဘေးမှာ ရောင်းတယ်ဆိုပင်မဲ့ အော်ဒါမှာရင်လည်း လက်ခံတယ်လို့ သိရပါတယ်။ ဆိုင်အတွက် ကြော်ငြာဝင်ပေးနေသလိုမျိုးများ ဖြစ်နေပြီလား မသိ။ 

တရုတ်တန်းကို ရောက်တော့ ဝက်သားတုတ်ထိုး သွားစားကြမယ်လို့ သူငယ်ချင်းနဲ့ အတူတူ စဉ်းစားထားကြတာပါ။ ဝက်သားတုတ်ထိုးဆိုင် မရောက်ခင်မှာပဲ ဝက်ခေါင်းသုပ်ဆိုင်နဲ့ မြေးအိုးမြီးရှည်ဆိုင်ကို တွေ့တော့ စားကြမယ်ဆိုတာနဲ့ ဝင်စားလိုက်တာ ဝက်သားတုတ်ထိုး စားမဲ့ အစီအစဉ်လည်း ပျက်သွားရပါတော့တယ်။ ဗိုက်ပြည့်သွားတာ ဘယ်လိုမှ ဘာမှ ဆက်မစားနိုင်တော့တဲ့ အထိပါပဲ။ မှာစားကြတာကတော့ သုံးလေးပွဲလောက် ရှိပါတယ်။ ဓါတ်ပုံ ရိုက်ဖြစ်တော့ ဒီအပေါ်က ဝက်ခေါင်းသုပ် ပုံတစ်ပုံပဲ ပါလာတော့တယ်။
မိသားစု ဆိုတဲ့ ဝေါဟာရကို အဓိပ္ပါယ် ဖွဲ့ဆိုတဲ့ အခါ မပါမဖြစ် ထမင်းဝိုင်းဟာလည်း အဓိက နေရာကနေပါဝင်နေခဲ့ပါတယ်။ ကျနော်တို့ အိမ်မှာတော့ များသောအားဖြင့် အဖေရှိစဉ်ကရော၊ အဖေ မရှိတော့တဲ့နောက်ပိုင်းရော မိသားစု စုံစုံညီညီနဲ့ အမြဲလိုလို ထမင်းစားဖြစ်ခဲ့ကြပါတယ်။ တစ်ခါတစ်လေ အိမ်နီးနားချင်း မိတ်ဆွေတစ်ချို့လည်း သူတို့အိမ်က ချက်တဲ့ ကောင်းသည်ဖြစ်စေ၊ မကောင်းသည်ဖြစ်စေ ဘာဟင်းချက်ချက် အိမ်မှာ စုပြီး စားတက်ကြပြန်ပါတယ်။ နေ့လည်ပိုင်းတွေဆိုရင်တော့ အိမ်မှာ ရှိတဲ့ မိသားစုနဲ့ အတူတူစားဖြစ်ကြပင်မဲ့ ညနေပိုင်းဆိုရင်တော့ ကျနော်တို့အိမ်မှာ လူစုံတက်စုံပါပဲ။ ဟင်းလည်းစုံတယ်လို့ ပြောလို့ရပါတယ်။ ပုံထဲက ထမင်းဝိုင်းကတော့ ကျနော်တို့ နေ့လည်စာစားဖို့ ပြင်ဆင်ထားခြင်းပဲ ဖြစ်ပါတယ်။ ဘာရယ်မဟုတ် စိတ်ထဲမှာ ဓါတ်ပုံရိုက်ချင်လာတာကြောင့် ရိုက်လိုက်မိတာပါ။ ၂၀၁၂ ဇန်နဝါရီလ မြန်မာပြည်ပြန်တုန်းက ရိုက်ဖြစ်ခဲ့တဲ့ ဓါတ်ပုံလေးတွေပါ။ ခရီးထွက်တာ တစ်နှစ်ပြည့်ပါတော့မယ်။ ခရီးနဲ့ ပတ်သက်တဲ့ အကြောင်းအရာတွေကတော့ မပြီးနိုင်မစီးနိုင်ပါပဲ။ 

လေးစားလျှက်
ရီနိုမာန်

November 10, 2012

ပန်းကြာဝတ်မှုန်

ဝတ္ထုကို ဖတ်ပြီးကတည်းက နောက်တစ်ခေါက်ပြန်ဖတ်ချင်ရလောက်အောင် ကျနော် စွဲလမ်းမိခဲ့ပါတယ်။ ပထမတစ်ခါ ဖတ်တုန်းက အွန်လိုင်းကနေ ဒေါင်းပြီး ဖတ်ရတာကို အားမရနိုင်ဖြစ်ခဲ့ရတာမို့ စာအုပ်ဝယ်ပြီး အိမ်မှာ နောက်တစ်ခေါက် ပြန်ဖတ်ခဲ့ရ ပြန်ပါတယ်။ စာအုပ်ကို ဖတ်ပြီး စိတ်ထဲမှာ မချင့်မရဲဖြစ်နေတဲ့ အချိန်မှာပဲ ဒါရိုက်တာ ဇင်ယော်မောင်မောင်က ဒီစာအုပ်ကို ရုပ်ရှင်ရိုက်နေပြီဆိုတဲ့ သတင်းကြောင့် အရမ်းကို ကြည့်ချင်တဲ့ စိတ်ဖြစ်နေခဲ့တာ ကြာခဲ့ပါပြီ။ စိတ်ထဲထင်ထားတာက မြန်မာပြည်မှာ ရုံတင်တဲ့ ကြည့်နိုင်သလို၊ ဗွီဒီယိုအခွေ ထွက်လာတဲ့ အခါမှာမှပဲ ကြည့်ရတော့မယ်လို့ ထင်ထားခဲ့တာပါ။ အခုတော့ ကံကောင်းတယ်( ကျနော် တစ်ဦးတစ်ယောက်ထဲ) လို့ပဲ ပြောရမယ်ထင်ပါတယ်။ စင်ကာပူမှာ ကြည့်ဖို့ အတွက် အခွင့်အရေး ရခဲ့ပါပြီ။

လာမဲ့ အပတ် ( နိုဝင်ဘာလ ၁၇ ၊ ၁၈ ) စနေနဲ့ တနင်္ဂနွေမှာ Cathay ရုပ်ရှင်ရုံမှာ ပြမယ်ဆိုတာကို ပြီးခဲ့တဲ့ တစ်ပတ်လောက်ကမှ သေသေချာချာ သိခဲ့ရပါတယ်။ ဒါကြောင့် ကျနော့်လိုပဲ ဒီဝတ္ထုလေးရဲ့ ဇာတ်သိမ်းကို ဘယ်လိုများ ဇာတ်သိမ်းသွားမလဲဆိုတာ သိချင်တဲ့ သူများ ရှိခဲ့မယ်ဆိုရင် အောက်ဖေါ်ပြပါ အချိန်အတိုင်း သွားရောက် ကြည့်ရှုအားပေးနိုင်ပါပြီ။ ကြိုတင်လက်မှတ်တွေကိုတော့ စီးတီဟောမှာ ရောင်းတယ်လို့တော့ ကြားမိပါတယ်။ ရုပ်ရှင်ရုံမှာ ပြတာ ဖြစ်တဲ့ အတွက်ကြောင့် ရုပ်ရှင်ရုံမှာတော့ လက်မှတ်ဝယ်ယူနိုင်မယ်လို့ ထင်မိပါတယ်။ 

ပြမဲ့ အချိန်တွေကတော့ .....

စနေနေ့မှာ  ညနေ ၅နာရီ ၁၀ မိနစ် တစ်ပွဲ
တနင်္ဂနွေနေ့မှာတော့ မနက် ၁၀ နာရီ တစ်ပွဲနဲ့ နေ့လည် ၂ နာရီခွဲ တစ်ပွဲရှိပါတယ်။
အော်ချက်က Cathay ရုံမှာ ပြမှာ ဖြစ်ပါတယ်။

ကျနော့်လိုပဲ ရူးသွပ်သူ တစ်ဦးတစ်ယောက်လောက်များ ရှိခဲ့မယ်ဆိုရင်တော့ .....
ဒီဇာတ်လမ်းအပေါ်မှာ ရူးသွပ်သူ ကျနော် တစ်ဦးထဲသာ ရှိခဲ့မယ် ဆိုရင်လဲ..... ကျေနပ်နေပါတယ်။

လေးစားစွာဖြင့်
ရီနိုမာန် 

October 14, 2012

ငယ်...သူငယ်ချင်း ဆီသို့ စာတစ်စောင်

သို့

သူငယ်ချင်း နှင်းမေ

ငါတို့တွေ မတွေ့ဖြစ်ခဲ့ကြတာ နှစ်ပေါင်း ၂၀လောက် ရှိတော့မယ် သူငယ်ချင်း။ မထင်မှတ်ပဲ နင့်ကို မျက်နှာစာအုပ်ပေါ်မှာ ပြန်ရှာတွေ့ခဲ့တယ်။ နှစ်တွေ ဘယ်လောက်ပဲ ကြာနေပါစေ နင့်အပေါ်မှာ ရှိတဲ့ ငါ့ရဲ့ ခင်မင်မှုကတော့ အရင်တိုင်းပါပဲ သူငယ်ချင်း။ ငါတို့မိဘတွေက အစိုးရဝန်ထမ်းတွေဆိုတော့ သိတဲ့ အတိုင်းပဲပေါ့ သူငယ်ချင်း။ သူတို့ ပြောင်းတဲ့ နေရာ ငါတို့လည်း လိုက်ပြောင်းခဲ့ရတာပဲ မဟုတ်လား။ ငါတို့တွေ အလယ်တန်းပြီတဲ့ အထိ ကျောင်းအတူတူသွား၊ စာအတူတူကျက်ခဲ့ကြတာကို ခုချိန်ထိ သတိယနေတုန်းပဲ။ ကလေးဘဝက တကယ့်ကို ပျော်ဖို့ကောင်းခဲ့ကြတယ်နော်။ ငါတို့ သူငယ်ချင်းနှစ်ယောက် တစ်ခါတစ်ခါလည်း စိတ်ကောက်ခဲ့ကြသေးတယ်နော်။ များသောအားဖြင့် ယောက်ျားလေးဖြစ်တဲ့ ငါက နင့်အပေါ်မှာ အမြဲစိတ်ကောက်ခဲ့ရတာပါ။ နင်က ငါ့အပေါ် အမြဲကောင်းခဲ့တာ ငါမှတ်မိပါသေးတယ်။

အထက်တန်း စတက်တဲ့ အချိန်မှာတော့ ငါတို့ နယ်ပြောင်းခဲ့ရတယ်။ အထက်တန်းစတက်တဲ့ အချိန်က စပြီး ငါ့မှာ နင်လောက်ခင်ဖို့ ကောင်းတဲ့ သူငယ်ချင်း မရှိခဲ့ဘူး။ ငါ ဘွဲ့သာ ရသွားတယ်။ ကျောင်းနေဖက် သူငယ်ချင်းကောင်းဆိုတဲ့ ဝေါဟာရကို သိပဲ သိခွင့်ရလိုက်တယ်။ ပိုင်ဆိုင်ခွင့် မရခဲ့ဘူး သူငယ်ချင်း။ သူငယ်ချင်းကောင်းတွေ မပိုင်ဆိုင်ခဲ့ပင်မဲ့ မိတ်ဆွေကောင်းတွေတော့ ငါရလိုက်တယ် သူငယ်ချင်း။ ၁၀တန်းအောင်ပြီးတာနဲ့ ငါ အလုပ်ဝင်ခဲ့တယ် သူငယ်ချင်း။ အဲသည့်အချိန်ကစပြီး ပတ်ဝန်းကျင် အသစ်မှာ လူတွေ တော်တော်များများရဲ့ စိတ်ကို လေ့လာနိုင်ခဲ့တယ်။ လူတွေနဲ့ အဆင်ပြေပြေနေနိုင်အောင်လည်း ငါကြိုးစားနိုင်ခဲ့တယ်။ ဒါပင်မဲ့ သူငယ်ချင်း.... အသက်တွေက သုံးဆယ်သာ ကျော်သွားတာ။ ကောင်းကောင်း မရင့်ကျက်သေးဘူး။ 

၂၀၀၂လောက်မှာ ငါ့အဖေဆုံးတယ်။ အဖေဆုံးတော့ အိမ်ရဲ့ တာဝန် ( အဓိက ဝင်ငွေ) က ငါ့အပေါ်ကို အလိုလို ကျလာခဲ့တယ်။ ငါက ငါ့မိသားစုကို ရှာကျွေးချင်နေတဲ့ ကောင်ဆိုတော့ သိတဲ့ အတိုင်းပဲလေ။ ငါ ပျော်ပျော်ကြီး လက်ခံလိုက်တယ်။ အဲသည်အချိန်မှာ ငါရဲ့ စိတ်ကူးတွေလည်း ပြောင်းလဲလာခဲ့တယ်။ သိတဲ့ အတိုင်းပဲ သူငယ်ချင်းရယ်။ မြန်မာပြည်မှာ ရိုးရိုးမေဂျာဘွဲ့လေးနဲ့ လစာ ကောင်းကောင်း အလုပ်တစ်ခုကို ဘယ်လိုလုပ် ရှာနိုင်မှာတဲ့လဲ။ လက်ရှိလုပ်နေတဲ့ အလုပ်ကလည်း သုံးသောင်းမပြည့်ချင်ဘူး။ ဒါနဲ့ နိုင်ငံခြားထွက်ဖို့ အကြောင်းက ပေါ်လာတယ်လို့ပဲ ပြောရတော့မယ်။

အဝေးသင်နောက်ဆုံးနှစ် စာမေးပွဲပြီးတော့ ငါ မလေးရှားကို ထွက်လာခဲ့တယ်။ မလေးရှားကို မထွက်လာခင်အထိ အိမ်မှာ အဆင်ပြေနေသေးတယ်လို့ ပြောလို့ရတဲ့ အခြေအနေပေါ့ဟာ။ အဖေဆုံးတော့ အစိုးရက ထောက်ပံ့တဲ့ နစ်နာကြေးနဲ့ အမေစုထားတဲ့ ငွေက လက်ထဲမှာ ကျန်နေသေးတော့ သိပ်ပူပန်နေစရာ မလိုသေးတဲ့ အချိန်ပေါ့။ ဒါပင်မဲ့လည်း သူငယ်ချင်းရယ် ကံကြမ္မာက ငါကို မျက်နှာသာ မပေးခဲ့ဘူးလို့ပဲ ပြောရမလားပဲ။ ဒါမှမဟုတ် သည်လိုဖြစ်ဖို့ အတွက် ငါ့ကိုများ စောစောစီးစီးနေရာချထားပေး လိုက်သလားလို့တောင် ထင်ရပါတယ်။ ဘာဖြစ်လို့လဲဆိုတော့ ခုနကပြောတဲ့ ငါ့အမေလက်ထဲမှာ ကျန်နေသေးတယ်ဆိုတဲ့ ငွေတွေ အကုန်လုံးနီပါး လူလိမ်ခံလိုက်ရတယ် သူငယ်ချင်း။ 

ငါ အမေ့ကို အပစ်မပြောရက်ပါဘူး။ သူလည်း ငါရှာရတာ သက်သာလို သက်သာကြောင်း တစ်ဖက်ကနေ ကြိုးစားကြည့်တာပဲလေ။ ကံကိုက သည်လိုပါလာမှာတော့ ဘာတက်နိုင်တော့မှာလဲ။ ငါအမေကို အားပေးခဲ့တယ်။ သူ့မှာ ပိုက်ဆံတွေကုန်လို့ စိတ်ဆင်းရဲနေရတာက တစ်ကြောင်း၊ တကယ်လို့များ ငါကပါ အပစ်ပြောနေမယ်ဆိုရင် ငါ့လောက်မိုက်တဲ့ သား သည်လောကမှာ ရှိနိုင်ပါ့အုံးမလား။ မလေးရှားမှာ နေခဲ့တဲ့ သုံးနှစ်အတွင်းမှာ ငါ့အတွက် စားပြီးသောက်ပြီး တစ်သိန်းတော့ ငါရအောင် ပို့ပေးနိုင်ခဲ့တယ်။ တစ်ချို့လတွေမှာ တစ်သိန်းနဲ့ မလောက်မှန်း ငါသိပင်မဲ့ အမေက ငါ့ကို ဘယ်တော့မှ မလောက်ဘူး ဆိုတဲ့စကားကို မပြောခဲ့ဖူးဘူး။ အဲသည့်အတွက်လည်း အမေ့ကို ငါ အခုချိန်ထိ ကျေးဇူးတင်နေမိတယ်။

သုံးနှစ်ပြည့်တော့ ငါ မြန်မာပြည်ကို ပြန်လာခဲ့တယ်။ ဆက်နေဖို့တော့ စဉ်းစားကြည့်ပါသေးတယ်။ စားပြီးသောက်ပြီး တစ်သ်ိန်းလောက်ရနေရုံလောက်နဲ့ ငါမကျေနပ်သင့်သေးဘူးလို့လဲ ငါ့ကိုယ်ငါ အားပေးခဲ့ဖူးတယ်။ မြန်မာပြည်ပြန်ပြီး စင်ကာပူကို ထွက်နိုင်ဖို့ ငါ အမျိုးမျိုးကြိုးစားခဲ့တယ်။ အင်တာဗျူးတွေလည်း ခဏခဏ ဝင်ခဲ့တယ်။ အဆင်မပြေချင်ရင် ဘယ်လိုပဲ လုပ်လုပ် အဆင်မပြေဘူး သူငယ်ချင်း။ ဒါပင်မဲ့ ငါ ဇွဲမလျော့ခဲ့ဘူး။ ကံကောင်းချင်တော့ မလေးရှားမှာ အတူတူ အလုပ်လုပ်ခဲ့တဲ့ အဖွဲ့ခေါင်းဆောင် တစ်ယောက်နဲ့ အဆက်အသွယ်ရခဲ့တယ်။ သူ့ အကူအညီနဲ့ပဲ ငါ ၂၀၀၈ ခုနှစ် မေလဆန်းလောက်မှာ စလုံး( စင်ကာပူ) ကိုရောက်ခဲ့တယ် သူငယ်ချင်း။

အဆင်မပြေတော့လဲ ဘာလုပ်လုပ် အဆင်မပြေသလို၊ ကံကောင်းချင်ပြန်တော့လည်း စင်ကာပူကိုလာဖို့ အလုပ်ရဖို့ ဘာအေ့ဂျင့်ဖီမှ မပေးခဲ့ရဘူး။ မြန်မာပြည်မှာ တက်ရမဲ့ သင်တန်းတစ်ခုအတွက်လည်း အခုငါအလုပ်လုပ်နေတဲ့ ကုမ္ပဏီကပဲ စိုက်ထုတ်ပေးခဲ့တယ်။ သင်တန်းအောင်တော့ လေယာဉ်လက်မှတ်က အစ ငါဘာမှ မကုန်ခဲ့ဘူး သူငယ်ချင်း။ သည်ကိုရောက်ပြန်တော့လည်း လုပ်ရတဲ့ အလုပ်က ငါအတွက် အစိမ်းသက်သက်ဖြစ်မနေပြန်ဘူး။ မလေးရှားမှာ သုံးနှစ်လုံးလုံး လုပ်ခဲ့တဲ့ အလုပ်ဖြစ်နေပြန်တယ်။ ငါတို့ မြန်မာတွေရဲ့ အလုပ်ကြိုးစားချင်တဲ့ စိတ်ကြောင့်ပဲ ရောက်ပြီး သိပ်မကြာခင်မှာပဲ မထင်မှတ်လောက်အောင် လစာတိုးပေးခြင်း ခံခဲ့ရတယ်။ အခုဆို ငါဒီမှာရောက်နေတာ ငါးနှစ်ပြည့်တော့မယ် သူငယ်ချင်း။ 

ဘယ်တော့ ပြန်မလဲလို့တော့ မမေးနဲ့အုံး သူငယ်ချင်း။ တော်တော်နဲ့ပြန်ဖြစ်အုံးမယ် မထင်ဘူး။ ပျော်လို့နေနေတယ်လို့တော့လဲ မထင်နဲ့ သူငယ်ချင်း။ ပျော်ရာမှာ မနေရ၊ တော်ရာမှာနေရဆိုတဲ့ ငယ်ငယ်တုန်းက အမေပြောပြောနေကျ စကားဟာ ငါ့ကိုများ ရည်ရွယ်လေးသလားလို့တောင် ထင်ရပါတယ်။ ဘာကြောင့်တော်ရာလို့ ပြောရသလဲဆိုတော့ ဒီမှာ ငါ့ရဲ့ ဝင်ငွေက စားပြီးသောက်ပြီး အမေ့ဆီကို သုံးလေးသိန်းလောက် ပို့ပေးနိုင်လို့ပဲ သူငယ်ချင်း။ မြန်မာပြည်မှာ ငါ့ရဲ့ ရိုးရိုးမေဂျာဘွဲ့လေး တစ်ခုနဲ့ ဘယ်လိုလုပ်ပြီး လစာ သုံးလေးသိန်း သွားရနိုင်မှာလဲ။ နင်လည်း သိမှာပါ။ နင်လည်း မြန်မာပြည်က အစိုးရ အင်ဂျင်နီယာ တစ်ယောက်ပဲလေ။

သူငယ်ချင်း နှင်းမေ စာလည်း တော်တော် ရှည်သွားပြီ။ နှစ် ၂၀လောက် ဝေးကွာခဲ့တဲ့ သူငယ်ချင်းနှစ်ယောက်အတွက် သည်စာလေးကို ဖတ်လိုက်ရတဲ့ အချိန်မှာ လူတစ်ယောက်စီရဲ့ ဘဝအတွေ့အကြုံ မတူညီမှုတွေကို ခံစားသိရှိနိုင်လိမ့်မယ်လို့ မျှော်လင့်ရင်း........စာကို အဆုံးသတ်လိုက်ပါတယ်။

နင့်ရဲ့ ငယ်သူငယ်ချင်း
ရီနိုမာန်
၁၄.၁၀.၂၀၁၂

လေးစားစွာဖြင့်
ရီနိုမာန်

October 5, 2012

ခရီးစဉ် အဆုံးသတ်

နေ့လည်ပိုင်း ဆူးလေဘုရားနား ရိုက်ထားတဲ့ ပုံ

ဆူးလေဘုရား
ညပိုင်း ပန်းခြံထဲကနေ ရိုက်ခဲ့တဲ့ ရွှေတိဂုံဘုရား
ညပိုင်း အလှ
ရှိုး လုပ်ရင် ဒီမှာပဲ လုပ်တယ်လို့ သူငယ်ချင်းက ပြောတယ်။ ခဏတော့ ထိုင်ဖြစ်ကြတယ်။
ရုပ်ရှင်ကြည့်ပြီး အပြန် ညပိုင်းဆူးလေဘုရား မြင်ကွင်း
စင်ကာပူ ပြန်မဲ့ မနက်ပိုင်း ရွှေတိဂုံဘုရားပေါ် သွားခဲ့တယ်။


နာဂစ်ဖြစ်တုန်းက ဒီအပင်ကြီး ဘာမှ မဖြစ်ပဲ ကျန်ခဲ့တာ အံ့သြမိတယ်။

ခြေတော်ရာ

စင်ကာပူကို ပြန်ရောက်နေတာ တစ်နှစ်တောင်ပြည့်တော့မယ်။ ခုထိအိမ်ပြန်တဲ့ ပို့စ်တွေက မကုန်နိုင်သေးတဲ့ အဖြစ်။ အမှန်က စာရေးရမှာ ပျင်းနေတာက ၇၀ ရာခိုင်းနှုန်းလောက်ရှိနေတာပါ။ သူများတွေ စာရေးတာ ပတ်ဝန်းကျင် အနေအထား ဘယ်လိုရှိမှ ရေးတက်ကြလည်းတော့ ကျနော်လည်း မသိဘူး။ ကျနော်ကတော့ ပတ်ဝန်းကျင်မှာ ငြိမ်နေမှ ကိုယ်လိုချင်တဲ့ ကိုယ်ရေးချင်တဲ့ အကြောင်းတွေကို စဉ်းစားလို့ရတယ်။ အခန်းပိတ်ပြီး ရေးမယ်လုပ်ပြန်တော့လည်း အခန်းထဲမှာက နေတာ လူရှစ်ယောက်ရှိတယ်။ အကုန်လုံးမောင်းထုတ် ပြီးမှပဲ ရေးလို့ရတော့မယ်။ သူတို့ ငြိမ်တဲ့ အချိန်ကို ကြည့်ပြန်တော့လည်း ညသံခေါင်ယံ ၁၂နာရီ ၁ နာရီ ရှိနေပြန်ပြီ။ ဒီလိုနဲ့ပဲ ရေးမယ်လုပ်လိုက် ရပ်ထားလိုက်နဲ့ သံသရာက မရှည်သင့်ပဲ ရှည်နေရပြီ။
စင်ကာပူကို ပြန်မလာခင် တစ်ည ရန်ကုန်မှာ ညအိပ်ဖြစ်တယ်။ လုပ်ချင်တာနဲ့ ကျန်တဲ့ အချိန်တွေက မလောက်ဘူး ဖြစ်နေတယ်။ ဒါနဲ့ လုပ်သင့်တာပဲ လုပ်လိုက်တော့တယ်။ လိုချင်တဲ စာအုပ်တစ်ချို့နဲ့ ဖတ်ချငတဲ့ စာအုပ်တစ်ချို့ လိုက်ဝယ်ပြီး တည်းခိုခန်းမှာ ပြန်ထားလိုက်တယ်။ ညနေပိုင်းမှာ သူငယ်ချင်းနှစ်ယောက်နဲ့ အတူညစာ သွားစားဖြစ်တယ်။ ညစာ စားပြီးအပြန်မှာ ပန်းခြံထဲ ဝင်ပြီး သူငယ်ချင်းတစ်ယောက်နဲ့ အတူ လမ်းလျှောက်စကားတွေ ပြောဖြစ်ကြတယ်။ ည၁၀ နာရီလောက်ကျတော့ ကားငှားပြီး တည်းခိုခန်းကို ပြန်လာခဲ့ကြတယ်။ တည်းခိုတဲ့ နေရာရောက်တော့ အစီအစဉ်က တစ်မျိုးပြောင်းသွားကြတယ်။ စောစောစီးစီး မအိပ်ချင်သေးတာကြောင့် ရုပ်ရှင် နောက်ဆုံးကားကို သွားကြည့်လိုက်ကြပြန်တယ်။

စင်ကာပူကို ပြန်မဲ့မနက်စောစောမှာပဲေ၇ွှတိဂုံဘုရားကို သူငယ်ချင်းနဲ့ တူတူသွားဖြစ်ခဲ့ပါတယ်။ ဘုရားက ပြန်ရောက်တော့ ဟိုတယ်မှာပဲ မနက်စာ စား၊ ရေမိုးချိုးပြီး လေဆိပ်ကို ထွက်လာခဲ့ကြပါတော့တယ်။ ဒါဟာ ကျနော်မြန်မာပြည်ကို လေးနှစ်လောက်မပြန်ပဲ နေခဲ့ရာမှ ပထမဆုံးအကြိမ် ၁လခွင့်နဲ့ ပြန်ဖြစ်ခဲ့တဲ့ ခရီးစဉ် ဒီမှာပဲ ဆုံးသွားခဲ့ပါပြီ။

ခရီးစဉ်ဆုံးသွားခဲ့ရပင်မဲ့ မဆုံးသေးပဲ ကျန်နေခဲ့တာကတော့ ကျနော့်ရဲ့ စိတ်ပါပဲ။ လူကြီးသူမတွေက ပြောကြတယ် အသက်လေးရလာတော့ ကိုယ့်ရပ်ကိုယ့်ရွာကိုပဲ သတိရတယ်။ ပြန်နေချင်တယ်တဲ့။ ပထမတော့ လက်မခံပင်မဲ့ ခုတော့ ကျနော်ကိုယ်တိုင်ကလည်း ကိုယ့်ရွာလေးနဲ့ ကိုယ်အိမ်လေးကို လွမ်းတဲ့ စိတ်ကြောင့်ရယ်၊ အသက်ရလာပြီး ဖြစ်တဲ့ အမေနဲ့ အတူနေချင်တဲ့ စိတ်ကလေးတွေကြောင့်ပဲ တစ်နှစ်တစ်ခေါက် တပတ်ရရ၊ ဆယ်ရက် ရရ မြန်မာပြည်ကို ပြန်မယ်လို့ ဆုံးဖြတ်လိုက်ပါတယ်။

လေးစားစွာဖြင့်
ရီနိုမာန်   

September 22, 2012

သဘာဝတရားတဲ့...လား

သဘာဝတရားတဲ့လား........။
ဖြစ်မယ်၊ ပျက်မယ်လို့ ဘုရားရှင်က ဟောထားခဲ့ပြီးသား။
တကယ်တန် ဖြစ်တော့လည်း လူတွေက သနားစရာပါ။
ဒါဟာ ဘာကြောင့်လဲ... သဘာဝတရား တဲ့လား။

ရေတွေကြီးလို့ ငါတို့သွေးချင်းတွေ ဒုက္ခပင်လယ်ထဲမှာ..
အတွင်း ၃၇ မင်းလည်း မကယ်နိုင်၊ အပြင် ၃၇ မင်းလည်း မကယ်နိုင်
အထက် ပုဂ္ဂိုလ်လည်း မနိုင်၊ အောက် ပုဂ္ဂိုလ်လည်း မဆိုင်
ဖြစ်ချင်တာ ဖြစ်နေတာ..... သဘာဝတရားတဲ့လား။

ရပ်စဲဖို့ အခါခါ၊ နေ့ရက်တွေထဲ
အသက်ပေါင်းများစွာ စတေးခဲ့ရပြန်ပြီ။
ရာပေါင်းများစွာ၊ ထောင်ပေါင်းများစွာ၊ ဆွေမျိုးများစွာအတွက်
ရင်ဘတ်ကြီးလည်း ကွဲခဲ့ရပြီ....ဒါလည်း.... သဘာဝတရားတဲ့လား။

မိန်းမလည်း လူ၊ ယောက်ျားလည်း လူ
လူ လူချင်းအတူတူ ဘာတွေများ ပိုထူးနေလို့လဲ...။
ဘာသာတစ်ခု အကြောင်းပြုလို့ ရင်းလိုက်ရတဲ့ လူ့အသက်တွေ
အိုအိမ်ပျက်စီးဆုံးရှုံးရတာလည်း.... သဘာဝတရားတဲ့လား။

ဟော့  တွေ့လိုက်ရပြန်ပြီ။
ရင်ဘတ်စည်းတီး ငိုချင်းချနေရတာ ရွှေမန်းတင်မောင်မှ မဟုတ်တာ။
ဘဝတွေရင်း၊ အချိန်တွေရင်း နေရာလေး တစ်ခုပိုင်ဆိုင်ပြီးခါမှ
မင်းမိန့်ဆိုတဲ့ စကားလေးတခွန်းကရော .... သဘာဝတရားတဲ့လား။

လေးစားစွာဖြင့်
ရီနိုမာန်

September 5, 2012

မိုးနှောင်း အိပ်မက်

အပြင်မှာ မိုးတွေသည်းထန်စွာ  ရွာသွန်းနေတယ်
လမ်းရဲ့ အပေါ်မှာတော့ ရေတွေပြည့်နေလေရဲ့
ကလေးငယ်တစ်ယောက် လွယ်အိတ်လေး တစ်လုံးဖြင့်
ပြေးလွှာဆော့ကစားလို့ နေပြန်တယ်။

မကြာခင်မှာပဲ မိုးတွေ အရွာရပ်တန့်သွားခဲ့ပြီ
ရေတွေတစ်ဖြေးဖြေး လျော့နည်းလို့လာခဲ့ပြီ
ကလေးငယ်ရဲ့ကိုယ်ပေါ်မှာ လွယ်အိတ် ရှိမနေတော့ပြီ
တစ်ချိန်တည်းမှာပဲ သူ့ကိုယ်ပေါ်က အင်္ကျီာကို ဆွဲချွှတ်နေပြန်ပါတယ်။

ငါးမိနစ်လောက် အကြာမှာတော့ ကောင်းကင်ကြီး တစ်ခုလုံး မှောင်မဲလို့
မိုး ထပ်ရွာတော့မယ်ဆိုတဲ့ အရိပ်အယောင်ကို သူပဲ သိနေသလိုလို
လမ်းပေါ်မှာ ငှက်ကလေး တစ်ကောင်၊ ခွေးကလေးတစ်ကောင် ရှိမနေပင်မဲ့
ခုထိကျနော် တွေ့နေရတာ မိုးရွာမရွာ မသိပင်မဲ့ မျှော်လင့်ကြီးစွာနဲ့ စောင့်နေတဲ့
ကလေးငယ်တစ်ဦး


လေးစားစွာဖြင့်
ရီနိုမာန်

August 29, 2012

ရာသီခွင်

လကလေးရယ်၊ ကြယ်ကလေးရယ်၊ လူတစ်ယောက်ရယ်......။

မှောင်မိုက်တဲ့ ညတစ်ညမှာ ကြယ်လေးတမျှ လင်းလက်နေတဲ့
မီးရောင်စုံတွေရဲ့ကြားမှာ ရာသီခွင်ကို စောင့်ကြည့်နေတဲ့ လူတစ်ယောက်။

ကြယ်တွေစုံပြီလား။

လူတွေကောစုံရဲ့လား။

ချိုမြိန်နေတဲ့ ဂီတသံနဲ့အတူ လှပတဲ့ကစားကွင်းကြီးအလယ်မှာ
ဆန်းသော်တာ လရဲ့အရိပ်ကတော့ မခို့တရို့။

ညတစ်ဝက် ကျိုးေ၇ာပေါ့။

အချိန်မှ မှန်ရဲ့လား။

တည်းခင်းထားတဲ့ ဧည့်ခံပွဲကြီးလည်း တိတ်ဆိတ်ငြိမ်သက်လို့နေရဲ့။
အနီရောင် ပန်သီးရဲ့ အလယ်တည့်တည့်မှာ ထိုးစိုက်ထားတဲ့ ဓါးတစ်လက်။
အနီရောင်ကောဇောကြီးလဲ သွေးသံရဲရဲ။

ပြီးဆုံးသွားခဲ့ပြီလား။

ပြည့်ရော ပြည့်စုံပါရဲ့လား။

မှောင်မိုက်နေပင်မဲ့ ဆန်းသော်တာ လရိပ်က အတိုင်းသာ။
ကြယ်လေးတွေလည်း သူ့နေရာနဲ့သူ ဘိုနေမြဲကျားနေမြဲ။
ကောင်းကင်မှာ နက္ခတ်ဖတ်ဖို့ စောင့်နေတဲ့ လူတစ်ယောက်တော့ ရှိနေလေရဲ့။


လေးစားစွာဖြင့်
ရီနိုမာန်

August 22, 2012

သံသရာ စက်ဝန်း

ကျနော်က မေမေ့ကို ချစ်တယ်။

မေမေက ဖေဖေ့ကို ချစ်တယ်။

ဖေဖေက ညီမလေးကို  ချစ်တယ်။

ညီမလေးက ကိုကို့ကို ချစ်တယ်။

ကိုကိုက မမ့ကို ချစ်တယ်။

မမက ကျနော့် ကိုချစ်တယ်။

လေးစားစွာဖြင့်
ရီနိုမာန်

August 16, 2012

ပိုက်ဆံရှိမှ လှူနိုင်တာ မဟုတ်ပါ

အလှူဆိုတာကလည်း ပိုက်ဆံရှိလို့ လှူနိုင်ကြသလို၊ ပိုက်ဆံမရှိလည်း လှူလို့ရတဲ့ ပုံစံ အမျိုးမျိုးရှိပါတယ်။ ကျနော်ကတော့ အလှူဆိုရင် စိတ်ကိုပဲ အဓိကထားပြီး လှူဖို့ စဉ်းစားပါတယ်။ ငါးကျပ်ပဲ တက်နိုင်( တက်နိုင်) ၁၀၀ပဲ နိုင်နိုင် လှူချင်တဲ့ စိတ်လေးကို အလှဆုံးထားဖြစ်ပါတယ်။ မျက်စိရှေ့မှာ ဘယ်လောက်ပဲ လှူဒါန်းနေကြပါစေ။ ကျနော်စိတ်ထဲမှာ လုံးဝနှလုံးသွင်းလို့မရဘူး ဆိုရင်တော့ ဘာကြီးပဲ ဖြစ်နေပါစေ လှူဖို့ အတွက် ငြင်းဆန်မိမြဲပါ။ 

အလှူအတန်လုပ်တဲ့ အခါမှာလဲ ကိန်းကြီးခန်းကြီးလုပ်ပြီး လှူဒါန်းတာကို ကျနော် သဘောမတွေ့တက်ပါဘူး။ ဥပမာ ဘုန်းကြီးငါးပါး ဆွမ်းကပ်ချင်တယ်ဆိုပါတော့။ ဘုန်းကြီးငါးပါးကို ဆွမ်းကပ်လို့ ကုန်မဲ့ပိုက်ဆံက ၁၀၀ရှိတယ်။ လူပရိတ်သတ်ကို ပြန်ဧည့်ခံရတဲ့ ကုန်ကျစရိတ်က ၁၀၀လောက် ဖြစ်နေပြန်ရော။ အဲလိုဆိုရင် ကျနော့်အနေနဲ့ ၂၀၀လုံး ဘုန်းကြီးငါးပါအတွက် သုံးလိုက်ဖို့ပဲ စိတ်ဝင်စားပါတယ်။ ကျနော့်ရဲ့ အမြင် မှားကောင်းမှားနိုင်ပါလိမ့်မယ်။ သို့ပင်မဲ့ ကျနော် ကျေနပ်လက်ခံထားတာ ဒီအတိုင်းပါပဲ။

အဓိက စိတ်ကို နေရာမှန်အောင် အရင်လုပ်ပါတယ်။ စိတ်က လက်ခံနိုင်ပြီးဆိုရင် ဘာဖြစ်ဖြစ် ကိုယ်လုပ်ချင်တဲ့ အလုပ်ကို လွယ်လွယ်ကူကူနဲ့ လုပ်နိုင်ကြစမြဲပါ။ ငယ်ငယ်တုန်းက ဆရာသမားတွေပြောတဲ့ စကားက သိပ်ကိုမှန်ပါတယ်။ လူတစ်ယောက်မှာ ရည်ရွယ်ချက်ဆိုတာ ရှိရမယ်တဲ့။ ရည်ရွယ်ချက်မရှိတဲ့ လူဟာ ကိုယ်လျှောက်နေတဲ့ လမ်း ပျောက်နေသလို ခံစားရပါတယ်... တဲ့။ အဲလိုပဲ အလှူဆိုတဲ့ လှူချင်တဲ့ စိတ်ကလေးသာ ရှိလိုက်။ ငါးကျပ်လှူလည်း အလှူမြောက်ပါတယ်။ တစ်သိန်းလှူလဲ အလှူမြှောက်ပါတယ်။ အလှူဆိုတဲ့ စိတ်ကလေးကို နေရာထားတက်ဖို့ပဲ လိုမယ်လို့ထင်ပါတယ်။ 

ငယ်ငယ်တုန်းကဆိုရင် ကြားဖူးနားဝရှိခဲ့တဲ့ မျက်ကြည်လွှာ လှူတာတို့၊ အသည်းတစ်ခြမ်းလှူတာတို့ဆိုတဲ့ သတင်းတွေဖတ်လိုက်ရရင် ကိုယ်လည်း တစ်နေ့တော့ အဲလိုလှူမယ်လို့ စိတ်ကူးထားခဲ့ဖူးပါတယ်။ တကယ့်တကယ် အရွယ်ရောက်လို့ မိတ်ဆွေအပေါင်းအသင်း မိသားစုနဲ့ ဖြစ်သွားတဲ့ အချိန်မှာတော့ အသည်းတစ်ခြမ်းလှူဖို့ မပြောနဲ့ သေလို့ မျက်ကြည်လွှာလှူမယ်ဆိုတဲ့ စိတ်ကူးလေးတောင် ပျောက်ပျောက်သွားတယ်။ လူ့လောကရဲ့ စားဝတ်နေရေးကို လုံပန်နေရတာနဲ့ အချိန်တွေ ကုန်လို့ကုန်မှန်း မသိရအောင်ပါပဲ။ ဒါပင်မဲ့ စိတ်လေးတစ်ခုကို သတိထားလိုက်နိုင်တဲ့ အတွက် ယနေ့အချိန်ထိ မှတ်မှတ်ရရ လှူဒါန်းဖြစ်တဲ့ ကိစ္စလေး တစ်ခု ရှိနေခဲ့ပါတယ်။ 

ကျနော်က ကိုယ့်အသားနားမှာ သိပ်ကြောက်တဲ့ ကောင်ပါ။ ကိုယ့်အသားနားမှာ ကြောက်တဲ့ အတွက် သူတစ်ပါးရဲ့ အသားကိုလည်း နားအောင် မလုပ်တက်ပါဘူး။ နေမကောင်းဖြစ်လို့ ဆေးထိုးရမှာ အသေကြောက်ပါတယ်။ အသားထဲကို အပ်ထိုးလိုက်တဲ့ အချိန်နဲ့ ဆေးဝင်တဲ့ အချိန်တွေကို ကျနော် အရမ်းကို ကြောက်ပါတယ်။ ငယ်ငယ်က နေမကောင်းဖြစ်တော့ ဆေးထိုးမှ ပျောက်ဖို့ အခြေအနေကို ဆေးမထိုးပဲ ပေပြီး ဆေးသောက်ခဲ့တာ နောက်ဆုံးသောက်ရတဲ့ ဆေးတွေ များပြီး ပြန်အမ်းထွက်မှ ဆေးထိုးဖို့ အခွင့်ကို ကျနော်ပေးခဲ့တာပါ။ ဒါတောင် အကြောဆေးထိုးတဲ့ အသေးဆုံးအပ်နဲ့မှ ဆေးထိုးခံခဲ့တာပါ။

စင်ကာပူကို ရောက်လာတဲ့ အချိန်မှာတော့ ကျနော်အရမ်းကြောက်ပါတယ်ဆိုတဲ့ စိတ်ကလေးတစ်ခုကို ဖြေပျောက်ပေးနိုင်တဲ့ အခွင့်အရေး ကို ကျနော်တွေ့ရှိခဲ့ပါတယ်။ တစ်ခြားတော့ မဟုတ်ပါဘူး။ သွေးလှူခြင်း ပါပဲ။ မြန်မာပြည်မှာ သွေးလှူရင် သွေးထုတ်တဲ့ အပ်က အကြီးကြီးပဲ ဆိုတဲ့ အသံကြားတာနဲ့တင် ကျနော် ဝေးဝေးရှောင်ခဲ့ပါတယ်။  ဒီမှာတော့ ထုံဆေးသုံးတဲ့ အတွက် ကျနော့်အတွက် အတော်လေးကို အဆင်ပြေပါတယ်။ သုံးလတစ်ကြိမ်နဲ့ ပုံမှန်လှူခဲ့တာ အခုဆို ၁၀ကြိမ်ပြည့်သွားခဲ့ပါပြီ။ ကျနော့်ကို ပီတိဖြစ်စေခဲ့တဲ့ အလှူတွေထဲ အလှူတစ်ခုပါ။

ကျနော့်မှာ ငွေရှိနေစရာမလိုဘူး။ အချိန်အများကြီးပေးနေစရာ မလိုဘူး။ မလှူနိုင်လို့ စိတ်ဒုက္ခရောက်နေစရာလည်း မရှိဘူး။ လှူလို့ရတဲ့ အခွင့်အရေးရှိလို့ လှူနိုင်ခဲ့တယ်။ ဒီအတွက် အလှူဖြစ်မြောက်ဖို့ ကျနော်ကို ပထမဆုံးအကြိမ်မှာ အကူအညီပေးခဲ့ဖူးတဲ့ ကိုဂျူလိုင်ကိုလည်း ကျေးဇူးတင်ပါတယ်။ ဒုတိယအကြိမ်မှာ ကျနော့်ကို အဖော်လိုက်ကူညီပေးခဲ့တဲ့ တစ်ချိန်က သိခဲ့၊ခင်ခဲ့ဖူးတဲ့ ကိုမိုးကုတ်သားကိုလည်း ကျေးဇူးတင်ပါတယ်။

ကျနော်ကိုယ်တိုင် လှူဒါန်းနိုင်ခဲ့သလို ကျနော့် ပတ်ဝန်းကျင်မှာ ရှိတဲ့ သူငယ်ချင်းတွေကိုလည်း ဆွဲဆောင်နိုင်ခဲ့ပါတယ်။ ဒီပိုစ့်လေးကို ဖတ်ပြီး ပထမဆုံး အကြိမ်ဖြစ် သော၎င်း၊ နောက်တစ်ကြိမ် သွားလှူဒါန်းချင်တဲ့ စိတ်ကလေး ဖြစ်မိသွားမယ်ဆိုရင်တော့ ကျနော်အနေနဲ့ အရမ်းကို ဝမ်းသာကျေနပ်နေရမှာ ဖြစ်ပါတယ်။
      
ငါးကြိမ်အတွက် တစ်ခု၊ ၁၀ကြိမ်အတွက် တစ်ခုပါ

အပေါ်က တစ်ခုက သွေးထုတ်တုန်း ပေးထားတာ။ အောက်ကအဝါရောင်ကတော့ လက်ဆောင်
Woodland သွေးလှူဘဏ်က ပုံပါ။







လေးစားစွာဖြင့်
ရီနိုမာန်

August 15, 2012

ချောင်းသာမှာ ခရီးဆုံးပြီ

မန္တလေးမှာ လည်လို့ပတ်လို့ပြီးတော့ ညနေပိုင်း ၅နာရီလောက်မှာ ဟိုတယ်ကို ချက်အောက်လုပ်လိုက်ပြီး ကားဂိတ်ကို ၇နာရီလောက်မှာ ကျွန်တော်တို့ မနက်က လျှောက်လည်ခဲ့တဲ့ ကားကိုပဲ ထပ်ငှားထားလိုက်ကြတယ်။ မန္တလေးရောက်တော့ ဘာလက်ဆောင်မှမဝယ်ပြန်ရင်လဲ မကောင်းဘူး။ အိမ်လည်း ပြန်ရတော့မှာမို့ မန္တလေးထိုးမုန့်ကို တစ်ယောက် ငါးဗူးစီ ဝယ်လိုက်ကြတယ်။ နှစ်ယောက်ပေါင်း ဘယ်သွားသွား ဘာစားစား ဘာဝယ်ဝယ် စုထားတဲ့ ပိုက်ဆံထဲက ပဲ သုံးကြတယ်။ ခုမုန့်ဝယ်တော့လဲ အဲအထဲကပဲ သုံးကြတယ်။ ကားဂိတ်မဆင်းခင် ရန်ကုန်- ချောင်းသာ ကားဂိတ်ကို ဘိုကင်အရင် ဖုန်းနဲ့ လုပ်လိုက်တယ်။ ညစာစားဖို့ လမ်းမှာ ရပ်ပေးတယ်။ ကားတွေရပ်တဲ့ နေရာက တော်တော်လေးကို ပြောင်းလဲသွားတာပဲ။ အရင်တုန်းကလို မဟုတ်တော့ဘူး။ သပ်သပ်ရပ်ရပ်လေ။ ဘယ်နားလဲလို့တော့ မေးကြည့်လိုက်သေးတယ်။ ဒါပင်မဲ့ ကျနော် မမှတ်မိတော့ဘူး။ 

ဒီလိုနဲ့ ကျနော်တို့ ရန်ကုန်ကို မနက်လေးနာရီလောက်ကြီး ရောက်လာကြတယ်။ ချောင်းသာကား မနက်၆ နာရီထွက်မှာ ဆိုတော့ အချိန်က တော်တော်လေး မှီသေးတယ်။ ဒါနဲ့ ကားငှားပြီး ချောင်းသာကားဂိတ်ကို ထွက်လာခဲ့ကြတယ်။ အဲကွန်ကားတွေက ညပိုင်းမှ ထွက်ကြတာများတယ်။ ကျနော်တို့ကလည်း အချိန်မကုန်ရအောင်လို့ ရတဲ့ ကားနဲ့ လိုက်လာခဲ့ကြတာပေါ့။ ရိုးရိုးဟီနိုးကားကြီး။ ကားပေါ်မှာ လူသိပ်မပါဘူး။ နိုင်ငံခြားသားတွေတော့ လေးယောက်လောက် ပါတယ်။ လမ်းမှာ ကုန်တွေပဲ ရသလောက်တင်ပြီး ထွက်လာခဲ့လိုက်ကြတာ ချောင်းသာ မရောက်ခင် ဥတိုတံတားကို ရောက်တော့ အရင်တုန်းက ရုံးအဖွဲ့နဲ့ ပထမဆုံးအကြိမ်လာတုန်းက ဒီတံတားပေါ်ရောက်တော့ မန်နေဂျာအမကြီးက လှမ်းအော်တာကို သွားသတိရတယ်။ ချောင်းသာနဲ့ တော်တော်လေးနီးပြီ။ သေသေချာချာနားထောင်ကြ လှိုင်းသံတွေ ကြားရလိမ့်မယ်တဲ့။ အဲဒီအချိန်တုန်းက အသည်းအသန် နားထောင်ကြည့်နေတာကိုလည်း သတိရမိပါတယ်။
ချောင်းသာကိုရောက်တော့ ကျနော်တို့ အန်ဘို ဟိုတယ်ရှေ့မှာ ဆင်းလိုက်ကြတယ်။ ဘိုကင်တော့ တင်မထားဘူး။ အခန်းကြည့်မယ်ဆိုပြီး အခန်းတွေ လိုက်ကြည့်ကြတယ်။ ပင်လယ် မျက်နှာစာ မဟုတ်တဲ့ နေရာက ၂သောင်းခွဲ၊ မျက်နှာစာက သုံးသောင်းခွဲ ၊ နောက်တစ်နေရာက ပင်လယ်နဲ့ ပိုနီးတယ်။ သူက လေးသောင်းခွဲ။ ကျနော်တို့ သူငယ်ချင်းနှစ်ယောက်ကတော့ သုံးသောင်းခွဲအခန်းကို အဲကွန် မသုံးဘူးဆိုတာကြောင့် သုံးသောင်းနဲ့ ပေးတယ်။ 
ဒီပုံလေးကတော့ ကျနော်တို့နေခဲ့တဲ့ အခန်းပါ။ နှစ်ညအိပ်ကို စိတ်ရှိလက်ရှိနေခဲ့ကြတယ်။ မနက် တစ်ခါ ညနေတစ်ခါ ရေဆင်းဆော့ကြတယ်။ ကမ်းခြေမှာ လိုက်ရောင်းတဲ့ ပုဇွန်ကင်၊ ငါးကင်တွေဝယ် စားကြတယ်။ ညနေပိုင်း ရေမချိုးခင် အုန်းရည် ဝယ်သောက်ကြတယ်။ 



မနက်စောစောထပြီး ဘုရားရှိတဲ့ ဖက်ကို လမ်းလျှောက်ထွက်ခဲ့ကြပြန်ပါတယ်။

ညနေပိုင်း ရေကူးပြီတော့ ပင်ပန်းလို့ အခန်းထဲမှာ နားနေတုန်း လေတွေ တအားတိုက်လာလို့ အပြင်ထွက်ကြည့်တော့ တော်တော်လေး လှတဲ့ မြင်ကွင်းကို မြင်ခဲ့ရပြန်ပါတယ်။ တော်တော်လေးကြာအောင် ကျနော် ရပ်ကြည့်နေမိပါတယ်။


၂ညအိပ်ပြီး နောက်နေ့ မနက်မှာတော့ ရောက်တဲ့ နေ့ကတည်းက ဝယ်ထားတဲ့ အဲကွန်ကားနဲ့ ရန်ကုန်ကို ပြန်လာခဲ့ကြပါတယ်။ ကျနော်တို့ ခရီးစဉ်လေးကတော့ ဒီမှာပဲ အဆုံးသတ်သွားပါပြီ။ ကျနော်နဲ့ လိုက်တဲ့ သူငယ်ချင်းက သူ့အတွက် ပထမဆုံး ရောက်ဖူးတာ ဖြစ်ပင်မဲ့ ကျနော်အတွက်တော့ ရောက်ဖူးနေကျ နေရာလေးတွေပါပဲ။ ဘယ်အချိန် သွားသွား သွားလို့ မဝတဲ့ နေရာလေးတွေပါပဲ။ ဒီခရီးစဉ်ပြီးတော့ နောက်တစ်ခေါက် ဒီလိုမျိုး ပြန်ဖြစ်ခဲ့ရင် ရှမ်းပြည်အရှေ့ပိုင်း လာရှိုးဖက်ကို သွားကြမယ်လို့ စိတ်ကူးထားပါတယ်။ အဲနေရာကတော့ ကျနော် တစ်ခေါက်မှ မရောက်ဖူးသေးတဲ့ နေရာပါ။

နောက်ဆုံးကျနော်တို့ သူငယ်ချင်းနှစ်ယောက် စုစုပေါင်း ကုန်ကျစရိတ်ကို တွက်လိုက်တော့ ခရီးစဉ် စ လယ် ဆုံး စုစုပေါင်း ၈ သိန်းကုန်ပါတယ်။ တစ်ယောက်ကို လေးသိန်းစီပေါ့။ တကယ်ကို ကျေနပ်ဖို့ ကောင်းတဲ့ ခရီးဖြစ်ခဲ့ပါတယ်။

လေးစားစွာဖြင့်
ရီနိုမာန်

August 13, 2012

ဝါဆို ဝါခေါင် ရေတွေကြီးတော့...

ဒီတစ်ခေါက် ကျွန်တော် အိမ်ပြန်သွားတာ အမှတ်တရ ဖြစ်စေတဲ့ အကြောင်းအရာတွေ အများကြီး ရခဲ့တယ်။ အမှတ်တရတွေ အများကြီးထဲမှာမှ မှတ်မှတ်ရရဖြစ်နေတဲ့ အကြောင်းလေးကို သူငယ်ချင်းတွေနဲ့ တွေ့တိုင်း ပြောပြောပြနေမိတယ်။ ကျွန်တော်နေတဲ့ အိမ်လေး အကြောင်းကို အရင်းပြောပြမှ ရလိမ့်မယ်။ လွယ်လွယ်မြင်အောင် ပြောရမယ်ဆိုရင် ကျွန်တော်နေတဲ့ အိမ်လေးက ကရင်ပြည်နယ် ဘားအံမြို့ မှာရှိတယ်။ ဘားအံမြို့ပေါ်မှာလား ဆိုတော့ မဟုတ်ဘူး။ ဘားအံကိုရောက်ဖို့ သံလွင်မြစ်ကို ဖြတ်ရတယ်။ သံလွင်မြစ်ကို မရောက်ခင် မြိုင်ကလေး ဘိလပ်မြေစက်ရုံရှိတယ်။ သံလွင်တံတား မဆောက်ခင်ကတော့ ဘားအံကိုရောက်ဖို့ ကုန်တင်သင်္ဘောနဲ့ သံလွင်မြစ်ကို ဖြတ်ပြီး မှ ဘားအံကိုရောက်တယ်။ အဲဒီအချိန်တုန်းကတော့ မြိုင်ကလေးက စည်းကားတယ်လို့ ပြောလို့ရတယ်။ ဘာဖြစ်လို့လဲဆိုတော့ မြိုင်ကလေးကနေကူးမှ ဘားအံကိုရောက်မှာဆိုတော့ လူတွေရော၊ ကားတွေရော အကုန်လုံး ဇတ်ဆိပ်မှာ စည်းကားနေတာပေါ့။

အဲအချိန်တုန်းက သာမည ဆရာတော်ဘုရားကြီးက နာမည်ကြီးနေတဲ့ အချိန်ဆိုတော့ကာ မြိုင်ကလေးဇတ်ဆိပ်ဟာ ပွဲတော်အလာ ဖြစ်နေတော့တာပေါ့။ ခုနောက်ပိုင်း သံလွင်တံတားကြီးဆောက်ပြီးသွားတဲ့ အချိန်မှာတော့ ခုနက စည်းကားနေပါတယ် ဆိုတဲ့ သင်္ဘောဆိပ်ဟာ သုသာန်တစ်ခုမှာ ရှိတဲ့ ဇရပ်တစ်ဆောင်လိုပါပဲ။ ခြောက်ကပ်သွားလိုက်တာ ဘာဆိုဘာမှ မရှိတော့အောင်ပါပဲ။ ကျွန်တော်ကတော့ သဘောကျတယ်။ ဘာဖြစ်လို့လဲဆိုတော့ မြိုင်ကလေးဖက်က လှမ်းကြည့်လိုက်ရင် မြင်နေရတဲ့ ရွှေရင်မျှော်ဘုရားကို သည်ဖက်ကမ်းကနေ ငေးမောကြည့်နေရတဲ့ အရသာကို ကျွန်တော် အရမ်းနှစ်သက်လို့ပါ။ ကျွန်တော်အိမ်ပြန်တိုင်း မသွားမဖြစ်တဲ့ နေရာတွေထဲက ဒီနေရာဟာလည်း တစ်ခု အပါအဝင်ပေါ့။ ကျွန်တော်နဲ့အတူ လိုက်လည်တဲ့ သူငယ်ချင်းတွေကိုလည်း အမြဲပို့ပေးဖြစ်တယ်။ 


အမှန်တိုင်းပြောရရင် ကရင်ပြည်နယ်က ကျွန်တော့်ဇာတိလည်း မဟုတ်ဘူး။ ဒါပင်မဲ့ အမေဖက်က ဆွေမျိုးတွေက ဘားအံမှာ အခြေချတာများတယ်။ အမေ့ကလည်း ဆွေမျိုးတွေနဲ့ နီးတဲ့ နေရာမှာ နေချင်တာကြောင့် ကရင်ရွာထဲမှာ ခြံဝယ် အိမ်ဆောက်ထားလိုက်ကြတယ်။ ပထမတော့ အဲအိမ်မှာ မနေသေးပဲ အဖေတာဝန်ကျတဲ့ နယ်မှာပဲ အဖေနဲ့ အတူလိုက်နေကြတယ်။ အဖေဆုံးသွားမှ ကျွန်တော်တို့ ကိုယ့်အိမ်လေးမှာ ကိုယ်ပြန်နေဖြစ်ကြတယ်။ အရင်တုန်းကတော့ အဲအိမ်မှာ မနေချင်တာ အမှန်ပဲ။ ကျွန်တော်က ရန်ကုန်မှာမွေးတဲ့ ကောင်ဆိုတော့ ရန်ကုန်မှာ နေချင်တဲ့ စိတ်ကတော့ အမြဲပဲ။ ဒါပင်မဲ့ နေလာတာကြာတော့လည်း ကိုယ့်အိမ်လေးကို သံယောဇဉ်ဖြစ်မိသွားတယ်။ အခုချိန် အမေက ရောင်းမယ်ပြောရင်တောင် ကျွန်တော်က မရောင်းနိုင်တော့ဘူး။ ဟိုးအရင်တုန်းကတော့ ကျွန်တော်က ရောင်းချင်တယ်။ အမေက မရောင်းချင်ဘူး။ ခုတော့ အမေက ရောင်းချင်တယ် ကျနော်က မရောင်းချင်တော့ဘူး။ အေးအေးဆေးဆေး နေရတဲ့ ကိုယ့်အိမ်ကိုယ့်ယာကို မက်မောလာတက်ကြတာ အသက်ကပဲ စကားပြောလို့လား မပြောတက်ပါဘူး။

အခုဆို မြိုင်ကလေးမှာ ဘိလပ်မြေစက်ရုံက နှစ်ရုံတောင် ဖြစ်နေပြီ။ စက်ရုံသစ်နဲ့ စက်ရုံဟောင်းပေါ့။ ၇န်ကုန်ဖက်က လာရင် စက်ရုံသစ်ကို အရင်ဖြတ်ရတယ်။ စက်ရုံသစ်ကို ဖြတ်ပြီးမှ စက်ရုံဟောင်းကို ရောက်တယ်။ စက်ရုံဟောင်းကို ဖြတ်ပြီးရင်တော့ စက်ရုံဈေးဆိုတာ ရှိတယ်။ စက်ရုံဈေးကျော်လာရင်တော့ မြိုင်ကလေးလမ်းဆုံကို ရောက်ပြီ။ ဘာကြောင့် လမ်းဆုံဖြစ်နေရတာလည်းဆိုတော့ ရှေ့တည့်တည့်ကို သွားရင် ကျွန်တော်ခုနကပြောတဲ့ ဇတ်ဆိပ်ကိုေ၇ာက်မယ်။ ညာဖက်ကို ချိုးလိုက်ရင်တော့ သံလွင်တံတားကို သွားတဲ့ ဖက်။ ခုနောက်ပိုင်းကားတွေ တော်တော်များများက ညာဖက်ပဲ ချိုးသွားကြတယ်။ လမ်းဆုံကိုရောက်ပြီးဆိုရင်တော့ ကျွန်တော်တို့ အိမ်ကိုရောက်ဖို့ သိပ်မလိုတော့ဘူး။ အရင်တုန်းက ဆိုရင်တော့ အိမ်ကိုဝင်တဲ့ လမ်းထိပ်ရောက်မှ ကားကို ရပ်ခိုင်းလိုက်တယ်။ ခုနောက်ပိုင်း အိမ်ပြန်ရင် လမ်းဆုံမှာပဲ ဆင်းလိုက်တယ်။ လမ်းဆုံကနေ အိမ်အထိ လျှောက်လမ်းမှ ဂျပန်ပိတောက်ပင်တွေရဲ့ ရနံ့ကို ကျွန်တော် နှစ်သက်မိနေပြန်ပါတယ်။

ကျွန်တော်တို့အိမ်က ကရင်ရွာထဲမှာရှိတယ်။ ဘေးပတ်ဝန်းကျင်မှာလည်း ကရင်အိမ်တွေကြီးပဲ။ ကျွန်တော်တို့အိမ်က အဲရွာရဲ့ ပထမမြန်မာအိမ်လို့ ပြောလို့ရတယ်။ ကရင်ရွာထဲကို မြန်မာအိမ်ရောက်လာတဲ့ အတွက် သူတို့ မနှစ်သက်ကြဘူးဆိုပင်မဲ့ ဘာမှ တော့မပြောကြပါဘူး။ ဗုဒ္ဓဘာသာ ကရင်ရွာဆိုတော့ ဘုရားတရားလည်း အရမ်းရိုသေ ကိုင်းရှိုင်းကြတယ်။ တရွာလုံးလူကြီးတွေများတယ်။ လူငယ်တွေမရှိဘူးဆိုတာတော့ မဟုတ်ဘူး။ ရှိတယ်။ ၁၀တန်းအောက် ကလေးတွေတော့ရှိတယ်။ ၁၀တန်းရောက်ပြီးဆိုရင်တော့ ကောင်လေးကော၊ ကောင်မလေးကော တောင်ပေါ်တက်ကြတာ များတယ်။ ကျွန်တော်တို့အခေါ် တောင်ပေါ်ဆိုတာ ရှမ်းပြည်ကိုပြောတာ။ ရှမ်းပြည်ဆိုတာကလည်း မြန်မာပြည်မြေပုံထဲက ရှမ်းပြည်နယ် မဟုတ်ပြန်ပါဘူး။ ဘန်ကောက်ကို ကျွန်တော်ဖက်က တောင်ပေါ်လို့ခေါ်ကြတယ်။ တောင်ပေါ်ဆိုရင် လူတိုင်းသိပြီ။ ဘန်ကောက်သွားပြီး အလုပ်သွားလုပ်ကြတာမျိုးကို ပြောတာပါ။

ရွာထဲမှာ ဗုဒ္ဓဘာသာအိမ်တွေများတယ်ဆိုပင်မဲ့ ခရစ်ယာန်အိမ်တွေလဲ ရှိပါတယ်။ အများကြီးလာဆိုတော့ အများကြီးမဟုတ်ပါဘူး။ သေသေချာချာ လက်ချိုးရည်တွက်မယ်ဆိုရင် ၁၀အိမ်တောင် မပြည့်ပါဘူး။ ကျွန်တော်တို့ရွာထဲ စနေစတုန်းက ဘုရားရှိခိုးကျောင်းမရှိဘူး။ ဒါပင်မဲ့ ဆန်ဒေးတိုင်း ဘုရားရှိခိုးကြတယ်။ သုံးလေးနှစ်လောက်ရောက်တော့ ဘုရားကျောင်းမြေနေရာကိုသတ်မှတ်လိုက်ကြတယ်။ သိပ်အကြီးကြီးတော့ မဟုတ်ဘူး။ ၁၀နှစ်လောက်ကြာတော့ ဘုရားကျောင်းမှာ ခေါင်းလောင်းလေးတောင် တပ်ထားကြပြီးပြီ။ ဒါပင်မဲ့ ခရစ်ယာန်အိမ်ခြေကို ရေကြည့်လိုက်မယ်ဆိုရင် လက် ၁၀ချောင်း ခုထိမပြည့်သေးပါဘူး။ ဒါလည်း ကျွန်တော်တို့ ရွာလေးရဲ့ ထူးခြားချက်ပါပဲ။

ကရင်ရိုးရာအိမ်တွေက များသောအားဖြင့် ခြေတန်ရှည် အိမ်တွေများတယ်။ အုတ်ဖိနပ်ခံပြီး အိမ်တစ်အိမ်လုံးကို သစ်တွေနဲ့ပဲ ဆောက်လေ့ရှိကြတယ်။ ကျွန်တော်တို့ ရွာထဲမှာလည်း အဲလိုအိမ်တွေကြီးပဲ။ ပိုက်ဆံဘယ်လောက် ရှိရှိ အိမ်ကြီးကြီးတော့ ဆောက်ကြပါတယ်။ ခြေတန်ရှည်အိမ်တွေပဲ ဆောက်ကြတာ များတယ်။ အဲဒီကြားထဲမှ ကျွန်တော်တို့ အိမ်ကို အမေက အုတ်နဲ့ဆောက်လိုက်တယ်။ ရွာထဲက ဘယ်မှာနေလဲလို့ မေးရင် တိုက်အိမ်မှာ နေတယ်လို့ ပြောလိုက်တာနဲ့ ကျွန်တော်တို့ အိမ်ဆိုတာ သိပြီးသာပါ။ အခုနောက်ပိုင်းတော့ အိမ်တိုင်းလိုလို အုတ်နဲ့ ဆောက်လာကြပါပြီ။  တိုက်အိမ်ကလို့ ပြောရင် ဘယ်တိုက်အိမ်ကလည်းလို့ ပြန်မေးခံရမဲ့ အဖြစ်ပါ။

အိမ်တိုင်းက ခြေတန်ရှည် ဘာကြောင့် ဆောက်ကြတာလဲ ဆိုတာ ကျွန်တော် သေသေချာချာမသိခဲ့ပါဘူး။ အိမ်တိုင်းလိုလိုက ခြေတန်ရှည်ဖြစ်နေတာကြောင့် ရိုးရာတစ်မျိုး ဖြစ်နိုင်သလို၊ အကြောင်းတစ်ခုခုရှိလိမ့်မယ်လို့ ကျွန်တော် မထင်ထားခဲ့ဘူး။ ကျွန်တော်တို့ ရွာက သံလွင်မြစ်နဲ့ ကပ်လျက်။ ကျွန်တော်တို့ အိမ်ကတော့ သံလွင်တံတား မဆောက်ခင်ကတော့ ရွာစွန်းမှာပေါ့။ သံလွင်မြစ်နဲ့ တော်တော်လေး လှမ်းတယ်လို့ ပြောလို့ရတယ်။ သံလွင်တံတားဆောက်လိုက်တော့ တံတားသွားတဲ့လမ်းကို  ရွာနောက်ဖက်အခြမ်း ကျွန်တော်တို့ အိမ်ဖက်မှာ လမ်းလာဖောက်လိုက်တော့ ရွာစွန်းဖြစ်နေတဲ့ ကျွန်တော်တို့အိမ်ဖက်ခြမ်းက ခုနောက်ပိုင်းတော့ ရွာမျက်နှာစာ ပြန်ဖြစ်သွားခဲ့ရတယ်။ ကျွန်တော်တို့ စပြောင်းလာပြီး ဒုတိယနှစ်မှာ ခြေတန်ရှည်အိမ်တွေ ဘာကြောင့်ဆောက်ရသလဲ ဆိုတဲ့ အဖြေကို ကျွန်တော် ကောင်းကောင်းသိလိုက်ရပြီ။

ခုချိန် ခုလိုရာသီပေါ့....။ မြန်မာပြည်မှာ ရေတွေကြီးတဲ့ အချိန်လေ။ ဝါဆို၊ ဝါခေါင် ရေဖောင်ဖောင်ဆိုတာ သည်အချိန်ကို ပြောတာနေမှာ။ မိုးကကောင်း၊ သံလွင်မြစ်ရေက တက်ဆိုတော့ အိမ်ပေါ်ကနေ ကြည့်နေရင်း ကြည့်နေရင်းနဲ့ တစ်ရိပ်ရိပ်တက်လာတဲ့ ရေတွေ။ တော်သေးတယ်။ အမေက အုတ်ဖိနပ်ကို တော်တော်လေး မြင့်ထားလို့။ မဟုတ်ရင်... ရေတွေ အိမ်ထဲထိ ရောက်သွားနိုင်တယ်။ ရေတွေ တက်လာလိုက်ကြတာများဗျာ.... ဘယ်နှနာရီမှ မကြာဘူး။ လှေခါးထစ် ၂ထစ် မြုတ်သွားခဲ့ပြီ။ သည်အတိုင်းသာ ဆက်တက်နေမယ်ဆိုရင် အိမ်ပေါ်မှာ ရှိတဲ့ ပစ္စည်းတွေ အကုန် အမြင့်ပေါ် တင်ထားမှ ရတော့မယ်။ အမေနဲ့ ကျနော် ပစ္စည်းတွေ တင်ဖို့ လုပ်နေတုန်း မိုးနည်းနည်းစဲသွားခဲ့တယ်။  ကျွန်တော်တို့ သားအမိ နှစ်ယောက် ခုနက မီးသွေးခဲနဲ့ မှတ်ထားတဲ့ ရေမှတ်ကို သွားကြည့်လိုက်တော့ ရေတန့်နေတာကို သတိထားလိုက်မိတယ်။

ဒီလိုနဲ့ သားအမိနှစ်ယောက် အိမ်ပေါ်မှာပဲနေနေရတော့တယ်။ အပြင်ထွက်မယ်ဆို လှေကို လှမ်းခေါ်ပြီး လှေနဲ့ ဈေးသွားဝယ်ရတယ်။ လှေနဲ့ ကျောင်းသွားတက်ရတယ်။ မနေ့ညက အမေဆီကို ဖုန်းဆက်တော့ အမေက ကျွန်တော်ကို ပြောတယ်။

...... အမေ သားကို သတိရလိုက်တာ သားရယ်...တဲ့။ ဒီမှာ မိုးတွေအရမ်းရွာနေတယ်... တဲ့။ ရေတွေလည်း ကြီးနေပြီ....တဲ့။ ငါ့သားသာ ရှိရင် အိမ်ရှေ့က ရေထဲကို ဆင်းဆော့နေမှာ သေချာတယ်... တဲ့။

ဟုတ်မှာ...။ ကျွန်တော်ရေကြိုက်တာ အမေသိတယ်။ အမေနဲ့ ဖုန်းပြောနေရင်းနဲ့ ကျွန်တော် ကျွန်တော့်အိမ်လေးကို သတိရလိုက်တာဗျာ.....။

လေးစားစွာဖြင့်
ရီနိုမာန် 

August 12, 2012

မြနန်းစံကျော် ရွှေနန်းတော်ကြီး

တောင်ကြီး၊ ကလော၊ ပြင်ဦးလွင် နှင့် မန္တလေး ခရီးစဉ်အတွင်း သည်မြနန်းစံကျော် ရွှေနန်းတော်ကြီးကတော့ မြန်မာပြည်အလယ်ပိုင်း အတွက် နောက်ဆုံးနေရာပဲ ဖြစ်ပါတယ်။ သည်နေရာကို ငယ်ငယ်တုန်းက အမေတို့နဲ့ တစ်ခါ၊ ဆယ်တန်းအောင်ပြီး အလုပ်လုပ်တဲ့ အချိန်တုန်းက ရုံးကအဖွဲ့တွေနဲ့ တစ်ခါ၊ ခုသူငယ်ချင်းနဲ့ တစ်ခါထပ်ရောက်လာခဲ့ပြန်ပါတယ်။ နောက်ထပ် အကြိမ်ပေါင်း များစွာ ထပ်ရောက်အုံးမလဲ ကျွန်တော်မပြောတက်သေးပါဘူး။











လေးစားစွာဖြင့်
ရီနိုမာန်