April 30, 2010

ဧည့်သည်

လွန်ခဲ့တဲ့ လေးနှစ်လောက်က ကျွန်မအမေ အရေးပေါ် ဆေးရုံးတက်ခဲ့ရတယ်။ အဖျားကြီးသောကြောင့် အတွင်း လူနာ အဖြစ်ကုသ ခံနေရတဲ့ အချိန်ပေါ့။

တစ်ည ကျွန်မ ကျောင်းက အလုပ်ကိစ္စပြီးမှ အမေဆီရောက်ဖြစ်တယ်။ ကျွန်မ ဆေးရုံးရောက်တဲ့ အချိန်က ဧည့်တွေ့ချိန်ကျော်နေပြီ ဖြစ်သည်။ အိမ်မပြန်ခင် အမေကို ဝင်ကြည့်ချင်တာကြောင့် မောင်နှင့် အတူ ဆေးရုံးကိုရောက်လာခဲ့သည်။

ကျွန်မ အမေ့ဆီရောက်တော့ အမေနိုးနေသည်။ ဘေးနာမှာလည်း ကျွန်မ တစ်ခါမှ မတွေ့ဖူးတဲ့ အန်တီကြီး သုံးယောက် ကုတင်ဘေးမှာ ထိုင်နေတာကိုလည်း ကျွန်မတွေ့လိုက်ရသည်။

" လာ.. သမီး ဒါ မလေးရှားက လာတဲ့ သမီးရဲ့ အန်တီတွေပဲ .. နှုတ်ဆက်လိုက်အုံး" ဟု ပြုံးပြုံးရွှင်ရွှင်နဲ့ ပြောနေတဲ့ အမေ့ရဲ့ ဟန်ကို ကျွန်မတစ်ခါမှ မမြင်ဘူးခဲ့ပါ။ ကျွန်မလည်း အန်တီသုံးယောက်ကို တစ်ယောက်ချင်းစီ ဖော်ရွေစွာ နှုတ်ဆက်လိုက်သည်။

" သမီးတောင် တော်တော်အရွယ်ရောက်နေပြီပဲ" အန်တီ တစ်ယောက်မှ " ချောလည်း ချောပါတယ် .... ဟာ"

အန်တီ တစ်ယောက်က " သမီးက ရည်းစားရှိပြီလား "

" ဟုတ် အန်တီ၊ သူ အခုပါလာတယ်၊ သူ ကား ပါကင် ထိုးနေလို့"

" သမီး ကောင်လေးနဲ့ သမီး အန်တီတို့ ကို မိတ်ဆက်ပေးလိုက်အုံး၊ ကောင်လေးက သဘောအရမ်းကောင်းတယ်" ကျွန်မရဲ့ အမေမှ ဝင်ပြောသည်။

ကျွန်မလည်း သူတို့ ပြောတာကို ထိုင်ပြီးဝင်နားထောင်နေလိုက်တယ်။ သူ့တို့တွေ တစ်ယောက်နဲ့ တစ်ယောက် မတွေ့ရတာ အတော်ကြာပြီ ဖြစ်တဲ့ အကြောင်းနဲ့ ကျွန်မ မသိတဲ့ ဆွေမျိုးများ အကြောင်းကိုလည်း အတင်းအဖျင်း အနေနဲ့ ပြောနေကြပြန်ပါသည်။

သိပ်မကြာခင်မှာပဲ မောင်ရောက်လာပါတယ်။ အခန်းကို တစ်ချက် ပတ်ကြည့်ပြီး

မောင် ကော်ဖီ သွားယူလိုက်အုံးမယ်ဆိုပြီး အမေနဲ့ အန်တီ သုံးယောက်ကို နှုတ်မဆက်ပဲ လှည့်ထွက်သွားတယ်။ မောင့်ရဲ့ အပြုအမူဟာ ကျွန်မကို တုန်လှုပ်သွားစေတယ်။ အမေနဲ့ အန်တီ သုံးယောက်ကို အပြုံးနဲ့ တောင်းပန်လိုက်မိတယ်။ သူတို့ စိတ်ထဲမှာ စိတ်ဆိုးသွားဟန်ကို မျက်နှာမှာ မတွေ့တာကြောင့် ပြုံးပြပြီး အခန်းထဲမှ မောင်သွားတဲ့ ကော်ဖီစက်ရှိရာနောက်သို့ ကျွန်မ လိုက်သွားခဲ့တယ်...

" ခုနက မောင့်ရဲ့ အပြုအမူက သိပ်ရိုင်းတာပဲ "

" မောင် ဘာလုပ်လို့ လဲ"

" ဘာလုပ်ရမှာ... အခန်းထဲမှာ အမေနဲ့ ကျွန်မရဲ့ အန်တီတွေ စကားပြောနေတာကို တစက်ကလေးမှ မပြုံးပြ မနှုတ်ဆက်ပဲ ဒီအတိုင်းလှည့်ထွက်သွားတာ မောင့် အပြုအမူ မရိုင်းလို့ ဘယ်သူရိုင်းအုံးမှာလဲ"

" ဘယ်က အန်တီတွေလဲ.. မောင်တွေ့တာ အမေတစ်ယောက်တည်းပါ"

" အမေ့ကိုတွေ့ရဲ့သားနဲ့ ဘာလို့ မနှုတ်ဆက်ရတာလဲ ၊ ရှင်ဘာတွေဖြစ်နေတာလဲ .. ရှင်ဟာလေ..."

" အမေ အိပ်နေတဲ့ ဟာ မောင်က ဘယ်လိုလုပ် နိုးရဲမှာလဲ"

" အမေ မအိပ်ဘူး။ ကျွန်မ အခန်းထဲကိုရောက်ကတည်းက သူ့ညီမတွေနဲ့ စကားပြောနေတာ" ကျွန်မရဲ့ စကားကြောင့် မောင် ကျွန်မကို သေသေချာချာ စိုက်ကြည့်နေပါတော့တယ်။ ပြီးတော့....

" မင်းတို့ ဒီမှာ ဘာလုပ်နေတာလဲ၊ ခုချိန်က ဧည့်ချိန်မဟုတ်တော့ဘူး။ စကားတိုးတိုးပြောကြ၊ ဒါလူနာတွေ အနားယူတဲ့ အချိန်" ကျွန်မတို့ လှည့်ကြည့်လိုက်တော့ ကျွန်မတို့နောက်မှာ တာဝန်ကျ နာစ့်မက ရောက်နေသည်။ မောင်က နာစ့်မ ကိုတွေ့တာနဲ့

" ဆရာမ အခန်း ၁၃မှာ လူနာလာကြည့်တဲ့ ဧည့်သည်များ ရောက်နေတာ ဆရာမ တွေ့မိသေးလား ဆရာမ" မောင့်ရဲ့ မေးးခွန်းကြောင့် ဆရာမရဲ့ပဟေဋ္ဌိဆန်သော အကြည့်နှင့်အတူ..

" အခန်း ၁၃...မှာ။ ဘယ်သူမှ မလာပါဘူး။ ဒီည လူနာက ကောင်းကောင်းအနားယူရမှာလေ"

ကျွန်မ ရုတ်တရက် အမေ့ရဲ့ အခန်းဘက်သို့ အလျင်အမြန် ပြန်လာခဲ့သည်။ အခန်းတံခါးကို ဖွင့်ကြည့်လိုက်တော့ ကုတင်ဘေးမှာ ဘယ်သူမှ မရှိတော့ဘူး။ နှစ်နှစ်ခြိုက်ခြိုက် အိပ်ပျော်နေတဲ့ အမေ့ကိုတွေ့လိုက်ရသည်။ ကျွန်မနောက်မှ မောင်နှင့် နာစ့်မ ရောက်လာပြီး၊ နာစ့်မကအမေ့ကို လိုအပ်တာများ စစ်ဆေးပြီး
" လူနာက အေးဆေး အနားယူနေတယ်၊ အခြေအနေကောင်းတဲ့ အနေအထားပါပဲ"


သိပ်မကြာပါဘူး အမေလည်း ဆေးရုံးက ဆင်းပြီး အိမ်မှာပဲ လအနည်းလောက် အနားယူလိုက်တယ်။ တစ်နေ့ ကျွန်မလည်း ဆေးရုံးမှာ တွေ့ခဲ့တဲ့ အန်တီတွေ အကြောင်းကို သတိရလို့ အမေကိုမေးကြည့်လိုက်မိတယ်။

" မလေးရှားမှာ အမေရဲ့ မောင်နှမတွေ ရှိသေးလား ဟင်"

" အင်း .. ရှိတယ် ။ မလေးရှားမှာ နေတုန်းက ညီအစ်မ လေးယောက်ပေါ့။ ဒါပေမဲ့ စစ်အတွင်းတုန်းက ဂျပန်တွေ သတ်လို့ သူတို့ သုံးယောက် သေသွားကြပြီ။ သမီးမေးတာ သူတို့ သုံးယောက်လား "

ဆေးရုံးမှာ တွေ့ခဲ့တဲ့ အန်တီ သုံးယောက် က အမေပြောတဲ့ ............................................။

လေးစားစွာဖြင့်
ရီနိုမာန်

True Ghost Stories မှ ဘာသာပြန်ပါသည်။

April 28, 2010

ကဗျာတွေ စာတွေ ငါမရေးချင်ဘူး

ငါ ကဗျာတွေ မရေးတက်ဘူး
ရေးတက်အောင်လည်း
ငါ မကြိုးစားချင်ဘူး

မဖြစ်မနေ ရေးရမယ် ဆိုရင်
ငါရဲ့ စာတွေဟာ
ကဗျာ ဖြစ်မလာခဲ့ပဲ
မင်း ရင်ကို စိုက်ဝင်သွားမဲ့
မြှားတစ်စင်း ဖြစ်မှာတော့ သေချာတယ်

ငါစာ မရေးတက်ဘူး
ရေးတက်အောင်လည်း
ငါ မကြိုးစားခဲ့ဘူး

ငါရေးတဲ့ စာကိုမှ ဖတ်ချင်ပါတယ်
ဆိုရင်တော့
နုညံ့တဲ့ မင်းရင်ခွင်ကို
တံတိုင်းသာ ကာထားပေတော့ ချစ်သူ.......


လေးစားစွာဖြင့်
ရီနိုမာန်

April 27, 2010

ကျွန်တော့် ကိုယ်တွေ့

ဘက်စ်ကား မောင်းတဲ့အလုပ်ဖြင့် အသက်မွေးလာခဲ့သည်မှာ ခုဆိုရင် ၁၂နှစ်ကျော်ခဲ့ပါပြီ။ ကျွန်တော်ရဲ့ ပုံမှန်အလုပ်ချိန်ကိုတော့ ညနေပိုင်း အလုပ်ချိန်ယူထားသဖြင့် အိမ်ပြန်ရောက်တဲ့ အချိန်တွေဟာ ညဥ့်နက်တဲ့ ညပိုင်းအချိန်ပါပဲ။ ကျွန်တော်အတွက်တော့ အထူးအဆန်း မဟုတ်တော့ပင်မဲ့ ထူးထူးဆန်းဆန်းလေး ဖြစ်သွားခဲ့တဲ့ အိမ်ပြန်ချိန် အမှတ်တရလေးကိုတော့ မှတ်မိနေပါသေးတယ်။ အဲဒီနေ့က စနေနေ့ ည ကျွန်တော် အိမ်ပြန်ချိန်မှာပေါ့.............

ညဥ့်နက်နေပြီး ဆိုပေမဲ့လည်း ပြန်နေကျဖြစ်တဲ့ ကျွန်တော်အတွက်တော့ ဘာမှ မထူးခြားသလိုပါပဲ။ တိတ်ဆိတ်နေတယ် ဆိုပင်မဲ့ အေးဆေးနေတဲ့ အရသာကိုတော့ ကျွန်တော် နှစ်သက်နေမိတာအမှန်။ ကျွန်တော် နေတဲ့အထပ်ရောက်လို့ ဓါတ်လှေးကားမှ အထွက်မှာတော့ ပုံမှန်မဟုတ်တဲ့ ခံစားမှုမျိုးနဲ့ ကျွန်တော်ကို ဝင်တိုးသွားတဲ့ လေစိမ်းတစ်ချို့ရဲ့ မသိမသာ တိုက်ခက်သွားတာကို ခံစားလိုက်ရတယ်။ တဆက်တည်း ဓါတ်လှေခါးရှေ့တည့်တည့်မှာ အဖြူရောင်ဂါဝန်လေးဝတ်ပြီး ထိုင်နေတဲ့ ကလေးမလေးတစ်ယောက်ကို သတိထားလိုက်မိတယ်။

ဒီလိုအချိန် ဒီလိုနေရာမှာ တွေ့မြင်လိုက်ရတဲ့ ကျွန်တော်အတွက်တော့ ထူးဆန်းနေတာတော့ အမှန်။ သူမရဲ့မျက်နှာမှာလည်း မျက်ရည်တွေနဲ့ ဘယ်လောက်တောင် ငိုထားလည်းတော့ မသိဘူး။ သူမရဲ့ မျက်လုံးဟာ နီရဲ လိုနေတယ်။ သူမရဲ့ အနီးသို့ရောက်အောင် ကျွန်တော် လျှောက်လာခဲ့တယ်။

" ကလေး ဘာဖြစ်လို့ ဒီမှာတစ်ယောက်တည်း ထိုင်နေရတာလဲ " .... ကျွန်တော် မေးသော မေးခွန်းကို သူမ ကြားရပင်မဲ့ တုန်ပြန်ခြင်း မရှိခဲ့။ ကျွန်တော်ကပဲ ထပ်မေးလိုက်တယ်။

"ဘာဖြစ်လို့လဲ သမီး ... ဦးကိုပြောလေ ..... ဦး ဘာကူညီပေးရမလဲ ".....

သမီးဆိုတဲ့ အသုံးအနှုန်းကိုပဲ သုံးလိုက်၍လား၊ ဒါမှမဟုတ် ကျွန်တော်ကို ယုံကြည်သွား၍ပဲလား ကျွန်တော် မပြောတက်၊ သူမရဲ့မျက်ဝန်းမှာ ကြေကွဲဝမ်းနည်းတဲ့ အကြည့်တွေနဲ့ ကျွန်နော်ကို တစ်ချက်ကြည့်ပြီး.....

"ဖေဖေနဲ့ မေမေ ကသမီးကိုမချစ်ဘူး။ ဖေဖေကလည်း သမီးကို စကားမပြောဘူး။ မေမေလည်း သမီးကို လုံးဝဂရုမစိုက်ဘူး။"

"သမီးက သမီးမိဘတွေ စိတ်ဆိုးအောင် ဘာလုပ်မိလို့လဲ"

" ဟင်းအင်း သမီး ဘာမှ မလုပ်ပါဘူး"

" မိဘဆိုတာ သူ့တို့သားသမီးကို မချစ်ဘူးဆိုတာ မရှိဘူးသမီး၊ အကြောင်းမဲ့ စိတ်ဆိုးတယ် ဆိုတာလဲ မရှိသလောက်ပဲ၊ သူ့တို့မှာ အကြောင်း တစ်ခုခုရှိလို့ဖြစ်လိမ့်မယ်။ သမီးမေးကြည့်ပါလား"

" ဟင်းအင်း သမီးမမေးရဲဘူး "

" ဒါဆို သမီက နားလည်ရမှာပေါ့။ သမီးရဲ့ မိဘတွေက အလုပ်များတဲ့ လူတွေဆိုတော့ အိမ်ပြန်ရောက်တဲ့ အခါ ပင်ပန်းနေကြမှာပေါ့။ ဒါကိုကြည့်ပြီး သမီးက သမီးကိုမချစ်ဘူးလို့ ပြောလို့မရဘူးလေ သမီရဲ့"

ကျွန်တော်ရဲ့ အပြောကို နားလည်သွားဟန်ဖြင့်

" ဦး ပြောတာတကယ်လား ၊ ဒါဆို သမီးအိမ်ပြန်တော့မယ်"

" အေးအေး.... ဦးလိုက်ပို့ပေးမယ်"

သူမနေတဲ့ အထပ်က ကျွန်တော်နေတဲ့ အထပ်ရဲ့ သုံးထပ်မြောက်ကို လိုက်ပို့ပြီး ကျွန်တော်လည်း လှေကားမှ ပြန်ဆင်းလာခဲ့သည်။ ခုနက ကလေးမလေး ထိုင်တဲ့နေရာအရောက်မှာတော့ လက်ကောက်လေး တစ်ကွင်းကို တွေ့လိုက်ရတယ်။ ဒါနဲ့ ကျွန်တော်လည်း ကောက်သိမ်းလိုက်ပြီး မနက်ကျမှ ပြန်ပေးတော့မယ်ဆိုပြီး အိမ်ထဲဝင်လာခဲ့တော့တယ်။

------------------- ။။။။။။။။ -------------------------------

နောက်မနက်မှာတော့ ညက ကလေးမလေး ပြတဲ့အိမ်ခန်းကို တံခါးသွားခေါက်လိုက်တော့ အိမ်ထဲမှ လူငယ်တစ်ယောက်ထွက်လာပြီး....

" ဘာကိစ္စရှိလို့ပါလဲဗျာ" သံသယ မျက်လုံးနှင့် မေးလာသော လူငယ်အား လက်ကောက်လေးကိုပြပြီး

" ဒါ မနေ့က ခင်ဗျာ သမီး မေ့ကျန်ခဲ့တဲ့ လက်ကောက်"

" ကျွန်တော် သမီး"

လူငယ်ရဲ့ အလန့်တကြားပြောသံနဲ့အတူ လက်ကောက်ကလေးကိုလှမ်းယူပြီး သေသေချာချာကြည့်နေတာကို ကျွန်တော် သတိထားလိုက်မိတယ်။ အိမ်ထဲ ဝင်ထိုင်ပါအုံးဆိုတာနဲ့ ကျွန်တော်လည်း ကလေးမကို တွေ့ဖို့ ရည်ရွယ်ချက်နဲ့ ဝင်ထိုင်ပြီး အိမ်ထဲ တစ်ချက်မျက်လုံးကစား ကြည့်လိုက်မိသည်။ အိမ်ရဲ့ အနေအထားကို ကြည့်ရတာကလည်း ကလေးရှိနေတဲ့ အနေအထား မဟုတ်။ မီးဖိုချောင်ထဲမှ ထွက်လာတဲ့ လူငယ်ရဲ့ အိမ်သူလို့ ထင်ရသော အမျိုးသမီးငယ်အား ပြုံးပြလိုက်ရင်း....

" ကလေးလည်း မတွေ့ပါလား။ ကျောင်းသွားပြီနဲ့တူတယ်"

ကျွန်တော်ရဲ့ မေးခွန်းကြောင့် ထိုအမျိုးသမီးရဲ့ မျက်နှာမှာ အံ့သြခြင်း ကြောက်ရွံ့ခြင်းတွေနဲ့အတူ ရုတ်တရက်မျက်ရည်ကျလာပါတော့တယ်။

လူငယ်မှ ကျွန်တော်ကိုကြည့်ပြီး.....

" ကျွန်တော်တို့မှာ ကလေးမရှိဘူးဗျ"

" ကလေးမလေး ပြောတော့ ခင်းဗျာတို့ က သူ့ရဲ့ မိဘတွေတဲ့ဗျ။ ကလေးက အရမ်းငယ်ပါသေးတယ်ဗျာ။ အဲလိုကြီးတော့ ပစ်မထားသင့်ပါဘူးဗျာ"

" ကျွန်တော်တို့မှာတော့ သမီးလေး တစ်ယောက်တော့ ရှိခဲ့ဖူးတယ်" လူငယ်မှ ပြောလာသည်။

" အကယ်၍ အပြစ်ပေးချင်ရင်လည်း ဆူယုံလောက်ပဲ ဆူပါဗျာ။ ကလေးက သနားပါတယ်။ မနေ့က ကျွန်တော်နဲ့တွေ့တော့ လှေကားမှာ တစ်ယောက်တည်း ထိုင်ငိုနေတာဗျ။ သနားပါတယ်ဗျာ။"

" ခင်းဗျာ ပြောတဲ့ သမီးလေးက လွန်ခဲ့တဲ့ ငါးနှစ်လောက်ထဲက ဆုံးသွားပြီဗျ"

" ဗျာ " အံ့သြခြင်းများစွာနှင့်အတူ ထိုလူငယ်အား သေသေချာချာ စိုက်ကြည့်လိုက်မိပါတော့တယ်။

( ပြီးမှ ကျွန်တော်သိခဲ့ရတာကတော့ နှစ်တိုင်းသွားနေကျဖြစ်တဲ့ ကလေးမလေးရဲ့ အုပ်ဂူကို သူ့တို့ ဒီနှစ် မရောက်သေးကြောင်း၊ လက်ကောက်ကလေးမှာလဲ သူ့တို့ သမီးလေးရဲ့ လက်ကောက်ဖြစ်ကြောင်း၊ များကို ပြောပြလာပါတယ်)

ဒါဆို သေချာသွားပြီ။ မနေ့ညက ကျွန်တော် သရဲအခြောက်ခံလိုက်ရတာပေါ့။

လေးစားစွာဖြင့်
ရီနိုမာန်

မှတ်ချက် - TRUE GHOST STORIES ထဲမှ ဘာသာပြန်ပါသည်။ ဘာသာပြန် လွဲမှားမူ ရှိခဲ့ပါက ကျွန်တော့်ရဲ့ အမှားနှင့် တာဝန်သာဖြစ်ပါကြောင်း.......

April 26, 2010

ကံ မပါခဲ့ဘူး ရှင်......ရယ်

ကျွန်မ ရှင့်ကိုပြန်ချစ်ဖို့ ကြိုးစားခဲ့ပါတယ်။ ကျွန်မ အချစ်တွေ ရှင့်ဆီကို မရောက်ခင်မှာပဲ ရှင် ကျွန်မအနားက ထွက်ပြေးသွားခဲ့တယ်နော်။ ထွေးပြီးသာ တံတွေးကို ပြန်မမြိုချတက်သလို၊ မထွေးရသေးတဲ့ တံတွေးကိုလည်း ပြန်မြိုချတက်တဲ့ ကျွန်မရဲ့ ရင်ထဲမှာ ရှင်နဲ့ ပတ်သက်တဲ့ ခံစားချက်တွေကို ဒီရင်ထဲမှာပဲ တစ်သက်လုံးသိမ်းထား လိုက်ပါတော့တယ်။ ရှင့်ကို ဒါတွေ မပြောချင်တော့ပင်မဲ့ ရှင်သိသင့်တယ်ထင်လို့ ကျွန်မ ဒီစာကိုရေးလိုက်ရတာပါ။ ကျွန်မကို ပြန်ချစ်လာအောင်လို့ ရေးနေရတာမဟုတ်ပါဘူး။ ကျွန်မရဲ့ ခံစားချက် သပ်သပ်ပါပဲ။

သူငယ်ချင်းတွေနဲ့ပတ်သတ်ရင် အမြဲတမ်းအချိန်တိကျပါတယ်လို့ ..မှတ်တမ်းတောင်တင်ခံရတဲ့သူက.. ကျွန်မနဲ့ပတ်သတ်ရင် ...ဘယ်တုန်းကမှ အလေးအနက်မထားခဲ့ပါဘူးဆိုတာ....အတွေ့အကြုံတွေအရ သိလိုက်ပါတယ်...... သူငယ်ချင်းတွေကြားမှာ အချိန်သိပ်တိကျတက်တဲ့ ရှင်ဟာ ကျွန်မနဲ့ ပတ်သက်လာရင်းတော့ အချိန်ပျက်ကွက်တက်တဲ့ ရှင့်ကို ကျွန်မနားလည်ပေးခဲ့တယ်။ ကျွန်မနဲ့တွေ့ဖို့ ဘယ်အချိန်ဖြစ်ဖြစ် မငြင်းတက်ပင်မဲ့ အချိန်မမှန်တဲ့ ရှင့်ကို ကြာလာတော့ နားလည်ရခက်လာတယ်။ ရှင့် ကျွန်မကိုချစ်တယ် ဆိုတာ ဟုတ်မှ ဟုတ်ရဲ့လားလို့ ကျွန်မရဲ့ အတွေးတွေထဲမှာ ရောက်လာခဲ့ရတယ်။ အဲဒီ အတွေးကို ကျွန်မ မသိချင်ယောင်ဆောင်နေခဲ့ပါတယ်။ ရှင် ကျွန်မဆီက ထာဝရ မထွက်သွားခင် အချိန်ထိပေါ့။ နောက်ပိုင်းတော့ ကျွန်မသိလာခဲ့ရတယ်။ ရှင်ဟာ ကျွန်မထက် သူငယ်ချင်းတွေကို ပိုချစ်တယ် ဆိုတာကိုပေါ့။

ဒီညကလည်းမိုးတွေက အရမ်းရွာတော့ မိုးချိန်းရင် အိမ်မရတဲ့အကျင့်ကြောင့် မိုးလင်းခါနီးထိ အိပ်မပျော်ခဲ့ပါဘူး.... အိမ်မရတဲ့အတူတူအတွေးတွေက ဟိုရောက်ဒီရောက်မှာ.. မိုးရွာထဲမှာ.. တစ်ယောက်ထဲထားခဲ့ပြီး.. ဆောရီဆိုတဲ့..မက်ဆေ့လ်လေး တစ်စောင်ကို လက်ခံလိုက်ရတဲ့အချိန်ကို သတိပြန်ရလိုက်မိပါတယ် ....ဖုန်းလေးတစ်ချက်ဆက်ပြီးအကြောင်းကြားဖို့တောင် ကျွန်မက ရှင့်အတွက် အရေးမပါဘူးလားလို့ တွေးလိုက်မိတယ်ဆိုရင်... တွေးမိတဲ့လူကအပြစ်လား..... သွားမယ်လို့ချိန်ထားပြီးမှ အလုပ်ရှိတယ်ဆိုရင်တောင်...စောင့်နေတဲ့သူကို ..ဘယ်အချိန်လာဖြစ်မယ့်အကြောင်း အကျိုးအကြောင်း လေးပြောဖို့ စိတ်ကူးမရှိတာ.....စောင့်နေတဲ့လူအပြစ်လား........ဆိုတာကျွန်မကိုယ်တိုင်တောင် မသိတော့ပါဘူး...

ဒီစာကိုဖတ်လိုက်ရလို့ ရှင့်ရဲ့စိတ်တွေ ပြန်လည်လာမှာ မဟုတ်ဖူးဆိုတာကိုလည်း ကျွန်မသိပါတယ်။ စိတ်တွေ ပြောင်းလာအောင်လို့ ရေးနေရတာမဟုတ်ပါဘူး။ ရှင့်ကို သိစေချင်ယုံသပ်သပ်ပါ။ ရှင် ကျွန်မဆီက မထွက်သွားခင် အချိန်မှာတော့ ကျွန်မ ရှင်းရှင်းလင်းလင်း သိလိုက်ရပါတယ်။ အဲဒါကတော့ ရှင် ကျွန်မကို ချစ်တယ် ဆိုတာ ဟန်ဆောင်နေမှန်း ကျွန်မသိလိုက်တာ ကျွန်မအတွက်တော့ ကံကောင်းတယ်လို့ပဲ ပြောရမယ်နဲ့တူပါတယ်။

ဘာပဲ ဖြစ်ဖြစ် ရှင်ရယ် .... ရှင် ကျွန်မကို ချစ်ခဲ့ဖူးတဲ့အတွက် ကျွန်မရာဇဝင်မှာတော့ ရှင်နာမည်ကို ကျွန်မရဲ့ ရင်ထဲမှာ တံဆိပ်တပ်ထားမှာပါ။ ရှင်ကြောင့်လည်း ကျွန်မ ယောက်ျားတွေ အကြောင်းကိုပိုသိခဲ့ရတယ်။ ရှင်တို့ လိုချင်တာ ရှိခဲ့ရင် ရအောင်ယူတက်ကျပြီး မလိုချင်တော့ဘူးဆိုရင်တော့ မဆိုင်တော့သလို နေတက်တဲ့ ရှင်ရဲ့ အကျင့်ကိုလည်း ကျွန်မသတိထားမိသွားတယ်။ အမှန်အတိုင်းပြောရရင် ရှင်ကို ကျွန်မ ချစ်ချင်ပင်မဲ့ ထာဝရ နှုတ်ဆက်လိုက်ရပါတယ်။ ရှင်နဲ့ ကျွန်မရဲ့ ပေါင်းဆပ်ရမဲ့ ကံက ပါမလာဘူးလို့ ပဲ ကျွန်မဖြေတွေး လိုက်ပါတော့တယ်။


လေးစားစွာဖြင့်
ရီနိုမာန်

April 23, 2010

သူငယ်ချင်းများသို့ အိတ်ဖွင့်ပေးစာ ( ၄ )

ကိုယ်နှစ်တန်းနှစ် စာမေးပွဲပြီးတော့ ကိုယ့်အဖေ တပ်ပြောင်းမိန့် ကြတယ်။ ပုသိမ် တဲ့။ ကိုယ်ပျော်နေခဲ့ မိမယ်ထင်တယ်။ ဘာဖြစ်လို့လဲ ဆိုတော့ အဲဒီအချိန်တုန်းက " ကျနော် မမပုသိမ်သူ " ဆိုတဲ့ သီချင်းလေး ကို ကြိုက်နှစ်သက်နေတဲ့ အချိန်ပေါ့။ ကိုယ်ထင်ခဲ့တာက ပုသိမ်မြို့ပေါ်မှာ နေရမယ်လို့ ထင်နေခဲ့တာ။ တကယ့်တကယ် ပြောင်းရတော့ ပုသိမ်မြို့နဲ့ တစ်နာရီလောက်ဝေးတဲ့ နေရာ၊ အိမ်ရဲ့အနောက်ဘက်ကို ကြည့်လိုက်ရင်း တောကြီး သက်သက်ပဲ ရှိတဲ့ နေရာကိုပေါ့။

ရောက်ရောက်ချင်း အရာရှိ အိမ်တွေ ပြည့်နေလို့ အရာခံဗိုလ်လိုင်းမှာပဲ နေခဲ့ရတယ်။ နေခဲ့ရတဲ့ အိမ်နဲ့ ပတ်သက်ပြီတော့လည်း အမှတ်တရ ရှိခဲ့ရပြန်တယ်။ အဖြစ်ကဒီလို.........

" အမရေ တပ်ထဲမှာ ကြွေဗေဒင် ဟောတဲ့ ဆရာမ တစ်ယောက် ရောက်နေတယ် "

ဆိုတဲ့ အသံလည်း ကြားရော ကိုယ့်အမေက ချက်ချင်းပဲ အိမ်ကို အခေါ်ခိုင်းလိုက်ပါတော့တယ်။ ဆရာမ အိမ်ကိုရောက်တော့ " အမ နတ်လည်း မေးချင် မေးလို့ရတယ်" ဆိုတော့ သိတဲ့ အတိုင်းပေါ့။ ဝါသနာပါတဲ့ ကိုယ့် အမေအတွက်တော့ အဆင်သင့်လိုက်တာပေါ့လို ပြောရမယ် ထင်တယ်။ အဲဒီ အချိန်တုန်းကလည်း ကိုယ်က အရင်တုန်းက ပြောခဲ့ သလိုပဲပေါ့။ အစမ်းသပ်ခံ ဘဝပေါ့။

သိပ်မကြာလိုက်ဖူး နတ်ဝင်လာပြီးတော့ အိမ်ရဲ့ ကြမ်းပြင်ကို တဘုန်ဘုန်နဲ့ ပုတ်ပါတော့တယ်။ အိမ်နဲ့ ပတ်သက်တာတွေ ကို ပြောပြပါတော့တယ်။ ကိုယ့် အမေလည်း နားထောင် အံ့သြနေတော့တာပေါ့။ ဘေးအိမ်က အန်တီတွေကိုမေး ကြည့်တော့မှ ဟုတ်တယ်တဲ့။ အမ စိတ်မကောင်း ဖြစ်မှာဆိုးလို့တဲ့ လေ။ ကိုယ်တို့ နေတဲ့ အိမ်က အရင်းနေသွားတဲ့ မိသားစုက သေကွဲကွဲသွားကြတာတဲ့။

ဘာကြောင့်လဲ ဆိုတဲ့ အကြောင်းကို ရှာလိုက်တော့ အိမ်အောက်မှာ ရှိနေတဲ့ တောင်ပို့ကြောင့်လို့ဆိုပြီးတော့ အိမ်နီးနားချင်းတွေက ပြောကြတာပါပဲ။ သူတို့ရှိတုန်းက အိမ်အောက်က တောင်ပို့က ခြေတန်းရှည်ဖြစ်တဲ့ အိမ်ကို ထိတဲ့ အထိမြင့်တက်လာတယ် လို့ပြောတယ်။ အဲ့ဒီအချိန်တုန်းက သူတို့ မိသားစုက စီပွားရေး အရမ်းကောင်း၊ ဘာလုပ်လုပ် အဆင်ပြေတဲ့ အချိန်ပေါ့။ နောက်ပိုင်း ပိုက်ဆံ ရှိလာတဲ့ ဒဏ်ကို မခံနိုင်တဲ့ ယောက်ကျာင်္ကြောင့်လား၊ အချိန်တန်သွားလို့လာတော့ မပြောတက်ဘူး အရက်မူးမူးနဲ့ တောင်ပို့ကို ပေါက်တူးနဲ့ ပေါက်ချလိုက်တာ မိသားစု ဘဝပျက်သွားရတဲ့ အထိပါပဲ။

ဒါတွေကို အယုံအကြည်ရှိတဲ့ အမေကတော့ တောင်ပို့နေရာ အဟောင်းမှာ သန့်ရှင်းရေးလုပ် အမွှေးနံ့သာ နဲ့ ပါးစပ်ကလည်း တစ်တွတ်တွတ်နဲ့ပေါ့ဗျာ။ အိမ်သားတွေကိုလည်း အမေက မှာထားသေးတယ်။ အနေအထိုင်နဲ့ အပြောအဆို ဆင်ခြင်ဖို့ သတိပေးထားတယ်။ သတိပေးထားတဲ့ ကြားကပဲ မွေးစားအကိုဖြစ်တဲ့ ကိုယ့်အကိုက အိမ်သန့်ရှင်းရေး လုပ်နေရင်း ဓါးနဲ့ တောင်ပို့နေရာဟောင်းကို သွားစွလိုက်မိတယ်။ အမေသိတော့ ပြောမဆုံ ပေါင်တောသုံး တောင် ဖြစ်ပါလေရော။

တစ်ဆက်တည်း ဖြစ်တဲ့ အဖြစ်ပျက်ပေါ့။ ကိုယ့်အကို နေလည်ခင်းအိပ်တော့ ကိုယ့် အကိုအိပ်တဲ့ ဖျာအောက်မှာ မြွေဝင်ခွေနေတာ ကိုယ်ဖျာသိမ်းတော့မှပဲ တွေ့တော့တယ်။ ကိုယ်အကိုကတော့ အိပ်နေတော့ မသိဘူးနဲ့ တူပါတယ်။ မြွေဆိုတဲ့ အသိနဲ့ပဲ အရှင်တော့ ပေးမထွက်လိုက်ဘူးပေါ့။ ကိုယ့်ရဲ့ မွေးစားအကိုက ခရစ်ယာန် ဘာသာကိုးကွယ်တာ။ အမေနဲ့တွေ့တော့ တောင်ပို့ကို သွားတောင်းပန်ရတဲ့ ဖြစ်နဲ့ ကြုံတော့တာပေါ့။ သူပဲလားဆိုတော့ မဟုတ်သေးဘူး။ သူ့အမေပါ တောင်းပန်ရတာ။ သူ့ အမေကတော့ ကိုယ်တို့ အိမ်နောက်မှာ ရှိတဲ့ တောထဲသွားပြီး မျှစ်သွားနုတ်တုန်း ကြုံရာအပေါ့ သွားခဲ့လို့ ပြန်လာတဲ့ အချိန်မှာ တစ်ကိုယ်လုံး အဖုအထစ်တွေ ထွက်လာတာ ဘာဖြစ်မှန်းလဲ မသိ။ ဆေးသောက်လဲ မပျောက်၊ တစ်ပတ်လောက်ကြာတော့ မှ အမေကို " အမ ငါ ဟိုးတစ်နေ့က တောထဲ မှာ အပေါ့ သွားခဲ့တယ် " တဲ့ ။ ဖြစ်ဖြစ်စက မေးတုန်းကတော့ မသိဘူး မလုပ်ဘူးပေါ့။ ခုတော့ ကြောက်သွားလို့နဲ့တူပါတယ်။

ဒီလိုနဲ့ အချိန်ကျလာလို့လား၊ ဒါမှမဟုတ် အမေ့ရဲ့ ဆုတောင်းကြောင့်များလားလို့ စဉ်းစားချိန်မရလိုက်ဘူး အဲ့ဒီအိမ်ကို ရောက်ပြီ တစ်နှစ် ပြည့်မှာပဲ အဖေကို ရာထူးတိုးနဲ့ ပြောင်းမိန့် ကျလာတယ်။ ဘာအကြောင်း ကြောင့်မှန်း သေသေချာချာ မသိပင်မဲ့ လည်း ကိုယ်သတိထားလိုက်မိတာကတော့ မယုံကြည်ချင်နေပါ မစော်ကားမိဖို့ သာ အရေးကြီးပါတယ်။ အမှောင်ပရောဂ ဆိုတာကလည်း သိတဲ့ အတိုင်း မမြင်ရတော့ ပြောရအခက်သားဗျာ...........


လေးစားစွာဖြင့်
ရီနိုမာန်

April 21, 2010

စိုးရိမ်နေမိတယ်

ကိုယ့်အကြောင်း ရေးမယ်ဆိုပြီး “ သူငယ်ချင်းများသို့ အိတ်ဖွင့်ပေးစာ ( ၁ ၊ ၂ ၊ ၃ ) ဆိုပြီး ရေးခဲ့ပါတယ်။ စိတ်ဝင်စားစရာ မကောင်းပေမဲ့ အမှတ်တရအဖြစ်နဲ့ ကိုယ့်ငယ်ဘဝ အကြောင်းလေးတွေကိုရေးချခဲ့ မိပါတယ်။ ခင်ရာဆွေမျိုး မြိန်ရာ ဟင်းကောင်း ဆိုသလိုမျိုးပဲပေါ့။ အခုလည်း သူငယ်ချင်းများသို့ အိတ်ဖွင့်ပေးစာ (၄) ခေါင်းစဉ်ကြီးအောက်မှာ ခေါင်းစဉ်ငယ်များနဲ့ ရေးမယ်လို့ စိတ်ကူးရပြန်ပါတယ်။ ဒါကိုဖတ်ပြီး ကျွန်တော်ရဲ့ ချစ်လှစွာသော သယ်ရင်းကြီးက ပြောမှာ သေချာပါတယ်။ ( ………………………)။

ဘလောဂ့်လည်တဲ့ အလုပ်ကိုလည်း ခုနောက်ပိုင်း အလုပ်များတာက တစ်ကြောင်း၊ လူနဲ့ စိတ်နဲ့ မကပ်တာက တစ်ကြောင်း ၊ အကြောင်း အမျိုးမျိုးကြောင့်ပဲ လို့ ပြောရတော့မှာပေါ့။ ပိုစ့်မရေးနိုင် စာမဖတ်နိုင်ဖြစ်နေခဲ့ရတယ်။ အဓိကကတော့ ကိုယ်ပိုင် ကွန်ပြုတာ မရှိတာကြောင့်လို့ပဲ ပြောရမှာပါ။ ကံကောင်းချင်တော့၊ ကံကောင်းတယ်လို့ပဲ ပြောရမလား မပြောတက်ဘူး။ ကွန်ပျူတာကို ဟိုတစ်စ ဒီတစ်စနဲ့ လိုက်စုလိုက်တာ တစ်စုံပြည့်သွားတော့တယ်။ တစ်စုံပြည့်သွားလို့ သုံးရတော့မယ်လို့ တွေးခါရှိသေးတယ်။ လိုင်းဖြတ်ခြင်းကို ကောင်းကောင်းကြီး ခံလိုက်ရပြန်တာပေ့ါ။

စိတ်က ဒီအထဲမှာပဲ ရှိနေတော့ ရှာကြံပြီးလုပ်လိုက်တော့ အွန်လိုင်း သုံးလို့ရသွားပြန်တယ်။ ဟော့… သုံးလို့ရသွားပြန်တော့လည်း နောက်တစ်ခု ဖြစ်ပြန်ပြီ။ မြန်မာလို့ ရိုက်လို့ မရပြန်ဘူး။ အကြိမ်ကြိမ် အခါခါ လက်ကွက်ကို အင်စတော လုပ်လဲ လုပ်တာပဲ အဖတ်တင်တယ်။ သူများ ဘလောဂ့်ကို မြန်မာလိုဖတ်လို့ရပြီး ကိုယ့်ဘလောက်ကျမှ ကွပ်ရှင်းမှတ်တွေ ပဲပေါ်နေတော့တယ်။ ဘာပဲဖြစ်ဖြစ် သည်းခံနေရတာပေါ့။ အသစ်မှ မဟုတ်တာပဲလေလို့။

တစ်ရက် ကံကောင်းထောက်မစွာနဲ့ မြန်မာလို ဖတ်လို့ရလို့ ဝမ်းသာနေတုန်းရှိသေးတယ်။ မှားပြီး ခလုပ်မှားနှိပ်မိလို့ Shut Down ကျသွားတာ လုံးဝပြန်တက်မလာတော့ဘူး။ အမျိုးမျိုးလုပ်လဲ လုံးဝ ပြန်မတက်လာဘူး။ စိတ်ထဲမှာတော့ ( အသစ်မှ မဟုတ်တာပဲလေ) ဒါနဲ့ ဖြေနေရတော့တာပေါ့။ ကြာလာတော့ စိတ်က မရှည်ချင်တော့ဘူး။ ဒေါသကထွက်ထွက် နဲ့ခြေမနဲ့ ပါဝါကို ထိုးဖွင့်လိုက်တာ ( အဲမယ် … ခြေမတော့ ကြောက်တယ်ထင်ပါ့) Window တက်လာပါတော့တယ်။

ဘယ်အချိန်များ ပြန်ကျသွားအုံးမလဲ ဆိုတဲ့ စိုးရိမ်စိတ်နဲ့ ခုဒီပိုစ့်လေးကို ခက်ခက်ခဲခဲ ရေးနေရပါတယ်။ အမှားပါခဲ့ရင် ကျွန်တော်ရဲ့ အပြစ်သား ဖြစ်ပါကြောင်း…….။

လေးစားစွာဖြင့်
ရီနိုမာန်

April 16, 2010

မင်္ဂလာနှစ်သစ်ဖြစ်ကြပါစေ

တစ်အိမ်တက် တစ်အိမ်ဆင်း လိုက်နှုတ်ဆက်ချင်ပင်မဲ့ အခြေအနေ အချိန်အခါက အခွင့်အရေး မပေးတဲ့ အတွက် ဒီနေရာလေးကနေပဲ အားလုံးကို ကောင်းမြတ်သော နှစ်သစ်ဖြစ်ကြပါစေလို့ ဆုမွန်ကောင်းတောင်းပေးလိုက်ရပါတယ်ဗျာ။

တစ်နှစ်ဆိုတဲ့ အချိန်ကလည်း မျက်စိတစ်မှိတ် လျှက်တပြတ် အတွင်းမှာပဲ ကုန်ဆုံးသွားတာ အရမ်းကို မြန်လှတယ်လို့ ထင်နေမိပင်မဲ့ အသက်တစ်နှစ်ကြီးသွား တာကိုတော့ တားထားလို့ မရပြန်ပါဘူး။

ပြီးခဲ့တဲ့ တစ်နှစ်အတွင်းမှာကော ဘာတွေတိုးတက်ပြောင်းလဲ သွားလဲဆိုတာ စစ်ဆေးမိကြရဲ့လား။ ဒါဆိုရင် ခုလာမဲ့ နှစ်သစ်မှာရော ဘာတွေပြောင်းလဲ သွားနိုင်လဲ ဆိုတာတော့ စစ်ဆေးသင့်တယ်လို့ ထင်မိတယ်။ ဘာဖြစ်လို့လဲ ဆိုတော့ အသက်တွေက ငယ်သွားတာမှ မဟုတ်တာ။

လူဆိုတာကတော့ ဘာသာတရားကို ယုံကြည်ရာ ကိုးကွယ်ရာပါပဲ။ ဒါပင်မဲ့ အားလုံးဟာ မြန်မာ လူမျိုးများဖြစ်ကြတဲ့ အတွက် မြန်မာတွေရဲ့ အတာကူးတဲ့ နှစ်သစ်ကူး ဒီလမှာတော့ ကိုယ်သေရင် ကိုယ့်နောက်ပါနိုင်မဲ့ ဘာသာတရားလေးကိုတော့ ပြီးခဲ့တဲ့နှစ်တွေကထက် ပိုမိုလုပ်ဆောင်စေချင်တာပါပဲ။ ခုနက ကျွန်တော် ပြောတဲ့ အတိုင်းပေါ့ အသက်က ငယ်သွားတာ မဟုတ်ဘူးလို့.....

တစ်ချို့တော့ထင်ကြမှာပဲ ..... ဪ ရီနိုမာန်တော့ တရားတွေဘာတွေ ရသွားပြီနဲ့ တူပါတယ်လို့..... ထင်ကြမှာပဲ။ မထင်ပါနဲ့။ နှစ်သစ်စကားလက်ဆောင် ဘာပေးရမှန်မသိလို့ မင်္ဂလာနှစ်သစ် ဖြစ်ကြပါစေလို့ ဆုတောင်းရင် အတွေးတစ်ခုရောက်လာလို့ ရေးချလိုက်ရတာပါ။

သေသေချာချာကြည့်မယ် ဆိုရင်လည်း လူတွေက ပကာသန အရမ်းမက်ကြပါတယ် (ကျွန်တော် အပါအဝင်ပေါ့)။ ပကာသနတွေက ကိုယ့်သေရင် ကိုယ့်နောက်ပါရဲ့လားလို့ ဆိုတဲ့ အတွေးမျိုးလေးတောင် မတွေးမိကြပါဘူး။ ဟုတ်ပါတယ်။ မတွေးမိတဲ့ လူတွေအတွက်တော့ ပကာသနက သူတို့ နောက်ကိုအမြဲလိုက်နေ မှာပါပဲ။

ကျွန်တော်က ဗုဒ္ဓဘာသာ ဆိုပင်မဲ့ ကျွန်တော် သူငယ်ချင်တွေထဲမှာလဲ ဗုဒ္ဓဘာသာဝင် မဟုတ်တဲ့ ညီအကိုမောင်နှမတွေ အများကြီးရှိပါတယ်။ ဘယ်ဘာသာဝင်ပဲ ဖြစ်ဖြစ် သူ့နေရာနဲ့ သူ အရာဝင်ကြပါတယ်။ အဓိက ကလူတစ်ယောက်ရဲ့ ကိုယ်ပိုင် အခွင့်အရေးဖြစ်တဲ့ ယုံကြည်ကိုးကွယ် ပိုင်ခွင့် အပြည့်အဝရှိရမှာပါ။

ကိုယ့် ယုံကြည်ကိုးကွယ်တဲ့ ဘာသာကို အချိန်တိုင်းမဟုတ်တောင် ရတဲ့ အချိန်လေးကို နှလုံးသွင်းပြီး စိတ်အေးချမ်းစွာ နေထိုင်နိုင်ကြပါစေလို့ ပြောရင်း.......


မင်္ဂလာရှိသော နှစ်သစ်ဖြစ်ပါစေ

လို့ ဆုတောင်းပေးလိုက်ပါတယ်ဗျာ။


လေးစားစွာဖြင့်
ရီနိုမာန်

April 12, 2010

လူငယ်ဆိုတာ ဘယ်တော့မှ မခမ်းခြောက်တဲ့ ပန်းပွင့်

လူငယ်လေး ပေါက်ရောက်ရာ
ရာသီဥတုက ကြမ်းတမ်းခက်လျော်လို့
လူငယ်တွေမှာ ကျားကုတ်ကျားခဲ လက်ယက်တွင်းလေးတွေ ကိုယ်စီ
လူငယ်တွေ အခုရေကြည်တူး အခုရေနောက်တွေ သောက်ချနေကြပေါ့

လူငယ်လေး ဒီလိုနဲ့ အပြိုင်းအရိုင်းရှင်သန်
လူငယ်လေး ဒီလိုမျိုး အပြိုင်အဆိုင်ပေါက်ရောက်
လူငယ်တွေဟာ မြေဇာပင်မဟုတ်ဘူး
လူငယ်တွေဟာ ပေါင်းမြက်တွေ မဟုတ်ဘူး

လူငယ်လေးက ကိုယ့်ပုခုံးပေါ်ကိုယ်တံပိုးတင်ပြီးထွန်ယက်
လူငယ်လေးက ကိုယ့်ကိုယ်ရည်ကိုယ်သွေးတွေကို အိပ်သွန်ဖါမှောက်ပျိုးကျဲ
လူငယ်လေးက ကိုယ့်ကိုယ်ကို စိုက်ရင်းပျိုးရင်း
လူငယ်လေးက ကိုယ့်ကိုယ်ကို ကျီးခြောက် စာခြောက်လုပ်နေရ
လူငယ်လေးတွေ ကျီးကြည့်ကြောင်ကြည့်ကြည့်နေရ..
လူငယ်လေး ကိုယ့်ကိုယ်ကို ရိပ်သိမ်းတော့မယ်ဆိုရင်ပဲ
ရာသီဥတုအစိုးမရတဲ့ ခေတ်ကြပ်နှစ်ကြပ်ထဲ..
မိုးသည်းထန် တိမ်ထူထပ် နှင်းခါးရိုက်
လူငယ်လေးရဲ့ စိုက်ကွင်းမှာမှ ပိုးဖလံကောင်တွေ ကျကျနေတတ်တယ်...

လူငယ်လေးခမျာ လျာထားချက်ပြည့်မှီအောင် ဖူးခွင့်သီးခွင့်မရ..
လူငယ်လေးမှာ အဖျင်းအမှော်တွေ ကြားညှပ်ပါပါလာတတ်ပြီ
လူငယ်တွေရဲ့ ဘယ်ခေတ်ဘယ်သမိုင်းမျက်နှာစာမှာဖြစ်ဖြစ်
လူငယ်တွေ ကိုယ့်ကိုယ်ကို ဥယျဉ်မှူး လုပ်တတ် လုပ်နေကြသမျှ
လူငယ်ဆိုတာ ဘယ်တော့မှ မခမ်းခြောက်တဲ့ ပန်းပွင့်တွေပါပဲ..

လူငယ်လေးက ဆုတောင်းနဲ့ အိပ်မက်တွေကို အယုံအကြည်မရှိဘူး
လူငယ်လေးအတွက် မျှော်လင့်ချက်ဆိုတာ ကွန်ပြူတာဂိမ်းက တက်တော့မယ့် အမှတ်တွေပေါ့
လူငယ်တွေမှာ လက်တွေ့ဆန်ဆန်အတွေးအမြင်သွေးတွေက တဒိတ်ဒိတ်ဆူပွက်လို့
လူငယ်တွေက ယဉ်ကျေးမှု အသစ်နဲ့ ပျိုမြစ်ဖူးပွင့်ချင်ကြတယ်
အဲဒီ့မှာ တောင်ပြိုသလို အရှိန်နဲ့ လှိမ့်ဆင်းလာကြတဲ့ ကဗျာတွေ သီချင်းတွေ ဖက်ရှင်တွေ
လူငယ်တွေဟာ တစ်စုံတစ်ရာကို တိတ်တိတ်လေး အော်အော်နေကြောင်းပြသရဲ့

လူငယ်တွေက
ယှဉ်ပြိုင်မှုတွေ ကစားနည်းအသစ်တွေ ဒီဇိုင်းအဆန်းတွေကို စိတ်ဝင်စားကြသလို..
လူငယ်လေးက အမေရိကန်အိုက်ဒေါကို ရင်ခုန်လှုပ်ခတ်တတ်သလို...
လူငယ်တွေဟာ ခေတ်ကို အလင်းနဲ့ စဖွင့်တတ်တဲ့ အာရုဏ်ဦးတွေဖြစ်သလို..

လူငယ်တွေဆိုတာမျိုးက
အလျော်အစားများတဲ့ ဗိုလ်လုပွဲတွေအတွက်လည်း..
သည်း ထိတ် ရင် ဖို စောင့် ကြည့် နေ သူ တွေ..။ ။


အိန္ဒြာ
(၁.၄.၂၀၁၀)

လေးစားစွာဖြင့်
ရီနိုမာန်

ဒီကဗျာလေးကလည်း ကျွန်တော်ရဲ့ ဘလောဂ့်လေး တစ်နှစ်ပြည့်တုန်းက ကဗျာ ဆရာမ အိန္ဒြာ ဆီက လက်ဆောင် ရခဲ့တဲ့ ကဗျားလေး ဖြစ်ပါတယ်။ အမှတ်တရ ဖြစ်အောင် ပိုစ့်တစ်ခု အနေနဲ့ ပြန်တင်ပြလိုက်ရပါတယ်ဗျာ။

April 9, 2010

ဧပြီတစပြင်

နောက်ဆုံးနှင်းစက်ကလေး၏ နှုတ်ဆက်သံကို မနေ့က ကြားခဲ့ရသည်။ ကျွန်မတို့သည် ဆောင်းကာလ တစ်လျှောက်လုံး မီးတောက်မီးလျှံများကို စာတိုက်က တဆင့် တစ်ဦးကို တစ်ဦး ပေးပို့ခဲ့ကြ၏။ (ယင်း လျို့ဝှက်ချက်ကို မည်သူမှ သိရန်မလိုပါ။) လမ်းခုလတ်တွင် အခန့်မသင့်၍ အေးခဲ ငြိမ်သက်သွားသော မီးတောက်များအကြောင်းကိုတော့ နေ့စဉ်မှတ်တမ်းတွင် မင်နီတား၍ မှတ်တမ်းတင်ခဲ့ကြသည်။

ဧပြီလ၏ နေ့လည်ခင်းနေက ခြစ်ခြစ်တောက်ပူနေသည်။ ဧပြီလပြီးရင် ဧပြီ မလာဘူး ဟု ဆိုသည်။ ကျေးဇူး တင်စွာ ဝမ်းနည်းမိပါသည်။ ကျွန်မတို့တွင် ဒီနှစ် နွေရာသီအကြောင်း ပြောဆိုရန် စကားမရှိပါ။ ခွင့်ပြုချက် မရသဖြင့် တစ်ဝက်တစ်ပျက် ပွင့်နေသော ပြတင်းဝမှ တဆင့် နွေရောင်ကောင်းကင်ကို ကျွန်မတို့ ပြိုင်တူ မော့ကြည့်မိကြသည်။ အဝါရောင်ရင့်ရင့် ဘက်လုနေသော ပန်းတချို့ ပွင့်နေကြသည်။

တစ်ရံခါတုန်းဆီကတော့ မြောက်ပြန်လေနှင့်အတူ မျောရွေ့လွင့်ပါလာသော အက္ခရာများကို သယ်ယူ ခဲ့ကြ ဖူးသည်။ အဝါရောင် ရနံ့များနှင့် ရောနှောရန်။ မဖြစ်နိုင်ခြင်း အဘိဓာန်ထဲမှာ ဝေါဟာရများကို အတည်ပြုပေး ခဲ့ကြဖူးသည်။ နပိုလီယံထံ ပေးပို့ရန်။ ကိုယ့်နောက်ကျောအတွက် ဓားကို ကိုယ်ပြန်သွေးပေးခဲ့ဖူးသည်။ ပန်းပဲ မောင်တင့်တယ်ကို ဆက်သရန်။ ဝံပုလွေများနှင့် တရင်းတနှီး (လေးစားစွာ) လက်ဆွဲ နှုတ်ဆက် ခဲ့ကြဖူးသည်။ မြေခွေးများနှင့် လမ်းခွဲထွက်ခွာရန်။ ဦးခေါင်းတစ်လုံးကို အသိဥာဏ်လျော့ပါးစွာ ဖွင့်ကြည့်ခဲ့မိ ဖူးသည်။ (တကယ်ဆို ထိုမျှ မိုက်မဲရန် မသင့်ပါ။) ခုထိတော့ ရွှေတွင်းတွေ ဘယ်မှာရှိမှန်း ကျွန်မ မသိသေးပါ။ အဝါရင့်ရောင် ပန်းများ (ပိတောက်ဟု လူတချို့က ခေါ်သည်) ကတော့ ကဗျာဆရာများ၏ စကားလုံးတွေ ကြားထဲတွင် ရွှေရည်လူးကျန်ခဲ့၏။

ကိုယ့်ကိုယ်ကို ပြန်လည်ရှာဖွေနေသော ဧပြီတစ်ရက် ကို ကျွန်မက ရှာဖွေ တွေ့ရှိသွားသည်။ ဘာမှတော့ အသုံးမဝင်ပါ။ (ကျွန်မမှ လူတွေကို အရူးလုပ်တာ ဝါသနာမပါတာ) ယူစရာသံဝေဂ ဘာမှ လက်ကျန် မရှိတော့တဲ့ ၃၂ ကောဌာသ ကြီးက ခုန်ဆွခုန်ဆွနှင့် မဏ္ဍပ်တွင်းမှာ မြူးလို့။ ကျွန်မကတော့ ပျော်ရွှင်မှုတွေဆီ ခုန်ချလိုက်တိုင်း ဘယ်တော့မှ လေထီးမပွင့်ခဲ့သူဖြစ်သည်။ နောင်တရ မျက်ရည်ကျစရာ ပင်နယံများကား လည်ပတ်စရာဆီကုန်နေသော ဘီးများကဲ့သို့ သိပ်အသုံးအဝင်တော့။ သင်္ကြန်ဟု လူအများက သတ်မှတ် ခေါ်ဆိုနေသော ရေစက်များသည် ပြောင်းလဲခြင်းဆီ ဥိးတည်နေကြသည်။

ကျွန်မကတော့ လူတစ်ယောက်၏ နောက်ဆုံးဝါကျကို ဖတ်ခဲ့ရဖူးသည်။ လူဖြစ်ရတာ ကောင်းတယ် ..တဲ့။ စိတ်အချဉ်ပေါက်နေသော ဂီတသံတစ်ခုကိုလည်း ကြာခဲး့ရသည်။ လူဖြစ်ရတဲ့ ဒုက္ခ … တဲ့။ အခါအားလျော်စွာ လွဲချော်နေတတ်သော ပုံပြင်များနှင့် ပတ်သက်၍ ကျွန်မတို့တွင် မည်သည့်တာဝန်မှ မရှိကြောင်း အရေးတယူ ပြောပြရန် ပုဂ္ဂိုလ် မရှိပါ။ မြေပုံတစ်ခုထဲတွင် ပျောက်ဆုံးနေသော မြို့တော်ကြိးများ အကြောင်းကိုတော့ ကြားဖူးနားဝ ပုံပြင် တစ်ပုဒ်အနေနှင့် နားဆင်လိုပါသည်။

ကုသိုလ် အပြည့်အသိပ် တစ်ဝက်နှင့် ဆဲရေးသံ အလျှံအမောက် တစ်ခြမ်း။ ထိုအရာများသည် ဧပြီ၏ ဝေစုများ တဲ့လား။ နူးညံ့မှုထဲက ပုံပြင်များဆီ သီချင်းတအေးအေးနှင့် မရောက်ရောက်အောင် လျှောက်သွား နေသော စိတ်ရောဂါ ဝေဒနာသည် တစ်ယောက်သည် မှန်ထဲရှိ ကျွန်မ၏ ပုံရိပ်များနှင့် ခပ်ဆင်ဆင် တူနသည်။ ကျွန်မသည် ဘုရားသခင်လွယ်ပိုးသွားသော အိတ်ကြီး၏ အပေါက်တစ်ပေါက်မှ ကံအား မလျော်စွာ ကျကျန်ခဲ့သူလည်း မဟုတ်ပြန်။ သို့သော် အဝါရောင် ရနံ့များနှင့် မျက်နှာချင်းဆိုင် တည့်တည့်ကြီး တိုးခဲ့ရသည်။ ထိုရနံ့များကို ဆေးစစ်ကြည့်သောအခါ အရာအားလုံးသည် နဂ္ဂတစ်။ ကျွန်မ ဘာကိုမှ အတည့် မမြင်ရတော့ပါ။

တစ်ချိန်က လစ်လပ်နေခဲ့သော ခုံတန်းလျားများ လက်မှတ်ကုန်သွားခဲ့ကြပြီ။ တချို့သော မိုးပိတောက် များသည် ဇွန် ဇူလိုင် ကျမှ ပွင့်တတ်သည်။ ထူးဆန်းသော ငိုရှိုက်သံတစ်စက်ကြောင့် တံခါးကို ခေါက်ကြည့်ရာ အထဲတွင် ရိုးရာပွဲတော်တစ်ခု ကျွန်မကို ချောင်းကြည့်နေခဲ့၏။ ကျွန်မ ရင်ဘတ်ထဲတွင် အစီအစဉ်တကျ ထည့်သိုထားသော ဝါကျများနှင့် မီးကုန်ယမ်းကုန် ပေါက်ပစ်လိုက်သည်။ ပိတောက်တွေ တဖောင်းဖောင်း ပေါက်ကွဲသံနှင့်အတူ ရေစက်များ ခမ်းခြောက် အေးစက်သွားကြ၏။ ဧပြိသည် အဆုံးသပ် တံခါးတစ်ချပ်နှင့် ခပ်ဆင်ဆင် တူနေခဲ့ပြန်သည်။

တိုင်ကပ်နာရီတစ်လုံး၏ နရီစည်းသံသည် သင်တုန်းဓား တစ်လက်ဆီမှ လာသောအသံနှင့် တူနေ၏။ ထိုအသံသည် ပိတောက်ခြောက်ရောင် ဖြစ်သည်ဟု ရေစက်တချို့က ကျွန်မကို သတင်းပေးခဲ့သည်။ ( ထိုသတင်း၏ အသုံးဝင်မှုသည် အင်မတန်မှ နုံနဲ့ နေခဲ့၏။ )

ခင်ဗျားကို ကျွန်တော် ပျော်ရွှင်အောင် ထားပါ့မယ်… ချာလီချက်ပလင်၏ နှုတ်ထွက် စကားတော့ မဟုတ်ခဲ့ပါ။ သို့သော် CNN ကကြေညာသွားသော ထိုစကားလုံးကို ကြားတော့ ကျွန်မတို့ ငိုကြွေးခဲ့ကြရသည်။ သင်္ကြန်ရေနှင့် မတူသော မျက်ရည်များက အဝါရောင်အနုများ ဖြစ်သည်။

မင်းဆီကို ငါ လာနေခဲ့တာကြာပြီ .. ခုထိ မရောက်နိုင်ခဲ့သေးဘူး …. နှင်းစက်ကလေးတစ်စက်၏ ကြေကွဲသံကို နွေဦးက နာခံနိုင်စွမ်း မရှိသလို ကျွန်မ ထုံပေပေ ပြန်ကြည့်နေခဲ့မိသည်လား။ ဧပြီ၏ နေ့လည်ခင်း နေသည် အရှိန်ပြင်းလွန်းလှသဖြင့် လူများကို စိတ်ဖောက်ပြန်စေနိုင်သည်။ ကျွန်မတို့ အားလုံး မာဆိုးကို သတိရခြင်းနှင့်အတူ စည်းပြင်ဖက်ကို ထွက်ရပ်လိုက်ကြသည်။ (သုံးစက္ကန့်မျှသာ) မလျှော်ဖွပ်ရသေးသော ကံကြမ္မာ အသစ်စက်စက်ကြီးတစ်ပုံ မှိုတက်နေပုံက ရင်နာစရာ။ နေခြည်တုတွေက အနောက်ဘက်မှာ နေဝင်တော့မည်မှာ သေချာနေပြီလားမသိ။ အသစ်ဟူသော ဝေါဟာရကို ပိုက်ထားရင်း အဟောင်းတွေနှင့် လူတချို့ အလုပ်ရှုပ်နေ ကြသည်။ ရာသီစာများကို ချချကျွေးတတ်သော ကိစ္စကို ပြင်ဆင်ချက်ချရန် ညီလာခံ ခေါ်သင့်နေပြီ ထင်သည်။ ချက်နည်းပြုတ်နည်း လမ်းညွှန် စာအုပ်များထဲတွင် ပိတောက်နှင့် ငုများကို သင်္ကြန်ရေနှင့် ရောနှော ချက်ပြုတ်နည်း ပါဝင်နေသည်က အံ့သြစရာ ။ အော်ဒါ မှာထားသော ဟင်းပွဲများနှင့် ဒုက္ခရောက်နေသော အယ်ဒီတာ တချို့ကို ကျွန်မ အားနာသည်။ အမှန်တော့ ကျွန်မသည် အချက်အပြုတ်ကျွမ်းကျင်သော သူတစ်ယောက် မဟုတ်တာတော့ ကိုယ့်ဘာသာကိုယ်ပဲ သိသည်။ ထို့အပြင် ကျွန်မက ရာသီစာများကိုလည်း မကြိုက်တတ်ချေ။

မေးခွန်းများနှင့် ယက်ဖောက် ဖျော်စပ်ထားသော နေ့ရက်တချို့သည် ဧပြီ ဖြစ်သည်။ သစ္စာဖောက်ဟု စွပ်စွဲခံရသော အဝါရောင်ပန်းများနှင့် လောကဓံကို ကြံ့ကြံ့ ခံနိုင်သည်ဟု (လျှာအရိုးမရှိတိုင်း) ဖွဲ့ဆိုခံရသော အဝါရောင်ပန်းများက အားလုံးကို ကျောခိုင်းနှုတ်ဆက်သွားခဲ့ကြပြီ။ ထုံးစံအတိုင်း ဧပြီသည် နွေနှင့်အတူ အထီးကျန်စွာ ကျန်ရစ်ခဲ့၏။ သိကြားမင်းကတော့ ထုံးစံအတိုင်း ကျွန်မတို့ရှိရာ ခရီးထွက်လာနေပြီ။ သေချာတာက သူ ဘယ်သောအခါမှ ကဗျာဆရာတစ်ယောက်ကို စီးနင်းလိုက်ပါလာမှာ မဟုတ်ချေ။

ပွဲတော်တစ်ခု၏ အူသံကို ကြားရသည်။ ထိုအူသံသည် စွတ်စိုသော အဝါရောင် ဖြစ်၏။



မနော်ဟရီ

(ကိုနေမျိုး၏ ကဗျာဆရာ ဝံပုလွေကို ဖတ်အပြီး ..)

၂၀၀၇ ဧပြီ၊သောကြာ စာစောင်


လေးစားစွာဖြင့်
ရီနိုမာန်

ကျနော် ဘလောဂ့်လေး တစ်နှစ်ပြည့်တုန်းက စာရေးဆရာမ မနော်ဟရီ( မကြီး) ဆီမှ လက်ဆောင်ရထားတဲ့ ဒီ အက်ဆေးလေးကို ပြန်လည် ခံစားတင်ပြလိုက်ပါတယ်။

April 4, 2010

ဆို ပေမဲ့ အမှတ်တရ ဖြစ်ခဲ့ရပေါ့

...... သားငယ် ... အမေ မကြိုက်တာ မလုပ်နဲ့လို့ ပြောထားတယ်နော်။ .. ပြောထားပါရက်နဲ့ ဆက်လုပ်နေမယ်ဆိုရင် ... အမေ့.. အဆိုးမဆိုနဲ့နော်....

အမေ ပြောပြောနေကျ စကား ကျွန်တော်နားထဲမှာ အလိုလိုရောက်လာသည်။ အမေ့ရဲ့ စကားကို နားမထောင်ချင်၍ မဟုတ်။ လူတစ်ကိုယ် အကြိုက်တစ်မျိုးဆိုသလို ဝါသနာကလည်း ဘယ်အရပ် ဘယ်ဒေသရောက်ရောက် ဖုံးကွယ်ထားလို့မှ မရတာပဲလေ။ အမေ ဘာကြောင့် မကြိုက်တာလဲ ဆိုတာကိုတော့ ကျွန်တော်လည်း မမေးဖြစ်ခဲ့ပေ။ ငယ်ငယ်ကျောင်းသား ဘဝတုန်းကတော့ အမေရိုက်မှာ ကြောက်ခဲ့တဲ့ အတွက် ဝါသနာဆိုတဲ့ အရာကြီးကို ဝှက်ထားလိုက်မိတယ်။ ဝါသနာဆိုတဲ့ အရာကလည်း ... ဆင်သေကို ဆိတ်သရေနဲ့ ဖုံးလို့ မရသလို.. လူတစ်ယောက်ရဲ့ ဝါသနာ ဆိုတာကိုလည်း တားဆီးလို့မှ မရနိုင်တာပဲလေ...
၁၀တန်း မအောင်ခင်အထိ လွတ်လွတ်လပ်လပ် မနေခဲ့ရပင်မဲ့ ၁၀တန်းအောင်ပြီးသွားတဲ့ နောက်ပိုင်းမှာတော့ အမေ့ရဲ့ နားလည်မှုနဲ့ အတူ ကိုယ့်စိတ်ကြိုက်နေနိုင်ခဲ့တယ်။ ဒါပေမဲ့ အမေ ပြောပြောနေကျ စကားကတော့ ကျွန်တော်နားထဲမှာ ကြားယောင်နေဆဲပါပဲ။ အမေ့ကို ချစ်တော့လည်း အမေ စိတ်ဆင်းရဲ စေမဲ့အကြောင်းတွေကို မျက်ကွယ် ပြုနိုင်ခဲ့ပေမဲ့ ကိုယ်ဝါသနာပါတဲ့ အလုပ်ကိုတော့ ကျွန်တော် မစွန့်လွတ်နိုင်ခဲ့ပါဘူး။

ကျွန်တော် ၁၀တန်းအောင်ပြီးသွားတဲ့ အချိန်မှာတော့ အိမ်ရဲ့ စီပွားရေး အခြေအနေဟာ ပြိုလဲစ ပြုနေခဲ့ပြီ။ အခြေအနေ အကြောင်းအမျိုးမျိုး ကြောင့် ဝါသနာပါတဲ့ အလုပ်ကို မေ့ထားခဲ့ပြီး မိသားစု ဝမ်းရေး ဒုက္ခမေ၇ာက်ရ စေဖို့အရေး ကြိုးစားရတော့ တာပေါ့။ ဘဝမှာ ကံကောင်းရင် ဆက်တိုက် ကံကောင်းတက်ကြသလို၊ ကံဆိုးရင်လည်း မုဆိုးမ သွားရာ မိုးလိုက်လို့ ရွာ ဆိုတဲ့ စကားပုံ အတိုင်း လောကမှာ ကျွန်တော့ ရဲ့ တစ်ဦးတည်းသော အဖေ က ကျွန်တော်တို မိသားစုကို ထားသွားပြန်တယ်လေ။ အဖေဆုံးလို့ မျက်ရည်ငိုပွဲ ဝင်ဖိ်ု့ အရေးထက် ကျန်နေခဲ့တဲ့ မိသားစုကို ငါ့ဘယ်လို စောင့်ရှောက်ရမလဲ ဆိုတဲ့ အတွေးက ဦးနှောက်ထဲပြည့်နှက်လို့ လာခဲ့ရပြန်တယ်။

ကိုယ့်တိုင်းပြည်၊ ကိုယ့်ရပ်ရွာမှာ ကိုယ့်မိသားစု အတွက် လုံလောက်အောင် မရှာနိုင်တဲ့ အဆုံး တိုင်းတစ်ပါးမှာ ကျွန် လို့ နာမည်မတက်ခံရရုံတမယ် ကိုယ့်ရဲ့ လုပ်အားနှင့်ညီမျှတဲ့ လုပ်အားခလေးနဲ့ မိသားစု စားဝတ်နေရေး ပြေလည်ဖို့ အရေး တိုင်းတစ်ပါးကိုရောက် ခဲ့ရပြန်တယ်။ သူများ မိုးခါးရေ သောက်လို့ လိုက်သောက်မိပါတယ်။ ကိုယ့်အလှည့်ကျမှ အရိုးကိုက်နေတဲ့ အလှည့်နဲ့ တိုးလို့ ပုဂံမဆေးရအောင် မနည်းကြိုးစားခဲ့ရပြန်တာပေါ့။

အမေ့ကို ကျနော် ခါးလှအောင် မထားနိုင်သေးပေမဲ့ ဝမ်းဝအောင်တော့ ကျွန်တော် ထားနိုင်ခဲ့ပါတယ်။ ယောကျာ်းကလည်း ဆုံး၊ စီးပွားရေးကလည်း ကျ၊ မုဆိုးမ ပူပူနွေးနွေး သောကတွေ များနေတဲ့ အမေ က ကျွန်တော်ကိုတော့ သောကတွေ ဝေမျှ မပေးခဲ့ပါဘူး။ အမေ့ရဲ့ ကျန်းမာရေး အခြေအနေကြောင့် အလုပ်တစ်ခုမှ ပေးမလုပ်ပေမဲ့ ကျွန်တော်ပို့တဲ့ ငွေဟာ အမေ့အတွက် မလုံလောက်ဘူး ဆိုတာ အမေ မပြောပင်မဲ့ ကျွန်တော် သဘောပေါက်ပါတယ်။ အမေ့ကို ကျေးဇူးတင်တယ် အမေ။ ပို့သမျှငွေကို နည်းတယ် များတယ် တစ်ခွန်းမှ မပြောပဲ ...... သားငယ် ကျန်းမာရေး ဂရုစိုက်နော်...... အမေ့ အတွက် ဘာမှ မပူနဲ့...... သားငယ်လေး အဆင်ပြေဖို့ အရေးကြီးတယ် ....... သားငယ် အဆင်ပြေမှ အမေတို့ အတူတူနေနိုင်မှာ .... ဆိုတဲ့ အမေဆီက ဒီစကားတွေ ကြားရတိုင်း မျက်ရည်မလွယ်တဲ့ ကျွန်တော် မျက်ရည်ကျရတဲ့ အထိပါပဲ။

တစ်ခါတစ်လေ အမေနဲ့ ဖုန်းပြောဖြစ်တဲ့ အချိန်တွေမှာ အမေ့ဆီက ကျွန်တော် အတွက် စိုးရိမ်နေတဲ့ အရိပ် ပူပန်နေတဲ့ စကား တွေကို ကြားနေခဲ့ရတယ်။ အမေ ဘာအတွက် ပူပန်နေတယ် ဆိုတာလည်း ကျွန်တော် သိတယ်။ ဘာကြောင့် စိုးရိမ်နေတယ် ဆိုတာလည်း ကျွန်တော် နားလည်တယ်။ ဒါကြောင့်လည်း ကျွန်တော် အမေ့ကို ပြန်အားပေးမိတာကတော့........ အမေ့မှာ ရှိတဲ့ ခါးဝတ်တန်ဆာကိုပြန်ကြည့်.ပါ အမေ..... ဟိုး အရင် အဖေရှိစဉ်ကထက် ကျွန်တော် မထားနိုင်သေးဘူးဆိုရင် အမေ စိတ်ပူစိုးရိမ်နေတဲ့ ကိစ္စတွေ ဖြစ်လာနိုင်စရာ အကြောင်း မရှိဘူး အမေ.... လို့ ကျွန်တော် ပြန်ပြောလိုက်တော့ အမေ ကျေနပ်နေတယ် ဆိုတာ ကျွန်တော် သိပါတယ် ။

ဒါပင်မဲ့ အမေ... ကျွန်တော်ကို တစ်ခုလောက်တော့ ခွင့်ပြုစေချင်တယ်။ ကျွန်တော် ငယ်ငယ်တုန်းက ကျောက်သင်ပုန်း ပေါ်မှာ ကျောင်းစာမလုပ်ပဲ သီချင်းစာသားတွေရေးနေမိလို့ အရိုက်ခံခဲ့ရတာတွေ ...... ကျွန်တော် ရေးခဲ့တဲ့ ဒိုင်ယာရီ စာအုပ်တွေကို အမေ မီးရှို့ ခဲ့တာ.... ကျွန်တော် စိတ်လိုလက်ရ ရေးထားတဲ့ ရင်တွင်းဖြစ် ကဗျာစာ ကြမ်းတွေကို အိမ်သာသုံး စက္ကူအဖြစ် လုပ်ခဲ့တာတွေကို ကျွန်တော် စိတ်ထဲ မရှိခဲ့ပါဘူး။ လူကနေတယ် ပညာက မနေဘူး ဆိုသလိုပဲ စိတ်က အမေ့ရဲ့ စကားကို နားထောင်ချင်ပင်မဲ့ ဝါသနာက တားလို့ မရဘူး အမေ။

ဒါကြောင့် အမေ မသိအောင်၊ အမေ မကြိုက်တဲ့ စာရေးခြင်း အလုပ်ကို ရီနိုမာန် နာမည်နဲ့ ဘလောဂ့်လေးကို ကျွန်တော် လုပ်နေခဲ့တာ ဒီနေ့ ဆို တစ်နှစ် တင်းတင်းပြည့်သွားခဲ့ပြီ ....... ( အမှတ်တရ လေး အဖြစ် တကယ်မဟုတ်တဲ့ အကြောင်းအရာ တစ်ချို့နဲ့ ဒီပို့စ်လေးကို ရေးပါသည်)


လေးစားစွာဖြင့်
ရီနိုမာန်

မှတ်ချက်။ ။ အောက်ဖေါ်ပြပါ Essay ၊ ကဗျာ နှင့် စာစုများသည် ကျွန်တော် BLOG တစ်နှစ်ပြည့် အမှတ်တရ အတွက် မူပိုင် ရထားပါကြောင်း.................
နှင့် ရေးပေးကြသော အကိုတွေ အမတွေ အားလုံးကိုလည်း ကျေးဇူးတင်ပါကြောင်း ...............

~~~~~~~~~~~((((((((((((((၊၊၊၊၊၊၊၊၊၊၊၊၊၊၊၊၊))))))))))))))))))~~~~~~~~~~~~~~~~~

ဧပြီတစပြင်



နောက်ဆုံးနှင်းစက်ကလေး၏ နှုတ်ဆက်သံကို မနေ့က ကြားခဲ့ရသည်။ ကျွန်မတို့သည် ဆောင်းကာလ တစ်လျှောက်လုံး မီးတောက်မီးလျှံများကို စာတိုက်က တဆင့် တစ်ဦးကို တစ်ဦး ပေးပို့ခဲ့ကြ၏။ (ယင်း လျို့ဝှက်ချက်ကို မည်သူမှ သိရန်မလိုပါ။) လမ်းခုလတ်တွင် အခန့်မသင့်၍ အေးခဲ ငြိမ်သက်သွားသော မီးတောက်များအကြောင်းကိုတော့ နေ့စဉ်မှတ်တမ်းတွင် မင်နီတား၍ မှတ်တမ်းတင်ခဲ့ကြသည်။

ဧပြီလ၏ နေ့လည်ခင်းနေက ခြစ်ခြစ်တောက်ပူနေသည်။ ဧပြီလပြီးရင် ဧပြီ မလာဘူး ဟု ဆိုသည်။ ကျေးဇူး တင်စွာ ဝမ်းနည်းမိပါသည်။ ကျွန်မတို့တွင် ဒီနှစ် နွေရာသီအကြောင်း ပြောဆိုရန် စကားမရှိပါ။ ခွင့်ပြုချက် မရသဖြင့် တစ်ဝက်တစ်ပျက် ပွင့်နေသော ပြတင်းဝမှ တဆင့် နွေရောင်ကောင်းကင်ကို ကျွန်မတို့ ပြိုင်တူ မော့ကြည့်မိကြသည်။ အဝါရောင်ရင့်ရင့် ဘက်လုနေသော ပန်းတချို့ ပွင့်နေကြသည်။

တစ်ရံခါတုန်းဆီကတော့ မြောက်ပြန်လေနှင့်အတူ မျောရွေ့လွင့်ပါလာသော အက္ခရာများကို သယ်ယူ ခဲ့ကြ ဖူးသည်။ အဝါရောင် ရနံ့များနှင့် ရောနှောရန်။ မဖြစ်နိုင်ခြင်း အဘိဓာန်ထဲမှာ ဝေါဟာရများကို အတည်ပြုပေး ခဲ့ကြဖူးသည်။ နပိုလီယံထံ ပေးပို့ရန်။ ကိုယ့်နောက်ကျောအတွက် ဓားကို ကိုယ်ပြန်သွေးပေးခဲ့ဖူးသည်။ ပန်းပဲ မောင်တင့်တယ်ကို ဆက်သရန်။ ဝံပုလွေများနှင့် တရင်းတနှီး (လေးစားစွာ) လက်ဆွဲ နှုတ်ဆက် ခဲ့ကြဖူးသည်။ မြေခွေးများနှင့် လမ်းခွဲထွက်ခွာရန်။ ဦးခေါင်းတစ်လုံးကို အသိဥာဏ်လျော့ပါးစွာ ဖွင့်ကြည့်ခဲ့မိ ဖူးသည်။ (တကယ်ဆို ထိုမျှ မိုက်မဲရန် မသင့်ပါ။) ခုထိတော့ ရွှေတွင်းတွေ ဘယ်မှာရှိမှန်း ကျွန်မ မသိသေးပါ။ အဝါရင့်ရောင် ပန်းများ (ပိတောက်ဟု လူတချို့က ခေါ်သည်) ကတော့ ကဗျာဆရာများ၏ စကားလုံးတွေ ကြားထဲတွင် ရွှေရည်လူးကျန်ခဲ့၏။

ကိုယ့်ကိုယ်ကို ပြန်လည်ရှာဖွေနေသော ဧပြီတစ်ရက် ကို ကျွန်မက ရှာဖွေ တွေ့ရှိသွားသည်။ ဘာမှတော့ အသုံးမဝင်ပါ။ (ကျွန်မမှ လူတွေကို အရူးလုပ်တာ ဝါသနာမပါတာ) ယူစရာသံဝေဂ ဘာမှ လက်ကျန် မရှိတော့တဲ့ ၃၂ ကောဌာသ ကြီးက ခုန်ဆွခုန်ဆွနှင့် မဏ္ဍပ်တွင်းမှာ မြူးလို့။ ကျွန်မကတော့ ပျော်ရွှင်မှုတွေဆီ ခုန်ချလိုက်တိုင်း ဘယ်တော့မှ လေထီးမပွင့်ခဲ့သူဖြစ်သည်။ နောင်တရ မျက်ရည်ကျစရာ ပင်နယံများကား လည်ပတ်စရာဆီကုန်နေသော ဘီးများကဲ့သို့ သိပ်အသုံးအဝင်တော့။ သင်္ကြန်ဟု လူအများက သတ်မှတ် ခေါ်ဆိုနေသော ရေစက်များသည် ပြောင်းလဲခြင်းဆီ ဥိးတည်နေကြသည်။

ကျွန်မကတော့ လူတစ်ယောက်၏ နောက်ဆုံးဝါကျကို ဖတ်ခဲ့ရဖူးသည်။ လူဖြစ်ရတာ ကောင်းတယ် ..တဲ့။ စိတ်အချဉ်ပေါက်နေသော ဂီတသံတစ်ခုကိုလည်း ကြာခဲး့ရသည်။ လူဖြစ်ရတဲ့ ဒုက္ခ … တဲ့။ အခါအားလျော်စွာ လွဲချော်နေတတ်သော ပုံပြင်များနှင့် ပတ်သက်၍ ကျွန်မတို့တွင် မည်သည့်တာဝန်မှ မရှိကြောင်း အရေးတယူ ပြောပြရန် ပုဂ္ဂိုလ် မရှိပါ။ မြေပုံတစ်ခုထဲတွင် ပျောက်ဆုံးနေသော မြို့တော်ကြိးများ အကြောင်းကိုတော့ ကြားဖူးနားဝ ပုံပြင် တစ်ပုဒ်အနေနှင့် နားဆင်လိုပါသည်။

ကုသိုလ် အပြည့်အသိပ် တစ်ဝက်နှင့် ဆဲရေးသံ အလျှံအမောက် တစ်ခြမ်း။ ထိုအရာများသည် ဧပြီ၏ ဝေစုများ တဲ့လား။ နူးညံ့မှုထဲက ပုံပြင်များဆီ သီချင်းတအေးအေးနှင့် မရောက်ရောက်အောင် လျှောက်သွား နေသော စိတ်ရောဂါ ဝေဒနာသည် တစ်ယောက်သည် မှန်ထဲရှိ ကျွန်မ၏ ပုံရိပ်များနှင့် ခပ်ဆင်ဆင် တူနသည်။ ကျွန်မသည် ဘုရားသခင်လွယ်ပိုးသွားသော အိတ်ကြီး၏ အပေါက်တစ်ပေါက်မှ ကံအား မလျော်စွာ ကျကျန်ခဲ့သူလည်း မဟုတ်ပြန်။ သို့သော် အဝါရောင် ရနံ့များနှင့် မျက်နှာချင်းဆိုင် တည့်တည့်ကြီး တိုးခဲ့ရသည်။ ထိုရနံ့များကို ဆေးစစ်ကြည့်သောအခါ အရာအားလုံးသည် နဂ္ဂတစ်။ ကျွန်မ ဘာကိုမှ အတည့် မမြင်ရတော့ပါ။

တစ်ချိန်က လစ်လပ်နေခဲ့သော ခုံတန်းလျားများ လက်မှတ်ကုန်သွားခဲ့ကြပြီ။ တချို့သော မိုးပိတောက် များသည် ဇွန် ဇူလိုင် ကျမှ ပွင့်တတ်သည်။ ထူးဆန်းသော ငိုရှိုက်သံတစ်စက်ကြောင့် တံခါးကို ခေါက်ကြည့်ရာ အထဲတွင် ရိုးရာပွဲတော်တစ်ခု ကျွန်မကို ချောင်းကြည့်နေခဲ့၏။ ကျွန်မ ရင်ဘတ်ထဲတွင် အစီအစဉ်တကျ ထည့်သိုထားသော ဝါကျများနှင့် မီးကုန်ယမ်းကုန် ပေါက်ပစ်လိုက်သည်။ ပိတောက်တွေ တဖောင်းဖောင်း ပေါက်ကွဲသံနှင့်အတူ ရေစက်များ ခမ်းခြောက် အေးစက်သွားကြ၏။ ဧပြိသည် အဆုံးသပ် တံခါးတစ်ချပ်နှင့် ခပ်ဆင်ဆင် တူနေခဲ့ပြန်သည်။

တိုင်ကပ်နာရီတစ်လုံး၏ နရီစည်းသံသည် သင်တုန်းဓား တစ်လက်ဆီမှ လာသောအသံနှင့် တူနေ၏။ ထိုအသံသည် ပိတောက်ခြောက်ရောင် ဖြစ်သည်ဟု ရေစက်တချို့က ကျွန်မကို သတင်းပေးခဲ့သည်။ ( ထိုသတင်း၏ အသုံးဝင်မှုသည် အင်မတန်မှ နုံနဲ့ နေခဲ့၏။ )

ခင်ဗျားကို ကျွန်တော် ပျော်ရွှင်အောင် ထားပါ့မယ်… ချာလီချက်ပလင်၏ နှုတ်ထွက် စကားတော့ မဟုတ်ခဲ့ပါ။ သို့သော် CNN ကကြေညာသွားသော ထိုစကားလုံးကို ကြားတော့ ကျွန်မတို့ ငိုကြွေးခဲ့ကြရသည်။ သင်္ကြန်ရေနှင့် မတူသော မျက်ရည်များက အဝါရောင်အနုများ ဖြစ်သည်။

မင်းဆီကို ငါ လာနေခဲ့တာကြာပြီ .. ခုထိ မရောက်နိုင်ခဲ့သေးဘူး …. နှင်းစက်ကလေးတစ်စက်၏ ကြေကွဲသံကို နွေဦးက နာခံနိုင်စွမ်း မရှိသလို ကျွန်မ ထုံပေပေ ပြန်ကြည့်နေခဲ့မိသည်လား။ ဧပြီ၏ နေ့လည်ခင်း နေသည် အရှိန်ပြင်းလွန်းလှသဖြင့် လူများကို စိတ်ဖောက်ပြန်စေနိုင်သည်။ ကျွန်မတို့ အားလုံး မာဆိုးကို သတိရခြင်းနှင့်အတူ စည်းပြင်ဖက်ကို ထွက်ရပ်လိုက်ကြသည်။ (သုံးစက္ကန့်မျှသာ) မလျှော်ဖွပ်ရသေးသော ကံကြမ္မာ အသစ်စက်စက်ကြီးတစ်ပုံ မှိုတက်နေပုံက ရင်နာစရာ။ နေခြည်တုတွေက အနောက်ဘက်မှာ နေဝင်တော့မည်မှာ သေချာနေပြီလားမသိ။ အသစ်ဟူသော ဝေါဟာရကို ပိုက်ထားရင်း အဟောင်းတွေနှင့် လူတချို့ အလုပ်ရှုပ်နေ ကြသည်။ ရာသီစာများကို ချချကျွေးတတ်သော ကိစ္စကို ပြင်ဆင်ချက်ချရန် ညီလာခံ ခေါ်သင့်နေပြီ ထင်သည်။ ချက်နည်းပြုတ်နည်း လမ်းညွှန် စာအုပ်များထဲတွင် ပိတောက်နှင့် ငုများကို သင်္ကြန်ရေနှင့် ရောနှော ချက်ပြုတ်နည်း ပါဝင်နေသည်က အံ့သြစရာ ။ အော်ဒါ မှာထားသော ဟင်းပွဲများနှင့် ဒုက္ခရောက်နေသော အယ်ဒီတာ တချို့ကို ကျွန်မ အားနာသည်။ အမှန်တော့ ကျွန်မသည် အချက်အပြုတ်ကျွမ်းကျင်သော သူတစ်ယောက် မဟုတ်တာတော့ ကိုယ့်ဘာသာကိုယ်ပဲ သိသည်။ ထို့အပြင် ကျွန်မက ရာသီစာများကိုလည်း မကြိုက်တတ်ချေ။

မေးခွန်းများနှင့် ယက်ဖောက် ဖျော်စပ်ထားသော နေ့ရက်တချို့သည် ဧပြီ ဖြစ်သည်။ သစ္စာဖောက်ဟု စွပ်စွဲခံရသော အဝါရောင်ပန်းများနှင့် လောကဓံကို ကြံ့ကြံ့ ခံနိုင်သည်ဟု (လျှာအရိုးမရှိတိုင်း) ဖွဲ့ဆိုခံရသော အဝါရောင်ပန်းများက အားလုံးကို ကျောခိုင်းနှုတ်ဆက်သွားခဲ့ကြပြီ။ ထုံးစံအတိုင်း ဧပြီသည် နွေနှင့်အတူ အထီးကျန်စွာ ကျန်ရစ်ခဲ့၏။ သိကြားမင်းကတော့ ထုံးစံအတိုင်း ကျွန်မတို့ရှိရာ ခရီးထွက်လာနေပြီ။ သေချာတာက သူ ဘယ်သောအခါမှ ကဗျာဆရာတစ်ယောက်ကို စီးနင်းလိုက်ပါလာမှာ မဟုတ်ချေ။

ပွဲတော်တစ်ခု၏ အူသံကို ကြားရသည်။ ထိုအူသံသည် စွတ်စိုသော အဝါရောင် ဖြစ်၏။



မနော်ဟရီ

(ကိုနေမျိုး၏ ကဗျာဆရာ ဝံပုလွေကို ဖတ်အပြီး ..)

၂၀၀၇ ဧပြီ၊သောကြာ စာစောင်

~~~~~~~~~~~~~ ။ ။ ။ ။ ~~~~~~~~~~~~~~~~~~~~~~


လူငယ်ဆိုတာ ဘယ်တော့မှ မခမ်းခြောက်တဲ့ ပန်းပွင့်

လူငယ်လေး ပေါက်ရောက်ရာ
ရာသီဥတုက ကြမ်းတမ်းခက်လျော်လို့
လူငယ်တွေမှာ ကျားကုတ်ကျားခဲ လက်ယက်တွင်းလေးတွေ ကိုယ်စီ
လူငယ်တွေ အခုရေကြည်တူး အခုရေနောက်တွေ သောက်ချနေကြပေါ့

လူငယ်လေး ဒီလိုနဲ့ အပြိုင်းအရိုင်းရှင်သန်
လူငယ်လေး ဒီလိုမျိုး အပြိုင်အဆိုင်ပေါက်ရောက်
လူငယ်တွေဟာ မြေဇာပင်မဟုတ်ဘူး
လူငယ်တွေဟာ ပေါင်းမြက်တွေ မဟုတ်ဘူး

လူငယ်လေးက ကိုယ့်ပုခုံးပေါ်ကိုယ်တံပိုးတင်ပြီးထွန်ယက်
လူငယ်လေးက ကိုယ့်ကိုယ်ရည်ကိုယ်သွေးတွေကို အိပ်သွန်ဖါမှောက်ပျိုးကျဲ
လူငယ်လေးက ကိုယ့်ကိုယ်ကို စိုက်ရင်းပျိုးရင်း
လူငယ်လေးက ကိုယ့်ကိုယ်ကို ကျီးခြောက် စာခြောက်လုပ်နေရ
လူငယ်လေးတွေ ကျီးကြည့်ကြောင်ကြည့်ကြည့်နေရ..
လူငယ်လေး ကိုယ့်ကိုယ်ကို ရိပ်သိမ်းတော့မယ်ဆိုရင်ပဲ
ရာသီဥတုအစိုးမရတဲ့ ခေတ်ကြပ်နှစ်ကြပ်ထဲ..
မိုးသည်းထန် တိမ်ထူထပ် နှင်းခါးရိုက်
လူငယ်လေးရဲ့ စိုက်ကွင်းမှာမှ ပိုးဖလံကောင်တွေ ကျကျနေတတ်တယ်...

လူငယ်လေးခမျာ လျာထားချက်ပြည့်မှီအောင် ဖူးခွင့်သီးခွင့်မရ..
လူငယ်လေးမှာ အဖျင်းအမှော်တွေ ကြားညှပ်ပါပါလာတတ်ပြီ
လူငယ်တွေရဲ့ ဘယ်ခေတ်ဘယ်သမိုင်းမျက်နှာစာမှာဖြစ်ဖြစ်
လူငယ်တွေ ကိုယ့်ကိုယ်ကို ဥယျဉ်မှူး လုပ်တတ် လုပ်နေကြသမျှ
လူငယ်ဆိုတာ ဘယ်တော့မှ မခမ်းခြောက်တဲ့ ပန်းပွင့်တွေပါပဲ..

လူငယ်လေးက ဆုတောင်းနဲ့ အိပ်မက်တွေကို အယုံအကြည်မရှိဘူး
လူငယ်လေးအတွက် မျှော်လင့်ချက်ဆိုတာ ကွန်ပြူတာဂိမ်းက တက်တော့မယ့် အမှတ်တွေပေါ့
လူငယ်တွေမှာ လက်တွေ့ဆန်ဆန်အတွေးအမြင်သွေးတွေက တဒိတ်ဒိတ်ဆူပွက်လို့
လူငယ်တွေက ယဉ်ကျေးမှု အသစ်နဲ့ ပျိုမြစ်ဖူးပွင့်ချင်ကြတယ်
အဲဒီ့မှာ တောင်ပြိုသလို အရှိန်နဲ့ လှိမ့်ဆင်းလာကြတဲ့ ကဗျာတွေ သီချင်းတွေ ဖက်ရှင်တွေ
လူငယ်တွေဟာ တစ်စုံတစ်ရာကို တိတ်တိတ်လေး အော်အော်နေကြောင်းပြသရဲ့

လူငယ်တွေက
ယှဉ်ပြိုင်မှုတွေ ကစားနည်းအသစ်တွေ ဒီဇိုင်းအဆန်းတွေကို စိတ်ဝင်စားကြသလို..
လူငယ်လေးက အမေရိကန်အိုက်ဒေါကို ရင်ခုန်လှုပ်ခတ်တတ်သလို...
လူငယ်တွေဟာ ခေတ်ကို အလင်းနဲ့ စဖွင့်တတ်တဲ့ အာရုဏ်ဦးတွေဖြစ်သလို..

လူငယ်တွေဆိုတာမျိုးက
အလျော်အစားများတဲ့ ဗိုလ်လုပွဲတွေအတွက်လည်း..
သည်း ထိတ် ရင် ဖို စောင့် ကြည့် နေ သူ တွေ..။ ။


အိန္ဒြာ
(၁.၄.၂၀၁၀)

~~~~~~~~~~~~~~~~~~~~~~~~ ။ ~~~~~~~~~~~~~~~~~~~~~~~~~~~~~~


chinese garden က ငါးတွေလို လွတ်လပ် ပျော်မြူး.. နေတတ်သလို

အမြဲ ပြုံးနေတတ်ပြီး... သူငယ်ချင်း အားလုံးအား ကြိုဆိုလျှက်..

ချိုချဉ်လေးတွေကျွေး..၊ နာမည်လေးတွေမေး.. ဓာတ်ပုံလေးတွေ ပေး..

မအိမ်ကံ ကိုလည်း မွေးစားထားသေးတယ်..။

တစ်ခါတစ်ခါကျ.. သူက.. ဟာသလေးတွေလဲ ပြောတတ်တယ်..

မှတ်သားစရာလေးတွေတွေ့လဲ မျှဝေပေးချင်ပြန်တယ်..။

ဟိုရေး ဒီရေး ဆိုပြီး စိတ်ကူးပေါက်ရာတွေလဲ လိုက်ရေးးပါသေးရဲ့ (တော်သေးတယ်.. ဟိုချစ်.. ဒီချစ် လိုက်ချစ်တာတော့ မရေးလို့)

တစ်ခါတစ်ခါတော့

စိတ်ကူး ချစ်သူ
ထဲမှာ သူမ လှပါတယ် လို့ ချစ်သူကို စိတ်ကူးယဉ်ပုံဖော်ပြပြီး...

ငါ့ရင်ထဲမှာ...................
မင်းကိုချစ်တော့
ဆိုတာမျိုးတွေ

မင်းရဲ့ အထိအတွေ့မှာ
ငါ့အချစ်တွေ ပျော်ဝင်သွားတာ
တကယ်ကို မသိလိုက်ရပါလားကွာ..........။ ( အဟေးဟေး....ဟေ့)

ဆိုပြီးလဲ ကဗျာတွေ ထထ အော်တတ်သေးး..

အသည်းနှလုံးမရှိတဲ့ လူသား လို့ သူငယ်ချင်းတွေကို လက်ခမောင်းခတ်ထားပြီး စာတွေ..၊ ကဗျာတွေမှာကျ လွမ်းချင်းချလိုက် ချစ်ပြလိုက်.. သိပ်မမိုက်ပါဘူးဗျ.. နော.....

ဒီကြားထဲ
ဘယ်သူက သူ့ကို စကြိုက်ပါတယ်ဆိုပြီးတော့လဲ ကြွားတတ်သေးတယ်.. အံ့ရော.. ဟေဟေ့

စိတ်ကူးပေါက်ရာ တွေလဲ.. လျှောက်လျှောက်ရေးးတတ်သလို

အမှတ်တရ ခရီး ဆိုပြီး ခရီးတွေလဲ ခဏခဏ ထွက်သေးတယ်ထင်ပါရဲ့


သူငယ်ချင်း အပေါင်းအသင်း ခင်တတ်ပြီး မွေးနေ့မှန်သမျှ မလွတ်တမ်း လိုက်စား (အဲလေ) မမေ့အောင် သတိပေးတတ်သေးတယ်..။




အမေ့ကို လွမ်းလို့ကျတဲ့ မျက်ရည်တွေပါ
အမေ့ကြောင့် ကျနော် အသက်ရှင်နေရတာပါ
အမေ့ ဆီ သားတစ်နေ့ ပြန်လာခဲ့မယ်နော်
အမေနဲ့ သား အတူတူ နေမယ်နော် . အမေ...

အမေကို အင်မတန် တန်ဖိုးထား ချစ်မြတ်နိုးတဲ့ သားလိမ္မာလေးလဲ ဖြစ်သေးတယ် (လို့ ယူဆရတာပဲ)


1981 စက်တင်ဘာ 10ရက် နေ့လည် နှစ်နာရီမှာမွေး.. ကြာသပတေးသားး လေး နေချင်တဲ့မြို့က ကလောမြို့တဲ့ဗျ..။


အဲဒီ ကြာသပတေးသားက တစ်ခါတစ်ခါကျ သောကြာသားတောင် အရှုံးပေးရအောင် စကားကလဲ များ.. ပုံပြောကလဲ ကောင်း..။

လောကကြီးကိုလဲ ဟော့သလို ပုံပြောသေးတယ်ခဗျ..

ငါ ယုံကြည်ချက် အပြည့်နဲ့
ကြိုးစားနေတယ် လောကကြီးရယ်။ တဲ့



မြန်မာစကားပုံလည်း ရှိတယ်လေ။ ညောင်စေ့လောက် လှူပင်မဲ့ ညောင်ပင်ကြီးလောက် ရနိုင်တယ်


အဲဒီလို ပြောတော့ အလှူအတန်းလဲ ရက်ရောတဲ့ကောင်ကလေးထင်တယ်။ အလှူခံထွက်ရင် သတိတရ စာရင်းတို့ထားတာပေါ့..။ ဘာရမလဲ..။

ဒါပေမဲ့ ခုလိုလေး ပြောထားဖူးလေတော့လဲ အရိပ်သုံးပါးလေး ကြည့် အလှူခံရမဲ့သဘော ရှိနေပြန်တယ်။

ပုထုဇဉ်ဖြစ်တဲ့ကျနော် ဒေါသမထွက်ပဲလဲ မနေနိုင်ပြန်ဘူး။ ခုနောက်ပိုင်းတော့ ကျနော်ဒေါသကို နည်းတစ်မျိုးနဲ့ ပြောင်းထိန်းလိုက်တယ်။ ဒေါသထွက်လာပြီး ဆိုရင်တော့ တေမိထုံ နှလုံးမူပြီး ဘယ်သူကိုမှ စကားမပြောပဲ နေလိုက်တော့တယ်။

(စကားမပြောတော့ရင် စိတ်ဆိုးနေလို့ ဆိုတာ မှတ်မိနေမှပဲ...။)

ညီလေးက စိတ်ထောင်း ကိုယ်ကျေဆိုတဲ့ စကားလုံးက သင့်နှင့် ခက်ဝေးဝေးမှာ ရှိနေမှာပါပဲ....... လို့ ပြောခဲ့တဲ့စကား လက်တွေ့ကျင့်သုံးနေတာတော့ အမှန်ပဲ.. တနေ့တခြား..... ဖောင်း... ဖောင်းလာတယ်.. (ပါးတွေ ပြောတာပါ)

ခုတလောတော့ သူငယ်ချင်းတွေကို အင်တာဗျူး ပြီး တင်နေသလို

သူငယ်ချင်းတွေကိုလဲ အိတ်ဖွင့်ပေးစာတွေ ပို့ပို့နေလေရဲ့။

မင်းမရှိတော့ ငြိမ်းချမ်းလိုက်တာ
ဆိုတဲ့ ညီလေးရဲ့ ကမ္ဘာ လေးထဲမှာ....

ဒီစိတ်ကြောင့် လုပ်ချင်တာတွေ မလုပ်ပဲ ဒီစိတ်ကို အကောင်းဆုံးပြန်ခိုင်းနိုင်တဲ့ လူသားဖြစ်ပါစေလို့ ဆုတောင်းဆန္ဒပြုလိုက်ရပါတယ်။

(ရှိသမျှ ပို့စ်တွေ အကုန် လိုက်စု ရေးရရင် ညီလေးရဲ့ဘလော့ မွေးနေ့ပွဲလေး ဒီစာကြောင့် လေးမှာ စိုးလို့ တော်သေးပြီကွာ..။ ခုတောင် တော်တော် လေရှည်နေသလားပဲ။ ရေးပြီး ပြန်ဖတ်က်ြည့မှ ကိုယ် ပြောနေတာက ဘောလုံးပွဲ ကြေငြာနေတဲ့ အသံအတိုင်းပါလားးးး)

ဘလော့လေး တစ်နှစ်ပြည့်မှ နောင် သားစဉ်မြေးဆက်ထိ အဓွန့်ရှည် တည်တံ့နိုင်စေသော်ဝ်.....

ချစ်ခင်စွာဖြင့်

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


နာမည်ကျော် အကျွန်ုပ် ဘလော်ဂါ၏ လူမသိသူမသိ အင်တာဗျူး အစီအစဉ်

တနေ့သ၌ အကျွန်ုပ်သည် မိမိ၏ မွေးရပ်ဌာနေဆီသို့ ပြန်ခဲ့လေသည်။ ထိုအခါအကျွန်ုပ်၏ ဘကြီးဖြစ်သူ ဘကြီးထွန်းနှင့် စကားလက်ဆုံ ဆွေးနွေးခဲ့ပုံများကို စာဖတ်သူများ ဖတ်စိမ့်သောငှာ ပြန်လည် ဝေမျှလိုက်ပါသည်။

အကျွန်ုပ်။ ဘကြီးထွန်းမာရဲ့ ချာရဲ့နော်ဗျာ။ အရင်လို လမ်းတွေဘာတွေလျှောက် သတင်းပုလင်းတွေ နားထောင်သေးလားဗျ။

ဘကြီးထွန်း။ ဟေ မောင်မောင်ပါလားကွ ဘယ်တုန်းက ရောက်သတုန်း။ ရောက်တုန်း အခါးရေလေး သောက်ပါဦးဟ။ မင့်မလည်း ထွက်သွားလိုက်တာ ရွာနားတောင် အဝေးပြေးခြောက်လမ်းသွား ဖောက်ပြီးတာတောင် ပြန်ရောက်မလာနိုင်ဘူး။

အကျွန်ုပ်။ ဟုတ်ပ ဘကြီးရာ ရေကြည်ရာမြက်နုဆိုပါတော့ဗျာ။ ဒါပေသိ ကျုပ်ရပ်ရွာတော့ တနေ့မှ မေ့မရတာအမှန်ပါ။ မဲဇာတောင်ခြေရတုတောင် အခွင့်သင့်တိုင်း နှုတ်က ရွတ်နေမိတာဗျ။ စာရေးတဲ့အထဲလည်း မကြာမကြာရေးမိပါတယ်။ ဒီရွှေပြည်ကြီးရယ် ခရီးက ဝေးသဟာမို့လို့။

ဘကြီးထွန်း။ အိမ်း မင်းက စာရေးသကိုး။ ဘယ်မှာတုန်းမောင်ရာ။ ငတို့လည်း ဖတ်ရှုကြည့်ရတာပ။ မင်းတို့ခေတ်လူငယ်တွေ နည်းပညာအသစ်တွေနဲ့ ဘယ်လောက်ယဉ်ပါးနေသလဲဆိုတာ။

အကျွန်ုပ်။ ဟာ နည်းပညာတော့ ပြောမနေပါနဲ့တော့ ဘကြီးရေ။ ကျုပ်တို့အချင်းချင်း စကားတီးတိုးပြောလို့ရအောင် ဆီဗောက်ဆိုတာလေးပါထည့်ထားသဗျ။ မြင်ကွင်းကျယ် ကြည့်ချင်သလား မြင်ကွင်းကျဉ်းကြည့်ချင်သလား။ စာလုံးကြီးကြီး ကြည့်ချင်သလား စာလုံးသေးသေးကြည့်ချင်သလား။ နောက်ခံကို အဖြူနဲ့ကြိုက်သလား အမည်းနဲ့ကြိူက်သလား စာလုံးကို ကိုယ်ကြိုက်တဲ့ ပုံစံနဲ့ကို ကြည့်လို့ရတာဗျ။

ဘကြီးထွန်း။ ဟေ တယ်လည်း နေရာကျပါလား မောင်ရာ။ ဒါနဲ့ ဘယ်သူတွေကများ အကဲဖြတ်တင်သတဲ့တုန်း။

အကျွန်ုပ်။ ဟာ ဘကြီးကလည်း အခုခေတ်က လွတ်လွတ်လပ်လပ်ခေတ်ဗျ။ ခဏခဏ ရွတ်နေရတဲ့စကားလုံးလိုပဲ။ အားလုံးက ကိုယ့်စိတ်ကြိုက် ကိုယ့်ဖန်တီးမှုချည်းပေါ့ဗျ။ ဘောင်တွေ ကုလားနားတွေနဲ့ဆို ကြည့်မကောင်းပါဘူးဘကြီးရာ။ ခေတ်ရေစီးကြောင်းအတိုင်းပေါ့။

ဘကြီးထွန်း။ အိမ်း မင်းပြောတော့လည်း မှန်တာပါပဲလေ။ ဒါနဲ့ ဘယ်သူတွေကများ ဖတ်ရှုကြတာတုန်းကွ။

အကျွန်ုပ်။ ဒါတော့ သိပ်လွယ်သဗျ။ ကျုပ်စာရေးပြီးရင် ရေးပြီးတဲ့ အကြောင်းလေး အချင်းချင်းလက်တို့ သတင်းပေးလိုက်တာပဲ။ အချင်းချင်းဆိုတာက သူတင်ရင် ကိုယ်ဖတ် ကိုယ်တင်ရင် သူဖတ်ပေါ့ဗျာ။ လာမဖတ်တဲ့သူတွေကိုလည်း ခုံအောက်က လက်တို့ပြီး လာလကွာ မြန်မြန်လကွာ မင်းပဲကျန်တော့တာတို့ ဘာတို့ လုပ်ပေးရတာပေါ့။ အခုကာလက မာကတ်တင်းဆိုတာ ဖြစ်နေပြီ။ အဲ့ဒီတော့ မာကတ်တင်းကောင်းကောင်းဆင်းနိုင်မှ အောင်မြင်မှာပေါ့ဗျ။

ဘကြီးထွန်း။ ခေတ်ကြီးကိုတော့ တို့လိုက်မမှီတော့ပါဘူးကွာ။ ဒါနဲ့ မင်းက ဘာအကြောင်းများ ရေးသတုန်း။

အကျွန်ုပ်။ အင်….အယ်……အာ ဒါတော့ ပြောရသိပ်ခက်တယ်ဗျ

ဘကြီးထွန်း။ ဟင်….မင်းရေးတာလေးတော့ မင်းသိသင့်သပေါ့မောင်။

အကျွန်ုပ်။ ဒါက ဒီလိုရှိတယ် ဘကြီးရ။ ကျုပ်ရေးတဲ့ အကြောင်းအရာတွေက တယ်များတာဗျ။ ဗဟုသုတ ဖြစ်ဖို့ အတွက် ဟိုအရပ်က ဟိုသတင်းတွေ။ တနေ့တနေ့ ရုံးသွားရုံးပြန် ကားတွေကြပ်လာတယ်ဆိုတဲ့အကြောင်းတွေ။ တိုးတက်လာတဲ့ နည်းပညာတွေ။ ဘ၀ပေးဇာတ်လမ်းတွေ။ ပညာပေးဆောင်းပါးတွေ။ ရုပ်ရှင်ရိုက်သူတွေရဲ့ လိုအပ်ချက်တွေ။ ကျုပ်ရဲ့ နေ့စဉ်အောင်မြင်မှုတွေ များမှ များသိပ်ကိုများသဗျ။

ဘကြီးထွန်း။ အေးကွ တယ်လည်း ရေးစရာများတာပါပဲလား။ ဒီလောက်ပြည့်စုံအောင် မင်းလည်း တော်တော်လေး လေ့လာရမှာနော် ဟေ့ကောင်။

အကျွန်ုပ်။ ကမ္ဘာကြီးက ရွာကြီးဖြစ်နေပြီလေ ဘကြီးရ။ အပ်ကျတာတောင် သိနေမင့်ဟာပဲ။

ဘကြီးထွန်း။ ဒါနဲ့များ မင့်ဒွေးလေးဆုံးတာ မင့်ဆီက ၀မ်းနည်းစာလေး ဘာလေးတောင် မလာပါပဲကော။

အကျွန်ုပ်။ အာ…အင်… အီး ဒါတော့ ခွင့်လွှတ်ဗျာ။ ဒွေးလေး သတင်းကို ကျုပ် အင်တာနက်မှာ မရှာလိုက်မိဖူးဗျ။ ပြီးတော့ ဒီလောက်ခမ်းနားကြီးကျယ်တဲ့ စာတွေရေးဖို့ ကျုပ်ကို ကျုပ်တိုးတက်အောင် လုပ်ရသေးတာဗျ။ ဟိုစာလေးကြိုက်ရင် ကူး ဒီစာလေးသဘောကျရင် မ,လာနဲ့ အချိန်မလောက်ဖူးဖြစ်ဖြစ်နေတယ်ဗျာ။ အခုတောင် ရွာကိုချစ်လွန်လွန်းလို့ ပြန်လာတာ။ ကျုပ် အတွေးထဲက စာတွေ ပျောက်သွားမှာတောင် စိုးနေမိတယ်။

ဘကြီးထွန်း။ မင်းရဲ့ စာတစ်ပုဒ်နဲ့ ဘယ်အရာကို အကျိုးကျေးဇူးပြုပြီးပြီလဲ ငမောင်။

အကျွန်ုပ်။ အကျိုးပြုသပေါ့ဘကြီးရာ။ တလောက ကျုပ်ရေးလိုက်တဲ့ ရထားပေါ်မှာ အမှိုက်မချရ ပို့စ်ကြောင့် ကျုပ်သူငယ်ချင်း အရင်းကြီးတွေ နောင်ရထားပေါ်မှာ အမှိုက်မချတော့ဘူးဆိုတဲ့ အသိတရား ရသွားသဗျ။ နာမည်အကြီးဆုံးပို့စ်ဖြစ်တဲ့ မိဘကိုကျေးဇူးဆပ်ဆိုတဲ့ ပို့စ်ဆိုရင် ကြိုက်လှချည်ရဲ့ဆိုပြီး ဟိုလူကလည်း သူ့ဘလော့မှာ တင်ပါရစေ။ ဒီလူကလည်း သူ့ဆိုဒ်မှာ တင်ခွင့်ပြုပါနဲ့ကို ဖြစ်နေတာဗျ။

ဘကြီးထွန်း။ အိမ်း ကောင်းသကွ။ ဒါနဲ့ မင့်အမေ မနှစ်ကတည်းက လေဖြတ်သွားတာ မင့်ကို တမျှော်မျှော်နဲ့မောင်။ သူ့သတင်းကြားရင် သူသားက ပြေးလာမှာတဲ့ဗျ။ သူ့ကိုသိပ်ချစ်တဲ့သားဆိုပြီး ခြံစည်းရိုးကိုင်မိတိုင်း ငိုင်ပြီး တတွတ်တွတ်ရွတ်ရင်း ၀ါမထွက်ခင် သူအသက်ထွက်သွားတာပါပဲကွာ။

အကျွန်ုပ်။ တရားနဲ့ဖြေမှပေါ့ ဘကြီးရာ။ ကျုပ်ဖြင့် အွန်လိုင်းက တရားတွေနာတာနဲ့တင် အတော်လေး တရားကျနေဖြင့်ပဲ။

ဘကြီးထွန်း။ အင်း ဟုတ်တော့လည်း ဟုတ်တာပေါ့မောင်ရာ။ ဒါနဲ့မင်းက တို့ရပ်ရွာကို ဘယ်တော့ပြန်လာမလဲကွ။ မင့်အမေရှိတုန်းက သူ့သားကို ကျောင်းမှာ ဆရာပြန်လုပ်စေချင်တာချည်း ပြောနေတာ။ မင်းကလည်း မင်းဘ၀တိုးတက်ရေး ထွက်သွား သူ့ခမျာလည်းမတားသာဘူး။

အကျွန်ုပ်။ ပြန်လာမှာပေါ့ ဘကြီးရာ။ ကျုပ်တို့ရပ်ရွာအရေး ကျုပ်က တတပ်တအား ပါဝင်မပေါ့။ အခုလည်း ဆိုင်ရာဆိုင်ရာ တဒေါင့်တနေရာကနေ ကျုပ်ပါဝင်နေတာပါဗျ။ ဟိုးတလောက တောင်ပေါ်ဒေသမိဘမဲ့ကလေးတွေကို ပြုစုစောင့်ရှောက်ဖို့ အလှူခံပေးတယ်ဆိုတဲ့ သတင်းဘကြီးဖတ်လိုက်ရမယ်ထင်တယ်။ ဒါ ကျုပ်လုပ်တာဗျ။ အဲ့ဒီသတင်းကို ကျုပ် အသိသတင်းထောက်မလေးက ရေးပေးပြီး ကျုပ်နဲ့ခင်တဲ့ အယ်ဒီတာက အရှေ့မျက်နှာဖုံးမှာ ဖော်ပြပေးတာဗျ။ ဒါ့အပြင် နာဂစ်တုန်းကလည်း ကျုပ်က စွမ်းစွမ်းတမံပါခဲ့သေးတာ။ ကိုယ့်ရပ်ရွာအရေးတော့ လက်နှေးနေလို့ ဘယ်ဖြစ်လိမ့်မလဲ။ ဘကြီးလည်း ဂျာနယ်များများသာဖတ် ငမောင့် နာမည် ပါကို ပါစေရမယ်ဗျာ။

လောလောဆယ်တော့ ပြန်မလာနိုင်သေးဘူးဗျာ။

ဘကြီးထွန်း။ အေးလေ လူတိုင်းတော့ သူ့အခက်အခဲနဲ့သူပေါ့။ ဒါနဲ့ မင့်စာတွေကို ငတို့ဘယ်လိုများ ဖတ်ရမလဲ။

အကျွန်ုပ်။ အင်း ဒါတော့ အင်တာနက်ဆိုတာလိုသဗျ။ ဒီလိုလုပ်ဗျာ ဘကြီးတို့က ရွာကို မီးရအောင် အရင်လုပ်။ ပြီးတော့မှ အင်တာနက်ဆိုတာချည်းကို တတ်ပေါ့။ အဲ့ဒီအချိန် ကျုပ်ရွာပြန်ရောက်နေပြီဆို တစ်ရွာလုံးကို အင်တာနက်ကြည့်တတ်အောင် သင်ပေးမယ်ဗျာ။ ရွာနဲ့ ကမ္ဘာကြီးကို တစ်သားတည်းဖြစ်အောင် လုပ်မယ်။

ဘကြီးထွန်း။ ဟမ်……အေးအေး မျှော်ပေါ့ မောင်ရာ။ မျှော်ပေါ့။

အကျွန်ုပ်။ စကားတော့ ပြောကောင်းပါပေ့ ဘကြီးရေ။ ကျုပ်လည်း ပြန်ရဦးမဗျ။

ဘကြီးထွန်း။ အေးလကွာ ပြန်ဟ နေဖြင့် အတော်မြင့်နေပြီပဲ. မင့်မလဲ ဒီရောဂါက တယ်ရင့်နေပြီပဲလေ…………………..

အမည်မသိ ရှေးစာဆို တစ်ဦး

April 3, 2010

မအိမ်ကံ ( ဇာတ်သိမ်း) အပိုင်း ၄

လူတွေအားလုံး ၀ိုင်းတိုက်ထဲ ၀င်လာခဲ့ကြသည်။ ဒေါသ ဖြစ်သူတွေက ဖြစ်နေကြသည်။ ပြန်တွေ့လျှင်တွေ့ မတွေ့လျှင် တုတ်ဆွဲ ဓားဆွဲ ရှိကြတော့မည့် မျက်နှာတွေ။ မအိမ်စိုကို အရင် ရှာကြရသည်။ အိမ်ထဲမှာ မရှိ။ သေချာအောင် ရှာကြသည်။ မရှိ။ တစ်ဝင်းလုံး ပတ်ရှာကြသည်။ မတွေ့ပါ။ ရီးကျေးဥက နာမည်ကို တစာစာခေါ်သည်။ မထူး။ ဒါဆိုလျှင် အလှူအိမ်က ဖက်စိမ်းကွမ်းတောင် သွားပွေ့ပြီးကတည်းက ပြန်မရောက် လာတာ သေချာပြီ။

ဖက်စိမ်းကွမ်းတောင် ပျောက်တာက ပြဿနာ တစ်ခု။ လူကိုယ်တိုင် ပျောက်နေတာက ပိုဆိုးသည်။ မတော်တရော် တခြားရွာတွေဘက် လျှောက်သွားတာ မျိုးလည်း ဖြစ်နိုင်သည်။ အရှေ့ကို သွားသလား၊ အနောက်ကို သွားသလား။ အိမ်ကြို အိမ်ကြားတွေက ဖြတ်ပြီး သစ်ခင်းတွေ ဘက်ပဲ ဆင်းရော့လား။ ရီးကျေးဥတို့ လင်မယား တစ်ယောက်မျက်နှာ တစ်ယောက် ကြည့်ရုံက လွဲ၍ မစဉ်းစားတတ်အောင် ဖြစ်ရပါ၏။ ကောင်းကင်ဆီက ရောင်နီပင် ပျို့ခဲ့ပြီ။ မဏ္ဍပ်ထဲက ထလိုက်လာခဲ့သည့် လူတွေသာမက ရပ်ရွာထဲက လူတွေပါ ၀ိုင်းတိုက်ထဲမှာ ပြည့်နေကြပြီ။


“ဟော ဟိုမှာ ရက်ကန်းစင် ဟောင်းတွေကြားထဲ ပုန်းနေ သာဟေ့။ ပြေးပြီ ပြေးပြီ”



ရိပ်ခနဲ လှုပ်ရှားလိုက်သော မအိမ်စို၏ သဏ္ဌာန်ကို အားလုံးက လှမ်းမြင်လိုက်ကြရသည်။ ဖက်စိမ်း ကွမ်းတောင်ကို ပိုက်ရင်း ပဲမှော်တိုက်ဘက်ကို အထွက် မြင်လိုက်ကြခြင်း ဖြစ်သည်။ မအိမ်စိုက ရက်ကန်းစင်ဟောင်းတွေ ကြားမှာ ပုန်းနေရာက လူတွေ များလာတော့ ထိတ်လန့်သွားပုံ ပေါ်သည်။ ပိုမိုလုံခြုံသည့် ပဲမှော်တိုက် စောင်းစောင်းကြီး အောက်ကို ပြေးဝင်ရန် ရွေးလိုက်ခြင်း ဖြစ်၏။ လူတွေအားလုံး ပဲမှော်တိုက်ကို ၀ိုင်းလိုက် ကြလေပြီ။ အတွင်းကို မမြင်ရ။ ခြုံတွေ၊ နွယ်တွေက သိပ်သိပ်သည်းသည်း ဖုံးအုပ်ထားသဖြင့် မအိမ်စို ကိုကော ဖက်စိမ်း ကွမ်းတောင်ကိုပါ မမြင်နိုင်ကြဘဲ ဖြစ်နေခဲ့သည်။ ရီးကျေးဥက ၀င်ပေါက်ကိုသိသဖြင့် စွတ်ခနဲ ၀င်လိုက်သွားခဲ့သည်။ ဖက်စိမ်း ကွမ်းတောင်ကို ဘေးချကာ ရင်တုန်ပန်းတုန် ထိုင်နေသော မအိမ်စို။ ရီးကျေးဥကို သနားစဖွယ် မော့ကြည့်နေရှာပါ၏။ အမှား လုပ်ခဲ့ပြီဆိုတာ ကိုသိနေသည့် မျက်နှာကလေးက ညှိုးနွမ်းလွန်းလှသည်။

“ကျေးဥ”

“လာ ထွက်ခဲ့တော့ သမီး။ လာ သည်အထဲက မကောင်းဘူး”

မအိမ်စိုလက်ကို ဆတ်ခနဲဆွဲကာ ခြုံတွေကြားက ထွက်လာခဲ့ကြသည်။ ဖက်စိမ်း ကွမ်းတောင်ကတော့ ကျန်ရစ်ခဲ့သည်။ မအိမ်စိုနှင့် ရီးကျေးဥကို လူတွေက ၀ိုင်းကြည့်နေကြဆဲ။ ဘယ်မှာလဲ ဖက်စိမ်း ကွမ်းတောင်။ အလှူအိမ်က လိုက်လာသူ တွေက စိတ်မရှည်နိုင်ကြတော့သလို ပဲမှော်တိုက် ၀င်ပေါက်ကို တိုးကြဖို့ ခြုံတွေ၊ နွယ်တွေ ဆွဲပစ်နေကြသခိုက် မှာပင်။

အိခနဲ လှုပ်သွားခြင်းနှင့် အတူ ပဲမှော်တိုက်ကြီး တစ်ခုလုံး စောင်းစောင်းကြီး တည်နေရာမှ ၀ုန်းခနဲ ပြိုလဲကျသွားလေသည်။ ခြုံတွေ၊ နွယ်တွေပါ ရောထွေး ပါသွားသဖြင့် လည်းကောင်း၊ ရက်မ၊ ဆင့်တန်းများ၊ အခြင်ရနယ်များ၊ ခင်းပျဉ်ဟောင်းများ၊ ထရံဆွေးများ အားလုံး ဦးစောက်ကျွမ်းပြန် ပြိုကျ သွားသဖြင့် လည်းကောင်း၊ ကြောက်စရာ ကောင်းလှသော အသံကြီး ဟည်းထ သွားခဲ့လေသည်။ ပိုးထိုး ကျွန်းတိုင်ကြီးတွေက မြေမှ ကျွတ်ကာ ပိုးလိုးပက်လက် လန်နေကြပြီ။ လေပြင်း မုန်တိုင်းဒဏ် ခံလိုက်ရသော တဲဟောင်း တစ်လုံးကဲ့သို့ ရစရာ မရှိအောင် ပြိုကျသွား ခဲ့သော ထိုမြင်ကွင်းသည် ရွာသူရွာသား တို့ရှေ့တွင် အချိန်ကိုက် တွန်းလှဲ လိုက်သကဲ့သို့ ရှိလေ၏။ ရှိရှိ သမျှ ကြည့်နေကြသူတွေ အားလုံး သွေးဆုတ်သွားကြသလို ထုံခဲခဲ အေးစက်စက် မလှုပ်မယှက် ရှိကြလေ၏။ ရီးကျေးဥ ကတော့ ထူးဆန်းလှသော အဖြစ်ကို တစ်စုံတစ်ရာသိနေသည့် ပမာ “မအိမ်ကံရေ အမျှ အမျှ အမျှ”ဟူ၍ နှုတ်ခမ်းကလေး လှုပ်ရုံ အမျှဝေ နေခဲ့ပါ၏။

“နတ်ကတော်ကြီး အမေသုန် ဟောခဲ့တဲ့ ညည်းတို့အမျိုး ထဲက ကွမ်းတောင်ကိုင် ထွက်ဦးမှာပါအေ ဆိုတဲ့ စကား မှန်နေ ပါပကော။ ဒါဆိုရင်လည်း မအိမ်ကံ တစ်ယောက် ကျေနပ်နိုင် ရောပေါ့လေ။ ညည်း မအိမ်စို အဖြစ် ၀င်စားပြီးများ ကွမ်းတောင်ကို ရအောင် ကိုင်ခဲ့ရော့ သလား မအိမ်ကံရယ်” လို့လည်း အရီး ကျေးဥ ကိုယ့်ဘာသာ တွေးနေမိသည်။

တစ်ယောက်က ထအော်လိုက်သည်။
“ဟေ့ စန်းမောင်။ ပြေးစမ်း။ မစိန်လှတို့ ညီအစ်မကို ဖက်စိမ်းကွမ်းတောင် တစ်တောင် အမြန်ချိုးခိုင်း ချေစမ်း။ အလှူ ရှင်လောင်း လှည့်ပျက်လို့ မဖြစ်ဘူး။ ကိုင်း အားတဲ့လူက အပြို အပျက်တွေ ၀ိုင်းရှင်းကြဗျာ။ အလှူကူရမယ့် လူတွေက မဏ္ဍပ်ကိုသွားကြတော့”

ဘကြီးဖိုးတုတ်က တဆတ်ဆတ် တုန်ရီနေရှာသည့် မအိမ်စိုကို ဝေးရာဘက် ခေါ်လာခဲ့သည်။ ထိုစဉ်မှာပင် မဏ္ဍပ်ဆီက မင်္ဂလာ ရေကင်းသံကြီး ထွက်ပေါ်လာခဲ့လေပြီ။ ဇောင်ချမ်းကုန်း ရွာသည်လည်း ပျို့လာသော အလင်းရောင်နှင့်အတူ ပြန်လည် လှုပ်ခုန် လာခဲ့လေ၏။

တစ်ခါက မြင်းခြံနယ် ဇောင်ချမ်းကုန်း ရွာကလေးတွင် အလွန်တရာ ချောမော လှပသလောက် စိတ်မနော ဖြူစင်သော မအိမ်ကံ ဆိုသူ မိန်းမသား တစ်ယောက်၏ ဘ၀ ဇာတ်လမ်းသည် ဤတွင် တစ်ခန်း ရပ်ခဲ့လေပြီ။ မျိုးဆက် သုံးဆက်အထိ အတိ ဒုက္ခ ပင်လယ် ဝေခဲ့သော အဖြစ်အပျက် များသည်လည်း အဆုံးသတ် သွားခဲ့ပါ၏။ ထူးဆန်းသည်ဟု ပြောနိုင်သည့် အချက်မှာ ပဲမှော် တိုက်ကြီး ပြိုကျပြီးသည့် နောက်ပိုင်း မအိမ်ကံ ၀င်စားသည် ဆိုသော မအိမ်စို တစ်ယောက် မူမှန်စိတ်ဖြင့် နူးညံ့ ရည်မွန်သော မိန်းမချော တစ်ယောက် အဖြစ် ထင်ရှား လာခဲ့ခြင်း ဖြစ်သည်။
ထို့ထက် ထူးဆန်းသည်ဟု ဆိုနိုင်သည့် အချက်မှာ မအိမ်စိုက ဇောင်ချမ်းကုန်းကို ရွာနေပြည်ထိုင် တစ်ယောက်လို သံယောဇဉ် တွယ်နေခြင်း ဖြစ်ပါ၏။ မိခင်ဖြစ်သူ မအိမ်မြိုင် ထနောင်းတိုင် ရွာတွင် ကျောင်းဆရာမ တာဝန်ကျပြီ ဆိုသည့် အခါမှာ မအိမ်စို လိုက်မသွားတော့ဘဲ အမေကြီး ကျေးနှင့် နေခဲ့မည် ဆိုလာသည့် အခါ အားလုံးက အံ့သြခဲ့ကြရသည်။ တစ်နေ့ တစ်နေ့ ပုံထားသည့် ရက်ကန်းစင်တွေကိုကြည့်သည်။ ချည်ထုပ်ချည်ထည် ဟောင်းတွေ၊ ဆိုးဆေးအင်တုံကြီးတွေက အစ ရက်ကန်းနှင့် ဆိုင်သမျှ အားလုံး အာရုံဝင်စား နေတတ်သော မအိမ်စိုကို ရီးကျေးဥ မြင်တွေ့နေရသည်။ ရက်ကန်းနှင့်ပတ် သက်သမျှ ရီးကျေးဥကို မေးသည်။ မကြီးအေးငြိမ်ကို မေးသည်။ အမေကြီး မအိမ်ကံ၏ တစ်ခါက ကျော်ကြားခဲ့သော မအိမ်ကံ လက်ရက်ကန်းထည်တွေနှင့် မခြား မအိမ်စိုလက်ရက် ကန်းထည်တွေ ပြန်လည်တစ်ခေတ် ဆန်းစေချင်ကြောင်း ပြောလာတော့ ရီးကျေးဥ မအံ့သြဘဲ မနေနိုင်။ သည်တုန်းက ရီးကျေးဥ ကပင် ဟုတ်မှ ဟုတ်ပါ့မလား အောက်မေ့ခဲ့ပါသေးသည်။

“ဘိုးလေး ကိုစံကောင်းကို ခေါ်ပြီး ရက်ကန်းစင်တွေ ပြန်ဆင်ချင်သယ်။ ရက်ကန်းသားတွေ ပြန်စုချင်သယ်။ ရက်ကန်း ရုံကြီး ခိုင်ခိုင်မာမာပြန်ဆောက်ချင်သယ် ကျေးဥရယ်။ သမီး ရက်ကန်း ခတ်ချင်သယ်”

မအိမ်စိုသည် လူပင်မက စိတ်ကပါ မအိမ်ကံနှင့် တူလွန်း လှသည်။ သူဖြစ်ချင်ရာကို မရမက အကောင်အထည် ဖော်ပြီဆို တော့ ရီးကျေးဥတို့တစ်တွေလည်း မနေသာတော့။ ရန်ကုန်က ဘကြီးမြတ်သာကပဲ မအိမ်စို သဘောကျ စီမံဆောင်ရွက်ပေးရပါ တော့၏။ မအိမ်စိုက အိမ်ကြီးကို ပြန်လည်ပြုပြင်ပြီး အိမ်ကြီး ပေါ်မှာပဲ နေသည်။ ဘကြီးဖိုးတုတ်နှင့် ရီးကျေးဥကို မိဘအရာ ထား၍ မကြီးအေးငြိမ်က ရက်ကန်းခေါင်း ဖြစ်လာခဲ့သည်။

သူကြီးမင်း ဘိုးသာထန်တို့ မျိုးရိုးစဉ်ဆက် ပိုင်ဆိုင်ခဲ့သော ပျဉ်ထောင်အိမ်ကြီးမှာ ရေနံရောင် တစိုစိုဖြင့် အသက်ပြန်ဝင်လာ ခဲ့ပြန်လေပြီ။ မအိမ်စိုက ပဲမှော်တိုက်ကြီး နေရာမှာ ကံကော် ပင်(ကံ့ကော်ပင်)တစ်ပင် စိုက်ခဲ့သည်။ အမေကြီး မအိမ်ကံ ဖြစ်လေရာဘ၀ ကံကောင်းအကြောင်း လှပါစေသားလို့လည်း ဆုတောင်း လိုက်ပါသေး၏။ ဆပ်သွားဖူးရုံဟောင်း မရှိတော့သည့် မြေပက်လက်မှာ ဆပ်သွားဖူးပင်သစ် စိုက်ခဲ့သည်။ သရက်တောအုပ်ကို ရှင်းလိုက်ပြီး နှင်းဆီတော၊ စံပယ်တော ဖြစ်စေခဲ့သည်။ ခတ္တာ၊ ဇလပ်ဖြူ၊ လေးကျွန်းစကြာပန်းတွေ ဝေကြပြီ။ ရက်ကန်းသံတွေ ညံခဲ့ပြီ။ ခြူကုံးသံတွေ လွင်ခဲ့ပြီ။

“ဖက်စိမ်းကွမ်းတောင် အမှတ်တံဆိပ်၊ မအိမ်စို လက်ရက် ကန်းထည်များ အရောင်အသွေး အာမခံ၊ ဇောင်ချမ်းကုန်း၊ မြင်းခြံမြို့နယ်”

ရီးကျေးဥက ပုံနှိပ်စက္ကူစ ကလေးတွေကို ဖတ်ရင်း ပြုံး သည်။ ပါးပြင်ပေါ်သို့ မျက်ရည်တွေ တလိမ့်လိမ့် ကျဆင်းလာခဲ့သည်။
“ရှင်အိမ်ကံရယ်။ ညည်းငါ့ကို လွမ်းလွန်းလို့ အစားပြန် ရောက်လာသာလားအေ။ ညည်းမြေးမ မအိမ်စိုက ညည်းမှ ညည်းအစစ် ပါအေ။ ငါဖြင့် စိတ်ချမ်းသာလိုက် သာတော်။ သည်အိမ်ကြီးကို ညည်းပြန်ရောက်လာ သလိုပါပဲလား။ ခဲတံ တစ်ချောင်း ဆံထုံးမှာ ထိုးပြီး ရက်ကန်းရုံထဲ ၀င်ထွက်နေသာများ ညည်းမှ ညည်းအတိုင်းပါအေ”

ပင်နီလည်ထောင် အင်္ကျီကလေး ၀တ်ထားသော ကိုယ်သားကိုယ်ရေ ၀င်းဖန့်ဖန့် မိန်းမချော မအိမ်စိုကို လှမ်းကြည့်ရင်း ရီးကျေးဥ စကားတွေ တတွတ်တွတ် ဆိုနေမိ၏။
လေအဝေ့မှာ ဆပ်သွားဖူး ပန်းရုံပျိုဆီက ပန်းရနံ့တို့ကြိုင် ခနဲ သင်းသွားလေသည်။ ဆပ်သွားဖူးပန်းတွေတောင် ပွင့်ကြပြီ ကော။
“ပျိုလေးတို့ ဗိုင်းရစ်ခုံ...ပန်းပုံလို့ပေး
ဘယ်အပျို ပန်ပြီလဲ...မောင်ကြီးကိုမေး။
ဘယ်အပျိုမှ ပန်ပါဘူးကွယ်...ပန်ဦးမို့လေး။
ဒေါင့်တလိပ် ခုနစ်စင်...ဘယ်ခင်ကမွှေး
ပျိုတို့မောင် စင်တော်မြင့်က လေသင့်ရာမွှေး။”

ခင်ခင်ထူး

ကျေးဇူးစကား
ရွှေအမြုတေ မဂ္ဂဇင်းတွင် ၃၆ လတိုင်တိုင် ရေးသားဖြစ်ခဲ့ သော မအိမ်ကံ အခန်းဆက် ၀တ္ထုရှည်ကြီး ဤလတွင် အဆုံး သတ်နိုင်ခဲ့ပါပြီ။ လပေါင်းများစွာ နေရာပေး ဖော်ပြခွင့် ပြုခဲ့ကြသော အစ်ကိုဆရာ ဦးဝင်းငြိမ်းနှင့် ဆရာ မျိုးမြင့်ညိမ်း တို့ကို လည်းကောင်း၊ ရွှေအမြုတေ မဂ္ဂဇင်း အဖွဲ့သူ အဖွဲ့သားများကို လည်းကောင်း၊ လစဉ်သရုပ်ဖော် ပန်းချီရေးဆွဲ ပေးခဲ့သော ပန်းချီ ဆရာ ဆရာဖေညွန့်ဝေကို လည်းကောင်း လွန်စွာ ကျေးဇူးတင်ပါကြောင်း ဖော်ပြလိုပါသည်။
အထူးသဖြင့် လစဉ်မပျက် စောင့်စား ဖတ်ရှုခဲ့ကြသော အနယ်နယ် အရပ်ရပ်မှ စာချစ်သူများ၏ အားပေးမှု၊ နွေးထွေးမှု၊ ချစ်ခင်မှုများ သည်လည်း ကျွန်မ အတွက် အားဖြစ် ရပါသည်။ဝမ်းမြောက်ဝမ်းသာ ကျေးဇူးတင်ပါကြောင်း ဖော်ပြလိုပါသည်။ မအိမ်ကံ လုံးချင်း ၀တ္ထုကို ဥဒယ ကျေးရွာ စာပေမှ မကြာမီ ထုတ်ဝေရန် စီစဉ်ထား ပါကြောင်း လေးစားစွာ အသိ ပေးအပ် ပါသည်။
စိတ်ချမ်းသာ ကိုယ်ကျန်းမာ နှစ်ဖြာသုခ ပြည့်စုံကြပါစေ။

လေးစားစွာဖြင့်
ရီနိုမာန်

April 2, 2010

မင်းမရှိတော့ ငြိမ်းချမ်းလိုက်တာ

ငါ့ရင်ထဲမှာ မင်း မရှိခဲ့တာ ကြာခဲ့ပေါ့

အလွမ်းတွေဆိုတာလည်း ငါ မသိခဲ့ဘူး

အဆွေးဆို ပိုလို့ နားမလည်ခဲ့ဘူး....

ခဏတာ တွေ့ခဲ့ ကြတဲ့ အချိန်တွေကိုတော့

ငါ သတိရနေမိတာတော့ အမှန်

ခုချိန်မှာ ငါ အေးချမ်းနေတယ်

မယုံရင် ငါ့ရင်ထဲ ဝင်ကြည့်လိုက်ပါ

ငြိမ်းချမ်းတဲ့ ရင်ခွင် တစ်စုံရှိနေလိမ့်မယ်.......

မအိမ်ကံ ( ဇာတ်သိမ်း) အပိုင်း ၃

“ပြောရဦးမယ် ကျေးကျေးရယ်။ မြိုင်တို့ကို အကျိုး အကြောင်း ပြောပြတဲ့ ဦးဘသောင်းက အမေ့ဆီကို အဖေလွှတ်လို့ တောပုန်းရည်သည် အဖြစ်နဲ့ ရွာကို နှစ်ခေါက် ရောက်ဖူး သယ်တဲ့။ အဖေ ကျဆုံးသာကို အမေ့ဆီ အကျိုးအကြောင်း ပြောမယ်ဆိုပြီးသွားတော့ အမေ ဆုံးသွားပြီဆိုသာ သိခဲ့သာတဲ့။ သည်သတင်းတွေက သေချာပြီ။ မိဘနှစ်ပါး မရှိကြတော့ဘူး။ မြိုင်လည်း တောကျွံခဲ့ပြီ။ ဘ၀ ကျွံခဲ့ပြီ။ မြိုင့်ကြောင့် သက်ဦးဝေ ခမျာလည်း ဒုက္ခ ရောက်ခဲ့ရသယ်။ မြိုင့်မှာ အမေ့ကို ထားပြီး အဖေ့ဆီ လာခဲ့တော့လည်း အဖေက မရှိတော့ဘူး။ နောက်လှည့် ကြည့်တော့ အမေကလည်း ဝေးရပြီ။ ရောက်နေတဲ့ နေရာက တောကြီးခေါင်ခေါင်။ သည်ကြားထဲ ဖြစ်ချင်တော့ မြိုင့် ကိုယ်ဝန်က ရင့်လာခဲ့ပြီ။ တောမရောက် တောင်မရောက်ဆိုသာ ဒါမျိုးနေမှာပါ ကျေးကျေးရယ်။ အစာ အာဟာရကလည်း မပြည့်စုံ၊ ဆေးဝါးဓာတ်စာကလည်း မစားရတော့ ရွာလက်သည်နဲ့သမီးကို မွေးတော့ ခြောက်ပေါင်တောင် ရှိပါ့မလား မသိဘူး။


တကယ့်ကြွက်ကလေးလို မွေးလာသာပါ။ ကလေးဆိုသာ ငိုနိုင်တဲ့ အားတောင် မရှိခဲ့ရှာဘူး။ မြိုင်ကလည်း နို့မထွက်တော့ ရွာကပဲ နို့တိုက်ကြ၊ ပြုစုကြသယ်။
“တိုတို ပြောကြပါစို့ ကျေးကျေးရယ်။ ပြောရရင် ရင်နာစရာတွေချည်းပါ။ ဦးဘသောင်း ပြောတဲ့ စကားထဲမှာ မြင်းခြံမှာ ဖြစ်နေသာက မြိုင်တို့နှစ်ယောက် ခိုးရာ လိုက်ပြေးကြပြီ ဆိုသာထက် တောခိုသွားကြပြီဆိုတဲ့ သတင်းက ပိုကြီးနေသတဲ့။ မြိုင်တို့ နှစ်ယောက်ကို ဖမ်းဖို့ ရှိသယ်ဆိုသာ ပါလေတော့ မြို့တွေကို ရှောင်ကြရသာပေါ့။ အဲသည့်အခါ တောရွာတွေမှာကလည်း အခြေအနေတွေ မကောင်းဘူး မဟုတ်လား။ မြိုင်တို့မှာ ပြေးလို့ ချည်းနေရသယ် ပြောပါတော့။ ရွာပေါင်းကို အတော်စုံပါသယ်။ မြိုင်တို့ကို နှစ်ဖက်စလုံးက မသင်္ကာ ဖြစ်နေသာဆိုတော့ အတော့်ကို ဇာတ်မြှုပ် နေခဲ့ကြရသာပါလေ။ နောက်တော့ ဖြစ်ချင်ရာဖြစ် စေတော့ဆိုပြီး တောမြို့ကလေးမှာ အိမ်ကလေး တစ်လုံး ငှားနေခဲ့ ကြသယ်။ သမီးကလေးက ဥာဏ်မမီ ရှာတော့ခမျာ ကျောင်းရယ်လို့လည်း မတက်ခဲ့ရ ရှာပါဘူး။ မြိုင်ကပဲ ရသလောက် စာသင်ပေးခဲ့သယ်။ သမီးစိတ်က ဒေါ်တိ ဒေါ်ရာ ဆိုပေသိ သနားသာနဲ့ပဲ ခွင့်လွှတ်ထားခဲ့ရသယ်။ သည်တော့ ပိုဆိုးလာ ပြန်ရော။ စကားလည်း နားထောင်ချင်မှ ထောင်သာရယ်။

“သမီး ဆယ်နှစ်သမီးလောက် ရောက်တော့ သက်ဦးဝေ တီဘီရောဂါ ပြင်းပြင်းထန်ထန် ခံစားနေရပါပြီ။ ဆေးရယ်ဝါး ရယ်လို့လည်း ကောင်းကောင်း မကုရတော့ ဗုံးဗုံးလဲတော့သာ ပါပဲ။ မြိုင်ဖြင့် ယူကျုံးမရ ဖြစ်လိုက်ရသာလေ။ ခမျာ မြိုင့် အတွက် ဘ၀ ပေးသွားရရှာသယ်လို့တောင် ပြောပါရစေတော့။ သူဆုံးခါနီးတော့ မြိုင့်ကို ဘာပဲဖြစ်ဖြစ် မြင်းခြံကို ပြန်နေဖို့ မှာသွားခဲ့ရှာသယ်။ သမီးအတွက် လုံခြုံမှု ရှိစေချင်လို့တဲ့။ ဒါပေမယ့် မြိုင် ဘယ်သူ့ကိုမှ ရင်မဆိုင်ရဲသာနဲ့ အဲသည်ရွာမှာပဲ ပေနေခဲ့ပါသေးသယ်။

“သက်ဦးဝေကြောင့် မြိုင် သံဝေဂရခဲ့သာ ဘာလဲဆိုတော့ ထွက်လာကတည်းက သူ့မိသူ့ဖ သူ့ဆွေသူ့မျိုး သူ့ရပ်သူ့ရွာကို ပြန်မရောက်ခဲ့ရရှာပါလားလို့ တွေးမိသယ်။ မြိုင်က နေဦးတော့ သမီး အူတိအူချာ ကလေးအတွက် မြိုင်စဉ်းစားရတော့မယ်။ မြိုင်မရှိတော့ဘူး ဆိုရင် သည်သမီးကလေး ဘယ်သူ့လက်ကို အပ်ထားခဲ့ရမလဲ။ မြိုင့်ဝန်းကျင်မှာ သူစိမ်းတွေပဲ ရှိသယ်။ သည်တော့ သမီးအတွက် လုံခြုံမှုဟာ ကိုယ့်ရပ်ကိုယ့်ရွာ ကိုယ့်ဆွေကိုယ့်မျိုး အသိုက်အ၀န်းရဲ့ရင်ခွင်ပဲလို့ မြိုင် သဘောပေါက် လာခဲ့ပါသယ်။ မြိုင်တို့ သားအမိရဲ့ဘ၀ဟာ ဆွေရိပ်မျိုးရိပ် အောက်မှာရှိမှသာ အဓိပ္ပာယ် ရှိမှာပေါ့လို့ တွေးမိသယ်။ နဂိုက မြိုင် ဆွေရိပ်မျိုးရိပ်ကို မပြန်တော့ဘူး။ မျက်နှာ မပြတော့ဘူးလို့ ဆုံးဖြတ်ထားသာပါ။ သမီး အရွယ် ရောက်လာတော့ မြိုင့် ဆုံးဖြတ်ချက်ကို ပြင်ရတော့မယ်ဆိုသာသိပြီ။ သမီးကို မြိုင် မထိန်းနိုင်တော့ဘူး။ သွားချင်ရာသွားနေသာမျိုး၊ ညကြီး သန်းခေါင် လမ်းထလျှောက်သာမျိုးက အစ မကြောက်မလန့် ရှိလေတော့ သမီးကလေး ဒုက္ခရောက်ရချေရဲ့ဆိုတဲ့စိတ်နဲ့ မြိုင် ပြန်ဖို့ ရွေးချယ်လိုက်သယ်။

“မြိုင်တို့ သားအမိ ဘယ်ကိုပြန်ရမလဲ။ ဘကြီးမြတ်သာတို့၊ ညီမလေးခိုင်တို့ ဆီလား။ သက်ဦးဝေရဲ့ မိဘများ ဆီကိုလား။ ထနောင်းတိုင် ရွာကိုလား။ တကယ်တမ်း မြိုင် တမ်းတမိသာက အမေ့ရဲ့ ရင်ခွင်ပဲ။ သည်တော့ အမေ့ရဲ့ရွာ ဇောင်ချမ်းကုန်းကိုပဲ ပြန်မယ်လို့ ရွေးချယ်လိုက်သယ်။ အမေမရှိပေမယ့် မြိုင့် အပေါ်မှာ အမေနဲ့မခြား မေတ္တာ ရင်ငွေ့ပေးနိုင်တဲ့ ကျေးကျေး ရှိရာ အရပ်ကို မြိုင် ပြန်လာခဲ့သာပါ။ ဇောင်ချမ်းကုန်းကို ပထမ ဆုံးခြေချခဲ့သာ အမေ့သင်္ချိုင်းကို ကန်တော့ချင်လို့ပါ။ မြိုင့် ရှေ့ရေးဆိုတာထက် သမီးကလေး ရှေ့ရေးက ပိုအရေးကြီးသယ် မှုတ်လား။ ဘကြီးဆီကိုလည်း မြိုင်ပဲ ဖုန်းဆက်ပါ့မယ်။ မြင်းခြံ ကိုတစ်ရက်သွားပြီး သက်ဦးဝေ မိဘများကိုလည်း ကန်တော့မယ်။ ထနောင်းတိုင်က အမျိုးတွေဆီကိုလည်း ၀င်မယ်။ မအိမ်စိုကို ဆွေပြမျိုးပြ သွားရမယ် ကျေးကျေး။ မြိုင်လည်း ကျောင်းဆရာမ အလုပ်လျှောက်မယ်”

“အခုတော့ မြိုင်တို့သားအမိ ကျေးကျေးနဲ့နေလိုက်ဦးမယ် ဆိုတဲ့ စိတ်ပဲ ရှိတယ်။ မြိုင် မှားခဲ့သယ်ဆိုရင် ခွင့်လွှတ်ပါတော့ ကျေးကျေးရယ်”

ရွာ့တောင်ပိုင်း အလှူအိမ်ဝိုင်း တိုက်ဆီက အသံချဲ့စက်သံ ညံလှသည်။ ဆောင်းကျွတ်လို့ သီးနှံပေါ်ချိန် ရောက်သည်နှင့် အလှူသံတွေ ကြားလာရပြီ။ တစ်ရွာလုံးလိုလို အလှူ အတွက် အလုပ်တွေများနေကြသည်။ ရီးကျေးဥပင် ကြက်သွန်လှီး ဆန်ရွေးလိုက်လိုက်ရသေးသည်။ ၀ိုင်းလုံးပြည့် ထိုး ထားသော မဏ္ဍပ်ကြီးထဲမှာ ဖျာကြမ်းတွေ အပြည့်ခင်းထားသဖြင့် အားသူက အားသလို ရောက်လာကြကာ ဆန်ရွေး၊ ပဲရွေးလိုက်ကြတာ ရွာဓလေ့ပင်။ သည်ရက်ထဲမှာ မအိမ်မြိုင် မရှိ။ မအိမ်စိုကို ရီးကျေးဥနှင့် ထားခဲ့ကာ မြင်းခြံကို အလုပ်ကိစ္စနှင့် သွားနေခိုက်ဖြစ်သည်။ မအိမ်မြိုင် သားအမိကို ဘကြီးဖြစ်သူ ဦးမြတ်သာက ၀မ်းသာအားရ လာတွေ့ခဲ့ကာ ရှေ့ရေးစီမံပေး ခဲ့သည်။ သက်ဦးဝေ မိဘများနှင့် ထနောင်းတိုင်က ဆွေမျိုးတွေ ကလည်း လာနေစေချင် ကြသည်။ မအိမ်မြိုင်က မူလတန်းပြ ဆရာမေ လျှာက်ထားသည့်ကိစ္စ အဆင်ပြေလျှင် တစ်နေရာမှာ အခြေချဖို့ စိတ်ကူးထားသည်။ သည်ရက်ထဲမှာ လူကိုယ်တိုင် လာတွေ့ပါမှာသဖြင့် မြင်းခြံကိုလိုက်သွားခြင်း ဖြစ်သည်။ မအိမ်စိုကို ပထမတစ်ခေါက် နှစ်ခေါက်ခေါ် သွားခဲ့သော်လည်း အလုပ်ကိစ္စနှင့်မို့ သည်တစ်ခေါက်ရွာမှာပဲ ထားခဲ့ခြင်းဖြစ်သည်။

“မအိမ်မြိုင် သမီးက အချောလေးပဲ ရီးကျေးဥရဲ့၊ မအေ က ဘယ်သွားလို့တုံး”

“မြင်းခြံကို နှစ်ရက်သုံးရက် ပြေးသာ၊ အလုပ် ကိစ္စခေါ်လို့”

“ရီးကျေးဥနဲ့တော့ နေသားပါလား”

“နေသယ်။ ရောက်စတုန်းက စိမ်းသေးတော့ ပြောစကား ဆိုစကား နားမထောင်ချင်ဘူး။ ခုတော့ ခင်ရှာပါပြီ။ ခေါ်သာတော့ ကျေးဥတဲ့လေ”

မေးသူတွေက မေးတော့လည်း ရီးကျေးဥက အလိုက်သင့် ဖြေရပါ၏။
အလှူ အ၀င်ည။
ညဦးပိုင်းတုန်းကတော့ မဏ္ဍပ်ထဲမှာ ရွာမောင်းဆိုင်းနှင့် ရွာမင်းသမီးတို့ ဧည့်ခံကလေး ပါသဖြင့် အလှူ ကူလုပ်ကြရင်း အလှူအိမ် ရောက်ကြရသည်။ ချက်သူတွေကချက်၊ ဖက်စိမ်း ကွမ်းတောင် ထိုးသူတွေကထိုး၊ မနက်ဖြန်ရှင်လောင်း လှည့်ရန် ပြင်သူတွေကပြင်၊ ပရိက္ခရာတွေ နေရာချသူတွေကချ။ မောင်းဆိုင်းနှင့် မင်းသမီး ကတာကို မအိမ်စို သဘောကျနေ သည်။ မင်းသမီးကိုကြည့်ရင်း သူကပါ မဏ္ဍပ်ထဲမှာလိုက်ကနေ သဖြင့် ပွဲကျနေကြသည်။ ရီးကျေးဥကတော့ သူ့အမေကြီး မအိမ်ကံသာ ရှိလျှင် သည်လို ကတာကို ကြိုက်ပါ့မလား တွေးနေ မိသည်။ မအိမ်စို ပျော်နေတာ တွေ့တော့လည်း သူနေချင် သလောက် နေပေးရပါ၏။ မောင်းဆိုင်းပြီးလို့ သိမ်းတာတောင် မအိမ်စို မပြန်ချင်။ ရီးကျေးဥကို ကလန်ကဆန် လုပ်လာခဲ့သည်။ ဆူဆူပူပူ ဖြစ်လာခဲ့သည်။ ကျေးဥ တစ်ယောက်တည်း ပြန်တော့၊ မဏ္ဍပ်ထဲမှာပဲ အိပ်တော့မည် ဆိုတာမျိုးဖြင့် တင်းမာလာခဲ့တော့ သည်။ ရီးကျေးဥက ချော့သော်လည်း မရ။ မဏ္ဍပ်ထဲက လူတွေက သည်အဖြစ်ကို မြင်သည့်အခါ ရယ်ကြပါ၏။

“ရီးကျေးဥက ကလေး ပျော်နေတဲ့ ဥစ္စာ နေပါစေလား။ ကျွန်မတို့ ပြန်ပို့ပါ့မယ်။ ထားခဲ့ပါတော်”

“ညဥ့်နက်ပါပြီအေ။ ထားခဲ့လို့ မဖြစ်ပါဘူး။ ကလေးက တော်တော်ရယ်”

တော်တော်ရယ်ဆိုသည့် စကားက ပြောမနိုင် ဆိုမနိုင် ခပ်ကြောင်ကြောင်ကလေးလို့ ပြောခြင်းဖြစ်ကြောင်း သဘောပေါက် ကြ၏။ အလှူမဏ္ဍပ်မှာ ထားခဲ့ဖို့ စိတ်မချစရာ မရှိသော်လည်း တုံးပေကတ်သတ် ဇောက်တိဇောက်ထိုး လုပ်မည့် ကလေးမှန်း သိသဖြင့် မထားခဲ့လိုခြင်း ဖြစ်သည်။ ကလေးဆိုသော်လည်း ဆယ့်လေးငါးနှစ် အပျိုမပေါက်တပေါက် ဆိုတော့ ကိုယ်နှင့် မကွာထားချင်တာလည်း ပါပါ၏။ ရီးကျေးဥက လူရှင်းသွား ချိန်အထိ စောင့်နေပြီးမှ ချော့ချော့မော့မော့ ပြန်ခေါ်ရသည်။ သည်လိုဆိုတော့လည်း အသာတကြည် လိုက်ရှာပါ၏။

“မနက်ဖြန် အမေပြန်လာတော့မှာပါ ကလေးရယ်။ အမေ လာတော့ မင်းသမီးကသာ လာကြည့်လှည့်၊ ကြားလား ငါ့မြေး”

“မင်းသမီး ကမှာလား”

“ကမှာပေါ့။ မနက်ဖြန် ပိုတောင်ကဦးမှာ”

ထိုညက လရောင်ရှိသည်။ မအိမ်စိုနှင့် ရီးကျေးဥပြန်ကြ တော့ သန်းခေါင်ကြက်ပင်တွန်ခဲ့ပြီ။ အလှူအိမ်ဘက်ဆီက အသံတွေပင် ငြိမ်သွားခဲ့ပြီ။ တစ်အိုးတစ်အောင့် နားကြခြင်းသာ ဖြစ်၍ မနက်အရုဏ်မတက်မီ ပြန်ထကြရတော့မည်။ အလှူ့ ဝေယျာဝစ္စတွေက အများသား မဟုတ်လား။ မအိမ်စိုက ရီးကျေးဥဘေးမှာအိပ်ရင်းက လက်ဆစ်တွေတဖျောက်ဖျောက် ချိုးနေလို့ ညဘက်လက်ဆစ်မချိုးရဘူး ငါ့မြေးရဲ့လုပ်ရသေးသည်။ ဒါတောင် ချိုးတော့ ဘာဖြစ်လို့တုံးမေးနေလို့ မနည်း အိပ်ခိုင်းရပါ၏။ မနက်စောစောထ၊ အလှူ လှည့်သာကြည့်ရဦး မှာ၊ မနိုးဘဲ နေလိမ့်မယ်ဆိုတော့မှ ငြိမ်ကျသွားခဲ့သည်။ ရီးကျေးဥလည်း မှေးခနဲ အိပ်ပျော် သွားခဲ့ပါ၏။

“ရီးကျေးဥ၊ ရီးကျေးဥ။ ဘကြီးဖိုးတုတ် ထကြပါဦး”

အသံတွေက ၀ိုင်းဝဆီက ဖြစ်၏။ လူတွေ ဘာဖြစ်နေကြ တာပါလိမ့်။ အော်သံတွေက ဆူပွက်နေသည်။ ရီးကျေးဥက အိပ်ချင်မူးတူးဖြင့် ထထိုင်ကာ မအိမ်စိုကို စမ်းသည်။ အိမ်ထဲမှာ မှောင်နေသေး၍ ဖြစ်၏။ မအိမ်စို မရှိ။ ဘယ်များ ရောက်နေပါလိမ့်။ မအိမ်စို ကိစ္စကို ခဏထားကာ အိမ်ရှေ့က ခေါ်သံတွေဆီ အရင်ထလာခဲ့သည်။ အိမ်က အိမ်သား ကိုဖိုးတုတ်ပင် တံခါးဝ ရောက်နေပြီ။ တံခါးကြီး နှစ်ချပ်မှာ ကလန့်လျှို ထိုးထားသော ၀ါးတွေ မရှိ။ တွန်းဖွင့်လိုက် ရုံဖြင့် ပွင့်သွားတာကလည်း ထူးဆန်းသား။ ဟုတ်ပါရဲ့။ အိမ်ရှေ့မှာ ယောက်ျားမိန်းမလေး ငါးဆယ်လောက် ရပ်နေကြသည်။

“ရီးကျေးဥ ကလေးမလေးကော”

“ဟဲ့ ဘယ်ကလေးမလေးလဲ။ ဘာတွေဖြစ်နေကြသာ တုံး”

“မအိမ်မြိုင် သမီးကလေးဟာ ကောဗျာ”

“ရှိသယ်။ ပြောပါဦး ဘာဖြစ်လို့လဲ”

“မနက်ကြီးလေးနာရီလောက်က မဏ္ဍပ်ထဲ ရောက်လာသယ်။ အားလုံးခဏ မှေးနေကြတုန်း ရောက်လာသာ။ ထမင်းချက်တဲ့ လူတွေက မအိပ်ကြတော့ မဏ္ဍပ်ထဲ စွပ်ခနဲ ၀င်သွားသာ တွေ့လိုက်ကြသယ်။ အဲသာ ဖက်စိမ်းကွမ်းတောင်ကြီး စားပွဲပေါ် တင်ထားသာ ပိုက်ပြေးလို့”

“ဘုရား ဘုရား၊ ဟုတ်ကဲ့လားဟယ်။ ကိုဖိုးတုတ်ရေ မအိမ်စို ရှာစမ်းပါဦး။ မကြံကောင်း မစည်ရာတော်”

လေးစားစွာဖြင့်
ရီနိုမာန်


မအိမ်ကံ ( ဇာတ်သိမ်း) အပိုင်း ၂

“ညည်းကိုတွေ့ရတော့ ရှင်အိမ်ကံကို သတိရလှ သကွယ်။ ဘိုးသာထန်၊ ကြီးပန်းရုံ၊ ရီးလှအုံ၊ အဖေကို ဖိုးငွေနောက် ညည်းအဖေ ဆရာလေး ကိုပြေသိမ်း။ သွားလေသူတွေ အားလုံးကို ငါသတိရ လိုက်သာ။ ဒုက္ခ သုက္ခတွေကို ညည်းကိုယ်တိုင် မကြည့်ရက်လို့ ထွက်သွားသလို ပါပဲအေ။ ကျေးကျေး ကတော့ ညည်းတို့ ဇာတ်ရုပ်တွေ ထဲမှာ မထင်မရှား ပါခဲ့ရပေသိလို့ ငါ့ ရှေ့မှာ အကုန်ဖြစ်ခဲ့ သာကိုး။ သည်အိမ်ကြီးမှာ တစ်ခါက ပျော်ခဲ့ ရွှင်ခဲ့ ရယ်ခဲ့မောခဲ့ရသဲ့ အဖြစ်တွေဟာ ပဲလှေ့သဲ့ အခါ လွင့်ကုန်သဲ့ အဖျင်းအမှော်တွေလိုပဲ လွင့်ကုန်လိုက်သာ ရက်ကန်းသံ တညံညံ ခြူကုံးသံ တလွင်လွင်နဲ့ မီးခိုးမစဲ မီးမစဲခဲ့သဲ့ အိမ်ကြီးဟာ ချက်ချင်းပဲ သုသာန်လို ဖြစ်သွားခဲ့သာ ပါအေ”

“နောက်ဆုံးအခေါက် မြင်းခြံကို သွားခါနီးမှာ အမေ ပြောခဲ့သဲ့ စကားကို မြိုင် မှတ်မိသယ်။ အပြစ်ရှိမှ ရှုံးသာ မဟုတ်ဘူး၊ အပြစ်မရှိလည်း ရှုံးသာပါပဲတဲ့။ အမှားရဲ့နောက်မှာ မီးပွားတွေ ပါလာ တတ်သယ်တဲ့။ မီးပွားဆိုသာ အမှိုက်တောင်းကိုလည်း လောင်နိုင်သယ်။ ရွှေနန်းတော်ကိုလည်း လောင်နိုင်သယ်တဲ့။ အမေ မှန်ပါသယ်”


“ကိုင်းပါအေ။ ဒါတွေ ထားလိုက်ဦး။ ထမင်းစားကြ။ ကလေးမလေး ခမျာ ဆာရော့မယ်။ ကျေးကျေး လက်ရာတော့ မဟုတ်ပါဘူးအေ။ အေးငြိမ် ချက်ပြုတ် နေရသာပါ။ ညည်း ဦးလေး ဖိုးတုတ်တော့ ကိုင်းထွန်နေသယ်။ လာမှာပါ ကိုင်းလာ”

ရီးကျေးဥက ထမင်းခူး ခပ်နေစဉ် မအိမ်မြိုင်က ကျေးကျေးတို့ အိမ်ရှေ့ခန်း ကလေးကို လိုက်ကြည့် နေခဲ့သည်။ ၀ါးထရံမှာ ဓာတ်ပုံတစ်ပုံ။ မအိမ်မြိုင်၏ ပုံပင်။ မှန်မရှိ၊ ဘောင်မရှိ။ ဓာတ်ပုံ အတိုင်း ထရံမှာ ၀ါးနှီးစ ကလေးများဖြင့် ထိုးကာ ကပ်ထားခြင်း ဖြစ်၏။ ဓာတ်ပုံထဲက မအိမ်မြိုင်က အပြင်က မအိမ်မြိုင်ကို ပြုံးပြနေသည်။ မအိမ်မြိုင်နှင့် မအိမ်မြိုင် တစ်ယောက်ကို တစ်ယောက် ကြည့်နေကြ သော်လည်း ကိုယ်မဟုတ်သလို စိမ်းလွန်းလှသည်။

“မြိုင်ရေ ထမင်းစားလိုက်ဦး”
မအိမ်မြိုင်တို့ သားအမိ မီးဖိုဘက်ကို ထွက်လာခဲ့ကြသည်။

“မြိုင် မြင်းခြံကို မသွားခင်နေ့တွေ အထိ မြိုင့်စိတ်ထဲမှာ တခြား ဘာမှ မရှိခဲ့ပါဘူး ကျေးကျေးရယ်။ ယုံပါတော့။ အမေက တစ်ညလုံး အအေးကြီးထဲ ငုတ်တုတ်ထိုင် နေခဲ့တာတွေ မြိုင့်ကို စကားတွေ မပြောစဖူး အများကြီး ပြောခဲ့တာတွေကို မြိုင် အံ့သြရတာက လွဲလို့ အမေ့ကို အပြစ် မမြင်မိပါဘူး။ အမေက မိဘဆိုတော့ မြိုင့်ကို ကလေးလို မြင်နေသာပေါ့ ကျေးကျေး ရယ်။ မှန်သာ ပြောရရင် မြိုင့်မှာ ချစ်သူ ရှိနေပါပြီ။ ချစ်သူဆိုပေသိ ချက်ချင်း ခိုးရာလိုက်ရမယ့် ချစ်သူမျိုး မဟုတ်သလို အဲသလောက်လည်း မြိုင် မမိုက်မဲပါဘူး။ ဦးဝေဠုရဲ့သား သက်ဦးဝေဟာ မြိုင့်ကို အင်မတန် ချစ်ခင် ရှာသူပါ။ မြိုင်နဲ့ သက်ဦးဝေဟာ သာမန် ချစ်သူမျိုး မဟုတ်ပါဘူး။ အမှားလည်း မရှိခဲ့ကြပါဘူး။ အဖေနဲ့ ပတ်သက်လို့ မြိုင့်ကို ကူညီခဲ့တဲ့ မိတ်ကောင်း ဆွေကောင်း အဖော်ကောင်း ချစ်သူမျိုးပါ။ အမေ မသိတဲ့ အချက်က အဖေဟာ မြိုင့်ကို တောထဲကနေ အကြိမ်ကြိမ် ဆက်သွယ်ခဲ့သယ် ဆိုသာပါ။ စာတွေ ရောက်ရောက် လာသယ်။ မြင်းခြံ အထွက်က မရှောင်သာ ဇရပ်မှာ အဖေဟာ လှည်းသမား ယောင်ဆောင်ပြီး လာစောင့် နေသာမျိုးတောင် ရှိခဲ့သယ်။ မြိုင်သွားတွေ့တဲ့ အခါ သက်ဦးဝေကပဲ စက်ဘီးနဲ့ လိုက်ပို့သယ်။ အဖေဟာ သူ့ယုံကြည်ချက်ကို သူရဲရဲ ဆုပ်ကိုင်ထားသူ ဖြစ်ပေမယ့် အမေနဲ့မြိုင်တို့ကို ချစ်ခင် ရှာလွန်းသူပါ။ ဒါကို အမေ မသိပေမယ့် မြိုင်သိသယ်။ အဖေဟာ သူ မပြောမဆို ရှိခဲ့တဲ့ အမှားကြောင့် အမေ့ကို ရင်မဆိုင်တော့ပါဘူး။ မပြော မဆိုရှိခဲ့ ရတာကလည်း သူ့အကြောင်းနဲ့ သူပါ။ အဖေ့ကို သနားတဲ့ စိတ်က မြိုင့်မှာ ဖိစီးနေသာကို အနားက သက်ဦးဝေပဲ သိသယ်။ အင်မတန် အန္တရာယ်ကြီးတဲ့ အလုပ်ကို မကြောက်မရွံ့လိုက်ပါ ကူညီလို့ သူ့ကျေးဇူးကို မြိုင် မမေ့ဘူး။

“အဖေဟာ မြိုင်နဲ့နီးလိုက် ဝေးလိုက်ပါပဲ။ ပျောက်ချင်တဲ့ အခါ ပျောက်သွားသလို ပေါ်ချင်တော့လည်း ပေါ်လာတတ် သယ်။ ရွာက ဦးကျော်ဒင်တောင် ရုပ်ဖျက်ပြီး ရောက်လာတတ်သယ်။ အဖေ့ဆီက လာတဲ့ စာတိုင်းကို မီးရှို့ပစ်ရတယ်။ ဦးလေး သက်မင်း သိမှာလည်း စိုးရသေး သာကိုး။ ကျောင်းရှေ့မှာ ပုဆိုး စုတ်ကလေး ဖြန့်ခင်းပြီး မုန့်ကလေး လေးငါးထုပ် ချရောင်းတဲ့ ခပ်စုတ်စုတ် လူတွေ့ရင် အဖေ လွှတ်လိုက်တဲ့ လူဆိုတာ မြိုင်သိသယ်။ မုန့်ဝယ်ရင်း မေးလိုက်ရင် ဟုတ်နေသာပဲ။ တစ်ခါ တလေ အဖေ့ကို မြင်းခြံ ဆိပ်ကမ်းဘက်မှာ သွားတွေ့ရသယ်။ သက်ဦးဝေ လိုက်ပို့သာပဲ။ စာကတော့ ခဏခဏရသယ်။ မာကြောင်းသာကြောင်း၊ အမေ့ကို သတိရကြောင်း၊ မြိုင်တို့ ညီအစ်မကို လိမ္မာ ရေးခြား ရှိစေချင်ကြောင်း၊ အဖေ့ကို နားလည် ကြစေချင်ကြောင်း တွေလောက်ပါပဲ။

အဖေ့ လူတစ်ယောက်နဲ့ တွေ့ပြီးရင်၊ အဖေ့ စာတစ်စောင် ဖတ်ပြီးရင် မြိုင်ငိုသာပဲ။ ဒါတွေ အမေ မသိဘူး။ အမေ လုပ်ရမယ့်အလုပ်ကို မြိုင်လုပ်နေ သာပါ ကျေးကျေးရယ်။ တစ်ဖက်က ဖအေ၊ တစ်ဖက်က မအေ။ မြိုင့်မှာ ဖအေ့သွေးပါ သယ်ပြောရမယ်။ မြိုင် ဘာကိုမှ ကြောက်ဘူး။ အဖေ့နောက် လိုက်ဖို့ပဲ စိတ်ရှိသယ်။ အမေက ကွမ်းတောင်ကိုင် ဖြစ်စေချင် သလို အဖေက သူ့စိတ် သွင်းပေးနေတဲ့ ကြားမှာ မြိုင်ကြီးပြင်းခဲ့ ရသာပါ ကျေးကျေး။

“မြိုင်ဟာ သမီးကြီး ဖြစ်သလို ပညာတတ်လည်း ဖြစ်သယ်။ အမေ မသိတာတွေ အများကြီးရှိသယ်။ အမေက ကွမ်းတောင်ကိုင် ဖြစ်ရင် ဘ၀မှာ နေပျော်ပြီလို့ ရိုးရိုးကလေး မြင်ရှာသယ်။ အပြစ်တင်သာ မဟုတ်ပါဘူး ကျေးကျေးရယ်။ သူ့သမီးကြီး မြိုင်ရဲ့စိတ်ထဲမှာ ဘာတွေ ဖြစ်နေသလဲဆိုတာ အမေ မသိနိုင်ဘူး။ ကျောင်းပိတ်ရက် ရွာပြန်နေရပေသိ မြိုင်မြင်းခြံ ကိုပဲ ပြန်ချင်နေခဲ့သာပါ။ ချစ်သူကြောင့် မဟုတ်ဘူး၊ အဖေ့ကြောင့်။ မြိုင့်မှာ မြင်းခြံသွားရမယ့် ရက်ကိုပဲ မျှော်နေရသယ်။ အမေက ဖြီးလိမ်း ၀တ်စားပြီး ရွာထဲသွားကြရအောင် ဆိုလို့သာ ကြော့ကြော့မော့မော့ ၀တ်ရစားရ သာပဲရှိသယ်။ မြိုင် ကွမ်းတောင်ကိုင်ဖြစ်ဖို့ လူလုံး ပြရသာကို စိတ်မပါဘူး။ အမေက ကွမ်းတောင် ကိုင်ရမယ် ဆိုတုန်းက ကိုင်ပါ့မယ် ပြောခဲ့ပါသယ်။ တကယ်လည်း ဖြစ်ရင် ကိုင်မှာပါ။ ၀န်လေးတဲ့ အလုပ်မှ မဟုတ်သာပဲ။ အမေလည်း စိတ်ချမ်းသာရမယ့် ကိစ္စပဲ။ ဒါပေမယ့် အဲသည့် မြင်းခြံကို သွားခွင့်ရလိုက်တဲ့ ရက်အတော အတွင်းမှာပဲ ဘယ်လိုမှ မရှောင်သာ၊ မတိမ်းသာ၊ မလှည့်သာ၊ မပဲ့သာတဲ့ အကြောင်း ကိစ္စတွေ စုပြုံကျလာခဲ့သယ်။

“တစ်ချက်က ဘကြီးမြတ်သာနဲ့ ဖုန်းဆက်တော့ ငါ့တူမ ချက်ချင်း လာခဲ့ရမယ်တဲ့။ တက္ကသိုလ် ဖွင့်ရက် လိုသေးပေမယ့် မြို့ကို ကြိုလာစေချင် သတဲ့။ ဘကြီး လာမကြိုနိုင်ရင် ကြီးကြီးစိမ်းနဲ့ ခိုင်တို့ လာခေါ်လိမ့်မယ်တဲ့။ မြိုင့်ရင်တွေ တုန်သွားခဲ့သယ်။ မြိုင် ရန်ကုန် ရောက်သွားခဲ့ရင် အဖေနဲ့ ဝေးရတော့မယ်။ ရွာအကြောင်း၊ အိမ်အကြောင်း အဖေသိဖို့ ခက်ရှာတော့မယ်။ နောက်တစ်ချက်က သက်ဦးဝေ ယူလာတဲ့အဖေ့ရဲ့သတင်း။

“ဘကြီးဆီကို အမေကောင်းကောင်း မကျန်းမာသေးလို့ ကျောင်းဖွင့်မှပဲ လာပါရစေလို့ မြိုင် တယ်လီဖုန်း ဆက်လိုက်သယ်။ ညီမလေးခိုင်နဲ့ စကား ပြောရတော့လည်း အဖေ့ အကြောင်း ဘာကြားသလဲတဲ့။ အဖေ့ကို လွမ်းသယ်တဲ့။ မြိုင် တို့ ညီအစ်မရဲ့စိတ်တွေက အဖေ့ဘက် ညွတ်နေသလို ဖြစ်နေကြသာ မြိုင်တို့ ကိုယ်တိုင်တောင် မသိခဲ့ကြဘူး။ အမေ့ကို အော်တို စာအုပ် ယူဖတ်ရပါ့ မလား ဆိုတုန်းက မိဘကို မြိုင်မပြောသင့်တဲ့ စကားပြောမိခဲ့သယ်။

ကျေးကျေး မှတ်မိမှာပေါ့။ မြိုင် မှားသွားမှန်း ချက်ချင်းသိပါသယ်။ အမေဟာ ရိုးဖြောင့် စင်ကြယ်ရှာ သယ်။ သနား ကြင်နာတတ်သယ်။ တောသူ ကျောင်းဆရာ ကတော် ဆိုပေသိ ပညာနဲ့ ဝေးရ ရှာသာကို မြိုင်တို့ သတိမထား မိခဲ့ကြဘူး။ မိသားစု လေးယောက်မှာ ပညာတတ် သုံးယောက်နဲ့ အတူနေရတဲ့ တောသူ မိန်းမသားကြီး တစ်ယောက်ရဲ့စိတ်နှလုံးကို အဖေရော မြိုင်တို့ ညီအစ်မပါ ခပ်ပေါ့ပေါ့ သဘောထား မိခဲ့ကြသယ်။ အဖေ့အတွက် အမေ့လို မိန်းမသား နောက်ထပ် မရှိတော့ သလို အမေ့လို အမေမျိုး မြိုင်တို့ နောက်ထပ် မရနိုင် တော့ဘူးဆိုသာ သိရပြီ ဆိုတဲ့ အချိန်မှာ နောက်ကျ သွားခဲ့ပါပြီ ကျေးကျေးရယ်။

“အမေ သည်လို ဖြစ်လိမ့်မယ်၊ သည်လို လုပ်လိမ့်မယ်၊ သည်အဖြစ်ဆိုးမျိုး ရောက်လိမ့်မယ်လို့ ဘယ်သူ ထင်မှာတုံး။ ကျေးကျေးလည်း အနားမှာ ရှိနေသူပဲ။ ကျေးကျေးတောင် မသိလောက်ဘူး ဆိုသာ မြိုင်ယုံပါသယ်။ မြင်းခြံကို မြိုင်ရောက်သွားချိန်မှာ သိပ်ပြီး မရေရာတဲ့ သတင်း တစ်ခုကြားသယ်။ တောတွင်းမှာ အဖေ ကျသွားပြီဆိုတဲ့ သတင်းပါ။ မြိုင့်ခေါင်းကို မိုးကြိုးပစ်လိုက် သလိုပါပဲ။ မြိုင် ဘာလုပ်ရမလဲ။ ရန်ကုန်က ဘကြီး ကလည်း ခေါ်နေပြီ။ အမေကလည်း ရွာပြန်ခဲ့၊ ကွမ်းတောင်ကိုင်လှည့် ဖြစ်နေပြီ။ တောတွင်းမှာ အဖေကလည်း ကျသွားပြီ။

“အရွယ်နဲ့ မမျှတဲ့ ဆုံးဖြတ်ချက်ကို မြိုင် ချလိုက်ရသယ်။ မှားချင်လည်း မှားခဲ့ ပါလိမ့်မယ်။ သည်အမှားကြောင့် နောက်က မီးပွားတွေ ပါလာသယ် လို့ပဲပြောပြော မြိုင့်မှာ ကျဉ်းကြား ကျပ်ကြား ကျနေခဲ့သယ်။ သည်သတင်းကို ပေးသူက သက်ဦးဝေ ဆိုတော့ မြိုင် စဉ်းစားရပြီပေါ့။ အဖေကျဆုံးသာ မှန်ရင် မြိုင် ကွမ်းတောင်ကိုင် ဖြစ်စရာ မရှိတော့ဘူးလေ။ အဖေ့ အကြောင်း လူမသိ ပါဘူးလေ ဆိုပြီး နတ်ကြီးလှတဲ့ ကွမ်းတောင်ကို မြိုင်ညာပြီး မကိုင်ချင်ဘူး ကျေးကျေးရယ်။ မြိုင့် တစ်သက်လုံး လိပ်ပြာမသန့်သာ မလုပ်ချင်ပါဘူး။ သည်ကိစ္စပေါ် သွားရင် ရွာလည်း ကျက်သရေ ယုတ်မယ်။ မြိုင်လည်း တစ်ဘ၀ အရှက်ရမယ့် ကိစ္စ။ မအိမ်ကံ့သမီး ဖအေ မရှိတော့မှန်း သိလျက်နဲ့ ကွမ်းတောင်ကိုင်သေးသယ် ဆိုရင် မြိုင်တို့ မိဘမျိုးရိုး ဂုဏ်ကိုပါ ညစ်နွမ်းအောင် လုပ်ရာ ရောက်တော့မယ်။ ဟုတ်ပြီ။ သည်သတင်း အမေ့ကို ပြန်လာပြောဖို့ရာ ကျပြန်တော့ မြိုင် ဘယ်လို ပြောထွက်မှာ တဲ့လဲ။ အမေ့ခမျာ အဖေဆုံးသာရော၊ မြိုင့်လက်က ကွမ်းတောင်ပြုတ်ကျ သွားသာရော ခံနိုင်ရည်ရှိမယ် မဟုတ်ဘူးလို့ မြိုင်တွက်သယ်။ သတင်းကလည်း သေချာသေးသာ မဟုတ်တော့ သက်ဦးဝေနဲ့မြိုင် တိုင်ပင်ရသာပေါ့။

“ငါအဖေ့နောက် လိုက်ချင်သယ်။ ဘယ်လို လိုက်ရမလဲ ဆိုတော့ သက်ဦးဝေက နင်တစ်ယောက်တည်း ဘယ်လိုလုပ် လိုက်မှာလဲ။ တောထဲလိုက်ဖို့ ဆိုသာ မှိုရှာ မျှစ်ချိုး သွားသာမျိုး မဟုတ်ဘူး။ ဘယ်ဆီ ဘယ်ဝယ်မှန်း မသိတဲ့ လူတစ်ယောက်ကို နင့်လို မိန်းကလေး တစ်ယောက်တည်း ဘယ့်နှယ့် လုပ်ဖြစ်မှာလဲ ပေါ့လေ။ သူပြောသာ မှန်ပါသယ်။ ဒါပေမယ့် မြိုင် ဆုံးဖြတ် ပြီးပြီ။ နောက်မဆုတ်တော့ဘူးလို့ပေါ့။

“နောက်မနက်မှာ သက်ဦးဝေက သူပါ တောထဲ လိုက်ခဲ့တော့မယ်လို့ ပြောလာသယ်။ မြိုင် ယူကျုံးမရ ဖြစ်ရပြီပေါ့။ သူလည်း ပညာသင်လက်စ၊ အညွန့် တလူလူနဲ့ မိကောင်းဖခင် သားသမီး မဟုတ်လား။ မြိုင့်ကို ချစ်သူ တစ်ယောက် အနေနဲ့ သည်အချိန်မှာ ရှေ့က မရပ်တည်ရင် ငါညံ့ရာ ကျတော့မယ် ဆိုတဲ့ သူ့စိတ်ဓာတ်ကို လေးစားပေမယ့် မြိုင် အတန်တန် တားခဲ့သယ်။ မြိုင့်ကိစ္စမှာ သူမပါစေ ချင်ဘူး။ ပြောသာ ပြောရသာ ကျေးကျေးရယ်၊ မြိုင်တစ်ယောက်တည်း ဆိုရင်လည်း ဘာလုပ်လို့ ဘယ်သွားရမယ် ဆိုသာ မသိပါဘူး။ နောက်ဆုံးတော့ မြိုင့် အနွံအတာ ကို ခံနေကျ အတိုင်း သက်ဦးဝေက မြိုင့်ကိုလိုက် ပို့ဖို့ပြင်တော့သယ်။

“ပြောပါရစေတော့။ သက်ဦးဝေက မြိုင့်ကို စကားတစ် ခွန်းပြောသယ်။ သည်စကားဟာ ထူးဆန်းတဲ့ စကားပါ။ တို့နှစ်ယောက်အတူ သွားကြရင် လုံခြုံမှုရှိအောင် ချစ်သူ ဆိုသာထက် လက်ထပ်ပြီးမှ ဇနီးမောင်နှံ အဖြစ် သွားချင်သတဲ့။ ဒါကို မြိုင်စဉ်းစားသယ်။ သူနဲ့မြိုင် ဘယ်သောင်ဆိုက်လို့ ဘယ်ကမ်း ရောက်ကြရမယ် မသိဘူး။ သည်တော့ နှစ်ဦးသား ပေါင်းဖက်ပြီး သွားရသာက ပိုအဓိပ္ပာယ် ရှိသယ် ဆိုသာလည်း မှန်ပါသယ်။ မြိုင်ရွာကို မပြန်ချင်တော့ဘူး။ အဖေ ကျသွားပြီ ဆိုသာကို စုံစမ်းမယ်။ ကိုယ့်ချစ်သူနဲ့ ခိုးရာ လိုက်ပြေးသွားပြီ ဆိုတဲ့အဖြစ်မျိုး ဆိုပေသိ မြိုင့်အတွက် လုံခြုံမှုရှိမယ် ဆိုသာ မငြင်းနိုင်ဘူး။

သူ့မိဘများ ဘက်ကလည်း မြိုင်နဲ့ခိုးရာ လိုက်ပြေးကြသယ်ဆိုရင် နောက်ဆက်တွဲ ပြဿနာ မရှိတော့ဘူး။ သည်လိုနဲ့ မြိုင်နဲ့ သက်ဦးဝေ တောထဲ ရောက်သွားကြသယ်။ မြိုင် မြင်းခြံကို ထွက်လာပြီး ရက်မကြာခင်မှာပဲ အိမ်ထောင် ကျခဲ့သယ် ပြောပါတော့။ မသေချာတဲ့ သတင်း အပေါ် မြိုင်တို့ နှစ်ယောက် ဆုံးဖြတ်ခဲ့ကြသာ ဆိုပေမယ့် နောင်တော့ သည်သတင်းဟာ မှန်နေသာ ပါပဲ။ အဖေတောထဲမှာ ကျသွားသယ်ဆိုသာ အမှန်ပဲ ကျေးကျေး”

မအိမ်မြိုင် ရွာခြေ ပြန်ကပ်ပြီ ဆိုသည့် သတင်းက နောက်တစ်ရက်မှာပင် ရွာလုံးကြားခဲ့ကြ လေပြီ။ တချို့က ကရုဏာဖြင့် လာရောက် ကြည့်ခဲ့ကြသည်။ မအိမ်မြိုင် သမီး မအိမ်စိုကို ကြည့်ကြသည်။ မအိမ်မြိုင်တောင် သားသည် အမေ ဖြစ်ခဲ့ပြီ တဲ့လား။ မအိမ်မြိုင် အိမ်ထောင်ကျပြီ ဆိုတာ ရွာက သိနှင့်ကြရိုး မှန်သော်လည်း ရွာကို ရောက်လာတော့ လင်သား မပါတာကို ထူးဆန်းနေကြသည်။ ဘယ်သူကမှတော့ ဖွင့်ဟ မမေးကြပါ။ တချို့က ရွာထဲ အလည်ခေါ်ကာ ကျွေးမွေးကြသည်။

“ငါ့မြေး နာမည် ဘယ်သူတဲ့တုံး”

“မအိမ်စို”

“အဖေကကော”

“သေပြီ”

ကွယ်ရာမှာ မေးကြသော်လည်း မအိမ်စိုက သည့်ထက် မပြောတော့ ခက်သားပင်။ မိဘက သင်ထားတာ မဟုတ်။ မအိမ်စို ကိုယ်တိုင်က ဥာဏ်ရည် မမီသည့် ကလေး တစ်ယောက်လို ဖြစ်နေတာကို သဘောပေါက် ကြသဖြင့်လည်း သည်လောက်ပဲ သိခွင့် ရခဲ့ကြသည်။ မအိမ်စိုက ရုပ်ရည်အားဖြင့် ချစ်စရာ ကောင်းသူ ကလေးပင်။ မအိမ်ကံတို့ ဘက်ကို တူသဖြင့် ကြည်ကြည်စင်စင် ရှိရှာ ပါ၏။ သို့ပေသိ မျက်လုံးတွေက ဂနာ မငြိမ်ဘဲ ရှိသည်။ မျက်နှာကလေးက နုနုနယ်နယ် ဆိုသော်လည်း စိတ်ကြီးချင်သည့် အခါ ကြီးတတ်သည်။ စကားကောင်း ပြောနေရာက ဒေါသတကြီး ရှိချင်ရှိသည်။ တစ်ခါတစ်ရံ အိမ်ဝိုင်းကျယ်ကြီးထဲမှာ ကလေး တစ်ယောက်လို ကစားချင် ကစားနေတတ် ပါ၏။ ပြိုလဲလုလု ပဲမှော်စင်ကို ပတ်ပြေးချင် ပြေးနေတတ်သည်။ ပဲမှော်စင်အောက် ၀င်နေတတ်သဖြင့် ရီးကျေးဥက ဆွဲထုတ်ရသည်ပင် အခါခါ။

“သည်အောက်ကို မ၀င်ရဘူး ငါ့မြေးရဲ့။ မြွေပါး ကင်းပါးနဲ့။ အမေကြီး ကျေးတောင် မ၀င်ဘူး။ နောက်မ၀င်နဲ့နော် ကြားလား”

“မြွေပါးကင်းပါးဆိုတာ ဘာလဲ ကျေးဥ”

“မြွေလေ၊ မြွေကိုပြောသာ”

“မကြောက်ဘူး”

မအေက ကျေးကျေး ခေါ်သော်လည်း မအိမ်စိုက ကျေးဥ လို့ခေါ်လေသည်။ အမေကြီး ကျေးလို့ ခ်ါဖို့ သင်သော်လည်း မရ။ တစ်ခါတစ်ခါ မအိမ်ကံများ ၀င်စားလေသလား ထင်မိ သည်။ မအိမ်ကံ ဆုံးသည့်အချိန်နှင့် မအိမ်စို မွေးသည့်ရက် တွက်ကြည့်တော့လည်း မအိမ်စိုမွေးသည့် ရက်က နောက်ကျသည် ဆိုတော့ ဖြစ်ချင်လည်း ဖြစ်နိုင်သည်။ ကျေးဥလို့ ခေါ်တာ တင်မကပါ။ စိတ်ကူးရလျှင် ရီးကျေးဥကို ငေးနေတတ်သည်။ ပြုံးပြတတ်သည်။ ထိုအခါမျိုးတွင် မအိမ်ကံ၏ စိုရွှန်းရွှန်း မျက်ဝန်းများကိုပင် သတိရမိ တတ်သည်။ မအိမ်မြိုင်ကို သည် သဘောထား ပြောပြတော့ ဖြစ်နိုင်သည် ဆိုပါ၏။ မအိမ်မြိုင် ပြောပြသလောက် မအိမ်စို ကိုယ်ဝန် လွယ်ထားစဉ် မိခင် မအိမ်ကံကို အိပ်မက် မကြာခဏ မက်သည် ဆိုပြန်ရာ ထင်မည်ဆို ထင်လောက်သည်။ မအိမ်စိုကလေးက တောတွင်း တစ်နေရာမှာ ကြီးပြင်းရသည့် အပြင် ပတ်ဝန်းကျင် ခန်းခြောက်ရာမှာ နေထိုင် ခဲ့ရသည့် အတွက်ပေလားတော့ မသိ။ မအိမ်စို၏ စရိုက်က ကြမ်းချင်သည်။ တဇွတ်ထိုးနိုင်သည်။ ပြောမနိုင် ဆိုမကောင်း ကလေးဖြစ်သည်။

မအိမ်မြိုင်ကတော့ သည်ကိစ္စတွေကို ဖြစ်ရိုးဖြစ်စဉ်လို့ သဘောထားပုံ ရသော်လည်း ရီးကျေးဥ ကတော့ ရေရှည် အတွက် စိတ်စနောင့်စနင်း ဖြစ်နေရပါ၏။ တစ်ခါလည်း အိမ်မှာ ကျိုထားသည့် နို့အိုးကို မှောက်ပစ်သည်။ ထမင်းစားရင်းက ဖိတ်ကျသော ထမင်းလုံးတွေကို ကောက်စားချင် စားသည်။ ကျန်ကောင်းကျန်ရာ ပန်းပင်တွေက ပန်းပွင့်တွေကို ခူးကာ ဓား တစ်ချောင်းနှင့် နုပ်နုပ်စဉ်းချင် စဉ်းနေတတ်သည်။ လူကြီး တွေစကားပြောနေခိုက် ပျောက်သွားတတ်သဖြင့် လိုက်ရှာရ တာလည်း ခဏခဏပင်။ ညကြီးသန်းခေါင်ကျော် အိပ်ရာထဲက ထသွားကာ အိမ်ဝိုင်းကြီးထဲမှာ လျှောက်သွားနေလို့ ဘကြီး ဖိုးတုတ်က ရှာခေါ်ခဲ့ရသည်။ ထိုညက မအိမ်စို ပြောစကားကြောင့် ရီးကျေးဥပင် လန့်သွားခဲ့ရသည်။

“ကျေးဥ ညက မြင်းကြီး တစ်ကောင်တွေ့တယ်။ သမီး မြင်းကြီးနဲ့ လျှောက်သွားတာ”

မအိမ်ကံ ဆုံးခါနီး ရက်တွေတုန်းက မြင်းကြီး စိန်ပွင့်ကို တွေ့ခဲ့ကြောင်း ပြောဖူးတာကို ရီးကျေးဥ သတိရမိ၍ ဖြစ်သည်။ ဘာပဲဖြစ်ဖြစ် မအိမ်မြိုင်တို့ သားအမိ ပြန်ရောက်လာလို့ ၀ိုင်းတိုက်ထဲမှာ စိုပြည် လာခဲ့ရသည်။ မအိမ်မြိုင် ရောက်လာကြောင်း ရန်ကုန်က ဘကြီး မြတ်သာထံနှင့် ထနောင်းတိုင်ရွာက ဆွေမျိုး များသိစေရန် လူလွှတ် အကြောင်းကြားဖို့ တာဝန် ရှိသော်လည်း ရီးကျေးဥ လူမလွှတ်ဖြစ်သေး။ မအိမ်မြိုင်၏ ရှေ့ရေးကို ရီးကျေးဥ မသိရသေး။ မေးလို့ကလည်း မကောင်းနိုင်။ သည်အိမ်ကြီးက သူတို့အိမ်၊ သည်ဝိုင်းက သူတို့ဝိုင်း။ သူတို့ ယာတွေကိုင်းတွေ ရှိသေးသည်။ မအိမ်မြိုင် သားအမိသာသည် အိမ်ကြီးမှာ တစ်သက်လုံးနေမည် ဆိုလျှင်တော့ ရီးကျေးဥ ၀မ်းသာလိုက်ရမယ့် ဖြစ်ချင်း။

တစ်ရက်မှာတော့ မအိမ်မြိုင်က အိမ်ကြီးကို ဖွင့်ကြည့်ချင်သည် ဆိုလာခဲ့၏။ ပဲမှော်တိုက် ထဲကို ရနိုင်သလောက် ၀င်ကြည့် ချင်သည် ဆို၏။ အိမ်မကြီးကို သော့ရယ်လို့ ခတ်ထားတာ မဟုတ်ဘဲ တံခါးမကြီးကို သစ်သားနှစ်ချောင်း ကန့်လန့်ရိုက် ပိတ်ထားလိုက်ခြင်းသာ ဖြစ်သည်။ ဦးဖိုးတုတ်က သစ်သား နှစ်ချောင်းကို ခွာကာ ဖွင့်ပြသည်။ ရီးကျေးဥ ကိုယ်တိုင်ပင် အိမ်မကြီးထဲကို မရောက်တာ ကြာပြီဆိုတော့ အောက်ထပ်ရော၊ အပေါ်ထပ်ပါ လိုက်ကြည့်ခဲ့ ပါ၏။ ဖုန်တွေက ထုကြီးတက်လျက်။ တံခါးတွေက ဖွင့်လိုက်တိုင်း ညည်းသံ ထွက်နေကြ သည်။ ပိတ်ထားခဲ့စဉ်က အတိုင်း ပျဉ်နံရံတွေမှာ ကိုပြေသိမ်း မြေဖြူနှင့် ရေးခြစ်ထားသော အင်္ဂလိပ်စာတွေ၊ ဂဏန်းတွေ ရှိသေးသည်။ မအိမ်ကံ၏ အ၀တ်အစား သေတ္တာများနှင့် အ၀တ် အစားတွေကလည်း သည်အတိုင်း။ ရီးကျေးဥက မအိမ်ကံ အ၀တ်ဟောင်းတွေကို လှူပစ်ချင်ခဲ့ သော်လည်း သူ့သဘောနှင့် သူ မလုပ်လို သဖြင့် သည်အတိုင်း ခေါက်ရိုးမပျက် ရှိနေခြင်း ဖြစ်သည်။ မအိမ်မြိုင် သည်လို လိုက်ကြည့်တာ အိမ်ကြီးပေါ်မှာများနေချင်ရော့လား။ နေချင်တော့လည်း နေရုံပေါ့။

“အဖေနဲ့အမေ့ကို လွမ်းလို့ လိုက်ကြည့်သာပါ ကျေးကျေး ရယ်။ သည်လို မြင်ရပြန်တော့ အရိပ်တွေက ခြောက်လှန့်နေ သလိုပဲ။ မြိုင့်ရှေ့ရေးကို ဘကြီးနဲ့ တိုင်ပင်ရဦးမယ်။ ထနောင်း တိုင်က အမျိုးတွေ ဆီကိုလည်း မြိုင်သွားမှာပါ။ သည်အိမ်ကြီး ပေါ်ကို မြိုင်နေလို့ မဖြစ်ပါဘူး။ မြိုင်လေ အမေ့ကို ခုထိ ကြောက်နေမိတုန်းပဲ”

မအိမ်မြိုင်က သူ့ရှေ့ရေးကို တွေးပြီးသားဖြစ်လိမ့်မည်။ မြိုင်နှင့်ခိုင်တို့ညီအစ်မအတွက် အမွေတွေကို ဘကြီးမြတ်သာ ကိုင်ထားတာဆိုတော့ ပူစရာမရှိ။
“ပဲမှော်တိုက် ကတော့ ပြိုလုလုရယ်။ အတွင်းကို မ၀င်စေ ချင်ဘူး။ ချုံတွေ၊ နွယ်တွေ တိုးဖို့ရာလည်း မလွယ်ဘူး။ တိုင်တွေက တစ်ဖက်ကျွံပြီး စောင်းနေသာလေ။ ညည်း ဘကြီး မြတ်သာက မဖြိုရဘူးပြောခဲ့သယ်”

“ချုံတွေ၊ နွယ်တွေရှင်းပြီး ပဲမှော်တိုက်ကို ပြန်တည့်ရင်ကော ကျေးကျေး”

“ကြမ်းတွေ ဆွေးပြီ။ ရက်မတွေ၊ ဆင့်တုံးတွေ၊ စရွေး တွေချောင်ကုန်ပြီ။ ကျေးကျေး သဘောကတော့ မလုပ်စေချင်ဘူး။ ပြီးတော့ မရှိကောင်းတော့ဘူး ထင်သာပဲလေ”

“ဟုတ်ပါသယ်လေ”

ချည်ထုပ်အဟောင်းတွေ၊ အထည်ရက်ပြီးသား အထုပ်တွေ၊ ဆိုးဆေးတွေ၊ ဆိုးဆေးအင်တုံကြီးတွေ၊ ရက်ကန်းပစ္စည်း ဟောင်းတွေကတော့ အိမ်ထောင့် တစ်နေရာမှာ ရုံထိုးပြီးထား သည်။ ဖုန်တသောသော ရက်ကန်းစင်ဟောင်း တွေက မိုးရွာ အစို၊ နေပူအခြောက်။ ဒါတွေမြင်ရပြန်တော့ အသစ်ဖြစ်ရပါ၏။ ရီးကျေးဥက အ၀တ်အစား ပါမလာသော မအိမ်မြိုင်ကို မအေ့ အ၀တ်အစားတွေ ယူဝတ် ပါလို့ပြောခဲ့သည်။ သည် အ၀တ်အစားတွေ ညည်းအတွက် ထားခဲ့သလို ပါပဲအေလို့ ဆိုခဲ့သည်။ မအိမ်မြိုင်က များလှသော အ၀တ်အထည် တွေကို ထုတ်ကြည့်ရင်း မျက်ရည်တွေ ကျနေခဲ့ပါ၏။

“ဒါတွေ မြင်ရတော့လည်း သွားလေသူကြီးကို သတိရ လိုက်သာအေ။ ညည်းနဲ့ ညည်းအမေပြန်များ ဆုံလိုက်ရရင် သည်လိုဖြစ်လိမ့်မယ် မထင်ဘူး။ မအိမ်မြိုင် ခိုးရာ လိုက်သွား ပြီဆိုသာ ကြားတဲ့နေ့က ဒေါသတွေ ကြီးလိုက်သာအေ။ မြစ်နား ရွာတွေမယ် ၀ါဆိုဝါခေါင် ရေတိုးချိန် ကမ်းပါးပြိုသလိုပါပဲ။ ညည်းကို တော်တော် မျှော်လင့်ရှာသယ်။ သူ့တုန်းက မဖြစ်ခဲ့တဲ့ ကွမ်းတောင်ကိုင် ငါ့သမီးကျ ဖြစ်ရစေ့မယ် ရယ်လို့ အနှစ်လေး ဆယ်လုံးလုံး စောင့်ခဲ့ရရှာ သူပါအေ။ ညည်းအကြောင်းကြားတော့ တုန်လှုပ်သွား သလောက် ဆရာလေး ကိုပြေသိမ်း ဆုံးသွားတဲ့ အခါ ငြိမ်သွား ခဲ့သယ်။ မအိမ်ကံ သည်လောက် မငြိမ်ဖူးဘူး။ ချက်ချင်းပဲ တရားရသွား သလို ငြိမ်သက်သွားသာ ဆိုတော့ ကျေးကျေးလည်း မထင်ခဲ့ဘူး။ အဲသည့်ရက်က ရွာမှာမကြုံ ဖူးတဲ့ အလှူကြီး ကလည်း ရှိသယ်။ ညည်းသိသားပဲ။

ဒါပေသိ သမီးမရှိတော့ဘူး ဆိုတဲ့ နောက် မှုံနံ့သာ ကွမ်းတောင် ကိုင်တော့မယ် ဆိုသာလည်း ကြားရော ဆောက်တည်ရာ မရရှာတော့ဘူး ပြောပါတော့အေ။ သူဟာ ညည်းတို့နဲ့ တစ်နေ့ ခွဲရတော့မယ်ဆိုသာ သိသူပါ။ သမီးနှစ်ယောက် မြို့ကျောင်းရောက်လို့ ပညာတွေ စုံကြရင် ရွာကို ပြန်စောင်းငဲ့ကြမယ် မဟုတ်ဘူးဆိုသာ သူသိပါသယ်။ လင်ယောက်ျား ဆန္ဒ ပြည့်ဝပါစီတော့ ရယ်လို့ သမီးတွေ ပညာတတ် ဖြစ်သွားရင် ပြီးရောလို့ သဘောထားရှာသယ်။ သူကတော့ တစ်ယောက်တည်း တောမှာပဲ ကျေးကျေးတို့နဲ့ နေရ တော့မယ် ဆိုသာလည်း တွက်ပြီးသားအေ့။ ညည်းအမေ ကွမ်းတောင် ကိုင်စေချင်သာ ကွမ်းတောင်ကိုင်ဆိုတဲ့ ပကာသနကို မက်လို့ မဟုတ်ဘူး။ ကွမ်းတောင်ကိုင်ဆိုသာ စည်းတွေ ကမ်းတွေနဲ့ ရွေးချယ်ထားတဲ့ ရွာ့မိန်းမကောင်း ဆိုသာကို မက်သာ။ တန်ဖိုးရှိတဲ့ မိန်းမဆိုသာကို လိုချင်ရှာသာ။ ရွာ့ကျက်သရေကို ဆောင်နိုင်တဲ့ မိန်းမမြတ်ဆိုတဲ့ ဂုဏ်ကို ခံချင်ရှာသာ။

ဒါပေမယ့် ရှင်အိမ်ကံက အရှုံးကို ရင်မဆိုင်ဝံ့ ရှာဘူး။ သူ့ဘ၀မှာ အမြဲတမ်း နိုင်ခဲ့သူ ဆိုတော့ သူရှုံးရမှာကို သေမလောက် ကြောက်ရှာသယ်။ အသက်နဲ့ လဲပြီး အနိုင်ယူလိုက် မဟဲ့ရယ်လို့ သူတွေးမိခဲ့ ပုံရသယ်။ မှန်ပါသယ်။ သူသည်လို လုပ်လိုက်တော့ မှုံနံ့သာ ကွမ်းတောင်ကိုင် မဖြစ်ရရှာတော့ ဘူးပေါ့။ လာဘ်ဦး လွဲရသယ်ပေါ့လေ။ တကယ်တော့ မအိမ်ကံမှာ အငြိုးတွေ၊ အာဃာတတွေ၊ မကောင်းတဲ့ စိတ်တွေနဲ့ လက်စားချေခဲ့သာမျိုး မဟုတ်ဘူးဆိုသာ ကျေးဥယုံသယ်။ သည်ကိစ္စနဲ့ ပတ်သက်ပြီး သူအခါခါ ရှုံးခဲ့ရခြင်း အပေါ် မခံမရပ်နိုင် လွန်းလို့ နိုင်ပေါက်ကို တိုးဝင်သွား ခဲ့ရှသာပဲ။ သည်တော့ သူနိုင်သယ်လို့ ကျေကျေနပ်နပ်ကြီး ခံယူ သွားရှာသာ ပေါ့အေ။ ဒါပေသိ အနိုင် မကျန်ခဲ့ဘူး။ အကျည်းတန်သာ ကျန်ခဲ့သယ်”

ရီးကျေးဥက ပါးပြင်ပေါ်က တလိမ့်လိမ့် ကျဆင်းလာသော မျက်ရည်တွေကို သုတ်သည်။ ငယ်ကပေါင်းခဲ့သည့် ငယ်ပေါင်းသူငယ်ချင်းမအပေါ် အပြစ်ရယ်လို့ မြူမတင်စေချင် တော့ပါ။
“ကိုင်း ပြီးခဲ့သာတွေလည်း ပြီးပါပြီလေ။ မှိုတစ်ကျင်း မြင်းတစ်ပြေးတဲ့။ မှိုကျင်းများ ကောင်းမိရင် မြင်းတစ်ပြေးစာ တမျှော်တခေါ်ကြီး နုတ်လို့ မနိုင်ဘူး။ အကုသိုလ်များလည်း အဲသလိုပဲ။ တမျှော် တခေါ်ကြီးအေ့။ မဆုံးနိုင်ဘူး။ သံသရာက ပါကရောပေါ့လေ”

လမ်းပေါ်မှာ လှည်းတွေ တအီအီ။ ဇောင်ချမ်းကုန်း ရွာကတော့ ပူပြင်းသော နယုန်လနေရောင်တွင် စူးစူးတောက်လျက် ရှိ၏။ အိမ်ကြီးပေါ်က ဆင်းလာကြတော့ မအိမ်စိုက လှေကား ဆံတွေမှာ ရိုက်ထားသော ငွေမတ်စေ့ ကလေးတွေကို နင်းကာ နင်းကာ ဆင်းလာခဲ့သည်။ ရီးကျေးဥက ဒါကိုမြင်လိုက်တော့ အမှတ်တရ ပြောလိုက်ပါ၏။

“ညည်းအမေ ရှင်အိမ်ကံလည်း အဲသလိုပဲ လှေကား အတက်အဆင်းတိုင်း မတ်စေ့ပြားတွေကို နင်းနင်းတက်သယ်၊ နင်းနင်းဆင်းသယ်။ အဲသာ တစ်သက်လုံးပဲ။ သေချာပါသယ် အေ။ ညည်းသမီးက ရှင်အိမ်ကံပါ။ မဟုတ်မှသာ လွဲကရော”

“မြိုင်နဲ့ သက်ဦးဝေ တောထဲမရောက်ခင် ရန္တပိုရွာကလေး မှာ တစ်လနီးပါးလောက်ခိုခဲ့ကြရသယ်။ လူကြီးတွေက ရှာလေသလား မသိပါဘူး ကျေးကျေးရယ်။ အမေ့ကို သတိရလိုက်သာ မပြောပါနဲ့တော့။ ရန္တပိုက သက်ဦးဝေရဲ့သူငယ်ချင်း တစ်ယောက်ရဲ့ ရွာပါ။ ရန္တပိုရွာမှာ မြိုင်တို့ ဆက်သွယ်တဲ့ လူ မလာမချင်း အောင်းနေခဲ့ကြသယ်။

“တစ်နေ့တော့ လူတစ်ယောက်က မြိုင်တို့ကို လှေကလေး တစ်စီးနဲ့ လာခေါ်သယ်။ မြိုင်တို့ အဆက်အသွယ် လုပ်တဲ့ လူတော့ မဟုတ်ဘူး။ ကြားလူပါ။ ဒါပေသိ စိတ်ချရမှန်း သိလို့ လိုက်သွားခဲ့ကြသယ်။ မြိုင်နဲ့ သက်ဦးဝေတို့ အကြင်လင်မယား အဖြစ် ပေါင်းဖက်ခဲ့ကြပြီ ဆိုတော့ နှစ်ယောက်အားနဲ့ အကြောက်အရွံ့ မရှိခဲ့ကြဘူး ကျေးကျေးရဲ့။ သည်လူကပဲ တစ်ဖက်ကမ်းကို ကူးပြီး မြေတော်နယ် တစ်ကြောကိုဖြတ်ပြီး ရွာတစ်ရွာကို လိုက်ပို့သယ်။ အဲသည်ကမှ ပခုက္ကူဘက်ကို ကူးဖို့ပါ။ အဲသည် ရွာမှာ ခဏ ခိုကြရင်း ကြာလာတော့ မြိုင် တစ်ရက်မှ မနေချင် တော့ဘူး။ ခက်တာက တောထဲကို ၀င်ဖို့ဆိုသာ အဆက်အသွယ် မရှိဘဲ မဖြစ်ဘူးကိုး။ နောက်တော့ လူတစ်ယောက် လာခေါ် ပါသယ်။ သည်လူကလည်း အဖေ ကျဆုံးသွားပြီ ဆိုသာ မကြား ပါဘူးလို့ ပြောတော့ မြိုင် အားတက်သွားမိသယ်။ သူခေါ်ရာ နောက်ကို လိုက်ရင်း အဖေကျသွားပြီ ဆိုသာ မဟုတ်ပါစေနဲ့လို့ မြိုင်တစ်လမ်းလုံး ဆုတောင်းသယ်။

“ပြောကြစတမ်းဆိုရင် မြိုင်တို့မှာ နိုင်ငံရေးနဲ့ ပတ်သက်လို့ တောထဲဝင်ဖို့ အထိ စိတ်ရှိကြသာ မဟုတ်ပါဘူး။ မြိုင့်စိတ်ထဲမှာ တစ်ခုပဲရှိသယ်။ အဖေ ရှိသေးရင် မြေပေါ်ကို ပြန်ခေါ်မယ်။ အမေ့ကို စိတ်ချမ်းသာစေ ချင်သယ်။ မြိုင်တို့ ညီအစ်မ ပညာစုံကြရင် အဖေနဲ့ အမေ့ကို လုပ်ကျွေးမယ်။ မြိုင့်စိတ်ကူးတွေ ပေါ့လေ။ မြိုင်တို့ကို လိုက်ပို့တဲ့သူက တောတွင်းမှာ အခြေအနေ မကောင်းပုံတွေကို ပြောပြသယ်။ ဒါတွေထားပါတော့ ကျေးကျေးရယ်။ မြိုင်တို့လည်း ဝေခွဲရခက် နေသာပေါ့။ မြိုင်တို့ တောထဲရောက်ပြီး တောတွင်း အဖွဲ့အစည်းနဲ့ ဆက်သွယ်မိပြီဆိုရင် မြိုင်တို့ လွတ်အောင်ရှောင်ရတော့မယ်။ သည်တော့ နယ်မကျွံခင် စဉ်းစားကြရသာပေါ့။ သက်ဦးဝေက တောထဲ မ၀င်ဘဲ ရွာတစ်ရွာမှာ အခြေချပြီး သတင်း စုံစမ်းကြည့်ချင်သယ်လို့ ပြောတော့ မြိုင်လည်း သဘောတူလိုက်သယ်။ စမ်းတ၀ါးဝါး လိုက်နေသာနဲ့ စာရင် သေချာမှ လိုက်ခေါ်သာ ကောင်းမှာကိုး။

“မြိုင်တို့ အဲသည်ရွာမှာ ရှိတုန်း မြိုင်တို့ကို ခေါ်လာတဲ့ လူက နောက်လူတစ်ယောက်ကို ခေါ်လာခဲ့သယ်။ သူက အဖေနဲ့ အတူ နေခဲ့တဲ့လူ။ ဦးဘသောင်းတဲ့။ မြင်းခြံနယ်သားပဲ။ သူက သတင်း နှစ်ခုပေးသယ်။ နှစ်ခုစလုံး မကောင်းတဲ့ သတင်းတွေပါ ကျေးကျေးရယ်။ သူက အဖေ ကျဆုံးသွားသယ်ဆိုတာ အမှန်ပဲတဲ့။ သူ့မျက်စိရှေ့မှာ တွေ့မြင်လိုက်ရတဲ့ အဖေကျဆုံး ပုံတွေပြောပြတော့ မြိုင်ဖြင့် ကြောက်လိုက်သာ။ တောထဲ မလိုက်ကြနဲ့၊ အခြေအနေတွေက တော်တော့်ကို ဆိုးနေလို့ ပြောသာတဲ့။ နောက်သတင်းက အမေ ဇောင်ချမ်းကုန်းမှာ ဆုံးရှာပြီဆိုတဲ့ သတင်းပဲ။ အဲသည်အချိန်မှာ မြိုင် မူးလဲသွားခဲ့သယ်။ ရွာကပဲ ဆေးဝါးကုသ ပေးကြသယ်။ မြိုင့်မှာ ကိုယ်ဝန် ရှိနေပြီဆိုသာ သိလိုက်ရပြီ။

လေးစားစွာဖြင့်
ရီနိုမာန်

မအိမ်ကံ ( ဇာတ်သိမ်း) အပိုင်း ၁

၁၃၃၈ ခုနှစ် တပို့တွဲ လပြည့်နေ့။ ဘုန်းကြီးကျောင်း အုတ်လှေကားကြီး ပေါ်က အဆင်း အုတ်ခုံခြေတွင် ချွတ်ထားခဲ့သော ကွင်းထိုး ခုံဖိနပ်ဟောင်းကို ငုံ့ကောက်ရင်း ဆွမ်းချိုင့် တစ်ဖက် ခုံဖိနပ်တစ်ဖက် တစ်ဖက်စီ ကိုင်ကာ နတ်လမ်းရိပ်ကို အရီးကျေးဥ ၀င်လာခဲ့သည်။

နတ်လမ်းကြီးက အရီးကျေးဥ ၀င်လာခဲ့သည်။ နတ်လမ်းကြီးက ရှည်လျား လှသည်။ တဖြောင့်တည်းတော့ မဟုတ်။ ခပ်ဝေးဝေးမှာ တစ်ချို့ ကွေ့သွားသော အဆစ်ကွေ့ တစ်ကွေ့ ရှိသည်။ ထိုနေရာမှာ စေတီဟောင်း ကလေး ရှိ၍ ကြီးမားလှသော မဏိဩဃပင်ကြီး တစ်ပင် ရှိသည်။ မဏိဩဃပင် အရိပ်က ကောင်းလှ သဖြင့် အရီး ကျေးဥ တစ်ထောင်နားရန် စိတ်ကူးကာ နတ်လမ်းအတိုင်း ဖြည်းဖြည်းချင်း လျှောက်လာ ခဲ့သည်။ အသက်ငါးဆယ်ကျော်လို့ ခြောက်ဆယ်အတွင်း ၀င်လာတော့ တပို့တွဲ လပြည့်လေ။

ရှင်အိမ်ကံ ဆုံးသာ ဆယ့်နှစ်နှစ် ရှိပြီ။ ကျုပ် သူငယ်ချင်း ကျေးဇူးရှင်မကြီး အဖို့ရာ ဆွမ်းကလေး တစ်စ လောင်းလှူ နေကျကိုး။ ဘယ်တုံး ကျောင်းပဲလား”
“ကျောင်းပါပဲ။ ဆရာတော် ရှိကဲ့လား”

“ရှိပါ့၊ ခုပဲ ကျုပ်နဲ့ စကားပြောခဲ့ သေးသယ်”

နတ်လမ်းထဲမှာ တွေ့ကြသူ ရွယ်တူတွေက နှုတ်ဆက်ကြခြင်း ဖြစ်သည်။ သည်အိမ်ကြီးမှာ လူတွေ ဆုံးပါးခဲ့ကြပြီ။ ဘိုးသာထန် ဆုံးခဲ့သည်။ ကြီးပန်းရုံ ဆုံးခဲ့ပြီ။ အရီးလှအုံ ဆုံးခဲ့ပြီ။ ကိုဖိုးငွေ ဆုံးခဲ့ပြီ။ ကိုဖိုးငွေကတော့ သည်ဆယ့်နှစ်နှစ် အတွင်း လူကြီး ရောဂါနှင့် ဆုံးခဲ့ခြင်း ဖြစ်၏။ ဘယ်သူ့ အတွက်မှ နှစ်စဉ် ဆွမ်းရယ်လို့ မှတ်မှတ်ရရ မပို့ဖြစ်သော်လည်း မအိမ်ကံ အတွက်တော့ သည်ရက် ရောက်တိုင်း ၀တ်မပျက် ဆွမ်းလှူခဲ့ သည်ပင် ဆယ့်နှစ်နှစ် ရှိခဲ့ပြီ။ ပဲမှော်တိုက်ပေါ်မှာ ဘ၀ဆုံးခဲ့ရှာ သူဆိုတော့ အသနား ပိုရတာ ပါပါ၏။ ကံကုန်သက်စေ့ မီးစာ ကုန်ဆီခန်း ဆုံးပါးရရှသူ မဟုတ်တော့ ရှိခဲ့သမျှ အစွဲအလမ်း တွေကြောင့် မကျွတ်မလွတ်မှာ စိုးတာလည်း ပါပါလိမ့်မည်။

“ရှင်အိမ်ကံရယ် ညည်းကို ရည်စူးပြီး အမျှအတန်းများ ဝေခဲ့ပါသယ်။ ဆွမ်းလှူခဲ့ပါသယ်။ ညည်းမကျွတ် မလွတ်သေးရင်လည်း သာဓု ခေါ်နိုင်ပါစီ၊ လွတ်ပါ ကျွတ်ပါစီ။ ညည်းလုပ်ချင်သာ ညည်းလုပ်ခဲ့သာ ပဲလေ။ တမလွန်မှာ ညည်းစိတ်ချမ်းသာ နေမှာလို့လည်း ငါတွက်ပါသယ်။ ညည်းကို မျက်စိအောက်က အပျောက် မခံဘဲ တစ်လျှောက်လုံး စောင့်ရှောက်ခဲ့သာ ပါအေ။ တစ်အောင့်ကလေး ငါသတိ လက်လွတ် ဖြစ်ရချိန် ကလေးမှာ ညည်း အရုပ်ဆိုးအောင် လုပ်သွားခဲ့ သာကို ငါဖြေမဆည် နိုင်ဘူး။ သူငယ်ချင်းမကြီး ကောင်းရာမွန်ရာ ဘ၀မခြား ရောက်နိုင် ရနိုင် ပါစီ”

အရီးကျေးဥ စိတ်ထဲမှာ စကားတွေ ပြည့်လျှံနေသည်။ နှစ်စဉ် သည်ရက်ကို ရောက်တိုင်း အရာအားလုံး အသစ်ဖြစ်ရ မြဲပင်။ ဟိုတုန်းကတော့ သည်အိမ်ကြီးမှာ အဝေးဧည့်တွေ တရုန်းရုန်း။ ၀ိုင်းထဲမှာ အဝေးဧည့်တွေ ချွတ်ထားတတ်သော လှည်းဆက် မပြတ်။ တစ်နယ်လုံးက သေနတ်ဆုရ ဇောင်ချမ်းကုန်းသူကြီး ဦးသာထန် ဆိုသည်နှင့် မီးမသေ ရေမနောက် ချစ်ကြောက် ရိုသေ ရှိခဲ့ကြသည်။

သူကြီးကတော် မပန်းရုံ ကျတော့လည်း မာန်မာန မရှိလို့ ချစ်ခင်ကြသည်။ ရိုးဖြောင့်လို့ လေးစားကြသည်။ သူကြီးသမီး မအိမ်ကံ ကတော့ ထူးထူးခြားခြား လှလွန်းသော ရုပ်ရည်ကြောင့် နယ်လုံးပေါက် ရွာလုံးပေါက် ကျော်ကြားခဲ့ပါ၏။ ရုပ်ရည် ချောမောသလောက် စိတ်နှလုံး တည်ကြည်သည်။ အကျင့် စာရိတ္တ ကောင်းသည်။ သူတစ်ပါး အပေါ် ရက်ရော ပေးကမ်း ရှိသည်။ စွန့်ကြဲရာတွင် လက်ဖွာသူ ဖြစ်သည်။ မအိမ်ကံ ထမင်းလုတ်ကို စားဖူးကြသူတွေချည်း ဖြစ်သည်။ အဖိုးတန် ကျောက်မျက်တိုင်း အနာအဆာ ကလေး တစ်ချက် ပါတတ်သလို မအိမ်ကံ တွင်လည်း အနာအဆာကလေး တစ်ချက်ပါသည်ဟု ဆိုလျှင် ထိုအနာအဆာသည် ကွမ်းတောင်ကိုင် ဘ၀ကို အလွန်အမင်း တပ်မက်ခဲ့ခြင်း ကိုသာ ပြရလိမ့်မည်။ သည်တစ်ချက် ကိုတော့ သိကြားမင်း ဖျက်တောင် ပျက်နိုင်လိမ့်မည် မထင်။

မအိမ်ကံ ကိုယ်တိုင် အဖို့ရာ အနှစ် နှစ်ဆယ် လုံးလုံး မျှော်လင့်ခဲ့ရသည့် နည်းတူ သမီးကြီး မအိမ်မြိုင် အတွက် အနှစ် နှစ်ဆယ် တင်းတင်း စောင့်စားခဲ့သည်။ သည်အနှစ်လေးဆယ်လုံး ကုသိုလ် တစ်ပိဿာ ငရဲ တစ်ရွေးသား ဆိုသလို ထိုအစွဲ တစ်ရွေးသားကို မစွန့်နိုင်ခဲ့တာလည်း ထူးဆန်းလှပါ၏။ တကယ်တမ်း စွန့်သွားခဲ့တာက ရခဲလှသော လူ့ဘ၀ အသက် တစ်ချောင်းသာ ဖြစ်၏။ မအိမ်ကံ ဆုံးခါနီး ကလေးမှာပင် ကွမ်းတောင်ကိုင် လာဘ်ဦး လွဲခဲ့ဖူးသော မမစိမ်းမြ အကြောင်း ပြောသွားခဲ့သည်။ အလှူအတန်း လှည့်မည့်ရက်မှာ ရွာထဲ နာရေးပေါ်လျှင် အလှူပွဲ ပျက်သည်။ နောက်ဆုတ်ပေး ရသည်။ ရွာက ရွေးချယ်ထားသော ကွမ်းတောင်ကိုင် ခမျာလည်း လာဘ်ဦးလွဲ ရတော့သည်။ ကွမ်းတောင်ကိုင် အဖြစ်က ဖယ်ပေး ရသည်။ မင်္ဂလာ မရှိခြင်းနှင့် ကြုံကြိုက်ရသည့် ကွမ်းတောင်ကိုင် အဖြစ် သတ်မှတ်ခံရကာ ကွမ်းတောင်ကိုင်သစ် ရွေးကြရသည်။

ရွှေမှုံ့ သမီး မှုံနံ့သာကို ကွမ်းတောင်ကိုင် ရွေးလိုက်ကြပြီ ဆိုကတည်းက မအိမ်ကံမှာ စိတ်ကူးဆန်းတွေ ရှိနေပုံ ရပါ၏။ နောက်ဆုံး ကိုယ့်အသက်နှင့် ရင်းကာ ရက်ရက်စက်စက် ပြုမူ သွားခဲ့သည် အထိ တည်တည်ငြိမ်ငြိမ် ဆုံးဖြတ်ခဲ့သည်။ သို့သော် မအိမ်ကံ ဣနြေ္ဒ ကောင်းလွန်း လှသည်။ အေးဆေး လွန်းလှသည်။ အရာအားလုံးကို စွန့်ခွာ ရတော့မည့် အချိန်ကလေး မှာပင် ညင်သာ လွန်းလှသည်။ ကျေးဥပင် မရိပ်စား မိခဲ့။ သည်လောက် အကျည်းတန်အောင် လုပ်လိမ့်မည် မထင်ခဲ့။ နွားချည်ကြိုး တစ်ချောင်းကပဲ မအိမ်ကံ ဘ၀ကို ဘ၀ ခြားစေခဲ့သည်။ မအိမ်ကံ အလောင်းကို တွေ့ရသူတိုင်းက အံ့သြကြသည်။ မျက်လုံးတွေ ပြူးအစ် နေသော်လည်း မျက်နှာက ပြုံးနေတာကို အံ့သြကြခြင်း ဖြစ်သည်။ နောက်ဆုံး အချိန်ကလေးမှာ သူနိုင်ခဲ့ ပြီ ဆိုသည့် အပြုံးဆိုတာ ကျေးဥက သူတကာထက် ပိုသိပါ၏။ တကယ်တော့ မအိမ်ကံ နိုင်ခဲ့ခြင်း မဟုတ်။ အရှုံးကြီး ရှုံးခဲ့ခြင်းသာ ဖြစ်သည်။ စောစောကပဲ ကျောင်းပေါ်မှာ ဆရာတော်က မိန့်ခဲ့သေးသည်။

“ဒကာမကြီး မအိမ်ကံခမျာ ဘ၀ တစ်လျှောက်လုံး သဒ္ဓါတရား ကြီးခဲ့သူ ဖြစ်သော်လည်းပဲ အဘိဇ္ဈာ တည်းဟူသော မတရားသဖြင့် ကြံစည်မှု ကလေးကြောင့် ဘ၀ဇာတ်သိမ်း အကျည်းတန် ရရှာသူ ဖြစ်ခဲ့ရသယ်။ လူတွေဟာ ကာမဂုဏ် အာရုံတွေမှာ စွဲလမ်းသယ်။ ဘ၀မှာ စွဲလမ်းသယ်။ ဘ၀ပျက်သော အယူမှာ စွဲလမ်းကြသယ်။ ဒါကြောင့်ပဲ သူ့မှာ ဥပစ္ဆေဒက မရဏ ခေါ်တဲ့ သက်တမ်းမကုန် ကံစွမ်းမကုန် နှစ်ပါး စုံပါလျက် ကနဲ့ ကပ်၍ ဖြတ်တတ်သောကံကြောင့် ဘ၀နစ်မွန်း ရရှာသယ်။ အဲဒါကို ဘယ်အရာက ဖြစ်စေသာလည်း ဆိုတော့ ဗျာပါဒ- ပျက်စီးစေလိုသောစိတ်၊ ဥဒ္ဓစ္စ ကုက္ကုစ္စ- စိတ်ရဲ့ မငြိမ်သက်ခြင်း က လွှမ်းမိုးသဲ့ စိတ်ကြောင့် ၀ိစိကိစ္ဆာ ဖြစ်ရသာ။ ယုံမှားတွေး တောမိသာပေါ့။ အဲသည်ယုံမှား တွေးတောခြင်းက အမှန်တရားကို သို့မဟုတ် ဖြစ်အပ်သဲ့ တရားကို ဖုံးလွှမ်းပစ်လိုက်နိုင်သဲ့ အာနိသင် ရှိကြသယ်။ ဒါဟာ အမှားပဲ။ ပြင်းပြစွာ စွဲလမ်းမှုတိုင်းဟာ ဥပါဒါန်ပဲ ဒကာမကြီး”

“တပည့်တော်မ အဖို့ရာတော့ အကြောင်းသိ သူငယ်ချင်းကလည်း ဖြစ်ပြန်၊ ကျေးဇူးရှင်ကလည်း ဖြစ်ပြန်ဆိုတော့ တပည့် တော်မ သိသလောက်တော့ ဖျောင်းဖျပါသယ် ဘုရား။ မအိမ်ကံက သည်တစ်ချက်ကိုတော့ မပြင်နိုင်ခဲ့ရှာပါဘူး ဘုရား”

“ပြင်းပြစွဲလမ်းမှုဟာ အားကြီးသော အကြောင်းကိုး ဒကာမကြီးရဲ့။ ချေဖျက်ဖို့ ခက်သယ်။ မိမိကိုယ်ကို မိမိ ပင်ပန်း ဆင်းရဲအောင် ညှဉ်းဆဲသာ ဘယ်သူကမှ လုပ်သာ မဟုတ်ဘူး။ ဒါကို နှလုံးသွင်းပါ ဒကာမကြီး”

ဆရာတော်က တရားတော်နှင့် ငြှိမ်းတော့လည်း စိတ်ကလေး ငြိမ်းရပါ၏။ မဏိသြဃပင်ကြီးနား ရောက်တော့ နတ်လမ်းက တစ်ကွေ့ကြီး ကျန်သေးသည်။ ဘုန်းကြီးကျောင်းရိပ် ကလွတ်ပြီ ဖြစ်သဖြင့် ကွင်းထိုး ခုံဖိနပ်ဟောင်းကို ချစီးကာ အနီးက စေတီကလေးဘက် ဆက်လျှောက် လာခဲ့သည်။ စေတီ ကလေးနှင့် ကပ်လျက်မှာ ဇရပ်ဟောင်း ကလေး ရှိသည်။ ရေချမ်းစင် ကလေး ရှိသည်။ ရီးကျေးဥ ဆွမ်းချိုင့်ချကာ ရေတစ်မှုတ် ခပ်သောက်သည်။ ဇရပ်ခြေမှာ ထိုင်ရင်း ခဏနားသည်။ ရေနံရောင် မည်းချိတ်နေသည့် နတ်လမ်းကို ကြည့်ရင်း ဆရာလေး ကိုပြေသိမ်းကို သတိရသည်။ သည်နတ်လမ်း အတိုင်း လျှောက်ရင်း မအိမ်ကံကို ချစ်ခွင့်တောင်းခဲ့တာ မဟုတ်လား။ ဇောင်ချမ်းကုန်းကို မြင်းတစ်စီးနှင့် ရောက်လာတတ်သော မြို့သား ကိုလူချောကို မအိမ်ကံ အင်မတန် ချစ်ရှာသည်။ ဆရာလေး ကိုပြေသိမ်းကလည်း မြို့ရပ်က ခွာကာ တောမှာ နေခဲ့ရှာပါ၏။ တောမှာပဲ ကျောင်းဆရာ လုပ်ရင်း မအိမ်ကံ အပါးက မခွာဘဲ ရှိခဲ့သည်။

သည်အိမ်ကြီးက ထွက်ချင်တော့လည်း အပမှီ သူတစ်ယောက်လို ကောက်ကာငင်ကာ ထွက်သွားတတ် ပြန်ပါ၏။ ဆရာလေး မရှိတော့သည့် ရက်တွေမှာ မအိမ်ကံ နေတတ်အောင် နေခဲ့တာ ကိုလည်း ရီးကျေးဥ သတိရသည်။ စိတ်မချမ်း သာသော်လည်း စိတ်ချမ်းသာ သလို နေခဲ့သည်။ သမီး နှစ်ယောက်ကို အရိပ် တကြည့်ကြည့် ရှိခဲ့ရှာသည်။ နောက်တော့ သမီးငယ်က မြို့ရောက်။ သမီးကြီးက ချစ်သူနောက် ကောက်ကောက်ပါ။ တောထဲက လင်ဆုံးပြီ ဆိုတော့ မအိမ်ကံ ခမျာ လှေပျက် ရေ၀င်သလို အိုးဒယ်နစ်နစ် ရှာသည်။ ဒါတွေ တွေးမိတော့လည်း ရီးကျေးဥ မျက်ရည် စမ်းစမ်းကျရ ပြန်ပါ၏။

“ဟဲ့ ကျေးဥလားလို့။ ညည်းဘာလုပ်နေသာတုံး”

ရီးကျေးဥက ဇရပ်ရိပ်ထဲကနေ နတ်လမ်းဘက် ကိုလှမ်း ကြည့်သည်။ ရွယ်တူ မိန်းမတစ်ယောက်။ မိန်းကလေး နှစ်ယောက်၊ သုံးယောက်လည်း ပါသည်။ ဘယ်သူတွေများပါ လိမ့်တော်။ မျက်လုံးကို မှေးစင်းကာ အားယူကြည့်၏။ နောက်မှ အသံကျက်မိ သွားသည်။
“ရွှေမှုံလား။ အေး သူငယ်ချင်းရယ်၊ ကျောင်းကို ဆွမ်းလာပို့သာ။ အရိပ်ကောင်းလို့ တစ်အောင့်နားသာပါ။ ညည်း ကျောင်းကိုလား”

“အေး ထမနဲ လာလှူသာ၊ ရော့ သမီးတို့ ကျောင်းကို သွားနှင့်ကြ။ အမေကြီး လိုက်ခဲ့မယ်”

ရီးရွှေမှုံက ဇရပ်ရိပ်မှာ လာထိုင်သည်။ ဆံပင်တွေဖြူကာ မျက်ရစ် ကျီးခြေတွေနှင့် ဇရာဘက်ကို ယိမ်းနေပြီ ဖြစ်သော တစ်ခါက ရွာ့ကွမ်းတောင်ကိုင် ရီးရွှေမှုံကို ရီးကျေးဥ တွေတွေ ငေးငေး ကြည့်နေမိ ပါ၏။ တိုက်တိုက်ဆိုင်ဆိုင် လာတွေ့တတ် ပလေ။ ပြောလို့သာ ပြောရ၊ ရွှေမှုံ သူငယ်ချင်းမနှင့် မတွေ့ရတာ တောင်ကြာပြီ။ ရွှေမှုံ၊ ကျေးဥ၊ မအိမ်ကံတို့ ဆိုတာက ရွယ်တူ မတိမ်းမယိမ်း သူငယ်ချင်းတွေ။ မအိမ်ကံတို့ အိမ်ကြီးကို ကျေးဥ မရောက်ခင် ကပင် ရွှေမှုံတို့နှင့် တပူးတွဲတွဲ ရှိခဲ့သူ။ ရွှေမှုံမိဘ များနှင့် ကျေးဥ မိဘတွေ ကလည်း သူငယ်ချင်း မိတ်ဆွေတွေ ပင်။ ရွှေမှုံက ကြီးတော် စံရွှေ့သား သာအောင်နှင့် အိမ်ထောင် ကျတော့မှ အနေဝေးခဲ့ ကြခြင်း ဖြစ်သည်။ ဘာပဲဖြစ်ဖြစ် အခုတော့လည်း အရီးကျေးဥ၊ အရီးရွှေမှုံ ဖြစ်ခဲ့ကြပြီ။

“ဆွမ်းလာပို့သာလား ကျေးဥ။ ရီးကြာညွန့် အတွက် ထင်ပ။ ရီးကြာညွန့်လည်း သတိရပါ့အေ။ ငါ့ယောက္ခမက ညည်းအမေဆို လက်ကသုံးတောင်ဝှေး အောက်မေ့သာ”

“အမေ့အတွက် မဟုတ်ပါဘူးအေ။ ရှင်အိမ်ကံ အတွက်ပါ။ ခမျာ ဆုံးသာ ဆယ့်နှစ်နှစ်ရှိရှာပြီ။ ကံကုန်သက်စေ့ မဟုတ်ရှာတော့ ကုသိုလ်ကလေး ဖက်ပေးနေသာပါ”

“အင်း ဟုတ်ပါရဲ့။ မအိမ်ကံဆုံးသာတောင် ဆယ့်နှစ်နှစ် ရှိပြီနော်။ မနေ့တစ်နေ့ကလိုပါပဲအေ။ ပြန်တွေးရင် အသစ်တွေ ဖြစ်ရသယ်။ မအိမ်ကံက ဘာလို့တို့တစ်တွေ အပေါ် အငြိုးကြီး ရရှာသာလဲဆိုသာ ငါနားမလည်နိုင်ဘူး။ ငါ့ယောက္ခမများနဲ့ ဘာတွေဖြစ်ခဲ့သယ် ဆိုသာထား။ ငါကတော့အေ၊ မအိမ်ကံ အပေါ် မကောင်းစိတ် မရှိရိုး အမှန်ပါ။ ငါ့သမီး မှုံနံ့သာ ကဆိုသာ မအိမ်မြိုင် ကွမ်းတောင်ကိုင် ဖြစ်မှ ရွာမျက်နှာရမှာ အမေရဲ့လို့ ပြောရှာသာ။ သူ့ကိုယ်သူ ကွမ်းတောင်ကိုင် ဖြစ်ရမယ်လို့လည်း မတွက်ရှာပါဘူး။ ဘာပဲဖြစ်ဖြစ်ပါအေ။ မအိမ်ကံ သည်လို အဖြစ် ဆိုးရရှာသာကို ငါ တကယ် စိတ်မချမ်းသာခဲ့ရပါဘူး ကျေးဥရယ်”

“အေးပါ ရွှေမှုံရယ်။ ငါသိပါသယ်။ ဖြစ်ခဲ့သာ တွေလည်း ဖြစ်ခဲ့ပါပြီအေ။ သည်အဖြစ်အပျက် တွေကို ငါအသိဆုံးပါ။ မအိမ်ကံမှာ နာစရာတွေ ရှိသယ် ဆိုရင်တော့လည်း သေရွာပါပြီ ပေါ့အေ။ မအိမ်ကံခမျာ လူတကာ အပေါ်မှာ ကောင်းခဲ့ရှာသူပါ။ သူ့စိတ်ကို သူ့မအေ အရင်းကြီး ပန်းရုံတောင် ငါ့လောက် မသိပါ ဘူး။ ခမျာ ကံဆိုးရှာလွန်းသယ်။ မအိမ်ကံ ဆုံးခါနီးအထိ အကုသိုလ်တွေ ကုပ်ခွစီး နေခဲ့သာပါ။ မနေ့ တစ်နေ့က လိုပဲလို့ ညည်းပြောသဲ့ စကား မှန်လိုက်သာအေ။ ငါ့မှာ အဲသည်အိမ်ကြီးမှာ နေရသာ ဆိုတော့ မနက် မိုးလင်းသာနဲ့ ကိုယ်နဲ့ မဆိုင်သဲ့ နေရာ ရောက်နေရ သလိုပါပဲ။ အိမ်ကြီးရှင်တွေကို မနက်တိုင်း ငါမေတ္တာပို့ပါရဲ့။ အော် အိမ်ကြီးရှင်တို့ မရှိကြတော့တဲ့ အိမ်ကြီးမှာ တို့သားအမိ သားအဖ တစ်တွေက မြဲနေကြရသယ်။ ငါ့စိတ်ထဲမတော့ မအိမ်ကံ ရှိနေသလိုပဲ။ တစ်ခါတလေ ကျေးဥရေလို့ ခေါ်လိုက်သလား ထင်မိသေးသာ။ သည်လိုစိတ်ဖြစ် ရတိုင်း ငါ့မှာ မျက်ရည်ကျရသယ်အေ”

“အေးပေါ့အေ။ ညည်းကို ညီအစ်မ အရင်းလို ချစ်ခဲ့ရှာသာ ငါသိပါသယ်။ ကိုင်း ကိုင်း ပြန်ရော့။ ငါလည်း မြေးတွေ နောက်လိုက်လိုက်ဦးမယ်။ မနက်က ထမနဲ ထိုးဖြစ်သာနဲ့ ဆရာတော့် ကျောင်းပို့ချေဦးမယ်ဆိုပြီး ထွက်လာသာ။ ငါ့အိမ်လည်း ၀င်ပါ ထွက်ပါအေ။ ငါလည်း တစ်ခေါက် လာပါဦးမယ်။ လိုသာရှိတော့လည်း ပြောပါအေ နော်ကျေးဥ”

“အေးပါအေ၊ ပြောပါ့မယ်။ ကိုင်း သွားမနှော”

အရီးကျေးဥ ဇရပ်ရိပ်မှ နတ်လမ်းအတိုင်း လျှောက်လာခဲ့သည်။ နတ်လမ်း အကွေ့က တစ်ဆစ်ချိုး လိုက်သည့် အခါ ကိုပြေသိမ်း မအိမ်ကံ ကောင်းမှုဆိုသည့် နတ်လမ်း အခန်း ငါးခန်းစာ အလှူရှင် အမည်ကို မြင်နေရသည်။ နတ်လမ်းဟောင်းကို အသစ် ပြန်ပြင်ခဲ့စဉ်က လှူခဲ့သည့် ကောင်းမှုဖြစ်သည်။ အခုတော့ အလှူ့ဒကာ ကိုပြေသိမ်းလည်း မရှိတော့ပြီ။ အလှူ့ အစ်မ မအိမ်ကံလည်း ဆုံးပါးခဲ့ပြီ။ သူတို့ နှစ်ဦး၏ ကုသိုလ် ကောင်းမှုကတော့ ရှိနေဆဲ။ အေးမြသော အရိပ်ကို ပေးနေဆဲပင်။ အရီးကျေးဥနှုတ်က တတွတ်တွတ် ရွတ်နေခဲ့ပါ၏။

“ရှင်အိမ်ကံရယ် ညည်းကုသိုလ်တွေ မနည်းခဲ့ပေါင်အေ။ သည်ကုသိုလ် အဖို့ကြောင့် နောင်ဘ၀ဆက်တိုင်း ဆက်တိုင်း ဖက်စိမ်းကွမ်းတောင် ပွေ့နိုင်ပါစေတော်”

၁၃၄၀ ပြည့်နှစ် ကဆုန်လ၏ ရက်တစ်ရက်တွင်ဖြစ်သည်။
သည်နှစ်တော့ ဇောင်ချမ်းကုန်း တောင်သူတို့ မိုးရေ ရသည့် နှစ်ဖြစ်သည်။ သင်္ကြန် အခါရက်တွေ ပြီးကတည်းက မိုးဦး ကောင်းခဲ့သည်။ အချို့ ရက်တွေ ဆိုလျှင် မိုးများပင် စွေနေ ခဲ့ပါ၏။ အိမ်မှာ အရီးကျေးဥ တစ်ယောက်တည်း ရှိနေခဲ့သည်။ မအိမ်ကံတို့ အိမ်ကြီးမှာ ရီးကျေးဥ မနေတာကြာပြီ။ မအိမ်ကံ ဆုံးကတည်းက ဖြစ်သည်။ အိမ်ကြီးကို တံခါးတွေ အလုံပိတ်ကာ သည်အတိုင်း ထားခဲ့ကြသဖြင့် လှမ်းကြည့်လိုက်တိုင်း အထီးကျန်နိုင်လွန်း လှသည်။

မအိမ်ကံ ဆုံးခါစ နှစ်တွေတုန်းက အစ်ကို မောင်မြတ်သာနှင့် မမစိမ်းမြတို့ တစ်နှစ်တစ်ခေါက် ဆိုသလို ရောက်လာတတ် ကြသည်။ ရီးကျေးဥတို့ မိသားစုကို အိမ်ကြီးမှာ နေကြဖို့ ခွင့်ပြု ရှာကြသည်။ နေစေချင်ကြသည်။ ထိုစဉ်က အဖေ ဦးဖိုးငွေရှိ နေသေးတော့ အဖေ ဦးဖိုးငွေကပဲ ငြင်းဆန်ခဲ့သည်။ အိမ်ဝိုင်း တိုက်ထဲမှာပဲ သီးသန့် အိမ်ကလေး တစ်လုံး ဆောက်နေရန်သာ ခွင့်ပြုဖို့ တောင်းဆိုသည်။ နွားစားကျင်းနှင့် နွားတင်းကုပ်ကို လည်း ရွှေ့လိုက်ကြသည်။ ဦးမြတ်သာက အိမ်ကြီးကို ထိန်းသိမ်း စောင့်ရှောက် ထားပါရန် တာဝန်ပေးခဲ့သည်။ ထန်းတောနှင့် ကိုင်းမြေယာ တော်တော်များများ ရောင်းချခဲ့သော်လည်း ရီးကျေးဥတို့ သားအဖတစ်တွေ ပိုပိုလျှံလျှံ စားလောက်သည့် မြေအတော် များများကို တရားဝင်လွှဲပေးခဲ့သည်။ ဆရာလေး ကိုပြေသိမ်းတို့ ဘက်က ဆွေမျိုးတွေက ဆိုလျှင် အမြဲတမ်းလိုလို ပေးပေးကမ်းကမ်း ဆိုတော့ ရီးကျေးဥတို့ မပူမပင် မကြောင့်မကြ နေရပါ၏။

အရီးကျေးဥသားကြီးထွန်းပက ရွာမှာပဲအိမ်ထောင်ကျ သဖြင့် တစ်အိုးတစ်အိမ် ထူထောင်ပေးလိုက်ရပြီ။ အငယ်ကောင် ထွန်းရကတော့ အနောက်တန်း ရွာသူနှင့် အိမ်ထောင်ကျသဖြင့် အနောက်တန်း ရွာတွေဘက်မှာ။ တစ်ခါတစ်ခါသား တွဲလောင်း၊ သမီးတွဲလောင်းနှင့် ရောက်လာတတ်ကြသော်လည်း များသော အားဖြင့် သည်ဝိုင်းထဲကို မရောက်လေ့ကြ။ ရီးကျေးဥက မြေးတွေကို လွမ်းလျှင်တော့ လူလွှတ်အခေါ်ခိုင်းတတ်သည်။ အေးငြိမ်ကတော့ အရီးကျေးဥ တို့နှင့် ပင်နေသည်။ အေးငြိမ်ကပဲ ချက်ပြုတ်လျှော်ဖွပ် အိမ့်ဗာဟီရတွေမှာ လက်လွှဲရသည်။ အဖိုး အခရယ် မဟုတ်ဘဲ နှစ်ကုန်မှ ယာထွက်ကိုင်းထွက် သီးနှံပေးရ သည်။ အေးငြိမ် ကိုယ်တိုင်ကလည်း အမိအဖမဲ့ ရှာသူကလေးဆိုတော့ ရီးကျေးဥကို မအေလို ချစ်ရှာသည်။ မအိမ်ကံ ရှိစဉ် ကတည်းက ရက်ကန်းခတ်ရင်းက အိမ်ကြီးကို ရောက်လာခဲ့သူပင်။ အခုတော့ အေးငြိမ်သည်လည်း အိမ်ပါ မိသားစုဖြစ်ရပြီ။

“အေးငြိမ် ညည်းဘကြီးတုတ်တော့ သည်မိုးနဲ့ ဆိုရင် ပြန် မလာလောက်ဘူး။ ကိုင်းထဲမှာပဲ ရှိမှာ။ ထမင်း သွားပို့ချေအေ။ မိုးသိပ်အေးရင် ပြန်ခဲ့လို့ပြော”
“ဟုတ္ကဲ့ မမေက်း။ မမကျေး ထမင်းစားတော့လေ။ ကျုပ်ခူးထားခဲ့မယ်”

“မဆာသေးပေါင်အေ။ ညည်းပြန်မှစားပါ့မယ်”

“ကျုပ်က ရွာထဲဝင်ဦးမှာ။ ဒွေးလေးတို့ဆီ မရောက်သာ ကြာလို့။ ဘကြီးတုတ်ဆီ ထမင်းပို့ပြီးမှပါ”

“အေး အေး သွားလေ။ ထမင်းတောင်းကို ၀ါတာဖလူး အုပ်သွား”

ဝါတာဖလူးဆိုတာ မိုးကာစကို ပြောမှန်း အေးငြိမ်သိသည်။ အေးငြိမ် ထွက်သွားတော့မှ အရီးကျေးဥ အ၀တ်ဟောင်း ထုပ်ကို မ ယူလာကာ အိမ်ရှေ့ကပြင် အလင်းရောင် ကောင်းကောင်းမှာ ထိုင်သည်။ အပ်ချည်ကို အပ်ပေါက် ထိုးတော့မှ အေးငြိမ်ကိုမှ မထိုးခိုင်း လိုက်ရလေခြင်းလို့ တွေးမိသည်။ ရီးကျေးဥ တစ်ကြိမ်၊ နှစ်ကြိမ် ကြိုးစားကြည့်သော်လည်း အဆင်မပြေ။ မိုးကလေး တဖွဲဖွဲဆိုတော့ တာလမ်းပေါ်မှာ လူသွားလူလာ မရှိ။ အိမ်ဘေး ၀ိုင်းတိုက်က ငတာကို လှမ်းခေါ်ရန် စိတ်ကူးသည်။ မိုးဖျောက်ဖျောက်ထဲမှာ ကစားနေကြသည့် ကလေးတွေတော့ ရှိသည်။ ဘယ်သူတွေမှန်းလည်း မသိ။ ရီးကျေးဥက အ၀တ်ဟောင်းပုံထဲက အပြဲတွေကို အရင်ရွေးကာ သီးသန့်ဖယ်သည်။ လူစလူနများ တွေ့ရလေမလား ၀ိုင်းဝကို မျှော်ကြည့်သည်။

ပဲမှော်တိုက်။ ရီးကျေးဥ မျက်စိက ပဲမှော်တိုက်ဆီ ရောက်သွားခဲ့သည်။ သည်နှစ် မိုးကောင်းပုံနှင့် ဆိုလျှင် ပဲမှော်တိုက် ပြိုရော့မလား တွေးမိလိုက်ခြင်း ဖြစ်၏။ ပြီးခဲ့သည့် သုံးလေးနှစ် အတွင်း မိုးဦးမကောင်း မိုးလယ်ကောင်း၊ မိုးလယ်မကောင်း မိုးနှောင်းကောင်း ဆိုသလို မိုးတွေ ခါတိုင်းနှင့် မတူအောင် ရွာခဲ့ လို့ပဲလားတော့ မသိ။ အလွန် ခိုင်ခန့်လှသော ပဲမှော်တိုက်ကြီး ပြိုလုပြိုခင် စောင်းကျ သွားခဲ့သည်။ ပိုးထိုးရာအနာတွေ၊ ကျောက်ပေါက်မာ ထိုးနေသည့် ကျွန်းတိုင်တွေ ဆိုသော်လည်း တိုင်ကြီးတွေက ခိုင်လှပါ၏။ ထရံတွေ ကလည်း မဆွေး၊ ဆင့်တန်းရက်မ တွေကလည်း လေး၊ နှစ်တွေချည်း ဖြစ်၏။ သို့သော် မအိမ်ကံ ဆုံးပါးခဲ့သည့် နောက်ပိုင်း ထူးထူးဆန်းဆန်း တစ်ဖက် ယိုင်သွားခဲ့သည်။ အိမ်မကြီးကို ထိန်းသိမ်းစောင့် ရှောက်ခဲ့သော်ငြား လည်း ပဲမှော်တိုက် ကိုတော့ ပစ်ထားခဲ့ကြသည်။ ပဲမှော်တိုက်ကြီးဘက် လူမသွားဝံ့ကြ တာပင် ကြာပြီ။ ရီးကျေးဥတို့ အိမ်နောက်ဖေး ဘက်တွင် ပဲမှော်တိုက် သေးသေး တစ်လုံး ထပ်ဆောက်ခဲ့ ကြသည်။

ပဲမှော် တိုက်အိုကြီးမှာ စောင်းရသည့်ကြားထဲ နွားချေး ကျင်းဟောင်းက ထပေါက်ကြသော ဘူးနှင့် ဖရုံပင်ကြီးတွေက ပဲမှော်တိုက်ပေါ် ကုတ်ကတ် တွယ်တက်ကြရာက ပဲမှော်တိုက်ကိုပင် ဖုံးပစ်လိုက်ကြသည်။ အသီးတွေ၊ အပွင့်တွေ ထွားထွား ကျိုင်းကျိုင်း သီးကြပွင့်ကြသော်လည်း ဘယ်သူကမှ မခူးကြ။ နွယ်ရှင်တွေကလည်း တိုးလို့ တွဲလောင်းကျလျက်။ နောက်တော့ ပဲမှော်တိုက် စောင်းသွားသည့် အတိုင်း နွယ်ရှင်တွေကပါ လိုက်စောင်းကြရာက ပဲမှော်တိုက်နှင့် နွယ်ပင်တို့ အချင်းချင်း ထူပေးထားကြသကဲ့သို့ ရှိလာခဲ့သည်။ နွယ်ရှင်တွေ၊ ဖုန်တွေ၊ ပင့်ကူမျှင်တွေ ထလုံးလိုက်ကာ မူလ ရုပ်သွင်မရှိတော့သော ပဲမှော်တိုက်ဘက်ကို မျက်စောင်းပင် ထိုးမကြည့်ဝံ့အောင်ရှိခဲ့ ရသည်။

ဦးမြတ်သာ တစ်ခေါက် ရောက်လာတုန်းကတော့ ပဲမှော်တိုက်ကို ဖြိုဖို့ ခွင့်ပြုခဲ့သည်။ ဦးစံကောင်းနှင့် ရွာသား အချို့ကို ပင် ခေါ်ထားပြီးပြီ။ မနက်ဖြန် ပဲမှော်တိုက် ဖြိုတော့မည်ဆိုလျှင်ပဲ သည်ကနေ့လို ညမှာ ကျေးဥ အိပ်မက် မက်ခဲ့သည်။ အိပ်မက်ထဲမှာ မအိမ်ကံက ပဲမှော်တိုက်ပေါ်မှာ ဒါန်းစီး နေခဲ့ခြင်း ဖြစ်သည်။ ပဲမှော်တိုက် ခေါင်တန်းဆီက ကြိုးနှစ်ချောင်း ချကာ ဒါန်းစီး နေသော မအိမ်ကံက ပဲမှော်တိုက်ပေါ်မှာ ငါနေသာ၊ မဖြိုကြနဲ့နော် လို့ပြောတာကို ကျေးဥ မ မှတ်မှတ်ထင်ထင် ရှိခဲ့သည်။ ကျေးဥလန့်နိုးတော့ မိုးပင်မလင်းသေး။ မနက်မိုးလင်းတော့ အစ်ကို မောင်မြတ်သာကို အိပ်မက် အကြောင်း ပြောပြဖြစ်ခဲ့ သည်။ အစ်ကို မောင်မြတ်သာခမျာ တစ်ချက်တွေ သွားခဲ့ကာ ခေါ်ထားသည့် လူတွေကို ပြန်လွှတ်လိုက်ရ တော့သည်။ ပဲမှော် တိုက်ကို မဖြို ဖြစ်တော့။

“ကျေးဥ၊ ပဲမှော်တိုက်ကို မဖြိုနဲ့။ သည်အတိုင်းသာ ထားပါဟာ။ သူ့ဟာသူ ပြိုတော့လည်း ပြိုရုံပေါ့။ ငါမပြန်ခင် ဆွမ်းကျွေးချင်သယ်။ ပဲမှော်တိုက်နားမှာ ပရိတ်တော် ရွတ်ဖတ်ပြီး အမျှအတန်း ဝေမယ်။ ငါ့နှမကလေး မကျွတ်ရှာဘူးနဲ့ တူပါရဲ့။ ကိုစံကောင်းတို့နဲ့ တိုင်ပင်ပြီး စီစဉ်တော့”

တကယ်လည်း ဆွမ်းကျွေး အမျှဝေခဲ့ ကြသည်။ ပရိတ်တော် ရွတ်ဖတ်ကြသည်။ အမျှအတန်း ဝေကြသည်။ သည့်နောက်တော့ ပဲမှော်တိုက် သည်လည်း နှစ်ပေါင်းများစွာ ငုတ်တုတ် စောင်းစောင်း ရှိနေခဲ့ တော့သည်။ အိမ်မကြီးကတော့ အကောင်း ပကတိ ရှိသည် ဆိုသော်လည်း လူသူ မနေကြသဖြင့် ခြောက်ကပ်စွာ ထီးထီးကြီး တည်နေခဲ့သည်။ ဦးမြတ်သာတို့ ရောက်လာသည့် အခါတွင်လည်း သည်အိမ်ကြီးမှာ မတည်းကြပါ။ မမစိမ်းမြတို့အိမ် တည်းကြကာ လိုအပ်မှ ရောက်လာကြခြင်း ဖြစ်သည်။ သည်ဘက် နှစ်တွေ မှာတော့ အလာကျဲသွား ကြပြီ။ ခိုင်ကလေးလည်း အိမ်ထောင်ရက်သား ကျသွားခဲ့ပြီ။

တစ်ခါက ပန်းမျိုး စုံလင်တို့ ပွင့်လန်းခဲ့ရာ အိမ်ဝိုင်းတိုက်ကြီးမှာ ခုတော့ ပန်းတွေလည်း မပွင့်ကြတော့ပြီ။ အပြုအပြင် ကင်းမဲ့နေကြသော သီးပင် စားပင်တွေ ကလည်း ဝေေ၀ဆာဆာ မရှိကြ။ မအိမ်ကံ လွင့်မျောသွားခြင်းနှင့် အတူ သစ်ပင်ပန်းပင်တို့ သည်လည်း တမလွန်သို့ လွင့်မျော ကြတော့မည့် ပမာ အရာရာ သည် ဆုတ်ယုတ်လျော့ပါး နေကြလေပြီ။ ခြံထောင့်က ဆပ်သွားဖူး ရုံကြီးဆိုလျှင် အလိုလို ပုတ်ရိကာ မျိုးတုံး သွားခဲ့သည်။ ဆပ်သွားဖူးရုံကြီးထဲမှာ ခေါင်းစိုက်ကာ သေနေသော ငှက်မည်းကြီး တစ်ကောင်ကို တွေ့လိုက်ရသည့် နေ့က ကျေးဥပင် အော်ဂလီ ဆန်ခဲ့ရသည်။ တစ်ခြံလုံး အသက်မရှူနိုင်လောက်အောင် ပုပ်စော်နံ နေသဖြင့် ရှာကြ ဖွေကြရာက ငှက်မည်း အသေကောင်ကို တွေ့လိုက် ရခြင်းဖြစ်၏။ မအိမ်ကံ ရှိစဉ်က ပြောခဲ့ဖူးသော ငှက်မည်းကြီး ဆိုတာကို သည်တော့မှ ရီးကျေးဥ လက်ခံ ခဲ့ရသည်။ ခမျာ ကြောက်မည်ဆို ကြောက်စရာ။

မိုးမှုန်မှုန်ဖွဲဖွဲ ကျနေသည့် ကဆုန်လ ကောင်းကင်အောက်တွင် အိမ်ကြီးနှင့် ပဲမှော်တိုက်တို့ကို ရီးကျေးဥ ခပ်ဝါးဝါးလှမ်း မြင်နေရလေ၏။ မိုးရေစွတ်စွတ် မြင်ကွင်းတွေကို ရီးကျေးဥ လှမ်းကြည့် နေခိုက်မှာပင် ၀ိုင်းဝဆီက လူရိပ်လိုလို မြင်လိုက်ရသည်။ မျက်လုံးတွေက မကောင်းတော့ ၀ိုးဝိုးဝါးဝါး ထင်လိုက် ခြင်းသာဖြစ်၏။ ခေါ်သံလိုလို ကြားလိုက်ရတော့ အနားက ၀ါးဖတ် ခမောက်ကို ဆောင်းကာ ထွက်လာခဲ့သည်။
မိန်းမသား နှစ်ယောက်။

တစ်ယောက်ကကြီးကြီး။ တစ်ယောက်က အပျိုပေါက်။ မိုးရေထဲမှာ အကာမပါ၊ အဆောင်းမပါကြဘဲ စုံးမွှားမွှား ရပ်နေ ကြခြင်းဖြစ်သည်။ တံခါးအပြင်မှာ ရပ်နေကြ သဖြင့် တိတိပပတော့ ရှင်းရှင်းကြီး မမြင်ရသေး။ ဇလီကွက်တွေကြားက မြင်ရခြင်းသာ ဖြစ်သည်။ ဘယ်သူတွေများ ပါလိမ့်။ အနောက်တန်း ရွာက ဧည့်သည်တွေများလား။

“ကျေးကျေး”

နှစ်ပေါင်းများစွာက အသံ။ အားမပါ လှသော အသံပေသိ သည်အသံကို ရီးကျေးဥ မမေ့နိုင်ပါ။ ၀င်းတံခါး ထိပ်နှစ်ချပ်ကို တွဲခတ်ထားသော သံကွင်းကို လှမ်းမပြီး တံခါးနှစ်ချပ်ကိုဖွင့် လိုက်တော့ အသံရှင်က ရီးကျေးဥကို လှမ်းဖက်လိုက်သည်။ သည်အထိလည်း ရီးကျေးဥ မဝေခွဲနိုင် သေးသလို ကြောင်ကြောင်ကြီးရပ်နေခဲ့သည်။ ကျေးကျေးတဲ့။ ဒါဆိုရင် ဘယ်သူ ဖြစ်ရဦးမှာလဲ။

“မြိုင်ကလေး၊ မအိမ်မြိုင် ဟုတ်ကဲ့လား”

“ဟုတ်ပါသယ် ကျေးကျေး။ မအိမ်မြိုင်ပါရှင်”

“ရော် ၀င်ခဲ့လေ။ မိုးတွေ ဖြိုးဖြိုးဖြောက်ဖြောက် နဲ့ကွယ်။ လာလာ သြော် ဖြစ်မှ ဖြစ်ရ ပလေသယ်အေ”

အိမ်မကြီးနှင့် ပဲမှော်တိုက် စောင်းစောင်းကို မအိမ်မြိုင်က တွေတွေကြီး ရပ်ကြည့် နေခဲ့သည်။ ရီးကျေးဥက လက်ကို ဆွဲကာ ခေါ်လာခဲ့ရ၏။ အပျိုပေါက် မိန်းကလေးကတော့ ဘာကိုမှ အရေးမထားသည့် မျက်နှာမူနှင့် အရာရာကို ကြည့်တည့် ကြောင်တောင်လိုက်လံ ကြည့်ရှုနေသည်။ နှစ်ယောက်လာခဲ့ ကြသော်လည်း ပါလာကြသည်က လွယ်အိတ်ကလေး တစ်လုံးမျှသာ။ သည်မှာနေကြမှာလား၊ ခဏ တစ်ဖြုတ်လား၊ ပြန်ကြမှာလား။
အိမ်ပေါ်ရောက်တော့ ရွာထွက်ဖျင် တဘက်တစ်ထည် လှမ်းပေးကာ ခေါင်းက ရေတွေ သုတ်စေသည်။ အ၀တ်အစား လဲစေသည်။ ရေနွေးပူပူ တစ်ခွက်စီ သောက်စေသည်။ သည်အထိ စကားမပြောဖြစ်ကြ။ ရီးကျေးဥကတော့ မအိမ်မြိုင် ရောက်လာခြင်း ကိုသာ အံ့သြနေတော့သည်။ အဆုံးထားသော အဖိုးတန် ပစ္စည်း တစ်ခုကို ပြန်တွေ့လိုက်ရ သကဲ့သို့ ရင်ထဲ ကတုန် ကယင်ကြီး ဖြစ်လို့နေ၏။ ဘယ်လိုက ဘယ်လိုများ ရောက်လာ တာပါလိမ့်။

အိမ်က ထွက်သွားသည့် နေ့ကတည်းက သည်ကနေ့မှ ပြန်ရောက်လာသော အိမ်ကြီးရှင် ဧည့်သည်။ မအိမ်မြိုင် မြင်းခြံကို သွားသည့် နေ့က ဖိုးကူးလှည်းနှင့် လိုက်ပို့ခဲ့ပြီး အပြန်မှာတော့ သတင်းဆိုးသာ ပါလာခဲ့သည်။ ဆယ့်ငါးနှစ်တောင် ရှိပါပေါ့လား။ သည်ဆယ့်ငါးနှစ် အတွင်းမှာ အရာရာသည် ပြောင်းလဲ ခဲ့ကြပြီ။ ထွက်သွားတုန်းက မိန်းမချော မိန်းမလှ။ ရွာ့ကွမ်း တောင်ကိုင် စာရင်း ပေါက်ခဲ့သူ ပပ၀တီ မင်းသမီးကလေး။ ပြန်ရောက်လာတော့လည်း မနွံမရေ ရှိလှချည့်လားအေ။ သည်အိမ်ကြီးမှာ ဘာတွေဖြစ်လို့ ဘာတွေတော့ဖြင့် ပျက်ခဲ့ပြီ ဆိုတာကော ညည်းသိရဲ့လား။ ရီးကျေးဥက ခွမ်းခနဲ ကျကွဲသွားသော ဓာတ်ပုံတစ်ချပ်ကို သတိရလိုက်သည်။ မအိမ်ကံ ကိုယ်တိုင် အပေါ်ထပ်ဆီက နာနာကြည်းကြည်း ပစ်ချ ခွဲချေ ပစ်လိုက်သော ဓာတ်ပုံ။ အခုတော့လည်း မှန်စတွေလို တစ်စစီ ကြေခဲ့ ကြပြီကောအေ။

“သူကလေးက”

“မြိုင့်သမီးလေ မအိမ်စိုတဲ့”

မအိမ်စို။ မအိမ်ကံ တုန်းကတော့ အိမ်ကြီးရဲ့ကံ အဖြစ် မအိမ်ကံလို့ အမည်မှည့်ခဲ့ ကြသည်။ သမီးနှစ်ယောက် ကျတော့ မအိမ်မြိုင်တဲ့။ မအိမ်ခိုင်တဲ့။ အိမ်ကြီး အဖို့ရာတော့ မမြိုင်ခဲ့ မခိုင်ခဲ့ကြသူတွေ။ အခု လာပြန်ပြီလား မအိမ်စို။ မအိမ်စို ရောက်လာတော့ အရာရာ ခြောက်ခန်းချိန် ဆိုက်ခဲ့ပြီ။ အတိတ်နိမိတ်နှင့် အတူ တစ်ကျော့ပြန် စိုပြည် လန်းဆန်း ပါစေတော့။

“ကျေးကျေး မြိုင့်ကို စိတ်ဆိုး နေမှာပေါ့နော။ မြိုင်သည်ဘက်ကို ခြေဦး မလှည့်တော့ဘူးလို့ ဆုံးဖြတ်ထား ပြီးသားပါ။ သည်ရွာ၊ သည်နေရာ၊ သည်အိမ်ကြီးကို စိတ်ရင်း အတိုင်း ဆိုရင် လာစရာ မရှိတော့ ပါဘူး။ မလာချင်တော့ ပါဘူး။ မြိုင့်အမှားတွေဟာ မြိုင်နဲ့ အတူပဲ ရှိရမှာပါ။ ဒါပေသိ မြိုင်အိမ်ကြီးကို နေ့စဉ်နဲ့ အမျှ သတိရသယ်။ အမေ့ကို နေ့စဉ်နဲ့အမျှ သတိရသယ်။ ကျေးကျေးတို့၊ ညီမလေး ခိုင်တို့ကို သတိရသယ်။ အခုလည်း မြိုင် အိမ်ကြီးကို လာကြည့်သာပါ။ သင်္ချိုင်းမှာ အမေ့ကို ကန်တော့ချင်လို့ လာခဲ့သာပါ။ ကျေးကျေးကို ကန်တော့ ချင်လို့ လာခဲ့သာပါ”

မြိုင်ကပြောရင်း ငိုလေသည်။ ရီးကျေးဥကတော့ သူ့ရှေ့မှာ ငုတ်တုတ် ထိုင်နေကြသည့် သားအမိကိုပဲ ငေးကြည့်နေခဲ့သည်။ မအိမ်မြိုင်ရဲ့အလှတွေ ဘယ်ရောက်ကုန်ပါလိမ့်။ တကယ့်ကို ရင့်ရော်ရော် မိန်းမတစ်ယောက်လို ဖြစ်ခဲ့ပြီ။ ဒါတွေ ထားပါတော့။ သက်ဦးဝေ ကကော။ ပျောက်သွားခဲ့ပြီ ဆိုကတည်းက ဘာသတင်းမှ မကြားရတော့သော အိမ်သား တစ်ယောက်ကို ပြန်ပေါ်လာတော့ ဘာက စမေးရမှန်း မသိဘဲရှိခဲ့ရ သည်။ တကယ်တော့ သည်အိမ်ကြီးက ရောက်လာသည့် ဧည့်သည်ရဲ့အိမ်။ ငါကသာ အိမ်ကြီးရဲ့ ဧည့်သည်။ သည်လို အခြေအနေ မျိုးမှာ ရီးကျေးဥ ဘာပြောရမှန်း မသိ။ အပြစ်တင် ရမှာလား။ ရေငုံနှုတ်ပိတ် နေရမှာလား။ ဒါကိုလည်း မတွေး တတ်တော့ပြီ။ မအိမ်မြိုင် ကိုသာ ငေးနေမိ တော့သည်။ ရင်ထဲ ရောက်လာသည့် စကားတွေကိုတော့ ပြောမိပါ၏။


လေးစားစွာဖြင့်
ရီနိုမာန်