ကျေးဇူး

ဒီကမ္ဘာပေါ်မှာ ရှင်သန်ခြင်း အခွင့်ကိုပေးတဲ့
အဖေနဲ့အမေကို ကျေးဇူးတင်တယ်။

ဒီအသက်အရွယ်ထိ နေထိုင်ခြင်း အခွင့်ကိုပေးတဲ့
လောကကြီးကို ကျေးဇူးတင်တယ်။

ဆုတောင်းခြင်းတွေကို မသိမသာ ဖြည့်ဆည်းပေးတဲ့
ဘုရားရှင်ကိုလည်း ကျေးဇူးတင်တယ်။

ခင်မင်ခြင်းဆိုတဲ့ အခွင့်ကိုပေးတဲ့
သူငယ်ချင်း အားလုံးကို ကျေးဇူးတင်တယ်။

ချစ်ခင်ခြင်းဆိုတဲ့ အခွင့်ကိုပေးတဲ့
မောင်နှမများ အားလုံးကို ကျေးဇူးတင်တယ်။

နားလည်မှုဆိုတဲ့ အခွင့်ကို အပြည့်အဝ အသုံးချပေးတဲ့
တစ်ယောက်ချင်းစီကိုလည်း ကျေးဇူးတင်တယ်။

ကိုယ်လိုအပ်တဲ့အချိန်မှာ ကိုယ့်ဘေးနားမှာရှိပြီး
ကိုယ်မလိုအပ်တော့တဲ့အချိန်မှာ အနားကတိတ်ဆိတ်စွာ
ထွက်ခွာပေးသွားကြတဲ့ အယောက်အားလုံးကိုလည်း
ကျေးဇူးတင်တယ်။

ယခုချိန်ထိ ကိုယ်နဲ့စိတ်တူကိုယ်တူရှိနေပေးတဲ့
တစ်ယောက်ချင်းစီကိုလည်း ကျေးဇူးတင်တယ်။

ကိုယ့်အပေါ် နားလည်ပြီး ချစ်ပေးနေတဲ့
တစ်ယောက်သော သူကိုလည်း ကျေးဇူးတင်တယ်။

အရာအားလုံးကို အကောင်းရော အဆိုးရော
ဖန်တီးပေးနေတဲ့ ကံကြမ္မာကိုလည်း ကျေးဇူးတင်တယ်။

အဓိက ကတော့ အပျော်၊ အပြုံး၊ အမဲ့၊ အငို၊ အလွမ်း၊
အချစ်၊ ဒုက္ခ၊ သုခ များစွာကို ခံနိုင်ရည်ရှိခဲ့တဲ့
ရှိနေစဲဖြစ်တဲ့ ကိုယ့်ရဲ့ စိတ်ကို ကျေးဇူးတင်တယ်။

ရီနိုမာန်

စိတ်ရွက်လှေ

စိတ် ကြည်လင်သွားတဲ့ တစ်နေ့
အရောက်လှမ်းခဲ့မယ်။
သစ်ပင်အို အရိပ်အောက်ဆီ
စောင့်နေလို့ပေးပါ။
ကော်ဖီတစ်ခွက်နဲ့ ဝိုင်တစ်ခွက်
စိတ် အေးချမ်းသွားတဲ့ တစ်နေ့
အပြုံးတွေ ချွေလိုက်ပါ့မယ်။
ခန်းနားတဲ့ အဆောင်အယောင်တွေထဲ
လျှောက်လှမ်းလို့ လာခဲ့ပါ။
စောင့်နေပါ့မယ် ဟိုတစ်နေရာဆီက
စိတ် ခမ်းခြောက်သွားတဲ့ တစ်နေ့
အရောင်တွေလည်း မှေးမှိန်လို့
ကျကွဲသွားတဲ့ ဖန်စတွေက
ဟိုတစ်စ ဒီတစ်စ
စောင့်နေလိုက်ပါ ရောက်မဲ့အချိန်ထိ
စိတ် လေလွှင့်သွားခဲ့ ရပြီ။
စိတ် ပျောက်ဆုံးသွားခဲ့ ရပြီ။
စိတ် အခန့်မသင့်စွာဖြင့်
အနားယူလိုက်ရပြီ။

ရီနိုမာန်

လွမ်းလည်း လွမ်တတ်နေပြီ

တစ်နေ့တော့ နင်ငါ့ကို ချစ်သလိုမျိုး
နောက်တစ်ယောက်တွေ့အုံးမှာပါ တဲ့။
အဲဒီအခါကျရင် နင်ငါ့ကို မေ့သွားမှာပါတဲ့။
ငါနင့်ကို ချစ်သလိုမျိုး နောက်တစ်ယောက်
ရှိလာတော့မှာ မဟုတ်ဘူးလို့ ပြောတော့
နင်ပြုံးနေခဲ့တယ်။

နင်ပြောသလိုပဲ ဖြစ်တော့မှာလားလို့ ငါ့စိတ်ထဲ
ခဏခဏဖြစ်မိတယ်။
နင်ပြောခဲ့တဲ့ စကားတွေကို အတည်ပြုရတော့မယ့်
အချိန်ရောက်ရင် ငါ့ရင်ထဲမှာ နင်ပဲရှိနေတယ်ဆိုတာ
သေချာသထက်သေချာလာတယ်။
ငါ ဘယ်သူ့ကိုမှလည်း မလိမ်ခဲ့ဘူး။
ငါ့ကိုယ်ငါလည်း မလိမ်ခဲ့ဘူး။
ငါ နင့်ကိုပဲ ချစ်နေတုန်း ဆိုတာကိုပေါ့။

ငါက နင့်ကို အစကတည်းက ချစ်ပဲချစ်ခဲ့တာ။
နင်က ပိုင်ဆိုင်ချင်တာ။
နင်ငါ့ကို ချစ်တာငါသိပါတယ်။
ဒါပေမဲ့ နင်ပိုင်ဆိုင်ချင်တာ ငါမဟုတ်ဖူး
ဆိုတာလည်း ငါသိပြီးသားပါ။
ငါနင့်ကို အချိန်မရွေး ချစ်နေလို့ရတဲ့
ငါ့ကို နင်ပေးထားတဲ့ အခွင့်အရေးတစ်ခုနဲ့တင်
ငါကျေနပ်လို့ ရပါတယ်။

ငါ့ဘဝမှာ ငါတစ်ယောက်ထဲ နေလာတာ
နေသားတော့ကျနေပါပြီ။
ငါက ငါ့စိတ်ကို ငါအရမ်းနိုင်တာ။
ဒါပေမဲ့ နင့်ကို ချစ်ခဲ့ဖူးတယ်။
နင့်ကို ချစ်နေတုန်းပဲ။
နင်နဲ့တူတူသွား၊ တူတူစား
တူတူပျော်၊ တူတူကဲ ခဲ့တဲ့အချိန်တွေ။
နင့်ကို လွမ်းတဲ့ ငါ့ရဲ့စိတ်ကိုတော့
ငါထိန်းလို့ မရခဲ့ဘူး။
ထိန်းလည်း မထိန်းထားချင်ပါဘူး။
ငါက နင့်ကို ချစ်နေရရင် ကျေနပ်နေတာလေ။

ငါနင့်ကို ချစ်တဲ့ အချစ်သင်္ကေတ တစ်ခုအနေနဲ့
တစ်နှစ်ကို ပစ္စည်းတစ်ခု အမြဲငါစုခဲ့တယ်။
ငါစုခဲ့တဲ့ ပစ္စည်းတွေထဲမှာ
နင်နဲ့တူတူရှိတဲ့ နှစ်တွေတုန်းက
နင်ငါ့ကိုပေးထားတဲ့ ပစ္စည်းတွေလည်းပါတယ်။
ငါစုထားတဲ့ ပစ္စည်းတွေကို အချိုးချလိုက်ရင်
လေးပုံတစ်ပုံပဲ နင့်ပေးခဲ့တဲ့အမှတ်တရတွေရှိတယ်။
ဒီနှစ် ၂၀၁၆ မှာ ငါစုထားတဲ့ အမှတ်တရတွေက
၁၆ ခုရှိသွားပြီဟ။

အချိန်တွေ ဘယ်လိုပဲပြောင်းပြောင်း
နေရာတွေ ဘယ်လောက်ပဲ ဝေးဝေး
ငါ့ရင်ထဲမှာ နင့်ကိုချစ်တဲ့ အချစ်ကတော့
မပြောင်လဲဘူး။ အရင်အတိုင်းပဲ။
ခုတော့ ငါမှာ နင်နဲ့ပတ်သက်ပြီး ပိုလာတာ
တစ်ခုတော့ ရှိသွားတာပေါ့။
ငါ နင့်ကို ချစ်နေရရုံအပြင်
လွမ်းလည်း လွမ်းတတ်နေပြီ။


ရီနိုမာန်