တောင်ကြီး ဖဝါးအောက်

မြန်မာပြည် မပြန်ခင်က မြန်မာပြည် ပြန်ရောက်ရင် သွားချင်တဲ့ နေရာလေးတွေကို ရောက်အောင်သွားမယ်လို့ စိတ်ကူးထားခဲ့ပါတယ်။ စိတ်ကူးအတိုင်း သွားချင်မိတဲ့ နေရာလေးတွေကို စာအုပ်တစ်အုပ်မှာ အကြမ်းချရေးလိုက်ပါတယ်။ ( တောင်ကြီး၊ ကလော၊ မန္တလေးနှင့် ပြင်ဦးလွင်) ကျွန်တော်တို့ ပြန်တဲ့အချိန်ကလဲ ဆောင်းရာသီဆိုတော့ ခရီးသွားလို့ အကောင်းဆုံး အချိန်ပဲ မဟုတ်လား။ သွားချင်တဲ့ နေရာတွေကို ကြည့်လိုက်တော့လဲ မန္တလေးကလွဲရင် အားလုံးအေးချမ်းလွန်းလှတဲ့ နေရာတွေကြီးပဲ။ ဆောင်းတွင်းဆိုတော့ မန္တလေးလည်း ပူလွန်းပင်မဲ့ အေးသင့်သလောက်တော့ အေးမှာပါပဲ။

ဒီလိုနဲ့ ကျွန်တော် မပြန်ခင် သူငယ်ချင်းတစ်ယောက်နဲ့ ချိတ်မိသွားပါတယ်။ ကျွန်တော် ပြောပြတဲ့ နေရာတွေကို သူကိုယ်တိုင်ကလည်း မရောက်ဖူးသေးတာကြောင့် သွားချင်တယ်ဆိုတာကြောင့် အဆင်သင့် ဖြစ်သွားပါတယ်။ ကျွန်တော်တို့ သူငယ်ချင်းနှစ်ယောက် တစ်ယောက်ကို ၁၀သိန်းနှုန်းနဲ့ သုံးမယ်လို့ အကြမ်းဖျင်း တွက်ထားလိုက်ကြပါတယ်။ အမှန်တကယ် ထင်ထားသလောက် မကုန်တာ ခရီးလမ်း တစ်ဝက်မှာတင် သိနေခဲ့ပီး ဖြစ်ပါတယ်။

ကျွန်တော်က ဇန်နဝါရီလ (၆) ရက်နေ့မှာ မြန်မာပြည်ကို ပြန်ရောက်နှင့်ပါတယ်။ ကျွန်တော်နှင့် အတူသွားမဲ့ သူငယ်ချင်းက ဇန်နဝါရီလ (၁၈) ရက်နေ့ နေ့လည် ၁၂ လောက်မှ ရန်ကုန်ကို စင်ကာပူကနေ ပြန်ရောက်ပါတယ်။ ကျွန်တော်တို့ နှစ်ယောက်ရဲ့ ကျောပိုးအိတ် ခရီးစဉ်ကို လည်း  ဇန်နဝါရီလ ၁၈ ရက်နေ့ ညနေ သုံးနာရီမှာ စတင်လိုက်ပါတယ်။ သူငယ်ချင်း မရောက်ခင် တစ်ရက်က ကျွန်တော် ရန်ကုန်ကို ကြိုရောက်နေခဲ့ပါတယ်။ ကားးလက်မှတ်ကိုလည်း ကျွန်တော် ရန်ကုန် ရောက်တဲ့ နေ့မှာပဲ ကြိုဝယ်ထားလိုက်တယ်။ ရန်ကုန် - တောင်ကြီး ကားလက်မှတ်ခ ( ၁၀၉၀၀) ကျပ်ပေးရပါတယ်။ 

ရန်ကုန် - တောင်ကြီး ကား

         ညနေသုံးနာရီမှာ ကျွန်တော်တို့ရဲ့ ခရီးစဉ်ကို ရွှေတောင်ရိုး ခရီးသွားယာဉ် နှင့်စတင်ထွက်လာခဲ့ပါတယ်။ စစထွက်ချင်းမှာပဲ ကျွန်တော်နဲ့ အတူသွားတဲ့ သူငယ်ချင်းက အိပ်ပြီး လိုက်ပါလာခဲ့ပါတယ်။ ကျွန်တော် ကိုယ်တိုင်ကလည်း ရန်ကုန်က ထွက်ထွက်ချင်းတော့ မအိပ်ပဲ နေနိုင်ပင်မဲ့ ကားပေါ်ရောက်ရင် အိပ်တက်တဲ့ အကျင့်ကြောင့် သိပ်မကြာခင်မှာပဲ အိပ်ပျော်သွားခဲ့ပါတယ်။

ဒီနေရာအရောက်မှာတော့ ကျွန်တော်တို့ရဲ့ ညလယ်စာကို သုံးဆောင်ဖြစ်ခဲ့ပါတယ်။ သို့သော် ညနေကားမထွက်ခင်မှ စားထားခဲ့အတွက်ကြောင့် ဘာမှကောင်းကောင်း မစားဖြစ်ခဲ့ပါဘူး။ ဆိုင်ရဲ့ အပြင်အဆင်နဲ့နေရာလေးကို သဘောကျမိလို့  ဓါတ်ပုံရိုက်ဖြစ်သွားခြင်းပဲ ဖြစ်ပါတယ်။ သပ်သပ်ရပ်ရပ် ရှိလှတာကြောင့် သဘောကျမိသလို၊ ငါတို့ မြန်မာပြည်မှာလည်း ဒီလောက်သန့်ရှင်းသပ်ရပ်ပြီး ဒီဇိုင်းဆန်းဆန်းလေးတွေ ရှိနေတာ အားကျမိပြန်ပါတယ်။

ဇန်နဝါရီလ ၁၉ ရက်နေ့ မနက် ၆ နာရီလောက်မှာ အေးချမ်းလှတဲ့ တောင်ကြီးကို ရောက်ခဲ့ပါပြီ။ အေးမယ်ဆိုတာ သိနေတဲ့ ကျွန်တော် အတွက်တော့ ကြိုတင်ယူလာတဲ့ အနွေးထည်ကို ထုတ်ပြီး ဝတ်လိုက်ယုံပါပဲ။ မြန်မာပြည် ပြန်မရောက်ခင် စင်ကာပူမှာ ကတည်းက ကြိုပြောထားခဲ့တဲ့ ကျွန်တော် သူငယ်ချင်းကတော့ အနွေးထည်ကို ယူတော့ ယူလာပါရဲ့။ ရန်ကုန်လေဆိပ်အရောက်မှာ ပူလွန်းလို့ဆိုပြီး ရန်ကုန်က သူ့ပစ္စည်းအပ်တဲ့ အိမ်မှာ ထားခဲ့တယ်တဲ့။ ကျွန်တော် ကြိုပြောထားရဲ့နဲ့ ထားခဲ့ရမလာဆိုပြီး ကျွန်တော် ပြုံးယုံပြုံးပြီး ကြည့်နေလိုက်ပါတော့တယ်။ သူက ရှမ်းပြည်ကို အထင်သေးတာတော့ မဟုတ်ဘူး။ တစ်ခါမှ မရောက်ဖူးတဲ့ အတွက် မသိလိုပဲလို့ ကျနော် နားလည်လိုက်ပါတယ်။ ရှမ်းပြည်ကို ရောက်ဖူးတဲ့ သူတွေ၊ နေဖူးတဲ့ သူတွေကတော့ ရှမ်းပြည်ရဲ့ ဆောင်းရာသီကို ကောင်းကောင်းကြီး သိလိမ့်မယ်လို့ ကျွန်တော် ထင်ပါတယ်။

 မြစိမ်းတောင် ပေါ်က မြင်ရတဲ့ မြင်ကွင်းတွေပါ။

၁၉ ရက်နေ့မှာ တောင်ကြီးမှာ မအိပ်ပဲ ကလောမှာ ဆင်းအိပ်ဖို့ ရည်ရွယ်ထားခဲ့ပါတယ်။ ဒါကြောင့်လည်း တောင်ကြီးကို ရောက်ရောက်ချင်းပဲ ကျွန်တော်တို့ တောင်ကြီး - မန္တလေးကားလက်မှတ် ကို (၆၀၀၀) ဖြင့်ဖြတ်ရပါတယ်။ တောင်ကြီး မြို့အတွင်းမှာလည်း များများစားစား လည်စရာ နေရာ သိပ်မရှိပါဘူး။ အရင်ဆုံး မြစိမ်းတောင်ကို သွားခဲ့ကြတယ်။

 အထွဋ်အထိပ်လာဘသုခအောင်ချမ်းသာ စေတီတော်ကြီး

 မြစိမ်းတောင် မုဒ်ဦး

မြစိမ်းတောင်မှ တဆင့် ရွှေဘုန်းပွင့်ဘုရား၊ စူဋ္ဌာမုနိလောက ချမ်းသာစေတီတော် နှင့် တောင်ကြီးကြိုးတံတား တို့ကို ဓါတ်ပုံနှင့်တကွ နောက်ပိုစ့်တွင် ဖော်ပြပေးသွားပါမယ်။ ခရီးစဉ် တစ်လျှောက်လုံး ကုန်ကျစရိတ်ကိုလည်း ဖော်ပြပေးသွားပါမယ်။ ခုတော့ဖြင့် တောင်ကြီး ဖဝါးအောက် ပိုစ့်လေးကို ဒီမှာပဲ ရပ်နားခွင့် ပြုပါလို့ ပြောရင် တောင်ကြီးဖဝါးအောက် ပိုစ့် အပိုင်းဆက်များကို အမြန်ဆုံး ပိုစ့်တင်နိုင်အောင် အားထုတ်ရင်း.......။

လေးစားစွာဖြင့်

ရီနိုမာန်