November 15, 2010

တမ်းတမိတယ် ..... အမေ့ရင်ခွင်

အသက်က ရလာလို့လားတော့ မပြောတက်။ မိသားစုနဲ့ ဝေးဝေးမှာ နေရတာကို အထီးကျန်သလို ခံစားနေရတယ်။ လွန်ခဲ့တဲ့ ၁၀နှစ်လောက်ကတော့ အိမ်မှာမနေချင်လို့ မိဘအရိပ်ကို မခိုချင်လို့ ခြေစုံကန်ပြီး ထွက်လာခဲ့တာ။ ၁၀နှစ်ဆိုတဲ့ ကာလအတွင်းမှာ အိမ်ပြန်ပြီး မိဘနဲ့ အတူတူပြန်နေမယ် ဆိုတဲ့စိတ် တစ်ခါမှ မဖြစ်ဖူးခဲ့ဘူး။ ရောက်နေတဲ့ နိုင်ငံအနေအထားနဲ့ လူနေမှုအဆင့်အတန်းကြောင့် နိုင်ငံခြားဆိုတဲ့ တိုင်းတစ်ပါးမှာ ပျော်ပျော်နေမယ်ဆိုတဲ့ စိတ်ပဲ ရှိနေခဲ့တယ်။ တိုင်းတစ်ပါးကို အထင်ကြီးတာတော့ မဟုတ်ဘူး။ တိုင်းတစ်ပါးနဲ့ ကိုယ့်တိုင်းပြည် ကွာခြားမှုကြောင့် လူငယ်ဖြစ်တဲ့ ကျွန်တော်အတွက်တော့ သာယာမှုတစ်ခုလိုပါပဲ။ ဒါကြောင့်လည်း ပြည်တော်ပြန်ဖို့အရေး တစ်ခါမှ အရေးပေး မတွေးမိခဲ့ဘူး။

တစ်ယောက်တည်း နေလာတာကြာတော့လည်း အထီးကျန်းတဲ့ ဝေဒနာက အလိုလိုအသက်ဝင် လာခဲ့တယ်။ ဒီလိုပဲ နိုင်ငံခြားရောက်နေတဲ့ မောင်နှမတွေ အားလုံးလည်း အကြောင်းအမျိုးမျိုးကြောင့် မိဘရင်ခွင်နဲ့ အဝေးမှာ လာနေကြရတာပါ။ ကျွန်တော်တစ်ယောက်ထဲမှ မဟုတ်တာလို့ တွေးတွေးပြီး ကိုယ့်ကိုကိုယ် အားပေးနေရတော့တာပေါ့။ ဘယ်သူကကော တိုင်းတစ်ပါးမှာ မိဘနဲ့ဝေးပြီး နေချင်မှာလဲ။ ကိုယ့်ရပ်ကိုယ့်ရွာကို ချစ်တဲ့ ခင်တဲ့ လူတွေကြီးပါပဲ။ ဗုဒ္ဓဘာသာထွန်းကားတဲ့ နိုင်ငံဖြစ်ပေမဲ့ လွတ်လပ်စွာကိုးကွယ်နိုင်ခွင့် ရှိတာကြောင့်လည်း ကိုယ့်နိုင်ငံမှာပဲ အေးအေးဆေးဆေး နေချင်ကြမှာပါပဲ။ ကိုယ့်နိုင်ငံက နိုင်ငံတကာနဲ့ ယှဉ်နိုင်ခဲ့ရင်တော့ ကျွန်တော်တို့ အားလုံးလည်း မိဘရင်ခွင်၊ မိဘအရိပ်နဲ့ အဝေးမှာ လုပ်ကိုင်ရှာဖွေ စားသောက်နေစရာ မလိုတော့ဘူးပေါ့ဗျာ။

၂၀၀၀ ဇန်နဝါရီလက စပြီး မိသားစုဆိုတဲ့ ဝေါဟာရ၊ အိမ်ဆိုတဲ့ နာမနဲ့ ဝေးကွာနေပြီးဖြစ်တဲ့ ကျွန်တော်အတွက် ၂၀၁၀ နှစ်ကုန်ပိုင်း ကိုရောက်လာပြီး ဖြစ်တဲ့အချိန်မှာတော့ အိမ်ဆိုတဲ့ နာမ၊ မိသားစုဆိုတဲ့ ဝေါဟာရတွေကို ရေငတ်နေတဲ့ လူတစ်ယောက်လို တမ်းတ တောင်းတနေမိပါတော့တယ်။

ပိုက်ဆံ .... ပိုက်ဆံ ဆိုတဲ့ နောက်ကိုလိုက်နေမိတာ ၁၀နှစ်ဆိုတဲ့ ကာလသာကြာမြင့်ခဲ့တာ။ ဘာမှမထူးခြားသေးဘူး။ ဒီနေ့လည်း ပိုက်ဆံ။ နောက်နေ့လည်း ပိုက်ဆံ။ နောက်လလည်း ပိုက်ဆံ။ နောက်နှစ်လည်း ပိုက်ဆံ ဖြစ်နေအုံးမှာ သေချာတယ်။ လိုနေတာလည်း ပိုက်ဆံဆိုတော့ ပိုက်ဆံနောက်ကို လိုက်နေရတာလည်း အရသာတစ်ခုလိုမျိုး ဖြစ်နေခဲ့ပြန်တာပေါ့။ ပိုက်ဆံနောက်လိုက်တော့ ပိုက်ဆံရတယ်.။ ပိုက်ဆံရတော့ ပိုက်ဆံနောက်လိုက်တဲ့ လူတစ်ယောက်အတွက်တော့ လိုအပ်တဲ့ ပျော်ရွှင်မှုတစ်ခုပဲ ဖြစ်နေရတော့တာပေါ့။

၁၀နှစ်ဆိုတဲ့ ကာလသာကြာမြင့်ခဲ့တာပါ။ ပိုက်ဆံနောက်လိုက်နေတဲ့ ကိစ္စကတော့ ပြောင်လဲမသွားသေးပါဘူး။ အခုတော့ အတွေးက တစ်မျိုး။ ပိုက်ဆံရှာပြီး ရသလောက် အမေ့ဆီကို ပို့ပြီး အဝေးကထောက်ပံ့ နေတာကို မိဘကိုရှာကျွေးနေတယ်လို့ စိတ်ထဲသဘောထားခဲ့ပါတယ်။ ပတ်ဝန်းကျင်က ကြည့်မယ်ဆိုရင်လည်း သားလိမ္မာ သမီးလိမ္မာလို့ မြင်ကြမှာပါ။ မိဘကို ရှာကျွေးနေတဲ့ သားသမီးတွေလို့ ချီးကျူးနေကြမှာ အမှန်ပါ။ အဝေးမှာ နေပြီးထောက်ပံ့နေနိုင်ပင်မဲ့ ကိုယ့်ကို ၉လလွယ် ၁၀လဖွားပေးခဲ့ အမေကို ခြေဆုပ်လက်နယ် ဝတ်ကြီးဝတ်ငယ် မပြုလုပ်ပေးနိုင်တာကိုတွေးပြီး ကိုယ့်ကိုကိုယ် အပြစ်မှကင်းရဲ့လားလို့ တွေးမိတယ်။ ပိုက်ဆံရဖို့ မိဘကို ရှာကျွေးနိုင်ဖို့ အဝေးမှာနေနေခဲ့ရတာ မှန်ပေမဲ့ မပြောကောင်း မဆိုကောင်း အခုချိန်မှာ အမေသာ တစ်ခုခုဖြစ်သွားခဲ့မယ်ဆိုရင် ကျွန်တော်အနေနဲ့ အမေ့ကို ဝတ်ကြီးဝတ်ငယ် ပြုစုခွင့်မရလိုက်လို့ ကြေကွဲဝမ်းနည်းနေရမဲ့ အဖြစ်ပါ။

ဒါကြောင့်လည်း ကျွန်တော် ယုံကြည်မှုတစ်ခုကို သေသေချာချာ ဆုံးဖြတ်ချက်ချ လိုက်ပါတော့တယ်ဗျာ........


လေးစားစွာဖြင့်
ရီနိုမာန်

8 comments:

khin oo may said...

ဘာများပါလိမ့်.

ကိုရီး{ကိုကြီး} said...

ညီ

ဒီပိုစ့်လေးကလည်း ရင်ငြိစေတာပါပဲ
(ဒုတိယအကြိမ်မြောက်ပေါ့)..... ဘဝတူခြင်းတွေမို့ ရင်ဘတ်နဲ့ ခံစားသွားပါတယ်
ကိုယ်ကတော့ ၁၂.၁၂.၂၀၁၀ ဆိုရင် ဒီနိုင်ငံ တကယ်ပြန်ပါပြီ။
ညီ့ ဆန္ဒတွေ ပြည့်ဝအောင်မြင်ပါစေဗျာ။

ခင်မင်စွာဖြင့်
ကိုရီး {ကိုကြီး}

ကြယ်ပြာ said...

ဘာတွေဆုံးဖြတ်လိုက်လဲဟေ ... ဒီပို့စ်ထဲကလိုပဲတွေးမိတယ် ... မိဘကို အဝေးကထောက်ပံ့တာထက် အနီးကပ်ခြေဆုပ်လက်နယ်ပြုတာကပို ကုသိုလ်ရတယ်တဲ့ ... အနီးကပ်ခြေဆုပ်လက်နယ်ပြုတာထက် တရားဓမ္မနဲ့ပျော်မွေ့အောင် ဆောင်ရွက်ပေးနိုင်တာ အမြတ်ဆုံးသောကျေးဇူးဆပ်နည်းတဲ့ ....

ချော(အစိမ်းရောင်လွင်ပြင်) said...

ဟုတ်တယ်နော်
အဝေးကနေ ထောက်ပံ့တာထက် ခြေဆုပ်လက်နယ် ပြုစုနိုင်တာက မိဘတွေအတွက် ပိုပြီးလိုအပ်နေမယ်လို့ထင်ပါတယ်..
အိမ်က အမေဆိုလည်းဒီလိုပါဘဲ
ပြန်လာပြီး သူတို့အနားနေဖို့ဘဲ အမြဲပြောတတ်တယ်..
အသက်ကြီးလေ သားသမီးတွေနား နေချင်လေ ဖြစ်မှာပါဘဲလေ...

ဇွန်မိုးစက် said...

ဘယ်တော့ ပြန်မှာလဲ ရီနို။
အမတို့ကို အကြောင်းကြားသွားပါဦးနော်။

လင်းဦး(စိတ်ပညာ) said...

အင်း... ဘယ်အချိန်ကြည့်ကြည့် "ပိုက်ဆံ"ပဲ.... ဒါက အရေးကြီးဆုံးလို့ ပြောလို့ရတာကိုး

zue said...

ဆုံးဖြတ်ချက်အတိုင်း ယုံကြည်မှု့ကို အကောင်အထည်ဖော်နိုင်ပါစေ အကိုရေ....

ဟိန်းတင့်ဇော် said...

အင်း...

ဘ၀တူချင်းမို့ ခံစားချက်ကို ကိုယ်ချင်းစာပေးပါတယ်ဗျာ။