March 6, 2017

ဘဝတွေက ခါးတယ်

အခန်း   ( ၁ )


လာ.. ညီမလေး ထိုင်... အစ်ကိုတို့က ညီမလေး မလာတော့ဘူးထင်နေတာ....

ချိန်းထားတဲ့အချိန်ထက် နှစ်နာရီတောင် နောက်ကျတာဆိုတော့လေ.... နောက်တစ်နာရီလောက်မှ ညီမလေး မလာတော့ဘူးဆိုရင် အစ်ကိုတို့လည်း အပြင်သွားတော့မလို့.... 

ကဲ ... ခုတော့ ညီမလေး ရောက်လာပြီးဆိုတော့ ပြောထားတဲ့အတိုင်းပဲ မိတ်ကပ်စလိမ်းလိုက်ကြရအောင်....

ကျွန်မ နာမည်က သင်းသင်း။ အလုပ်က အရောင်းဝန်ထမ်း။ အိမ်မှာက အဖေရယ်၊ အမေရယ်၊ ညီမလေးနှစ်ယောက်နဲ့ မောင်လေး တစ်ယောက် ရှိတယ်။ အဖေက ဆိုက်ကားနင်းတယ်။ အမေကတော့ အဝတ်လိုက်လျှော်တယ်။ညီမလေးနှစ်ယောက်နဲ့ မောင်လေးကတော့ ကျောင်းနေတယ်။ ကျွန်မကတော့ ၈တန်းနဲ့ကျောင်းထွက်ပြီး အိမ်စရိတ်ရဖို့ အရောင်းဝန်ထမ်း အလုပ်ကိုလုပ်နေတာ။ ၈တန်းအောင်လောက်နဲ့ အလုပ်ရဖို့ ဒီခေတ်ကြီးထဲမှာ မလွယ်မှန်း ကျွန်မသိပါတယ်။ ဒီအရောင်းဝန်ထမ်း အလုပ်ရဖို့ ကျွန်မတို့လမ်းထဲက အစ်မတစ်ယောက်ရဲ့ အကူအညီနဲ့ ရခဲ့တာ။ 

ညီမလေး...... အသံလာရာကို ကျွန်မလှမ်းကြည့်လိုက်တော့ ကျွန်မရှေ့ကို စာအိတ်လေး တစ်အိတ် ထိုးပေးလာတယ်။

ဒါ... ဒီနေ့အတွက် ညီမလေး လုပ်အားခ ငါးသောင်း ......

ကျွန်မ စာအိတ်ကို ကိုင်ပြီး ဝမ်းသာလွန်းလို့ လက်တွေတောင် တုန်နေတယ်။ ဒါပင်မဲ့ ကျွန်မ အိမ်ပြန်နောက်ကျလို့ မဖြစ်ဘူး။ အချိန်ကကော အစ်ကိုလို့ ကျွန်မ လှမ်းမေးလိုက်တော့.......

အများဆုံး ကြာ ၂ နာရီလောက်ပဲ ညီမလေး...... ဘာမှစိတ်မပူနဲ့ အွန်လိုင်းမှာ အစ်ကိုတို့ ပြောထားတဲ့ အတိုင်းပဲ... ဘာမှမပြောင်းလဲဘူး....... ညီမလေးလည်း စိတ်ထဲ ဘာမှ စိုးရိမ်မနေနဲ့..... ဟုတ်ပြီလား......

ဘာပဲပြောပြော ကျွန်မလက်ထဲ ပိုက်ဆံ ရနေခဲ့ပြီ။ ကျွန်မပျော်တယ်။ အိမ်မှာ လိုအပ်တဲ့ အိမ်စရိတ်ကို ကျွန်မနိုင်သလောက် ပိုကူညီနိုင်တော့မယ်။ ဒီပိုက်ဆံတွေ ဘယ်ကရလဲလို့ အမေ မေးရင် ဒုက္ခ...။ ကျွန်မ ဘယ်လို ပြန်ဖြေရမလဲ။ သူငယ်ချင်းဆီက ချေးခဲ့တယ်လို့ပဲ ပြောလိုက်မယ်။ ဒါဆို အမေယုံသွားနိုင်တယ်။ ဒီလိုပဲ ခဏခဏ ကျွန်မ ချေးပေးနေကျဆိုတော့....။

ညီမလေး အဆင်သင်ဖြစ်ရင် ရိုက်လိုက်ကြရအောင်...... တော်ကြာ ၂ နာရီကျော်သွားလို့ အပိုချိန်အတွက် ထပ်ပေးနေရအုံးမယ်.......ဟားဟားဟား

ဟာ မဟုတ်တာပဲ အစ်ကိုရယ် ရပါတယ်....... ....။

ကျွန်မ ခုမှပဲ စိုးရိမ်နေတဲ့ စိတ်ကလေး နည်းနည်း သက်သာရာ ရလာခဲ့တယ်။ ဘာဖြစ်လို့လဲဆိုတော့ ကျွန်မမသိတဲ့ တစိမ်း ယောက်ျားလေးတစ်ယောက် ချိန်းတဲ့ဆီကို သွားရင်ကောင်းမလား မသွားရင်ကောင်းမလား လွန်ခဲ့တဲ့ တစ်နာရီလောက်ကအထိ  ဝေခွဲမရဖြစ်နေခဲ့တာ။ ဒါမဲ့ ဘယ်လိုပဲဖြစ်ဖြစ် သွားကြည့်လိုက်မယ်ဟာ...။ အခြေအနေ သိရတာပေါ့။ အလုပ်ကလည်း နေ့တပိုင်း ခွင့်ယူထားပြီးပြီ။ ပေးထားတဲ့ လိပ်စာအတိုင်း လာသာလာခဲ့ရတာ။ ဟုတ်ပါ့မလား အဆင်မှပြေပါမလား။ တစ်ခုခုဆို ဒုက္ခလို့ တွေးနေခဲ့တဲ့ ကျွန်မစိတ်တွေ အခုလို အလုပ်ရှင် အစ်ကိုရဲ့ စနောက်သံ ကြားလိုက်ရမှပဲ ဟင်းချနိုင်တော့တယ်။

ကဲ.... ညီမလေး ဒီနေ့ လာတာ နောက်ကျတာက လွဲရင် အားလုံးအဆင်ပြေတယ်..... ညီမလေး မျက်နှာနဲ့ အစ်ကိုလိုချင်တဲ့ ပုံစံနဲ့ ကိုက်တယ်.... အစ်ကိုတို့ ပစ္စည်းက အခုမှ ဈေးကွက်ထဲ စဝင်မှာဆိုတော့ အချိန်တော့ နည်းနည်းပေးရအုံးမယ်......

ပစ္စည်းအသစ်တွေ ထပ်ရောက်လာရင် ညီမလေးကို ထပ်ပြီး ဆက်သွယ်လိုက်မယ်... ကူညီပေးအုံးနော်.....

ဟုတ် အစ်ကို စိတ်ချပါ........ အဲဒါဆို ကျွန်မကို ပြန်ခွင့်ပြုပါအုံးနော်.......

ကောင်းပါပြီဗျာ ထပ်တွေ့မယ် ညီမလေး...........

ကျွန်မ ခုနက စာအိတ်လေးကို ပိုက်ဆံအိတ်ထဲ ထည့်ပြီး လာတုန်းကပါလာတဲ့ ဆွဲခြင်းကို.ယူပြီး လေးလွှာကနေ ဆင်းလာခဲ့လိုက်တယ်။ လကုန်ရက်တိုင်း ပုံမှန်လစာ ရှိနေပင်မဲ့ မလောက်မငဖြစ်နေတာ ကျွန်မကိုယ်တိုင်အသိပါ။ အဖေရယ်၊အမေရယ် ကျွန်မရယ် သုံးယောက်ပေါင်းဝင်ငွေက အိမ်သုံးစားဝတ်နေရေးနဲ့ အငယ်သုံးယောက်ရဲ့ ကျောင်းစရိတ်နဲ့တင် လည်နေတာ။ အဖေ့ကိုလည်း သနားတယ်။ အမေ့ကိုလည်း သနားတယ်။ အဖေနဲ့အမေ ပင်ပန်းနေကြပြီ။ ဒါပင်မဲ့ ကျွန်မလည်း ဘယ်လိုမှ မကူညီနိုင်ဘူး။ ကူညီချင်တဲ့ စိတ်ပဲ ရှိနေခဲ့တာ။ ကျွန်မခွန်ကျွန်မအားနဲ့ ပိုက်ဆံများများလည်း မရှာနိုင်ခဲ့ဘူး။ ခုတော့ ၂နာရီလောက်ကလေး အလှဓါတ်ပုံ ရိုက်ပေးလိုက်တာနဲ့ ငါးသောင်း တောင်ရတယ်။ နောက်တစ်ခေါက် အလုပ်မြန်မြန်ပေါ်ပါစေလို့ ကျွန်မ ဆုတောင်းနေလိုက်မိတယ်။ 

အဲဒီနေ့က ကျွန်မ အိမ်ကို ဆီဖုထမင်းကြော် ပွဲကြီးနှစ်ပွဲ ဝယ်သွားလိုက်တယ်။ အဖေရယ် အမေရယ် အငယ်လေးသုံးယောက်ထိုင်ပြီး မြိန်ရေရှက်ရေ စားနေကြတာကို ကြည့်နေရတာနဲ့တင် ကျွန်မ ပျော်ရွှင်ခဲ့ရပါတယ်။

ဘာပဲပြောပြော ဒီနေ့ လုပ်ခဲ့တဲ့ ကျွန်မရဲ့ လုပ်ရပ်ကို ကျွန်မကျေနပ်တယ်။ ပူပင်နေတဲ့ စိတ်ကလေးရှိနေပင်မဲ့ အဆင်ပြေပြေ ဖြတ်သန်းနိုင်ခဲ့တဲ့ အတွက်လည်း ကျွန်မ ဝမ်းသာနေမိတယ်။ ဒီအလုပ်ကလေးသာ ပုံမှန်ရှိနေခဲ့မယ်ဆိုရင် ကျွန်မတို့ အိမ်ကလေးမှာ ပျော်ရွှင်စရာ ပိုကောင်းသွားမှာလို့ ကျွန်မတွေးနေမိတယ်။     
( ဆက်ရန်)
ရီနိုမာန်

1 comment:

စံပယ်ချို said...

ဒီမှာသူငယ်ချင်းတွေအများတွေ့ရလို့ ၀င်လည်ရင်းစာဖတ်ခဲ့တယ် မပြီးသေးဘူးနော်