April 8, 2012

ရီနိုမာန် ( Ree Noe Mann ) မွေးနေ့

ဧပြီလ ၄ ရက်နေ့ကို မေ့နေတာ။ မေ့ဆို အဲရက်ပိုင်းလောက်က စိတ်ဝင်စားစရာတွေက အများသာကိုး။ ဟိုတစ်နေ့ကမှ ဆရာမ မနော်ဟရီရဲ့သား ခေတ်နေလေး မွေးနေ့ဆိုတာ တွေ့လိုက်ရမှ ကိုကို( ခေတ်နေ) မွေးနေ့ရက်နဲ့ ရီနိုမာန် ဘလောဂ့်မွေးနေ့ရက်က တစ်ရက်ကြီးတစ်ရက်ငယ်ဆိုတာကို မှတ်မိသွားတယ်။ နောက်ပြီး ညီငယ် နေဝသန်ရဲ့ ဘလောဂ့်သုံးနှစ်ပြည့် ပိုစ့်လေးကို ဖတ်လိုက်ရတော့ အော်... ဘာလိုလိုနဲ့ ရီနိုမာန်ဆိုတဲ့ ဘလောဂ့်လေးလဲ သုံးနှစ်ပြည့်သွားခဲ့ပါပေါ့လား။

သုံးနှစ်ဆိုတဲ့ အချိန်သာကုန်သွားခဲ့တယ်။ ရီနိုမာန်ဘလောဂ့်မှာ စာကောင်းကောင်း ပေကောင်းကောင်း တစ်ပုဒ် တစ်ကြောင်းမှ ထွက်မလာခဲ့ဘူး။ ထွက်လာအောင်လည်း ကြိုးစားဖို့ အားမထုတ်မိသေးပါဘူး။ အများကြီး ကြိုးစားရပါအုံးမယ် ဆိုတာလည်း ရီနိုမာန် တစ်ယောက်သိပြီးသားပါ။ သို့သော် လူတိုင်းလူတိုင်းမှာ အမှတ်တရလေးတွေ ကိုယ်စီရှိကြပါတယ်။ ရီနိုမာန် ဆိုတဲ့ နာမည်ဟာလည်း သုံးနှစ်သား အရွယ်ကိုရောက်ချင်းမလှ ရောက်နေခဲ့ပါပြီ။ 

ဆရာမတစ်ယောက် ပြောပြဖူးတယ်။ မိခင်တစ်ယောက်က သူ့သားသမီးကို အဆင့်သုံးဆင့်နှင့်အတူ ညီမျှတဲ့ အုပ်ချုပ်မှုတွေနဲ့ ထိန်းသိမ်းရမယ်တဲ့။ မွေးကင်းစကစပြီး ငါးနှစ်သားအရွယ်ထိ ပိုးမွေးသလိုမွေးရမယ်။ ငါးနှစ်နဲ့ ၁၀နှစ်ကြားမှာတော့ ကိုယ်လိုချင်တဲ့ ပုံစံကိုရအောင် ချော့တန်ချော့၊ ခြောက်တန်ခြောက်၊ ရိုက်သင့်တဲ့ အချိန် ရိုက်ပြီး ပုံစံသွင်းရမယ်။ ၁၀နှစ်ကျော်လာပြီး ဆိုရင်တော့ သူငယ်ချင်းပေါင်း ပေါင်းပြီး လိုသလိုဆုံးမရမယ်တဲ့။ ကျနော်ကိုယ်တိုင်လည်း စဉ်းစားကြည့်မိပါတယ်။ ဒါဟာ ဖြစ်နိုင်တဲ့ အခြေအနေပါ။ ဒါကြောင့် ကျနော်ကလည်း ဆရာမပြောပြခဲ့တဲ့ ဒီစကားလေးအတိုင်း သုံးနှစ်သားအရွယ်သာ ရှိသေးတဲ့ ရီနိုမာန်ကို ပိုးမွေးသလိုမွေးနေခဲ့ပါတယ်။ အချိန်မရွေး သေးဆုံးသွားနိုင်တဲ့ အခြေအနေတစ်ခုလည်း ဖြစ်လို့နေပြန်ပါတယ်။ 

သုံးနှစ်ဆိုတဲ့ အတိုင်းအတာတစ်ခုမှာ သိကျွမ်း၊ခင်မင်ခဲ့ရတဲ့ မိတ်ဆွေအမျိုးမျိုးနှင့် လူတွေရဲ့အကြောင်းကို ပိုမိုသိခွင့် လေ့လာခွင့်ပေးခဲ့တဲ့ မိတ်ဆွေအမျိုးမျိုးတို့ဟာ ရီနိုမာန်ရဲ့ အဖိုးမဖြတ်နိုင်တဲ့ အရာတွေထဲက တစ်ခုပါ။ သူတို့တွေကြောင့်ပဲ ရီနိုမာန် ရှင်သန်ခွင့်ရခဲ့သလိုပဲ ခံစားရပါတယ်။ ဒါအတွက်ကြောင့်လည်း အမျိုးမျိုးသော မိတ်ဆွေများကို ကျေးဇူးတင်ရင်း...သုံးနှစ်မြောက်မွေးနေ့လေးမှ လေးနှစ်မြှောက် ငါးနှစ်မြှောက်သို့ ဆက်လက်ချီတက်နိုင်ဖို့ ကြိုးစားရင်းးးးးးး မင်္ဂလာ မြန်မာနှစ်သစ်မှာ ပျော်ရွှင်မှု အပေါင်းနှင့် ပြည့်စုံကြပါစေလို့ ဆုတောင်းပေးလိုက်ရပါတယ်။


လေးစားစွာဖြင့်
ရီနိုမာန် 

3 comments:

ဆောင်းနှင်းရွက် said...

ခေါင်းစဉ်တွေ့တော့
ကိုရီနို့ မွေးနေ့လားလို့ ..

၃ နှစ်မှသည် နှစ်ပေါင်း များစွာတိုင်
စာတွေ ဆက်လက်ရေးသားနိုင်ပါစေ ..း))

ညိမ်းနိုင် said...

၃နှစ်မှသည် နှစ်၁၀၀တိုင်ပါစေဗျိုးးးးးးးးးးးးးးးး

မယ်ကိုး said...

Happy happy birthday, little blog :)